Watanymyzyň halkymyzyň eşretli durmuşyny, üpjün etmek ugrunda döwletli işleri durmuşa geçirýän hormatly Prezidentimiziň parasatly baştutanlygynda ýurdumyz bedew bady bilen barha öňe barýar. Eziz diýarymyzyň ösüşlerini görmäne göz taryplamana şirin zyban gerek. Gazanylýan ajaýyp üstünlikler, ýetilýän belent sepgitler türkmen taryhynyň gatlaryna ebedi altyn harplar bilen ýazylýar.
Türkmenistanyň Şekillendiriş sungaty muzeýinde «Parahatçylyk-adamzat kalbynyň owazy» atly sergi guraldy. Reňkleriň sazlaşygyndan döredilen ajaýyp nakgaş eserlerinden düzülen sergide Çary Öwäýewiň «Eziz ülkäm Mary», Mekan Amanowyň «Ahalteke gözelligi», Merdan Kakabaýewiň «Türkmen gyjaklary», Alekseý Şetininiň «Mollanepes» atly eserleri sergini synlan her bir adamda ýakymly duýgulary döretdiler.
Ussat muzeý hünärmenleri milli medeniýetimizi we sungatymyzy gülledip ösdürmekde ony dünýä ýaýmakda beýik işleri durmuşa geçirýän türkmen halkynyň Milli Lideri Gahryman Arkadagymyza, peder ýoluny parasatly dowam edýän hormatly Prezidentimiz Arkadagly Gahryman Serdarymyza ýürekden çykýan alkyşlaryny beýan edýärler.
