Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasy bilen Aşgabat şäheriniň 84-nji orta mekdebiniň bilelikde guramagynda «Ruhy baýlygyň gymmatly hazynalary» ady bilen wagyz-nesihat çäresi geçirildi.
Çärede çykyş edenler Gahryman Arkadagymyzyň «Hakyda göwheri» atly kitaby halkymyzyň taryhy maglumatlara daýanýan ruhy-medeni hazynasynyň dür-merjenidigi, nesilleriň ylham çeşmesi bolup durýandygy barada gürrüň berdiler. Şeýle hem hormatly Prezidentimiziň «Magtymguly–dünýäniň akyldary» atly täze kitaby halkyň söýgüsini gazanyp, halkymyzyň milli, edebi mirasyna bolan buýsanjyny has-da artdyrýandygyny nygtadylar, bu bolsa hormatly Prezidentimiziň kitabynda akyldar şahyr türkmen milletiniň hem-de döwletiniň kemala gelmegine uly goşant goşandygy, Magtymguly Pyragynyň baky şöhrata beslenen ady diňe bir türkmen edebiýatynyň däl-de, eýsem, dünýä edebiýatynyň taryhyna-da müdimilik ýazylandygy barada belläp geçdiler.
Çäräniň ahyrynda türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.
