«Halkara parahatçylyk we ynanyşmak» ýylynda Türkmenistanyň Çeperçilik sergiler müdirligi we şekillendiriş sungatynyň sergi merkeziniň Sergi jaýynda Suratkeş Orazgylyç Öwezowyň 65 ýaşynyň dolmagy mynasybetli şahsy döredijilik sergisi geçirildi.
Sergide, suratkeş Orazgylyç Öwezowyň «Peýzaž» 2023ý., «Çaý toplumy» 2020 ý., «Güller we ir-iýmişler» 2022ý., «Natrýumort» 2020ý., «Peýzaž. Dagdaky öý» 1982ý., «Aý daglar» 2018ý., «Almaly küýze» 2019 ý., «Agşam düşýär» 1983 ý., «Ir-iýmişler» 2024ý., «Ýagyşly gün» 1986ý., «Baýyryň üstündäki jaý» 1985ý., «Garrygala tarap ýol» 1983ý., «Almalar» 2021 ý., «Irden» 2018ý., «Oba» 1984ý., «Baýyrdaky jaý» 1985ý., «Gawun» 2019ý., «Garpyz» 2020ý., «A.Almammedowyň portreti» 1983ý., «Maksadyň portreti» 1983ý., «Ýaşulynyň portreti» 1983ý., «Amanyň portreti» 2023ý., «Gurdowanyň portreti» 1982 ý., «Bederkent galasy» 1982ý. ýaly eserleri bellenmäge mynasypdyr.
Suratkeşiň döreden sungat eserleriniň ählisinde türkmeniň mukaddes duýgusy bolan watandarlyk duýgusy, milli peýzažlar, buýsançly taryhymyz, ruhy sütünlerimiz çeper beýan edilýär. Nakgaşçylyk taslamalarynyň aglabasynda goýy reňkleriň kömegi bilen durmuşyň ajaýyp wakalarynyň we pursatlarynyň beýan edilmegi sergä aýratyn öwüşgün çaýdy.
Suratkeş öz eserlerinde watanymyzyň sada hem gözel tebigatyny çeper beýan edip, ony sungat muşdagyna ýetirýär. Ussat suratkeşiň portret eserleri ynsanyň ruhy ýagdaýyny açyp görkezmekde ussatlarça ýerine ýetirlipdir. Ussat suratkeşiň eserlerini synlamak çeperçilik taýdan bilim alýan ýaşlar üçin örän ahmiýetli bolar. Sungat eserleriniň ählisinde çeperçilik akymlarynyň sazlaşykly ulanylmagy suratkeşiň ussatlygyny açyp görkezýär. Sergide ussat suratkeşiň 147-den gowrak nakgaş, grafika eserleri gökezilýär.
