Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasynyň guramagynda 142-nji çagalar bagynda « Kitap biziň dostumyz» ady bilen gürrüňdeşlik geçirildi.
Gürrüňdeşlikde ýurdumyzda ösüp gelýän ýaş nesilleriň kitap okamagy, bilimler dünýäsine aralaşmagy, giň dünýä garaýyşly bolmaklary üçin ähli şertleriň döredilýändigi barada gürrüň berdiler. Şeýle-de kitap okamak bilen, çagalar onda gürrüň edilýän wakalaryň suratlary bilen gyzyklanyp, jadyly dünýä syýahat edýändikleri barada beýan etdiler we “Ýartygulak” atly türkmen halk ertekisinden çeper okap berdiler.
Gürrüňdeşligiň ahyrynda ýaş nesilleriň bagtly geljegi barada alada edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
