Türkmenistanyň B.Amanow adyndaky Döwlet çagalar kitaphanasy ýakynda Türkmen döwlet bedenterbiýe we sport institutynda “Garaşsyz, baky Bitarap Türkmenistan bedew batly at-myradyň mekany” ýyly mynasybetli kitaphanalaryň ýurdumyzyň ýokary okuw mekdeplerinde bir hepdelik kitap sergisini geçirmekligiň tassyklanylan meýilnamasy esasynda göçme kitap sergisini geçirdi.
Kitaphana hünärmeni serginiň ilkinji gününde talyp ýaşlara bir hepde dowam etjek göçme kitap sergisiniň many-mazmuny we onuň ähmiýeti dogrusynda giňişleýin gürrüň berdi. Milli gymmatlyklarymyzy özünde jemleýän çeper eserler hem-de ajaýyp döwrümizde kitap we kitaphanalardan peýdalanmaklygyň düzgünleri dogrusynda täsirli söhbetler edildi. Kitaphanamyzyň baý kitap gaznasyndan guralan kitap sergimiziň üsti bilen ýaş nesiller ýurdymyzda çap bolup çykýan çeper eserler barada tanyş bolmaklyga mümkinçilik aldylar.
Çäräniň ahyrynda oňa gatnaşanlar milli edebiýatymyzy, mirasymyzy ösüşleriň täze belentliklerine çykarýan Gahryman Arkadagymyza hem-de Arkadagly Gahryman Serdarymyza alkyşlary beýan etdiler.
