Aşgabat şäher medeniýet müdirliginiň Merkezleşdirilen kitaphanalar ulgamy, Aşgabat şäher häkimliginiň «Bagt köşgi» toý-dabaralary merkezinde «Şanly ýylyň şanyna» ady bilen söhbetdeşlik geçirildi.
Söhbetdeşlikde parahatçylyk söýüjilik, hoşniýetli goňşuçylyk hem-de oňyn bitaraplyk ýörelgeleri ýurdumyzda Gahryman Arkadagymyz tarapyndan başy başlanyp, Arkadagly Gahryman Serdarymyzyň parasatly baştutanlygynda üstünlikli durmuşa geçirilýän daşary syýasatyň esasyny düzýändigi barada gürrüň berdiler. Şeýle-de ynanyşmak, ylalaşyklylyk, hoşniýetlilik, dost-doganlyk, ynsanperwerlik ýörelgelerine möhüm ähmiýet berilýändigi barada söhbet etdiler.
Söhbetdeşligiň ahyrynda halkara giňişliginde hoşniýetli gatnaşyklary, parahatçylyk söýüjilikli syýasaty dabaralandyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
