«Halkara Parahatçylyk we ynanyşmak» ýylynda Türkmen bedewiniň milli baýramy mynasybetli Türkmenistanyň Şekillendiriş sungaty muzeýinde Aşgabat şäheriniň Berkararlyk etrap häkimligi, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi, Aşgabat teleýaýlymy bilelikde guramagynda «Türkmen bedewlerimiz gözelligiň hem-de wepalylygyň nyşany» atly tegelek stoluň başyndaky söhbetdeşlik geçirildi. Söhbetdeşligi Aşgabat teleýaýlymynyň gepleşikleri gurnaýjysy we taýýarlaýjysy Jumenowa Gülälek alyp bardy. Aşgabat Gurluşyk orta hünär okuw mekdebiniň mugallymy Resulberdi Nurberdiýew, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň başlygy Ismail Ýakubow, Aşgabat şäheriniň daşary ýurt dillerine ýöriteleşdirilen 80-nji orta mekdebiniň türkmen dili edebiýat mugallymy Güljahan Kulyýewa dagylar çykyş etdiler.
