Türkmenistanyň Döwlet medeniýet merkeziniň Döwlet kitaphanasynda Aşgabat teleýaýlymy bilen bilelikde “Ösüşlere beslenen ak şäherimiz Aşgabat” barada ýazgy edildi.
Türkmenistanyň Döwlet medeniýet merkeziniň Döwlet kitaphanasynda “Aşgabat” teleýaýlymynyň ýazgy etmeginde kitaphana işgärleri ýurdumyzyň arzuwlaryň hasyl bolýan mekanyna öwrülendigini, aýratyn binagärlik gurluşy bilen tapawutlanýan paýtagtymyzy dünýäniň ösen döwletleriniň hataryna çykarmak üçin Gahryman Arkadagymyzyň beýik işlerini mynasyp dowam etdirýän hormatly Prezidentimiz uly işleri amala aşyrýandygyny buýsanç bilen belläp geçdiler. Şeýle-de ak mermerli binalaryň has köp jemlenen şäheri hökmünde paýtagtymyzyň Ginnesiň rekordlar kitabyna girizilendigi dogrusynda giňişleýin söhbet etdiler. Çykyş edenler ýurdumyzyň gülläp ösmegi ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
