Türkmenistanyň Bazar Amanow adyndaky Döwlet çagalar kitaphanasy ýakynda Türkmen Döwlet medeniýet we sungat mekdebinde «Aşgabat» teleýaýlymy bilen bilelikde «Ylym röwşen geljegimiziň binýady» atly duşuşyk geçirdi.
Türkmen halky ähli döwürde ylym-bilime aýratyn hormat goýup gelipdir. Nusaý, Dehistan, Şähryslam, Amul, Köneürgenç, Merw ýaly şäherlerde dünýä meşhur ylmy merkezleriňdir, kitaphanalaryň köp sanlysy bolupdyr. Bu medeni ojaklarda diňe bir türkmen alymlary däl, eýsem dünýäniň çar künjeginden gelen alymlar hem ylmyň dürli ugurlary boýunça işläpdirler. Olar özleriniň ylmy açyşlary, pelsepewi pikirleri bilen umumyadamzat medeniýetiniň ösüşine uly goşant goşupdyrlar. Ine bular dogrusynda kitaphana hünärmenleriniň talyp ýaşlara beren gürrüňleri uly gyzyklanma bilen diňlenildi.
Çärämiziň ahyrynda oňa gatnaşanlar ýurdumyzy ylmy esasda ählitaraplaýyn ösdürmegiň gözbaşynda duran Gahryman Arkadagymyza we hormatly Prezidentimize çäksiz alkyşlary beýan etdiler.
