HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Körpeleri çagalar edebiýaty bilen tanyşdyrmak

Kitaphanalar

15.07.2026

Aşgabat şäherinde ýerleşýän 111-nji çagalar bakja – bagynda ,,Körpeleri çagalar edebiýaty bilen tanyşdyrmak’’ ady bilen Türkmenistanyň Döwlet medeniýet merkeziniň Döwlet kitaphanasynyň Hyzmat ediş bölüminiň işgärleri bilen bilelikde söhbetdeşlik gurnaldy. Söhbetdeşlikde kitaphana işgärleri tarapyndan çagalary gyzyklandyrýan ertekiler, tapmaçalar, nakyllar we çeper okaýyş gurnaldy. Bu bolsa çagalarda kitap okamaga bolan höwesini has-da artdyrdy. Söhbetdeşligiň ahyrynda ösüp gelýän körpe nesliň okap, ylymly-bilimli bolup ýetişmekleri üçin giň mümkinçilikleri döredip berýän türkmen halkynyň milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

Magtymguly sözlär tili türkmeniň

Kitaphanalar

15.07.2026

Türkmenistanyň B.Amanow adyndaky Döwlet çagalar kitaphanasy ýakynda Gökderedäki “Beýik Serdaryň ruhubelent nesilleri” çagalar sagaldyş dynç alyş merkezinde “Magtymguly sözlär tili türkmeniň” atly akyldar şahyr Magtymguly Pyragynyň şygyrlaryndan çeper okaýyş geçirdi. Arkadagly Gahryman Serdarymyzyň “Magtymguly dünýäniň akyldary” atly dana şahyrymyzyň ajaýyp döredijiligi barada täsirli gürrüňler açýan ajaýyp kitapdan bölekleriň okalmagy ýaş nesillerde uly täsir galdyrdy. Ýurdumyzyň dürli künjeginden dynç alyşyny sapaly geçirmäge gelen körpejelerimiz akyldar Magtymguly Pyragynyň goşgularyny ýatdan we labyzly ýerine ýetirdiler. “Aşgabat” teleýaýlymynyň “Bagtyýar çagalyk” gepleşiginiň ýazgy etmekliginde geçirilen bu çärämizde dünýäniň akyldar şahyry Magtymguly Pyragynyň ömri we döredijiligi hem-de onuň goşgularynyň nesil terbiýesinde tutýan orny hakynda söhbetler edildi. Duşuşygyň ahyrynda oňa gatnaşanlar beýik akyldar şahyrymyzyň döredijilik mirasyny dünýä ýaýyp öwrenmeklige ähli şertleri döredip berýän Gahryman Arkadagymyza, Arkadagly Gahryman Serdarymyza alkyşlar aýtdylar.

Berkarar döwletiň bagtyýar nesilleri

Kitaphanalar

15.07.2026

Türkmenistanyň Döwlet medeniýet merkeziniň Döwlet kitaphanasynyň Ylmy-habar beriş we sowal jogap bölümi, Gökderedäki çagalar dynç alyş we sagaldyş merkezinde ýerleşýän “Demirýolçy” sagaldyş we dynç alyş merkezinde “Berkarar döwletiň bagtyýar nesilleri” atly göçme kitap sergisini we söhbetdeşligini çagalar topary bilen geçirdi. Sergide çykyş edenler berkarar Watanymyzyň geljegi hem-de dowamatymyz bolan ýaş nesillerimiz hakynda hemme taraplaýyn alada edilýändigini, olaryň döwrebap bilim terbiýe almaklary, watansöýüjiligiň, ynsanperwerligiň belent ýörelgelerine eýerip, zehininiň, ukyp-başarnyklarynyň ösmegi, dünýägaraýşynyň kämilleşmegi üçin Gahryman Arkadagymyzyň, Arkadagly Gahryman Serdarymyzyň tagallalary netijesinde ähli şertler döredilýändigini beýan etdiler. Mähriban ýaşlarymyz ýurdumyzyň syýasy durnuklylygyny, okgunly öňe gitmegini, ähli pudaklaryň sazlaşykly ösüşini üpjün etmäge mynasyp goşantlaryny goşýandygyny buýsanç bilen nygtadylar. Kitap sergisinde Gahryman Arkadagymyzyň Arkadagly Gahryman Serdarymyzyň eserleri, şeýle-de çagalar edebiýatyna degişli birnäçe eserler ýerleşdirildi. Bu eserler ýaş nesilleri watançylyk, ruhunda terbiýelemekde gymmatly hazynadygyny buýsanç bilen beýan etdiler. Çäräniň ahyrynda çagalar bilen sorag-jogap alşyldy. Kitap sergisine gatnaşanlar ýaş nesliň hemmetaraplaýyn ösmegi ugrunda uly tagallalary edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň il-ýurt bähbitli işleriniň elmydama rowaçlyklara beslenmegini tüýs ýürekden arzuw etdiler.

Çagalaryň hoş owazy – durmuşymyzyň bagt sazy

Kitaphanalar

15.07.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy bilen Türkmenbaşy dokma toplumynyň ilkinji Ýaşlar guramasynyň bilelikde guramagynda “Beýik Serdar nesilleri” çagalar sagaldyş we dynç alyş merkezinde «Çagalaryň hoş owazy – durmuşymyzyň bagt sazy» ady bilen wagyz-nesihat çäresi geçirildi. Çärede Gökderedäki çagalar sagaldyş we dynç alyş merkezlerinde çagalaryň tomusky dynç alyş möwsümini gyzykly geçirmekleri we ýatda galyjy pursatlara beslenmegi üçin dürli görnüşli medeni-köpçülik çäreleriň, ýagny, sesli we çeper okaýyşlaryň hem-de sportuň küşt we şaşka görnüşleri boýunça bäsleşikleriň geçirilýändigi barada belläp geçdiler. Şeýle-de halk döredijiliginiň bir görnüşi bolan “Türkmen halk ertekileri” kitabyndaky ertekileriň gahrymanlarynda gören ajaýyp keşpleri, sadalygy, göwrüminiň gysgalygy we suratlar bilen bezelişi çagalar üçin has-da täsirli bolup, olarda ýagşy gylyk-häsiýetleri kämilleşdirmekde ähmiýetiniň örän uludygy hakynda aýdyp berdiler. Çäräniň dowamynda Türkmen halk ertekilerinden gurnalan kitap sergi bilen hem tanyşdyryldy. Bu bolsa çärä gatnaşanlarda ýakymly täsir galdyrdy. Çäräniň ahyrynda şeýle ajaýyp zamanany peşgeş beren Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Biz ertekileri okaýarys

Kitaphanalar

15.07.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda “Gökderedäki” “Demirýolçy” çagalar sagaldyş we dynç alyş merkezinde «Biz ertekileri okaýarys» ady bilen wagyz-nesihat çäresi geçirildi. Çärede türkmen halk döredijiliginiň iň gadymy görnüşleriniň biri bolan ertekileriň çaga terbiýesine çuňňur täsir etmäge ukybynyň bardygyny, ata- babalarymyzyň türkmen halk ertekilerini özleriniň ýaşaýyş-durmuş we edep-terbiýe mekdebine ymykly ornaşdyrandyklary, ertekilerde adalat, hakykat hemişe dabaralanyp, erbet häsiýetli gahrymanlaryň soňynyň şowsuzlyklara barýandygy barada giňişleýin gürrüň berdiler. Şeýle-de türkmen halk ertekileriniň üsti bilen dogruçyllygyň, paýhasyň hem edermenligiň dabaralanmasy, halallyk, ynsaplylyk, ynsan güýjüne daýanmak ýaly asylly sypatlaryň beýan edilýändigini barada belläp geçdiler. Çäräniň ahyrynda bagtyýar çagalaryň röwşen geljegi üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Türkmen halk ertekileriniň terbiýeçilik ähmiýeti

Kitaphanalar

15.07.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagyr ýaşaýyş toplumynyň kitaphana şahamçasy bilen Büzmeýin etrap medeniýet öýleriniň bilelikde guramagynda Gökderedäki «Ýaşlyk» çagalar sagaldyş we dynç alyş merkezinde dynç alýan çagalaryň arasynda «Türkmen halk ertekileriniň terbiýeçilik ähmiýeti» ady bilen ady bilen wagyz-nesihat çäresi geçirildi. Çärede çykyş edenler ýaş nesillerde kitap okamaga bolan höwesi artdyrmak, olarda päklik, ahlaklylyk, edermenlik duýgularyny oýarmakda birnäçe kitaplaryň ornunyň uludygyny, aýratynam türkmen halk ertekileriniň gahrymanlarynyň häsiýetleriniň çaga terbiýesine uly täsir edýändigi barada aýtdylar. Şeýle-de türkmen halk ertekileriniň üsti bilen dogruçyllygyň, paýhasyň hem edermenligiň dabaralanmasy, halallyk, ynsaplylyk, ynsan güýjüne daýanmak ýaly asylly sypatlaryň beýan edilýändigini çagalara gürrüň berdiler. Çäräniň dowamynda bagtyýar çagalaryň göwünlerini galkyndyryjy türkmen milli oýunlaryny oýnap, öz wagtlaryny şadyýan geçirmekleri üçin birnäçe medeni gurnaklaryň guralmagy, dynç alýan çagalarda ýakymly täsir galdyrandygy barada çykyş etdiler. Çäräniň ahyrynda asuda, parahat durmuşyň goýnunda erkana ýaşaýan körpelerimiz üçin atalyk aladalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Şatlykly günleriň owazy

Kitaphanalar

15.07.2026

Türkmenabat şäher merkezi kitaphanasynyň 2-nji şahamçasynyň hünärmenleri Türkmenabat şäherindäki “Bagtyýarlyk” çagalar sagaldyş we dynç alyş merkezinde çagalaryň arasynda “Şatlykly günleriň owazy” atly ertirlik geçirdiler. Tomusky dynç alyş günlerinde çagalaryň wagtlaryny peýdaly we gyzykly geçirmekleri üçin olara gyzykly kitaplary okap, olar barada sorag- jogap alyşdylar. Çagalaryň şatlykdan doly dünýäsi bizi çagalygyň goýnuna dolady. Olaryň ýürek owazlaryny diňlemek bolsa diýseň gyzykly. Çagalar özleri üçin şeýle mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Çagalar öýüň bezegi

Kitaphanalar

15.07.2026

Lebap welaýatynyň Çärjew etrap merkezi kitaphanasy etrabyň 13-nji çagalar bagynda ertirlik geçirdiler. Berkarar döwletimiziň bagtyýarlyk döwründe hormatly Prezidentimiziň taýsyz tagallalary netijesinde ýurdumyzda ýaş nesillerimiziň ylymly-bilimli, giň dünýägaraýyşly, kämil düşünjeli,sagdyn ruhly ynsanlar bolup ýetişmekleri üçin uly işler amala aşyrylýar. 1-nji iýunda dünýäniň beýleki döwletlerinde boluşy ýaly Türkmenistan döwletimizde hem Çagalary goramagyň halkara güni giňden bellenilýär. Çagalar biziň geljegimiz, ata-babalarymyzyň “Çaga –ömrüň dowamaty”, “Çaga–gol–ganatyň”, “Çagany ýaşdan edebi başdan”, “Aklyň bahasy bolmaz terbiýäniň-çägi” ýaly parasatly pähimlerinden ugur alyp, ýurdumyzda maşgalany we eneligi goldamaga köp çagalylygy höweslendirmäge döwlet derejesinde aýratyn ähmiýet berilýär. Mähriban çagalarymyzyň dostlugy, parahatçylygy we bagtyýarlygy wasp edýän şirin owazly aýdymlary, joşgunly sazlary belentden ýaňlanýar, şadyýan gülküleri zemini doldurýar. Çagalar “Türkmen halk ertekileri”, “Akpamyk”,”Akylly Ahmet”, “Ýüz tylla”, “Mämmetjan”, “Ak jeren we owlajygy hakynda rowaýat” “Böwenjik ”- ýaly birnäçe ertekileri söýüp diňleýärler. Durmuşumyzyň gymmaty we parahat geljegimiziň diregi bolan bagtyýar çagalar barada edýän atalyk aladalary üçin, Gahryman Arkadagymyzyň, Arkadagly Gahryman Serdarymyzyň janlary sag, başlary dik, il-ýurt bähbitli tutýan tutumly işleri hemişe rowaç alsyn!

Jadyly ertekiler

Kitaphanalar

15.07.2026

Türkmenabat şäher merkezi kitaphanasynyň 2-nji şahamçasynyň hünärmenleri şäheriň 48-nji çagalar bagynda körpejeler bilen “Jadyly ertekiler” atly çagalar ertirligini geçirdiler. Türkmen halk ertekileri, olaryň dürli görnüşleri, terbiýeçilik ähmiýeti, erteki gahrymanlarynyň gylyk-häsiýeti, gyzykly wakalary barada täsirli gürrüňler edildi. Kalby päkize körpeleriň eý görýän zady erteki. Ertekiler körpelerde gowy häsiýetleriň kemala gelmegine ýardam edýär. Gürrüňdeşligiň ahyrynda röwşen geljegimiziň eýeleri bolan ýaş nesillerimiz hakyndaky atalyk aladalary durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Taryhyň taryply ýollary

Muzeýler

15.07.2026

Türkmenistanyň B.Amanow adyndaky Döwlet cagalar kitaphanasy ýakynda "Arkadag" teleýaýlymynyň "Köňülleriň çyragy" gepleşiginiň ýazgy etmeginde "Arkadag şäher taryhy we ülkäni öwreniş" muzeýinde "Taryhyň taryply ýollary" atly söhbetdeşlik geçirdi. Çäräniň dowamynda türkmen halkynyň umumyadamzat swilizasiýasyna goşan maddy we ruhy medeniýetiniň aýry aýry ulgamlary dogrusynda giňişleýin gürrüňler edildi. Muzeý etnografiýa gymmatlyklarynyň kitap gatlarynda şöhlelendirilişi hem-de gadymy tapyndylaryň degişli döwründe ulanyş aýratynlyklarynyň adamzat zähmetine ýetiren ýeňillikli ähmiýeti hakyndaky gürrüňlere hem orun berildi. Söhbetdeşlikli duşuşygyň ahyrynda ona gatnaşanlar milli mirasymyzy, şöhratly taryhymyzy öwrenmeklige hem-de ýaş nesillere wagyz nesihat etmeklige ylmy döredijilik işlerini alyp barmaklyga giň mümkinçilikler döredýän Gahryman Arkadagymyza, Arkadagly Gahryman Serdarymyza alkyşlary beýan etdiler.

• ←
• 1
• 2
• ...
• 212
• →