Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi, Medeni köpçülik işleri bölümi we «Miras» teleýaýlymy bilen bilelikde «Kitap dünýäniň açary» ady bilen tegelek stolyň başynda ýazgy edildi.
Çykyş edenler: hormatly Prezidentimiz Arkadagly Gahryman Serdarymyzyň jöwher pähminden dörän «Magtymguly-dünýäniň akyldary» atly täze kitaby halkymyza gowuşdy. Bu gymmatly kitabyň adyndan belli boluşy ýaly, Gündogaryň beýik danasy akyldar şahyrymyz Magtymguly Pyragynyň 300 ýyllygy halkara derejesinde giňden bellenip geçildi. Geçen 2024-nji «Pähim-paýhas ummany Magtymguly Pyragy» ýylymyzyň tutuş dowamynda söz ussadynyň hormatyna birnäçe jemgyýetçilik, syýasy çäreler geçirildi. Magtymguly Pyragynyň ajaýyp eserleri täzeden-täze çap edilip halkymyza ýetirildi şeýle hem Ol barada Magtymgulyşynaslaryň, alymlaryň,ýazyjy-şahyrlaryň birnäçe ylmy işleri, monografiýalary, çeper eserleri çap edildi. Akyldar şahyrymyzyň ajaýyp eserleri dürli dillerde terjime edilip dürli halklaryň okyjylaryna ýetirildi diýip, uly buýsanç bilen çykyş etdiler.
Çykyş edenler söhbetleriniň ahyrynda Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan beýik işlerinde üstünliklere beslenmegini arzuw etdiler.
