Türkmenistanyň Bazar Amanow adyndaky döwlet çagalar kitaphanasynyň agzybir zenanlary ýany-ýakynda «Hüwdüler-eneleriň aýdymy» atly söhbetdeşlik geçirdiler. Söhbetdeşligiň dowamynda dana halkymyzyň «Çaga eziz–edebi ondanam eziz» diýen ýörelgelere eýerip, hemişe nesillerde ýokary ahlak sypatlaryny, zähmetsöýerligi. watansöýüjiligi, pespälligi, il-ýurda wepalylygy, ähli ynsanlara mähirli gatnaşygy kemala getirmegi mukaddes borç hasaplandygy, sol mukaddeslikleriň ählisiniň hem ajaýyp hüwdüleriň üsti bilen çagalaryň kalbyna guýulýandygy barada gyzykly gürrüňler edildi. Durky mähir-muhabbete eýlenen owadan keşp-kamatly enäni, jägildisi owaz bolup äleme dolýan ak gundagly akja bäbegi mukaddeslige deňän halkymyz üçin söz-kelamy ajaýyp heň-owaza ýugrulan hüwdüler hakynda gürrüň etmegiň hem mukaddeslikdigi barada aýratyn nygtadylar.
Söhbetdeşligiň ahyrynda bagtly çagalygyň ýurduna öwrülen Watanymyzda her bir maşgalany eşretli döwranda ýaşadýan, rysgal-döwletli ak öýleriň töründe ala bagly sallançaklaryň üwrelip, eneleriň çagalarynyň bagtly gelejegi hakyndaky ajaýyp hüwdülerinde beýan edýän isleg-umytlaryny wysal edýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri beýan edildi.
