Liwiýa döwletiniň Türkmenistandaky medeniýet günleriniň çäginde Türkmenistanyň şekillendiriş sungaty muzeýinde «Adamzadyň medeni ösüşini açyp görkezmekde we arap dilini hem-de yslam magaryfyny baýlaşdyrmakda türkmen alymlarynyň eýeleýän orny» atly ylmy maslahaty geçirildi. Maslahatda Türkmenistanyň Ylymlar akademiýasynyň Magtymguly adyndaky dil, edebiýat we milli golýazmalar institutynyň tekstologiýa we edebi miras bölüminiň uly ylmy işgäri Amandurdy Nuraýew, Liwiýa Döwletiniň Tripoli şäherindäki Arap we Yslamy öwreniş kollejiniň direktory Kamal Elharama, Türkmenistanyň Ylymlar akademiýasynyň Magtymguly adyndaky dil, edebiýat we milli golýazmalar institutynyň uly ylmy işgäri Toýly Muhyýew, Türkmenistanyň Ylymlar akademiýasynyň taryh we arheologiýa institutynyň esasy ylmy işgäri Kakajan Baýramow çykyş etdiler. Dostlukly ýurtlaryň arasyndaky gatnaşyklar ugurlaryň giň gerimi, şol sanda syýasy, ykdysady, medeni-ynsanperwer ulgamlar boýunça depginli ösdürilýändigi dogrusynda maslahatda giňişleýin çykyş etdiler.
Şeýle ajaýyp işleriň sakasynda duran türkmen halkynyň milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza dünýä döwletleri bilen medeni ynsanperwer ugurdaky medeniýet, syýahatçylyk hem-de sport ulgamlaryndaky netijeli hyzmatdaşlygy ösdürmekde il-ýurt bähbitli, bütinadamzat ähmiýetli işleri hemişe rowaçlyklara beslensin. Gahryman Arkadagymyzyň, Arkadagly Gahryman Serdarymyzyň janlary sag, belent başlary aman bolsun!
