Ata-babalarymyz tarapyndan sünnälenip ýerine ýetirilen taryhy we medeni gymmatlyklarymyz ylmy taýdan öwrenilýär. Türkmen halky asyrlar boýy öz gadymy taryhyny, medeni we milli gymmatlyklaryny, urp-adatlaryny aýap saklap, olaryň durmuşdaky tutýan ornuny, ähmiýetini kesgitläp gelipdirler. Ýurdumyzyň dünýä derejesinde gurlan ajaýyp muzeýlerinde jemlenip ýygnalan, aýawly saklanýan, ylmy taýdan öwrenilýän hem-de halka ýetirilýän muzeý gymmatlyklary munuň janly şaýadydyr.
Türkmenistanyň Şekillendiriş sungaty muzeýinde «Halkara parahatçylyk we ynanyşmak» ýylynda «Milli gymmatlyklarymyz–halkyň buýsanjy» atly tegelek stol söhbetdeşligi geçirildi. Söhbetdeşlik «Miras» teleýaýlymy tarapyndan ýazgy edilip, muzeýiň hünärmenleri Güljeren Guljaýewa, Aýjemal Gatyýewa dagylar gatnaşdylar. Ýazgyda muzeý gymmatlyklary dogrusynda söhbetdeşlik geçirildi.
