HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Garaşsyz Bitarap Türkmenistanda, bedew atym guwanjym hem buýsanjym

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasy bilen Magtymguly adyndaky Türkmen döwlet uniwersitetiniň Ylmy kitaphanasynyň bilelikde guramagynda «Garaşsyz Bitarap Türkmenistanda, bedew atym guwanjym hem buýsanjym» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe şanly Garaşsyzlygymyzyň 35 ýyllyk toýunyň giň gerimden belleýändigini we Garaşsyzlyk ata-babalarymyzyň özbaşdak döwletli bolmak baradaky arzuwlarynyň amala aşmagyna, köp asyrlyk milli we ruhy gymmatlyklarymyzy, şeýle hem, arzyly ynsanperwer däplerimizi dikeltmäge mümkinçilik berýändigi barada gürrüň berdiler. Şeýle-de ata Watanymyzyň garaşsyzlygynyň mizemezligi döwletiň hem halkyň jebisliginde jemlenýändigi babatda belläp geçdiler. Çäräniň dowamynda ýokary okuw jaýynda okaýan talyplara Gahryman Arkadagymyzyň, Arkadagly Gahryman Serdarymyzyň jöwher paýhasyndan dörän kitaplary esasynda gurnalan kitap sergisi bilen tanyşdyryldy. Çäräniň ahyrynda bizi eşretli zamana ýetiren Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Gyz buýsanjy – gültahýa

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda «Gyz buýsanjy-gültahýa» ady bilen gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe milli gymmatlyklarymyzy öwrenmekde we wagyz etmek asylly ýörelgä öwrülendigi hem-de milli gymmatlyklarymyzyň içinde iň gözel hem nepis sungaty bolan türkmen el keşdeden edilen el tahýalary gadymdan gelýän milli mirasymyz bolup durýandygy barada giňişleýin gürrüň berdiler. Şeýle-de el keşde tahýalarymyz asyrlardan-asyrlar aşyp, biziň şu günlerimize ene-mamalarymyzdan miras galan el-işleri nesilden-nesle geçirmek, gorap saklamak, dünýä ýaýmak her bir türkmen zenanlarynyň mukaddes borjy bolup durýandygy barada belläp geçdiler. Gürrüňdeşligiň ahyrynda milli gymmatlyklarymyzy, nepis el-işlerimizi sungat derejesine ýetirmekde uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Watanymyzyň Garaşsyzlygy – ösüşleriň kepili

Muzeýler

22.09.2026

Berkarar döwletiň täze eýýamynyň Galkynyşy döwründe biziň gazanýan ähli üstünliklerimiz, ýeňişlerimiz, berkararlygymyz hem-de bagtyýarlygymyz öz gözbaşyny milli buýsanjymyz bolan Garaşsyzlygymyzdan alyp gaýdýar. Geçen 35 ýylyň dowamynda ýurdumyzda dünýä ýaň salan ägirt uly işler bitirilip, ähli ugurlarda asyrlara barabar ýol geçildi. Bu döwürde Garaşsyz döwletimiziň binýadyny berkitmek, halkara abraýyny ýokarlandyrmak, ykdysady kuwwatyny artdyrmak üçin öňde has uly wezipeler goýuldy, täze ösüşlere tarap gadam uruldy. Syýasy durnuklylyk, halkymyzyň agzybirligi, uzak möhletlere gönükdirilen köpugurly maksatnamalar Türkmenistany kuwwatly we ýokary depginler bilen ösýän döwletleriň hataryna goşdy. Garaşsyzlyk güni halkymyz üçin beýik baýramçylykdyr. Çünki Garaşsyzlyk okgunly ösýän döwletimiziň mizemez binýadydyr. Ol bize ruhy we maddy gymmatlyklarymyzy dikeltmäge, baýlaşdyrmaga, ösdürmäge, şeýle hem parahatçylyk, dostluk we belent ynsanperwerlik däplerimizi dünýäde giňden dabaralandyrmaga mümkinçilik berdi. Baş baýramymyz Watanymyzyň garaşsyz ösüşiniň täze taryhy eýýamyny, beýik üstünliklerini alamatlandyrýar. Baýramçylygyň öňüsyrasynda şanly sene mynasybetli Türkmenistanyň Döwlet medeniýet merkeziniň Döwlet muzeýinde “Watanymyzyň Garaşsyzlygy – ösüşleriň kepili” atly sergi gurnaldy. Sergi hormatly Prezidentimiziň portreti, Döwlet baýdagymyz, tugramyz we hormatly Prezidentimiziň Garaşsyzlyk barada aýdan parasatly sözleri bilen başlanyp, Garaşsyzlyk ýyllarynda ýetilen sepgitleri suratlandyrýan fotosuratlar bilen dowam edýär. Sergide Watanymyzyň Garaşsyzlyk ýyllarynda aýry-aýry pudaklarda gazanylan üstünlikleri, ýetilen sepgitleri barada gürrüň berýän fotosuratlara we maglumatlara esasy orun berilýär. Mundan başga-da sergide hormatly Prezidentimiz Gahryman Arkadagymyzyň jöwher paýhasyndan çykan kitaplary, ýurdumyzyň Garaşsyzlygyny, Berkarar döwletiň täze eýýamynyň Galkynyşy döwrüni wasp edýän ajaýyp zergärçilik we sungat eserleri, çeper elli halyçylarymyzyň döreden ajaýyp şekilli halylary we haly önümleri şeýle-de türkmen suratkeşleriniň bagtyýar döwrümizi we ata Watanymyzyň ýeten belent sepgitlerini wasp edýän ajaýyp surat eserlerine esasy orun berilýär.

Ertekiler dünýäsine syýahat

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasynyň guramagynda paýtagtymyzda ýerleşýän 97-nji çagalar-bakja bagynda «Ertekiler dünýäsine syýahat» ady bilen sesli okaýyş geçirildi. Çykyş edenler türkmen halk döredijiliginiň iň gadymy görnüşleriniň biri bolan ertekileriň çaga terbiýesinde çuňňur täsir etmäge ukybynyň bardygy hakynda giňişleýin gürrüň berdiler. Şeýle-de körpeje nesilleriň arasynda ertekileriň birnäçe görnüşlerinden sesli okap berdiler we ertekilerdäki gahrymanlaryň keşpleri barada özara sorag-jogap alyşdylar. Çäräniň ahyrynda arzuwlarynyň hasyl bolýan ýurdunda, geljegimiz bolan çagalar barada edýän aladalary üçin, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Garaşsyzlyk – köňülleriň buýsanjy

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkmenistanyň inžener-tehniki we ulag kommunikasiýalary institutynyň bilelikde guramagynda şanly Garaşsyzlygymyzyň 35 ýyllyk baýramy mynasybetli «Garaşsyzlyk –köňülleriň buýsanjy» ady bilen wagyz-nesihat çäresi geçirildi. Çärede çykyş edenler Garaşsyzlyk – bu berkarar Diýarymyzyň özygtyýarlygyny we bitewiligini şöhratlandyrýan mukaddeslikdigi, Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda eziz Watanymyzyň geljeginiň hatyrasyna beýik işleriň durmuşa geçirilýändigi hakynda giňişleýin gürrüň berdiler. Şeýle hem şanly Garaşsyzlygymyzyň peşgeş beren bagtyna çäksiz buýsanç duýgusy bilen ýaşaýan mähriban halkymyz, bu mukaddes baýramy şatlyk-şowhun, uly dabara bilen giňden belleýändikleri barada beýan etdiler. Çäräniň ahyrynda ata Watanymyzy ösüşlere alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň hemişe rowaçlyklara beslenmegini arzuw etdiler.

Berkden tutup Garaşsyzlyk binýadyn, Watan öňe barýar, gowşatmaz badyn

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasy, Baş bilim müdirliginiň 40-njy orta mekdebi bilen bilelikde gurnamagynda “Berkden tutup Garaşsyzlyk binýadyn, Watan öňe barýar gowşatmaz badyn” ady bilen wagyz-nesihat çäresi geçirildi. Çärede mukaddes Garaşsyzlygymyzyň 35 ýyllyk baýramy halkymyzyň ykbalynda möhüm ähmiýeti bolup, uludan toýlanyp, türkmeniň at-owazasyny äleme ýaýyp, milletiň mertebesini parahatçylyk söýüji, ynsanperwer halk hökmünde jümle-jahana ykrar eden baýramlaryň biridigi hakynda çykyş etdiler. Şeýle hem Garaşsyzlyk ata-babalarymyzyň özbaşdak döwletli bolmak baradaky arzuwlarynyň amala aşmagyna, köp asyrlyk milli we ruhy gymmatlyklarymyzy, däplerimizi dikeltmäge mümkinçilik berendigi barada belläp geçdiler. Çäräniň ahyrynda Garaşsyz, hemişelik Bitarap Türkmenistan döwletimizi gülledip ösdürmekde taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Garaşsyzlyk buýsanjym, milli mirasym

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen “Türkmenhaly” döwlet birleşiginiň Türkmen halysynyň milli muzeýiniň bilelikde guramagynda «Garaşsyzlyk buýsanjym, milli mirasym» ady bilen söhbetdeşlik geçirildi. Çykyş edenler Garaşsyzlyk ýyllarynda milli medeni we ruhy mirasymyz täzeden dikeldilip, döwlet syýasatymyzyň ileri tutulýan ugurlarynyň birine öwrülendigi hakynda söhbet etdiler. ÝUNESKO-nyň maddy däl medeni mirasynyň sanawyna girizilen gymmatlyklarymyz, türkmen halkymyzyň guwanjyna we buýsanjyna öwrülendigi barada buýsançly beýan etdiler. Söhbetdeşligiň ahyrynda gadymy milli mirasymyzy ählitaraplaýyn öwrenmäge hem-de dünýä ýaýmaga giň mümkinçilikleri döredip berýän Türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

Mukaddes Garaşsyzlyk – halkymyzyň milli buýsanjy

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy bilen Bagtyýarlyk medeniýet köşgi hem-de 7-nji çagalar sungat mekdebiniň bilelikde guramagynda şanly Garaşsyzlygymyzyň 35 ýyllygy mynasybetli Bagtyýarlyk medeniýet köşgünde «Mukaddes Garaşsyzlyk-halkymyzyň milli buýsanjy» ady bilen kitap sergisi gurnaldy we aýdym-sazly medeni çäre geçirildi. Geçirilen çärede halkymyzyň bagtyýar, erkana durmuşynyň özeninde duran, Berkarar döwletimiziň sarsmaz sütüni bolan Garaşsyzlygymyzyň 35 ýyllyk toýunyň baýram edilýän günlerinde ýurdumyzyň ähli künjekleri şatlyk-şowhuna, toý-baýramlara beslenýändigi hakynda çykyş etdiler. Şeýle-de 7-nji çagalar sungat mekdebiniň okuwçylarynyň ýerine ýetirmeklerinde birnäçe aýdym-sazlar ýaňlandy we Gahryman Arkadagymyzyň, Arkadagly Gahryman Serdarymyzyň ajaýyp eserleri esasynda gurnalan kitap sergisi çäräniň täsirini artdyrdy. Çäräniň ahyrynda oňa gatnaşyjylar ýurdumyzy beýik ösüşleriň ýoly bilen öňe alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, döwletli işleriniň elmydama rowaçlyklara beslenmegini arzuw etdiler.

DÜNÝÄ ÝAŇ SALAN BEHIŞDI BEDEWLERIMIZ

Täzelikler

22.09.2026

Berkarar döwletiň täze eýýamynyň Galkynyşy döwründe Gahryman Arkadagymyň beýik başlangyçlaryny üstünlikli dowam edýän hormatly Prezidentimiz Arkadagly Gahryman Serdarymyzyň baştutanlygynda eziz Diýarymyz beýik ösüşlere beslenýär. «Garaşsyz, baky Bitarap Türkmenistan — bedew batly at-myradyň mekany» ýylynda Niderlandlar Patyşalygynyň Kronenberg şäherinde ahalteke atlarynyň arasynda geçirilen gözellik we atly sport bäsleşikleri boýunça dünýä çempionaty geçirildi. Behişdi be¬dewleri türk¬me¬niň uçar ga¬na¬ty¬dyr. Ahalteke atlary halkymyzda ajaýyp gözelligiň, ýyndamlygyň, wepalylygyň, maksada okgunlylygyň nyşany hökmünde görlüpdir. Ahalteke bedewiniň gözel keşbi türkmen şekillendiriş sungatynyň dürli görnüşlerinde aýratyn orun eýeleýär. Niderlandlar Patyşalygynda ahalteke atlarynyň arasynda geçirilen atly sport we gözellik bäsleşiginiň dünýä çempionatynyň çäklerinde geçirilen «Ahalteke bedewi – gözelligiň naýbaşy nusgasy» atly halkara bäsleşigine türkmen we daşary ýurtly sungat işgärleri ahalteke bedewleriniň gözelligini çeper beýan edýän nakgaşçylyk, heýkeltaraşlyk, zergärçilik, haly eserleri we fotosuratlary bilen gatnaşdylar. Geçirilen döredijilik bäsleşiginde suratkeşler, zergärler, heýkeltaraşlar, fotosuratçylar ahalteke bedewiniň gözelligini, ýyndamlygyny açyp görkezdiler. Şeýle-de bäsleşige hödürlenen eserler sergi meýdançasynda görkezildi. Ahalteke atlarynyň dünýä çempionatynyň çäklerinde nakgaşlaryň, heýkeltaraşlaryň, zergärleriň, halyçylaryň we fotosuratçylaryň arasynda ahalteke bedewleriniň gözelligini wasp etmek boýunça halkara döredijilik bäsleşige Türkmenistanyň Döwlet çeperçilik akademiýasynyň mugallymlary we talyplary özüniň sungat eserleri bilen ýokary netijeleri görkezdiler. Ahalteke atlaryny nakgaşçylyk eserlerinde wasp etmek boýunça bäsleşikde Türkmenistanyň Döwlet çeperçilik akademiýasynyň mugallymy dizaýn kafedrasynyň mugallymy Arslan Atahanowyň «Garaşsyz» atly nakgaş eseri bilen gatnaşyp, ýeňiji boldy. Atlaryň gözelligini heýkel eserlerinde wasp etmek boýunça bäsleşikde Türkmenistanyň Döwlet çeperçilik akademiýasynyň heýkeltaraşlyk kafedrasynyň mugallymy Patdyk Patdykowyň «Maşgala» atly heýkel eseri bilen ýeňiji boldy. Atlaryň gözelligini haly eserlerinde wasp etmek boýunça bäsleşikde «Türkmenhaly» döwlet birleşiginiň esasy hünärmeni Ogulmaral Amanjaýewa «Türkmen bedewleri» atly haly eserler toplumy bilen ýeňiji diýlip yglan edildi. Sungat ojagymyzyň mugallymlarynyň we talyplarynyň gazanan bu abraýly üstünligi ahalteke bedewleriniň gözelligini çeper beýan etmekde täze eserleri döretmäge ylham berjekdigi şübhesizdir. Jemal MEREDOWA, Türkmenistanyň Döwlet çeperçilik akademiýasynyň şekillendiriş sungatynyň taryhy we nazaryýeti hünäriniň 3-nji ýyl talyby.

Garaşsyzlyk köňülleriň buýsanjy

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Arzuw şäherçe kitaphana şahamçasy we Baş bilim müdirliginiň 84-nji orta mekdebiniň bilelikde guramagynda «Garaşsyzlyk köňülleriň buýsanjy» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe toý-baýramlara beslenýän Watanymyzda, şanly Garaşsyzlygymyzyň 35 ýyllyk toýy uly dabaralar bilen bellenilýändigi, bu baýrama türkmen halkymyz öz zähmet üstünlikleri bilen barýandyklary hakynda beýan etdiler. Garaşsyzlygymyzyň halkymyza eçilen bagty, geçen taryhy döwürleriň içinde eziz Watanymyzyň ýeten beýik sepgitleri, gazanan üstünlikleri dogrusynda giňişleýin gürrüň berdiler. Çäräniň dowamynda mekdep okuwçylarynyň çykyşlaryna orun berildi. Olar Watanymyzy, beýik ösüşlerimizi, mukaddes Garaşsyzlygymyzy wasp edýän birnäçe goşgulary ýerine ýetirdiler. Çäräniň ahyrynda oňa gatnaşanlar Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• 2
• 3
• ...
• 243
• →