Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasy bilen “Türkmenhaly” döwlet birleşiginiň Türkmen halysynyň milli muzeýiniň bilelikde guramagynda hemişelik Bitaraplygymyzyň 30 ýyllygy mynasybetli «Türkmenistan–Parahatlyk mekany, Bitaraplyk–baky bagtyň mukamy» ady bilen göçme kitap sergi gurnaldy we döredijilik duşuşygy geçirildi.
Çärede çykyş edenler Halkara parahatçylyk we ynanyşmak ýylynda hemişelik Bitaraplygymyzyň Birleşen Milletler Guramasynyň Baş Assambleýasy tarapyndan ykrar edilmeginiň 30 ýyllygynyň giňden bellenilmegi bolsa, döwletimiziň parahatçylyk söýüjilikli syýasatyny dünýä ýaýmakda uly ähmiýete eýedigi barada giňişleýin gürrüň berdiler. Şeýle-de häzirki döwürde hemişelik Bitaraplygymyz ýurdumyzyň gülläp ösüşiniň berk binýadyna öwrülip halkymyzyň milli ýörelgeleri bilen sazlaşýan hemişelik Bitaraplygymyzyň esasynda umumadamzat bähbitli başlangyçlaryň öňe sürülýändigi bagtyýar ildeşlerimiziň kalbyny buýsanja besleýändigi barada belläp geçdiler.
Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýtdylar.
