Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasynyň gurnamagynda Gökderedäki “Altyn sümmül” çagalar sagaldyş we dynç alyş merkezinde «Türkmen halk ertekileri» ady bilen göçme kitap sergisi gurnaldy we çeper okaýyş geçirildi.
Geçirilen çeper okaýyşda ata Watanymyzyň ýaş nesilleriniň bagtyýar durmuşda ýaşamaklary, döwrebap bilim-terbiýe almaklary, Watansöýüji, zähmetsöýer bolup ýetişmekleri üçin ähli şertleriň döredilendigi barada buýsançly gürrüň berdiler. Şeýle-de çagalar üçin niýetlenip çap edilen kitaplar esasynda göçme kitap sergisi guralyp bu sergide Gahryman Arkadagymyzyň, Arkadagly Gahryman Serdarymyzyň jöwher paýhasyndan dörän ajaýyp eserleri we Türkmen halk ertekileri ýerleşdirildi hem-de çagalar bilen sowal-jogap alyşdylar.
Çäräniň ahyrynda ýurdumyzda bagtyýar nesilleriň şadyýan gülki sesleriniň hemişe ýaňlanyp durmagy ugrunda bimöçber aladalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
