Aşgabat şäher medeniýet müdirliginiň Merkezleşdirilen kitaphanalar ulgamynyň kitaphanaçylarynyň gatnaşmagynda “Aşgabat” teleýaýlymynyň “Älem syry kitap bilen açylýar” gepleşiginde kitabyň ähmiýeti, peýdasy, çagalykdan aňymyza siňen ertekidir rowaýatlarda, nakyllardyr matallarda kitabyň mukaddesligi öňe sürülýändigi barada çykyş etdiler. Kitap ýazmaklygyň möhüm bolşy ýaly, kitaby halk köpçüligine ýetirmek hem möhüm bolup durýandygy, häzirki wagtda kitaphanalaryň, kitaplaryň satylýan ýörite kitap dükanlarynyň halkymyza giňden hyzmat edýändigi barada kitaphanaçylar bilen ýazgy edildi.
Kitaphana hünärmenleri “Aşgabat” teleýaýlymynyň “Älem syry kitap bilen açylýar” gepleşiginde kitaphana ulgamyny ösdürmekde uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
