HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Kitaba hem-de hünäre sarpa

Kitaphanalar

05.11.2026

Türkmenistanyň Döwlet medeniýet merkeziniň Döwlet kitaphanasynda kitaphana işgärleri bilen Türkmenistanyň Medeniýet ministrliginiň garamagyndaky kitaphana hünärmenleriniň arasynda geçirilen “Türkmenistan – ösüşleriň Diýary, ganatly bedewleriň mekany” atly hünär bäsleşiginiň jemleýji tapgyry mynasybetli söhbetdeşlikler ýazgy edildi. Çykyş eden kitaphana işgärleri ýurdumyzda ähli ulgamlar bilen bir hatarda kitaphana işini döwrebap ýola goýmakda uly işleriň amala aşyrylýandygyny belläp geçdiler. Şeýle hem, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň kitaba, kitaphana işine goýýan belent sarpasyny peşgeş berýän ajaýyp eserlerinde hem görmek bolýandygyny, eserleriň ýaş nesilleriň watansöýüji, maksada okgunly, ylym-bilimli bolup ýetişmekleri üçin görelde mekdebi bolup hyzmat edýändigini buýsanç bilen nygtadylar. Şeýle-de “Altyn asyr: Türkmenistan”, ”Miras” we “Aşgabat” teleýaýlymlary tarapyndan ýazgy edilen hünär bäsleşiginiň jemleýji tapgyry boýunça söhbet etdiler.

Edep ynsan kalbynyň aýnasy

Kitaphanalar

05.11.2026

Türkmenistanyň Bazar Amanow adyndaky Döwlet çagalar kitaphanasy tarapyndan golaýda “Ýaşlyk” teleýaýlymynyň ýazgy etmekliginde “Edep ynsan kalbynyň aýnasy” atly söhbetdeşlik geçirildi. Edep-terbiýe adamzat jemgyýetiniň iň möhüm sütünleriniň biri bolup, ynsanyň içki dünýäsiniň aýnasy hasaplanylýar. Türkmen halkynyň asyrlardan aşyp gelýän baý medeni mirasynda, pähim-parasatly kitaplarynda we rowaýatlarda ýaş nesle berilýän terbiýe hem-de ahlak gymmatlyklary uly orun eýeleýär. Kitaplarda türkmen halkynyň gadymdan gelýän dost-doganlyga, goňşuçylyga, agzybirlige we birek-birege goldaw bermek arkaly kemala gelýän medeniýet wasp edilýär. Kitaphana hünärmenleri tegelek stoluň başyndaky söhbetdeşlikde şular hakynda täsirli gürrüňleri etdiler.

Buýsandyryjy ösüşlere bagyşlandy

Kitaphanalar

05.11.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasy bilen Türkmen döwlet medeniýet we sungat mekdebiniň bilelikde gurnamagynda «Garaşsyzlyk, Bitaraplyk dillerimiziň dessany- bedew batly Türkmenistan arzuwlaryň mekany» atly çäre geçirildi. Çärede “Garaşsyz, baky Bitarap Türkmenistan–bedew batly at-myradyň mekany” ýylynyň bedew batly ösüşlere, özgerişlere beslenýändigi hakynda giňişleýin söhbet etdiler. Garaşsyz, hemişelik Bitarap ýurdumyzyň dünýäde bedew bady bilen ösýän ýurt hökmünde giňden tanalýandygy barada buýsançly çykyşlar etdiler. Çäräniň ahyrynda eziz Watanymyzyň gülläp ösmegi ugrunda beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Çeper okaýyş we göçme kitap sergisi

Kitaphanalar

05.11.2026

Türkmenistanyň Döwlet medeniýet merkeziniň Döwlet kitaphanasynyň Ylmy habar beriş we sowal-jogap bölüminiň gurnamagynda, Aşgabat şäherindäki 66-njy çagalar bagynda “Bal süýji, baldan bala süýji” atly çeper okaýyş geçirildi. Çeper okaýyşda kitaphana hünärmenleri çagalara ertekilerden labyzly okap berdiler. Çagalar okap berlen ertekileri ünsli diňläp, özlerinde täsir galdyran gahrymanlary barada gyzyklanma bilen sorag-jogap alyşdylar. Söhbetdeşlikde çagalary gyzyklandyrýan türkmen halk ertekileri barada giňişleýin gürrüň berildi. Şeýle hem, çeper okaýyşyň çäginde “Kitap – meniň dostum!” atly, Döwlet kitaphanasynyň gaznasyndaky çagalara degişli kitaplardan göçme kitap sergisi gurnaldy. Kitaphana işgärleri çagalara türkmen halk ertekilerinden birnäçesini okap berdiler hem-de ertekilerdäki gahrymanlaryň edermenligi hakynda gürrüň berdiler. Bu bolsa çagalarda kitaba bolan söýgüni has-da artdyrdy.

KOREÝ SUNGATYNYŇ TÄSINLIKLERI

Täzelikler

04.11.2026

Golaýda paýtagtymyzda geçirilen Koreý medeniýetiniň hepdeliginiň çäklerinde Türkmenistanyň Magtymguly adyndaky milli sazly drama teatrynda dostlukly ýurduň tans toparynyň çykyşy guraldy. Koreý tans sungatynyň dürdäne nusgalaryny özünde jemlän konsert maksatnamasy türkmen tomaşaçylarynda ýatdan çykmajak täsirleri galdyrdy. Ajaýyp çykyşlar iki ýurduň medeni gatnaşyklarynyň hil taýdan täze derejä çykýandygynyň nobatdaky beýanyna öwrüldi. Koreýaly sungat ussatlary çykyşlarynda dost-doganlygyň waspyny ýetirdiler. Koreý tansçylarynyň täsin hereketleri, milli lybaslary, bezeg serişdeleri, saz hem-de horeografik kompozisiýasy özboluşly sazlaşygy emele getirdi. Şeýle joşgunly çykyşlar tomaşaçylaryň şowhunly el çarpyşmalary bilen garşylanyldy. «Arkaç» söwda-dynç alyş merkeziniň ajaýyp binasynyň giň zalynda guralan koreý medeniýetiniň tanyşdyryş sergisi toý dabarasyny ýada saldy. Koreýaly sungat ussatlary halkara hyzmatdaşlygyň çäklerinde meýilleşdirilen medeni çäreleri guramaçylykly geçirmäge döredilen giň mümkinçilikler üçin hormatly Prezidentimize hem-de Gahryman Arkadagymyza hoşallyk sözlerini beýan etdiler.

Berekediň we bolçulygyň baýramy

Kitaphanalar

04.11.2026

Lebap welaýat kitaphanasynda Hasyl toýuna bagyşlanyp “Hasyl toýy – berekediň we bolçulygyň baýramy” atly duşuşyk geçirildi. Ýurdumyzda uludan bellenilýän bu baýrama bagyşlanan duşuşyga, Türkmenistanyň Demokratik partiýasynyň Türkmenabat şäher komitetiniň işjeň agzalary, oba hojalygynda köp ýyllardan bäri zähmet çekýän halypalar, daýhanlar, kärendeçiler gatnaşdylar. Hormatly Prezidentimiziň: “Hasyl toýy türkmen daýhanlarynyň çekýän halal zähmetine döwlet derejesinde goýulýan belent sarpadan aýdyň nyşandyr” diýen parasatly sözleri, biz daýhanlary has-da buýsandyrdy, galkyndyrdy-diýip, çykyş eden kärendeçi buýsanç bilen belledi. Kitaphana işgärleri tarapyndan guralan “Bereket ummany - türkmen ýaýlasy” atly kitap hem-de ýurdumyzda bitýän dürli nygmatlaryň sergisi bolsa bu çärä ajaýyp öwüşgin çaýdy.

Gürrüňdeşlik geçirildi

Kitaphanalar

04.11.2026

Türkmenistanyň Bazar Amanow adyndaky Döwlet çagalar kitaphanasynyň gurnamagynda golaýda, Gahryman Arkadagymyzyň “Watançylyk taglymaty” atly kitaby hakynda gürrüňdeşlik geçirildi. Gahryman Arkadagymyzyň ýaş nesilleriň bilim-terbiýeli we giň dünýägaraýyşly bolup ýetişmekleri baradaky öňe sürýän taglymatlary uly ähmiýete eýedir. Gahryman Arkadagymyzyň ýagşy öwüt-ündewlerinde Watana bolan söýgi, milliligimize hormat goýmak, däp-dessurlarymyzy gorap saklamak, ylym-bilime ymtylmak ýaly asylly ýörelgeler öz beýanyny tapýar. Kitapda Gahryman Arkadagymyzyň Arkadag şäheriniň Ruhyýet köşgünde geçiren okuw sapagynda eden taryhy çykyşy beýan edilýär. Ine, şular hakynda kitaphana hünärmenleri hem-de söhbetdeşlige gatnaşanlar giňişleýin pikir alyşdylar. Söhbetdeşligiň ahyrynda oňa gatnaşyjylar, ýaş nesiller barada uly tagallalar edýän Gahryman Arkadagymyza, Hormatly Prezidentimize alkyş sözlerini aýtdylar.

Paýhas donly agras güýzüm

Kitaphanalar

04.11.2026

Türkmenistanyň Bazar Amanow adyndaky Döwlet çagalar kitaphanasy tarapyndan ýakynda 52-nji orta mekdepde bilim alýan ýaş nesilleriň arasynda “Paýhas donly agras güýzüm” atly güýz pasly hakynda döredilen goşgulara bagyşlanan çeper okaýyş çäresi geçirildi. Güýz paslynyň gelmegi bilen türkmen tebigaty aýratyn gözellige beslenýär. Baglaryň ýapraklary altyn öwüşginlere eýe bolup, bagy-bossanlyklar özboluşly gözelligi bilen görenleri haýrana goýýar. Tebigatyň gözelligi edebiýatda hem öz beýanyny tapýar. Türkmen şahyrlarynyň döredijiliginde güýz pasly, ýapraklar, asuda asman, bereketli toprak we tebigatyň gözelligi çeper sözleriň üsti bilen wasp edilýär. Şular hakynda hem-de ýazyň, güýzüň şahyry hasaplanýan Gurbannazar Ezizowyň döredijiliginde güýz paslynyň wasp edilişi barada kitaphana hünärmeni ýaş nesillere çeper okaýyşly täsirli gürrüňleri berdi. Duşuşygyň ahyrynda oňa gatnaşanlar ýurdumyzda bag nahallaryny ekmek, tokaý zolaklaryny döretmek, şäher we obalaryň gözel keşbini has-da gözelleşdirmek ugrunda giň gerimli işleri alyp barýan Gahryman Arkadagymyza hem-de Hormatly Prezidentimize alkyş sözlerini beýan etdiler.

Kitap-kalbyň açary

Kitaphanalar

04.11.2026

Berkarar döwletiň täze eýýamynyň Galkynyşy döwründe, türkmen halkynyň Milli Lideri Gahryman Arkadagymyzyň, hormatly Prezidentimiziň uly goldaw-hemaýatlary netijesinde gymmatly edebi mirasy öwrenmeklige uly mümkinçilikler döredilýär. Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan “Kitap-kalbyň açary” atly kitap sergisi gurnaldy. Sergide bölümiň gaznasynda saklanýan neşirleriň sergisi giňden ýaýbaňlandyryldy. Häzirki wagtda ösüp gelýän ýaş nesillere taryhymyzy, edebi mirasymyzy öwrenmäge ähli şertler döredilýär. Türkmen halky hemişe ruhy gymmatlyklara uly gadyr goýup, aýratyn ähmiýet beripdir.

Ajaýyp pursatlara beslenen forum

Halkara gatnaşyklary

04.11.2026

Berkarar döwletiň täze eýýamynyň Galkynyşy döwründe Garaşsyz, hemişelik Bitarap ýurdumyzda Gahryman Arkadagymyzyň hem-de Hormatly Prezidentimiziň taýsyz tagallalary netijesinde, türkmen ýaşlarynyň döwrebap ylym-bilim almagy, öndürijilikli zähmet çekmegi, ukyp-başarnyklaryny açyp görkezmekleri üçin ähli şertler döredilýär. Häzirki wagtda ýaşlarymyz halkara maslahatlaryna, forumlaryna, festiwallaryna hem-de bäsleşiklerine yzygiderli gatnaşýarlar. Munuň özi, ýaşlarymyzyň aň-düşünjesini, zehinini, ukyp-başarnyklaryny açyp görkezmekleri üçin döredilýän giň mümkinçilikler we şertlerdir. Şu ýylyň 17-21-nji oktýabry aralygynda Türkiýe Respublikasynyň Trabzon şäherinde geçirilen “Türki dünýäsiniň Ýaşlar forumyna” türkmen ýaşlarynyň gatnaşmagy hem muňa aýdyň subutnamadyr. Bu forumyň çäklerinde guralan çäreler oňa gatnaşan ýaşlaryň kalbynda ýatdan çykmajak ýakymly täsirleri galdyrdy.

• ←
• 1
• 2
• 3
• ...
• 264
• →