Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň gurnamagynda Gökderedäki “Beýik Serdar nesilleri” çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň arasynda Türkmen halk ertekileri kitabyndan sesli okaýyş geçirildi.
Geçirilen sesli okaýyşda ýaş nesillere Türkmen halk ertekileri kitabyndan dostluk-doganlyk, haýyr-sahawat, ynsanperwerlik bilen baglanşykly ertekileri sesli okap berdiler we many-mazmuny hakynda giňişleýin düşündirdiler. Şeýle-de kitapda beýan edilen rowaýatlar çagalarda we ýetginjeklerde ynsanperwer duýgularyny we düşünjelerini artdyrmakda uly ähmiýetiniň bardygy hakynda bellediler.
Çäräniň ahyrynda bagtyýar nesillerimiz barada uly aladalar edýän Gahryman Arkadagymyza, Arkadagly Gahryman Serdarymyza çäksiz alkyş sözlerini aýtdylar.
