Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasynyň guramagynda “Ylham” seýilgähinde “Magtymguly Pyragynyň döredijiligi – ruhy dünýämiziň hazynasy” ady bilen göçme kitap sergisi gurnaldy we döredijilik duşuşygy geçirildi.
Çärede çykyş edenler häzirki döwürde dünýäniň akyldary Magtymguly Pyragynyň eserleri halklaryň dostluk köprüsine öwrülip, onuň ynsanperwer wesýetleri, berkarar türkmen döwleti baradaky arzuwlary siňen ajaýyp şygyrlary halkara derejesinde ynsanperwerligiň, watançylygyň, agzybirligiň, jebisligiň, senasy höküminde ýaňlanýandygy barada gürrüň berdiler. Şeýle-de Magtymguly Pyragy hemmeleriň ruhy dünýäsiniň baý hem owadan bolmagyny arzuw eden şahyrdygy barada belläp geçdiler.
Çäräniň dowamynda gurnalan göçme kitap sergisinde Gahryman Arkadagymyzyň, Arkadagly Gahryman Serdarymyzyň ajaýyp eserleri we nusgawy ýazyjy şahyrlarymyzyň eserleri ýerleşdirildi. Bu bolsa çärä gatnaşýanlarda uly täsir galdyrdy. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.
