Şu gün biziň ekskursiýamyz Türkmenistanyň Bazar Amanow adyndaky Döwlet çagalar kitaphanasyna Türkmenistanyň Bazar Amanow adyndaky Döwlet çagalar kitaphanasyna ýakynda A.S.Puşkin adyndaky bilelikdäki türkmen-rus orta umumy bilim berýän mekdebiniň körpeje okuwçylary ekskursiýa geldiler. Kitaphanamyz çagalar edebiýatynyň milli gaznasy bolmak bilen bir hatarda görnüşi we maksatlaýyn işi boýunça çagalaryň hem-de ýetginjekleriň kitaba bolan isleglerini kanagatlandyrmak, neşir önümleriniň dürli görnüşlerine, şol sanda çagalar üçin niýetlenilen çeper edebiýatlara söýgi döretmek işini amala aşyrýar. Kitaphana hünärmenleri ýaş okyjylarda kitaba we bilime bolan söýgüni döretmeklikde alyp barýan işleri barada täsirli gürrüňleri berdiler. Kitaphanamyza ýazylmak bilen körpeje okyjylarymyz özleriniň göwün söýen kitaplaryny erkin gaznadan seçip almak mümkinçiliginden hem peýdalandylar.
Ekskursiýa gelen körpeje kitapsöýüjülerimiz kitap bilen dostlaşmaklykda dana parasatlary öňe sürýän Gahryman Arkadagymyza we Arkadagly Gahryman Serdarymyza alkyşlary beýan etdiler.
