Berkarar döwletimiziň Täze eýýamynyň Galkynyşy döwründe Gahryman Arkadagymyzyň Arkadagly Gahryman Serdarymyzyň başda durmagynda ylmy-tehniki ösüşiň täze gazananlary, dünýäniň ýokary derejeli tehnologiýalary bu günki gün ähli pudaklara işjeň ornaşdyrylan. Şu günki muzeýler bagtyýar döwrümiziň medeni-ylmy ojaklarydyr. Halkymyzyň müňýyllyklaryň dowamynda döreden milli gymmatlyklaryny has çuňňur öwrenip, olary halkara ylmy jemgyýetçiliginiň ünsüni çekmekde, geljekki nesillerimize ýetirmek milli mirasymyza içgin aralaşýan muzeý işgärleri tarapyndan netijeli işler alnyp barylýar.
Gahryman Arkadagymyzyň parasatly öňdengörüjilikli syýasaty esasynda gurlup ulanylmaga berilýän her bir bina döwrebap tehnologiýalar bilen enjamlaşdyrylýar. Ýurdumyzyň muzeýlerinde hem şeýle işleriň alnyp barylýandygyny görmek bolýar. Bu bolsa muzeýe gelýän raýatlarymyzda hem-de ýurdumyzyň myhmanlarynda uly täsir galdyrýar. Häzirki zaman döwrebap enjamlar arkaly işleri ýola goýmak bolsa muzeý işleriniň ilerlemegine oňyn täsirini ýetirýär.
«Türkmenistanyň Prezidentiniň ýurdumyzy 2019-2025-nji ýyllarda durmuş-ykdysady taýdan ösdürmegiň Maksatnamasynda» sanly ulgamy ornaşdyrmak işleri üstünlikli alnyp barylýar. Türkmenistanyň Medeniýet ministrliginiň «Watan mukaddesligi» muzeýinde hem iş usullaryny Sanly ulgama geçirmek babatda alnyp barylýan işleriň çäklerinde bu öňde goýlan talaplary berjaý etmek maksady bilen birnäçe dillerde muzeýiň ekskursiýasyny beýan edýän «Audiogid» hyzmaty ornaşdyryldy. Muzeýde ornaşdyrylan ýörite ekskursiýa üçin «Audiogid» enjamy birnäçe dillerde raýatlarymyza we daşary ýurtly myhmanlara elektron ekskursiýa bermek mümkinçiligi ýola goýuldy.
Bu günki gün hem muzeýde Türkmen döwlet Medeniýet institutynyň talyp ýaşlary önümçilik tejribeligini geçýän döwründe muzeýiň sanly ulagamy barada şeýle-de wirtual muzeýe syýahat etmek, barada tejribeliklerini artdyrmak maksady bilen «Muzeý işinde sanly ulgamy kämilleşdirmek» atly önümçilik okuw sapagy geçirildi. Talyp ýaşlar «Audio gid» kömegi bilen muzeýe aýlanyp özlerinde galan täsirler hem-de täze usullary ornaşdyrmak baradaky garaýyşlaryny beýan etdiler.
Döwrebap muzeýlerde işlemäge, döretmäge giň mümkinçilikler döredip berýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag bolsun ömürleri uzak bolsun, döwlet ähmiýetli işleri rowaçlyklara beslensin.
