Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
Garaşsyz Türkmenistanyň hemişelik Bitaraplygynyň şanly 30 ýyllyk baýramy giňden bellenilýän Halkara parahatçylyk we ynanyşmak ýylynda ýurdumyzda halkara derejede festiwallar, konsertler we beýleki medeni çäreler yzygiderli geçirilýär. Medeni diplomatiýamyzyň giň gerimini, köpugurlylygyny alamatlandyrýan bu tagallalar dünýäde ählumumy parahatçylygyň, agzybirligiň dabaralanmagyna, halklaryň arasynda özara ynanyşmak we dost-doganlyk ýörelgeleriniň rowaçlanmagyna hem uly goşant goşýar.

TÜRKMENISTANYŇ AÝDYM-SAZ TOPARY HALKARA FESTIWALDA BIRINJI ORNA MYNASYP BOLDY

TÜRKMENISTANYŇ AÝDYM-SAZ TOPARY HALKARA FESTIWALDA BIRINJI ORNA MYNASYP BOLDY

Türkmenistanyň aýdym-saz topary Özbegistanyň Samarkand şäherinde geçirilen «Şark taronalari» XIII halkara festiwalda 1-nji orna mynasyp bolup, ýörite diplom we 5 müň amerikan dollary pul baýragy bilen sylaglandylar. Bu aýdym-saz toparynyň düzüminde aýdymlary Türkmenistanyň halk artisti Suhanberdi Orazberdiýew ýerine ýetirdi. Oňa Türkmenistanyň halk artisti Hakberdi Allamyradow (dep), M.Kulyýewa adyndaky Türkmen milli konserwatoriýasynyň mugallymlary Sapamyrat Annamyradow (gyjak) we Döwlet Daňatarow (dutar), şeýle-de M.Kulyýewa adyndaky Türkmen milli konserwatoriýasynyň talyby Allamyrat Muhammetgulyýew dagy sazandalyk etdiler.