2-nji oktýabrda Awstraýa Respublikasynyň Wena şäheriniň merkezinde ýerleşýän «Grand Hotel Wien» myhmanhanasynda Türkmenistanyň Garaşsyzlygynyň 34 ýyllygyna we 2025-nji ýylyň «Halkara parahatçylyk we ynanyşmak ýyly» diýlip yglan edilmegine bagyşlanan dabaraly syýasy-medeni çäre geçirildi. Çäräni Türkmenistanyň Awstriýadaky ilçihanasy Awstriýa-Türkmen Jemgyýetiniň goldawy bilen gurady.
Bu medeni kabul ediş çäre Awstriýanyň Daşary işler ministrliginiň, Wena şäher häkimliginiň, Wenada akkreditlenen diplomatik korpusyň we halkara guramalarynyň wekilleri, Awstriýanyň ministrlikleriniň we pudak edaralarynyň, Awstriýanyň Ykdysadyýet palatasynyň ýolbaşçylary, kompaniýalaryň ýolbaşçylary, türkmen talyplary we köpçülikleýin habar beriş serişdeleriniň wekilleri gatnaşdylar.
Agşamyň aýdym-saz maksatnamasy türkmen sazandalarynyň we aýdymçylarynyň halk sungatynyň eserleri bilen çykyşlary boldy. Çäräniň çäklerinde Türkmenistanyň milli sungatynyň sergisi guraldy we milli tagamlar hödürlendi.
