Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümi «Milli bahar baýramy-baharyň we tebigatyň baýramy» atly söhbetdeşlik geçirildi.
Söhbetdeşlikde çykyş edenler ilki bilen ähli türkmen halkyny, okyjylary, kitaphanaçy kärdeşlerini Milli bahar baýramy bilen gutladylar. Soňra Milli bahar baýramynyň taryhy hakda şeýle-de onuň gelip çykyşy, baýramda bişirilýän tagamlar hakynda gürrüň etdiler. Türkmeniň atalar sözlerinde, nakyllarda, yrymlarda hem öz beýanynyň tapandygyny belläp geçdiler. Milli bahar baýramy adamzadyň taryhynda dörän ilkinji hem gadymy baýramlaryň biridir. Bahar paslynyň gelmegini mydama-da ýaşaýşyň täzeden başlanýan başlangyjy bilen baglanyşdyrypdyrlar, ol täzeden döreýşiň alamaty hökmünde özi bilen diriligi we şatlygy getirýär. Şonuň üçin bahar baýramy diňe türkmenleriň ata-babalarynda däl, eýsem beýleki Gündogar halklarynda hem esasy we söýgili baýramlaryň biri bolupdyr diýip,belläp geçdiler.
Söhbetdeşligiň ahyrynda çykyş edenler milli mirasymyza, ruhy baýlygymyza aýratyn sarpa goýýan Gahryman Arkadagymyzyň, Arkadagly Gahryman Serdarmyzyň janlarynyň sag, ömürleriniň uzak bolmagyny arzuw etdiler.
