Hormatly Prezidentimiziň alyp barýan parahatçylyk söýüji daşary syýasatynyň netijesinde, Hytaý Halk Respublikasy bilen özara bähbitli hyzmatdaşlyk gatnaşyklarymyz yzygiderli ösdürilýär. Bu babatda hyzmatdaşlyk boýunça türkmen-hytaý hökümetara komitetine we onuň kiçi komitetlerine möhüm orun degişli bolup durýar.
2026-njy ýylyň 9-njy martynda Hytaý Halk Respublikasynyň Pekin şäherinde Hyzmatdaşlyk boýunça türkmen-hytaý hökümetara komitetiniň Ynsanperwer hyzmatdaşlyk boýunça kiçi komitetiniň dokuzynjy mejlisi geçirildi. Bu mejlise ýurdumyzyň wekiliýeti gatnaşdy. Mejlisde Türkmenistanyň Medeniýet ministriniň orunbasary G.Myradalyýew çykyş etdi.
