Türkmenistanyň Bazar Amanow adyndaky Döwlet çagalar kitaphanasy ýakynda Aşgabat şäheriniň gününe bagyşlap gözel paýtagtymyzda ýerleşýän «Aşgabat» seýilgähinde «Aşgabat» teleýaýlymy bilen bilelikde «Ak şäherim Aşgabat» atly söhbetdeşligini geçirdi. Duşuşygyň dowamynda dünýäde sebitde ylalaşdyryjy merkez hökmünde giňden ykrar edilen Aşgabat şäherimiziň ak mermerli binalaryň iň köp jemlenen şäheri hökmünde Ginnesiň rekordlar kitabynda mynasyp orun alandygy barada hem-de Aşgabat şäherimiziň söýgüniň we umytlaryň şäheri hökmünde raýatlarymyza bagt paýlaýan binalaryň milli bezeg aýratynlyklary barada täsirli gürrüňler edildi.
Söhbetdeşligiň ahyrynda oňa gatnaşanlar ata Watanymyzy dünýäniň ösen döwletleriniň hataryna goşmakda ägirt uly şert-mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyşlary beýan etdiler
