Türkmenistanyň Bazar Amanow adyndaky Döwlet çagalar kitaphanasy ýakynda Döwletmämmet Azady adyndaky Arkadag şäher kitaphanasynda “Arkadag” teleýaýlymynyň ýazgy etmeginde “Parahatlyk hemra her bir ynsana, ynam bilen geljegimiz nurana” atly söhbetdeşligi ýazgy etdi.
Türkmen halkynyň ata-babalarymyzdan gaýdýan döwletlilik ýörelgesi bar. Ol ýörelge parahatlykdan, ynsanperwerlikden, dost-doganlykdan, ygrarlylykdan gözbaş alýar. Dünýäde üç gezek hemişelik Bitaraplyk derejesine eýe bolan Türkmenistan Watanymyz döwletlilik ýörelgesine wepaly bolmak bilen, ýurdumyzyň at-abraýyny Arşa göterdi. Eziz diýarymyz dünýäniň ähli ýurtlaryna, şol sanda goňşy döwletlere doganlyk goluny uzatmakda, dostluk we hoşniýetli goňşuçylyk gatnaşyklaryny ösdürmekde möhüm işleri alyp barýar. Ine şular dogrusynda söhbetdeşligiň dowamynda täsirli gürrüňler edildi.
Söhbetdeşligiň ahyrynda oňa gatnaşanlar parahatçylyk ýoluny saýlap, ynamyň we döredijiligiň esasynda döwletimiziň beýik geljegini gurýan Gahryman Arkadagymyza we Arkadagly Gahryman Serdarymyza alkyşlary beýan etdiler.
