Türkmenistanyň Bazar Amanow adyndaky Döwlet çagalar kitaphanasy ýaňy ýakynda Aşgabat şäherinde ýerleşýän 75-nji çagalar bagynda “Türkmen halk ertekilerine syýahat” atly sesli okaýyş geçirdi. Kitaphananyň hünärmeni ertekiler barada çagalara gyzykly gürrüňleri berdi. Söhbetdeşligiň dowamynda körpelere erteki gahrymanlary, olary tanamak boýunça gürrüň berdiler. Şeýle-hem söhbetdeşlikde ertekilerdäki ýagşy we erbet gylyk häsiýetli gahrymanlaryň başdan geçirýän wakalary esasynda çagalara, durmuşda dostluk-doganlyk gatnaşykly bolmagy, çagalar bagynda we ähli ýerlerde birek–birege kömek etmelidigini düşündirdiler.
