Golaýda Lebap welaýatynyň Çärjew etrabyndaky 26-njy orta mekdebiniň okuwçylary we mugallymlary Lebap welaýat taryhy we ülkäni öwreniş muzeýine gezelenje geldiler. Lebap welaýat taryhy we ülkäni öwreniş muzeýiniň ekskursawody ýurdumyzyň ösüşleri, oba-şäherlerimiziň görküne görk goşýan täze binalarymyz, asyrlardan gözbaş alyp gaýdýan milli mirasymyz, ýurdumyzyň gözel tebigaty, reňkler äleminde wasp edilen sungat eserleri barada gyzykly gürrüňleri berdi. Muzeýe gurnalan gezelenjiň mekdep okuwçylarynyň durmuşynda ýatdan çykmajak ajaýyp waka bolandygyny, olaryň ýürek buýsançlaryndan duýmak bolýar. Bu çärä gatnaşyjylar ýurdumyzy gülledip ösdürýän Gahryman Arkadagymyza, Arkadagly Gahryman Serdarymyza egsilmez alkyşlaryny aýtdylar.
Gülsere Nurmyradowa,
Lebap welaýat taryhy we ülkäni öwreniş muzeýiniň usulçysy.
