Türkmenistanyň Döwlet medeniýet merkeziniň Döwlet kitaphanasynda «Türkmenistan–parahatçylygyň we ynanyşmagyň Watany!» atly dabaraly maslahat geçirildi.
Dabarada çykyş edenler: Hormatly Prezidentimiziň taýsyz tagallalary netijesinde, türkmen halkymyzyň ýene bir ajaýyp ýyla uly buýsanç bilen gadam basandyklaryny, bu ýylda hem türkmen halkymyzyň ýadyndan çykmajak şanly, taryhy wakalar köp boljakdygyny nygtadylar. Biz bu ýyl Beýik Ýeňşiň 80 ýyllyk toýuny, şeýle hem Halkara hemişelik Bitaraplygymyzyň 30 ýyllyk toýuny buýsanç bilen toýlajakdyklary barada söhbet etdiler.
Şeýle-de dabaraly maslahatynyň çäginde «Parahatlyk–baky bagtyň seresi!» ady bilen giňişleýin kitap sergisi hem gurnaldy.
Dabaraly maslahatyň ahyrynda çykyş edenler Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, umumadamzat bähbitli, döwlet ähmiýetli beýik işleriniň mundan beýläk hem rowaç bolmagyny arzuw etdiler.
