HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

PARAHATDYR WATANYM, EZIZ TÜRKMENISTANYM

Kitaphanalar

04.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň gurnamagynda Halkara parahatçylyk we ynanyşmak ýylynda Türkmenistanyň hormatly Prezidenti Serdar Berdimuhammedowyň baştutanlygynda durmuşa geçirilýän beýik işleri açyp görkezmek hem-de giňden wagyz etmek, şeýle-de Türkmenistanyň Kärdeşler arkalaşygynyň Milli merkezi tarapyndan Medeniýet ministrliginiň garamagyndaky kitaphanalardan öňdebarjy, ökde, ýaş wagyzçy kitaphanaçylary ýüze çykarmak maksady bilen yglan eden «Parahatdyr Watanym, eziz Türkmenistanym» ady bilen hünär bäsleşigi geçirildi. Bu bäsleşige Aşgabat şäher medeniýet müdirliginiň Merkezleşdirilen kitaphanalar ulgamyndan 7 sany kitaphana hünärmenleri gatnaşdylar. Bäsleşigiň şertleri öňünden taýýarlanyp elektron we taýýar nusgalary eminler tarapyndan seljerildi. Bäsleşige gatnaşýan kitaphana hünärmenleri şertleri esasynda ussatlyk bilen çykyş edip, öz alyp barýan işlerini çeper beýan etdiler we öz hünärlerine ezberligini görkezdiler. Eminleriň gelen netijeleri boýunça ökde çykyş edip saýlanan hünärmenler 1-nji, 2-nji baýrakly orna mynasyp bolup, hormat hatlary gowşuryldy. Şeýle-de çykyş eden kitaphana hünärmenlerine höweslendiriji hormat hatlary we baýraklar gowşuryldy hem-de 1-nji, 2-nji orna mynasyp bolan kitaphana hünärmenleri bäsleşigiň jemleýji tapgyryna gatnaşmaga hukuk gazandylar. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MEDENI HYZMATDAŞLYK DOSTLUGUŇ NYŞANY

Kitaphanalar

04.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy hem-de Türkmenistanyň Zenanlar birleşiginiň Aşgabat şäher Köpetdag etrap zenanlar bölümüniň bilelikde guramagynda 4-8-nji awgust aralygynda «Awaza» milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahatyň geçirilmegi mynasybetli «Medeni hyzmatdaşlyk dostluguň nyşany» ady bilen wagyz-nesihat çäresi geçirildi. Çärede çykyş edenler Türkmenistanyň hemişelik Bitaraplygynyň şanly 30 ýyllygynyň uly toý dabaralara beslenmegi, Halkara Parahatçylyk we ynanyşmak ýylynda şeýle wakalaryň giň gerime eýe bolmagy, kalplardaky buýsanjyň has-da joşa gelmeginiň esasy sebäpleriniň biri bolup durýandygy barada gürrüň berdiler. Şeýle-de «Awaza» milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahaty hem berkarar döwletimiziň dünýädäki at- abraýyny, şan-şöhratyny arşa göterjek taryhy wakalaryň biri boljakdygy barada öz ýürek buýsançlaryny beýan etdiler. Çäräniň ahyrynda döwletimiziň gülläp ösmegi, il-ulusymyzyň abadan durmuşda ýaşamagy ugrunda uly tagallalary edýän, Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, il-ýurt bähbitli, döwlet ähmiýetli alyp barýan işleriniň hemişe rowaçlyklara beslenmegini arzuw etdiler.

GURLUŞYK WE SENAGAT TOPLUMYNYŇ PUDAKLARY ÖSÜŞLERE BESLENÝÄR

Kitaphanalar

04.08.2025

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi «Gurluşyk we senagat toplumynyň pudaklary ösüşlere beslenýär» atly söhbetdeşlik gurnady. Berkarar döwletiň täze eýýamynyň Galkynyşy döwründe hormatly Prezidentimiziň türkmen halkynyň ýaşaýyş-durmuş şertlerini yzygiderli gowlandyrmak, Garaşsyz Türkmen döwletimizi gülledip ösdürmek barada edýän yzygiderli aladalary netijesinde ýurdumyzyň beýleki pudaklary bilen bir hatarda, gurluşyk we senagat toplumynyň pudaklarynda hem düýpli özgertmeleriň üstünlikli dowam etdirilmegi netijesinde bu ulgam milli ykdysadyýetimiziň ileri tutulýan ugurlarynyň birine öwrüldi we onuň möhüm düzümi bolan senagat, gurluşyk ulgamy ýokary depginler bilen ösýär. Diýarymyzyň ähli künjeklerinde giň gerimde alnyp barylýan gurluşyklary hem ilatymyzy ýokary hilli, ekologiýa taýdan arassa senagat we gurluşyk önümleri bilen üpjün edýär hem-de pudakda olaryň eksportyny artdyrmak ugrunda ähli zerur bolan işler durmuşa geçirilýär. Bu bolsa ýurdumyzyň gurluşyk we senagat pudagyny has-da ösdürmäge hem-de ykdysady kuwwatyny artdyrmaga mümkinçilik berýänligi barada söhbet etdiler. Söhbetdeşligiň dowamynda gurluşyk we senagat toplumynyň işgärlerini hünär baýramyny gutlamak bilen, işlemäge, döredijilikli zähmet çekmäge uly mümkinçilikleri döredip berýän, döwletli işleriň sakasynda duran türkmen halkynyň milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, başlarynyň dik bolmagyny, il-ýurt bähbitli işleriniň rowaçlyklara beslenmegini tüýs ýürekden arzuw etdiler.

IRKI DÖWÜRLERIŇ NEŞIRLERI

Kitaphanalar

04.08.2025

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan «Irki döwürleriň neşirleri» atly kitap sergi gurnaldy. Berkarar döwletiň täze eýýamynyň Galkynyşy döwründe, türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň başda durmagynda her ýylymyz mynasyp at bilen atlandyrylýar. 2025-nji ýyl «Halkara parahatçylyk we ynanyşmak ýyly» diýip atlandyrlan ýylymyzda Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň okalga zalynda «Irki döwürleriň neşirleri» atly kitap sergi gurnaldy. Sergimizde bölümde has irki döwürdäki çykan neşirleriň sergisi gurnaldy. Seýrek neşirler bölümiň hazynasynda ХVI asyra we ondan soňky döwürlere degişli örän seýrek gabat gelýän neşirler bolup, olary geljekgi nesillere ýetirmek maksady bilen, yzygiderli kitap sergileri gurnalýar. Şeýle-de, bölümiň hazynasynda Türkmenistanyň milli baýlygy bolup durýan taryhy ylmy we medeni gymmaty bolan neşirleriň görnüşleri toplanandyr. Bu edebiýatlaryň ählisi türkmen kitabynyň taryhyny we Türkmenistanda neşirýat işiniň taryhyny şeýle-de, taryhy çeşmeleri edebi ýadygärlikleri öwrenmek üçin ylmy taýdan örän gymmatly çeşmelerdir. Hazynamyzyň kitaplary diňe bir türkmen we rus dilinde bolman, eýsem-de Gündogar arap, pars, türki dillerinde we Gündogar iňlis, nemes, gadymy latyn, fransuz, italýan dillerindäki neşirler hem saklanýar. Türkmen halky öz taryhy ösüşiniň bütin dowamynda ruhy gymmatlyklaryna hemişe uly gadyr goýup, ona aýratyn ähmiýet berip gelipdir. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

GÜL WATANYMYZYŇ ŞADYÝAN ÇAGALARY

Kitaphanalar

04.08.2025

Döwletmämmet Azady adyndaky Arkadag şäher kitaphanasynyň guramagynda Köpetdagyň ajaýyp dag eteklerinde ýerleşýän Gökderedäki «Nesil» çagalar sagaldyş we dynç alyş merkezide «Gül Watanymyzyň şadyýan çagalary» atly kitap sergisi, gürrüňdeşlik geçirildi. Tomus möwsüminde ýurdumyzda Gahryman Arkadagymyzyň, Arkadagly Gahryman Serdarymyzyň ýaş nesillerimiz baradaky edýän bimöçber aladalarynyň netijesinde bina edilen çagalar sagaldyş we dynç alyş merkezleri çagalaryň dynç alýan esasy mesgenine öwrüldi. Bu dynç alyş zolaklary çagalaryň gülküsi bilen hakyky bagtly çagalygyň mekanyna öwrülýär. Ähli amatlyklary bolan bu merkezlerde dynç alýan çagalar üçin dürli maksatnamalaýyn çäreleriň guralmagy olaryň gözýetimini giňeltmekde möhüm ähmiýete eýe bolup durýar. Şeýle hem bu dynç alyş merkezlerinde çagalaryň öz ukyp-başarnyklaryny has-da ösdürmegi üçin birnäçe gurnaklar geçirilýär. Döwletmämmet Azady adyndaky Arkadag şäher kitaphanasynyň hünärmenleri hem çagalaryň tomusky dynç alyş möwsümini şadyýan we wagtlaryny gyzykly geçirmeklerini guramak maksady bilen kitaphanamyzyň çuň manyly eserleri bilen göçme kitap sergisini gurnadylar, şeýle hem bu ýerdäki çagalar bilen sorag–jogap işini alyp bardylar. Çäräniň dowamynda kitaphanaçylar «Türkmen halk ertekileri» atly kitabyndan birnäçe ertekileri okap berdiler. Bu bolsa çagalarda kitaba bolan höwesini hasda artdyrdy. Çäräniň ahyrynda bagtyýar çagalaryň medeniýetli dynç almagy ugrunda uly aladalary edýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

KÄMILLIGIŇ GÖZBAŞY KITAP

Kitaphanalar

04.08.2025

Türkmenistanyň Bazar Amanow adyndaky Döwlet çagalar kitaphanasy ýakynda tomusky dynç alyş möwsüminiň dowam, edýän günlerinde, «Beýik Serdaryň ruhubelent nesilleri» atly çagalar sagaldyş we dynç alyş merkezinde dynç alýan ýaş nesilleriň arasynda «Kämilligiň gözbaşy kitap» ady bilen duşuşyk geçirdi. Kitaphana hünärmenleriniň kitap okamaklygyň adamzat durmuşynda tutýan orny we boş wagtlaryňda gyzykly kitaplardan peýdalanmaklygyň ähmiýeti dogrusyndaky beren gürrüňlerini dynç alyşyny sapaly geçirýän ýaş nesiller uly höwes bilen diňlediler. Göçme kitap sergimizdäki neşir önümleri ýaşlarda kitap okamaklyga höwes döretdi. Duşuşygymyzyň ahyrynda oňa gatnaşanlar adamzadyň köňül nagşyna deňeýän kitaplary döwrebap usullarda neşir edip, okyjylar köpçüligine ýetirýän Gahryman Arkadagymyza we hormatly |Prezidentimiz Arkadagly Gahryman Serdarymyza alkyşlary beýan etdiler.

SPORT–SAGDYNLYGYŇ GÖZBAŞY

Kitaphanalar

31.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda Gökderedäki «Çeşme» çagalar sagaldyş we dynç alyş merkezinde tomusky dynç alyş möwsüminde dynç alýan dürli ýaşly çagalaryň arasynda «Sport–sagdynlygyň gözbaşy» ady bilen gürrüňdeşlik geçirildi. Gürrüňdeşlikde çykyş edenler Gahryman Arkadagymyzyň, Arkadagly Gahryman Serdarymyzyň tagallalary bilen ýurdumyzda sporty ösdürmek, adam saglygy berkitmek ileri tutulýan ugurlaryň biri bolup durýandygy barada aýtdylar. Sportuň dürli görnüşleri boýunça halkara we dünýä derejesindäki ýaryşlary geçirmäge giň ýol açylandygy, munuň özi ýurdumyzda bedenterbiýäni we sporty ösdürmek meselesine örän uly ähmiýet berilýändiginiň subutnamasy bolup durýandygyny, sagdynlygyň we ruhubelentligiň ýurdy hökmünde ykrar edilen Garaşsyz hemişelik Bitarap Türkmenistan döwletimiz iri halkara sport ýaryşlarynyň geçirilýän mekanyna öwrülendigi hakynda giňişleýin gürrüň berdiler. Gürrüňdeşligiň ahyrynda sporty ösdürmekde beýik işeri durmuşa geçirýän Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, döwlet ähmiýetli işleriniň rowaçlyklara beslenmegini arzuw etdiler.

GETIRÝÄR ÄHLI ÝOLLAR, BU GÜN TÜRKMENISTANA

Kitaphanalar

31.07.2025

Türkmenistanyň Bazar Amanow adyndaky Döwlet çagalar kitaphanasy ýakynda «Aşgabat» teleýaýlymy bilen bilelikde «Getirýär ähli ýollar, bu gün Türkmenistana» atly gepleşigi ýazgy etdi. Söhbetdeşligiň dowamynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň biziň ýurdumyzda «Awaza» milli syýahatçylyk zolagynda geçirilmegi halkymyzyň dünýädäki abraýyny belende göterýänligi barada buýsançly gürrüňler diňlenildi. Deňze çykalgasy bolmadyk ýurtlaryň bu babatdaky meselelerini oňyn çözmekde ýurdumyzyň geografik, geosyýasy we geoykdysady ýerleşişiniň iňňän amatly şertleri döredýändigini, aýratyn hem berkarar döwletimiziň hemişelik Bitaraplygynyň dünýäniň dürli sebitlerinde ýerleşýän deňze çykalgasy bolmadyk ýurtlaryň kiçi ada döwletleriň hem-de az ösen ýurtlaryň dünýäniň ähli ýurtlary bilen gatnaşyklaryny sazlaşykly ýola goýmakda uly ähmiýetiniň bardygyny aýratyn bellenildi. Duşuşygyň dowamynda Türkmenistan döwletimizi parahatçylygyň we ynanyşmagyň watanyna öwrüp dünýä halkaryny bir supranyň başynda jem edip beýik döwletli işleri alyp barýan Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyşlary beýan edidi.

HALYPALARYŇ NUSGALYK ESERLERI

Kitaphanalar

31.07.2025

Türkmenistanyň Döwlet medeniýet merkeziniň Döwlet kitaphanasynyň Bibliografiýa bölümi tarapyndan «Halypalaryň nusgalyk eserleri» ady bilen «Türkmenistanyň Gahrymany, Türkmenistanyň halk ýazyjysy Gözel Şaguluýewa (Doglan gününiň 85 ýyllygyna)», «Türkmenistanyň at gazanan medeniýet işgäri, şahyr Tuwakgül Gylyjowa (Doglan gününiň 70 ýyllygyna)», «Taryh ylymlarynyň kandidaty Agamyrat Baltaýew: geçmişden şu güne–taryhy ýazgylar» atly ýazylan bibliografiýa görkezijilerine syn geçirildi. Hormatly Prezidentimiziň şeýle hem, Gahryman Arkadagymyzyň taýsyz tagallalary esasynda ata Watanymyza uly ösüşleriň we özgerişleriň buşlugyny getiren «Halkara parahatçylyk we ynanyşmak» ýylynda täze eýýamyň Galkynyşy döwri özüniň ajaýyp pursatlaryny bolluk bilen eçilýär. Her bir ulgamda bolşy ýaly, medeniýet-sungat ugurlarynda hem, täze badalgalar amala aşyrylýar. Döwlet kitaphanasynyň Bibliografiýa bölümi hem şöhratly, bagtyýar ýyllarymyzda ýurdumyzyň dürli ugurlarynda zähmet çekip, taryhda yz goýan şahsyýetleriň, ýazyjy-şahyrlaryň bibliografiýa görkezijilerini taýynlap okyjylara ýetirilýändigi hakynda aýdyldy. Çykyşyň dowamynda ýazyjy-şahyrlaryň döredijiligini giňden öwrenmäge hem-de beýik şahsyýetleri dünýä ýaýmaga giň mümkinçilikleri döredip berýän Milli Liderimiz Gahryman Arkadagymyzyň, Arkadagly Gahryman Serdarymyzyň janlarynyň sag, il-ýurt bähbitli alyp barýan beýik işleriniň rowaçlyklara beslenmegini kitaphana synyna gatnaşan işgärler arzuw etdiler.

EDEBI MIRAS-EBEDI MIRAS

Kitaphanalar

31.07.2025

Türkmenistanyň Döwlet medeniýet merkeziniň Döwlet muzeýinde, Döwlet kitaphanasy, «Mir 24» teleýaýlymy bilen bilelikde «Edebi miras-ebedi miras» ady bilen söhbetdeşlik ýazgy edildi. Söhbetdeşlikde çykyş edenler häzirki ajaýyp döwrümizde hormatly Prezidentimiziň parasatly baştutanlygynda ýurdumyz beýik ösüşlere beslenýär, halkymyz abadan, bagtyýar durmuşda ýaşaýar. Şeýle ajaýyp günlerde «Milli taryhy-medeni mirasyň gozgalmaýan gymmatlyklaryny döwlet tarapyndan hasaba almagyň Tertibini tassyklamak hakynda» Karara gol çekilmegi halkymyzyň baý taryhyna, milli mirasyna, nepis sungatyna bolan söýgümizi artdyrdy diýip, nygtap geçdiler. Çykyş edenler söhbetleriniň soňunda gadymy medeni mirasymyzy gorap saklamaga öwrenmäge we ony dünýäde wagyz etmäge giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag,ömürleriniň uzak bolmagyny,alyp barýan beýik işleriniň rowaç bolmagyny tüýs ýürekden arzuw etdiler.

• ←
• 1
• ...
• 48
• 49
• 50
• ...
• 143
• →