Türkmenistanyň Zenanlar birleşiginiň guramagynda “Ösüşleriň belentliklerine beslenen täze döwrüň buýsançly zenanlary” atly okuw-maslahat geçirildi. Oňa dürli kärde we hünärde zähmet çekýän öňdebaryjy zenanlar, mährem eneler gatnaşdy. Okuw maslahatynda Berkarar döwletiň täze eýýamynyň Galkynyşy döwründe ýurdumyzda zenanlar hakda edilýän aladalar, zenanlaryň jemgyýetimizdäki orny, olara işlemäge, eşretli durmuşda ýaşamaga, döretmäge, bilim almaga, hünär öwrenmäge döredilýän giň mümkünçilikler dogrysynda durulyp geçildi. Çykyşlarda Türkmenistanyň Zenanlar birleşiginiň alyp barýan işleriniň esasy maksady we ugurlary, ilkinji guramalaryň işini döwrüň talaplaryna laýyklykda kämilleşdirmegiň ýollary hakda durulyp geçildi. Türkmenistanyň Zenanlar birleşiginiň alyp barýan işleriniň uly orny bardyr. Türkmenistanyň Zenanlar birleşigi zenanlaryň hukuklary we kanuny bähbitleri, şol sanda zähmete we dynç almaga bolan hukuklary babatda ýurdumyz tarapyndan ykrar edilen halkara namalary durmuşa geçirmekde, maşgalada we jemgyýetde öz mynasyp orunlaryny eýelemeklerinde zenanlara goldaw-kömek bermekde, agzalarynyň hünärmenlik, ylmy we döredijilik mümkünçilikleriniň ösüşine ýardam bermekde hem netijeli işleri alyp barýar.
Söhbetdeşligiň ahyrynda ýurdumyzda zenanlar hakda edilýän aladalar, zenanlaryň jemgyýetimizdäki orny, olara işlemäge, eşretli durmuşda ýaşamaga, döretmäge, bilim almaga, hünär öwrenmäge döredilýän giň mümkünçilikleri üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza hoşallyk sözleri aýdyldy.
