HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

HOŞALLYK MASLAHATY

Muzeýler

28.07.2025

Hormatly Prezidentimiz 2025-nji ýylyň 25-nji iýulynda geçiren Türkmenistanyň Ministrler Kabinetiniň mejlisinde Milli medeniýetimizi, sungatymyzy ösdürmek boýunça maksatnamalaýyn işleriň durmuşa geçirilýändigi bilen bagly milli taryhy-medeni gymmatlyga eýe bolan serişdeleri döwlet tarapyndan hasaba almak we olaryň Döwlet sanawyny ýöretmek maksady bilen taýýarlanan «Milli taryhy-medeni mirasyň gozgalýan gymmatlyklaryny döwlet tarapyndan hasaba almagyň Tertibini tassyklamak hakynda» Karara gol çekdi. Türkmenistanyň Döwlet medeniýet merkeziniň Döwlet muzeýinde hem bu taryhy waka mynasybetli hoşallyk maslahaty geçirildi. Ýurdumyzyň taryhy-medeni gymmatlyklaryny ýüze çykarmak, toplamak, ylmy taýdan öwrenmek we geljek nesillerine abat ýagdaýynda ýetirmek ugrunda uly tagallalar edilýär. Şol gymmatlyklary gorap saklamak, hasaba almak we olaryň Döwlet sanawyny ýöretmek işlerinde ýurdumyzyň muzeýleriniň mynasyp orny bardyr.  Hoşallyk maslahatynda Türkmenistanyň Döwlet medeniýet merkeziniň Döwlet muzeýiniň, Türkmenistanyň Döwlet medeniýet merkeziniň Döwlet kitaphanasynyň, Arkadag şäheriniň Taryhy we ülkäni öwreniş muzeýiniň, Türkmenistanyň Şekillendiriş sungaty muzeýiniň, «Watan mukaddesligi» muzeýiniň, «Gökdepe» milli muzeýiniň, Türkmenistanyň Çeperçilik sergiler müdirliginiň we Şekillendiriş sungatynyň sergi merkeziniň ýolbaşçylary we hünärmenleri çykyş etdiler. Türkmenistanyň Döwlet medeniýet merkeziniň Döwlet muzeýinde geçirilen hoşallyk maslahatyna gatnaşyjylar taryhymyzyň gymmatly hazynalaryny resmi esasda dogry öwrenmäge hem-de geljek nesillere aýawly ýetirmekde döredip berýän ähli mümkinçilikleri üçin Gahryman Arkadagymyza hem-de Arkadagly Gahryman Serdarymyza biragyzdan çäksiz minnetdarlyk bildirdiler.

MAGTYMGULY DÜNÝÄNIŇ AKYLDARY

Muzeýler

28.07.2025

«Halkara parahatçylyk we ynanyşmak» ýylymyzyň her bir güninde ýokary guramaçylykda geçirilýän çäreler bu şanly ýylymyzda bagtyýar halkymyzyň her bir raýatynyň göwün guşuny galkyndyrýar. Uly ruhubelentlikde şatlyk–şowhuna beslenip ýokary guramaçylykda geçirilýän çärelerde milli mirasymyz, medeniýetimiz, edebiýatymyz öz beýanyny tapýar. Lebap welaýatynyň Taryhy we ülkäni öwreniş muzeýiniň hem-de Türkmenistanyň Agrar partiýasynyň Lebap welaýat, Çärjew etrap komitetleriniň bilelikde gurnamagynda beýik söz ussady Magtymguly Pyragynyň döredijiligine bagyşlanyp «Magtymguly dünýäniň akyldary» atly dabaraly maslahat geçirildi. Maslahatda şahyryň döredijiligi bilen bir hatarda, Halkara parahatçylyk we ynanyşmak ýylymyzyň taryhy ähmiýetli wakalarynyň birine öwrüljek, şu ýylyň 4-nji, 8-nji awgusty aralygynda «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahaty, şahyryň arzuwlan Bitaraplygyň türkmen nusgasynyň işjeň we döredijilikli taglymatdygynyň täze ykrarnamasy boljakdygyna uly buýsanç bilen belläp geçdiler. Dabaranyň dowamynda oňa gatnaşyjylar bagtyýar zamanamyzda döredijilikli zähmet çekmäge, Magtymguly Pyragynyň döredijiligini halkymyzyň arasynda wagyz etmäge döredip berýän, ähli mümkinçilikleri üçin milli medeniýetimiziň, sungatymyzyň hak howandarlary türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza ýüreklerinden joşup çykýan alkyşlaryny, çäksiz sagbolsunlaryny beýan etdiler.

TÜRKMENISTANYŇ DÖWLET MEDENIÝET MERKEZINIŇ DÖWLET MUZEÝINDE “GÖZELLIK SURATKEŞLERIŇ NAZARYNDA” ATLY SERGISI

Muzeýler

16.07.2025

Medeniýetimize we sungatymyza egsilmez sarpa goýulýan Berkarar döwletiň täze eýýamynyň Galkynyşy döwründe ähli sungat ojaklarynda alnyp barylýan işler döwrüň talaplaryndan ugur alnyp kämilleşdirilýär. Şeýle işlerde türkmen şekillendiriş sungatyna uly orun berilmegi hem aýratyn bellärliklidir. Häzirki wagtda şekillendiriş sungatymyz barha ösýär. Türkmenistanyň Döwlet medeniýet merkeziniň Döwlet muzeýinde “Gözellik suratkeşleriň nazarynda” atly sergi gurnaldy. Sergide muzeýiň gaznasynda saklanylýan daşary ýurt suratkeşleriniň hem-de türkmen suratkeşleriniň eserleri ilkinji gezek görkezilýär. Serginiň başy Türkmenistanyň sungatda at gazanan işgäri suratkeş Allamyrat Muhammedowyň "Adalatyň dabaralanmagy" atly eseri bilen açylýar. Bu eser Beýik seljuk türkmen döwletiniň köşgünde bolup geçýän erkin pikir alyşmalar, raýatlaryň hukugynyň goragy baradaky pelsepe häsiýetde bolup, suratkeşiň 2002-nji ýylda döreden “Muhammet Togrul begiň soltanlyk hutbasy” atly eseriniň bir toplumydyr.  B.Muhammedowyň “Şükür bagşy”, G.Töräýewiň ”Köneürgenç” Ý.Jumaýewiň “Ahal ýaýlasy” atly ajaýyp eserleri sergimize aýratyn gözellik berýär. Ýelden ýyndam behişdi bedewlerimizi döredijiliginiň baş temasyna öwren ussat suratkeşleriň döredýän eserlerini synladygyňça, milli gymmatlyklarymyza bolan buýsanjyň artýar. Şeýle zehinli suratkeşleriň biri P.Gapançaýewdir. Onuň “Berkarar”, “Akhan”, “Turan bilen Wepalynyň doslugy” ýaly ajaýyp eserleri serginiň görnükli ýerinde orun berilýär. Serginiň dowamynda Gahryman Arkadagymyza sowgat berilen Azerbeýjan döwletiniň belli suratkeşleri Maral Rahmanzade, Togrul Narimanbekow, Mikail Abdullaýew, Özbegistan döwletinden W.Enin, Täjigistandan döwletinden I.D.Sibizow, S.Arabow, Russiýa döwletinden Frans Rubo, A.Sarokin, I.P.Rubinskiý we birnäçe suratkeşleriniň eserlerini hem görmek bolýar. Umuman aýdanyňda türkmen suratkeşleriniň hem-de daşary ýurt suratkeşleriniň döredijilikleri çuňňur mazmuna ýugrulandyr. Olaryň ajaýyp eserleri tomaşaçylary ruhy taýdan terbiýelemekde uly ähmiýete eýedir. Şeýle-de bu eserler kämillige ymtylýan, sungatyň inçe syrlaryna aralaşan zähmetsöýer ussat suratkeşlerdigini açyp görkezýär.

SANLY ULGAM-DÖWREBAP ÖSÜŞLERIŇ BINÝADY

Muzeýler

16.07.2025

Berkarar döwletimiziň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň ýolbaşçylygynda ýurdumyzyň ähli pudaklarynda sanly ulgama geçmek işleri üstünlikli alnyp barylýar. Gahryman Arkadagymyz, Arkadagly Gahryman Serdarymyz ähli pudaklarda sanly ulgamy ornaşdyrmak, pudagyň işgärler kuwwatyny pugtalandyrmak, döwlet dolandyrşyň netijeliligini, halkymyzyň durmuş derejesini ýokarlandyrmak üçin elektron we ylmy ulgamy özleşdirmek, ýokary tehnologiýalar arkaly pudaklary döwrebaplaşdyrmak meselelerine aýratyn ähmiýet berýär. Häzirki innowasiýalaryň ösen eýýamynda medeniýet ulgamyny kämilleşdirmek , ulgamyň işini döwrebap derejede guramak, kämil tehnologiýalary ornaşdyrmak, bu günki gün innowasion we programma üpjünçiligi bilen bagly bolup durýar. Ýaşlarda milli däp-dessurlarymyzy, ebedi mirasymyzy, şöhratly geçmiş taryhymyzy, taryhy şahsyýetlerimizi öwretmekde, ylym-bilim bermekde sanly ulgamyň orny örän uludyr. Muzeýlere innowasion tehnologiýalaryň ornaşdyrylmagy türkmen halkynyň medeni mirasyny, taryhyny, häzirki we geçmiş medeniýetini öwrenmäge, goramaga hem-de wagyz etmäge mümkinçilik berýär. Türkmenistanyň Medeniýet ministrliginiň “Watan mukaddesligi” muzeýinde wirtual muzeý internet saýty döredildi. Bu saýta giren her bir adam “Watan mukaddesligi” muzeýine wirtual arkaly gezelenç edip bilýär. Ol özüniň gyzyklanýan temasyny saýlap we düwmä bir gezek basyp muzeýiň “Gökdepe söweşi we beýik watançylyk urşy” “Gökdepe söweşiniň panoramasy”, “Ýer titreme”, “Aşgabat” bölümlerine gezelenç edip biler. Internet-saýtdan diňe bir ildeşlerimiz däl, eýsem daşary ýurtlylar hem peýdalanyp bilerler. Muzeýlerde wirtual usulyň ornaşdyrylmagy adamlaryň wagtyny tygşytlamaga, şeýle-de özlerine amatly pursatda muzeýlere gaýbana syýahat etmäge şert döredýär. “Watan mukaddeslik” muzeýi döwrebap tehnologiýalar bilen ornaşdyrylyp, muzeýe gelýän daşary ýurtly myhmanlar audio gid enjamyndan peýdalanyp bilýärler. Bu enjamyň ses ýazgylary bäş dilde (türkmen, iňlis, rus, hindi, türk) muzeý hünärmenleri tarapyndan taýýarlanyldy. Bulardan başgada sanly ulgam, ösen tehnologiýalar ornaşdyrylan “Aşgabat” bölüminde Aşgabat şäheriniň gözel keşbiniň binalaryny görkezýän Golografik enjamy ornaşdyrylan. Bu binalaryň maketleri 3-D şekilleri bilen hem giňişleýin teswirlenýär. Şeýle mümkinçiliklerden peýdalanyp türkmen muzeýleriniň milli medeniýeti, sungaty, taryhy, halk senetlerini wagyz etmekdäki ähmiýeti ýokarlanyp, olar öz ösüşiniň sanly tapgyryna gadam basýarlar. Sanly tehnologiýalaryň şeýle tiz ösýän, kämilleşýän döwründe mähriban halkymyzy, bagtyýar ýaş nesillerimizi aýdyň geljege ruhlandyryp, ýüreklerde berkarar döwrümizi rowaçly menzillere besleýän Gahryman Arkadagymyza Arkadagly Gahryman Serdarymyza çäksiz alkyşy goşalandyrýar. __________________ Jeren ALTYÝEWA Türkmenistanyň Medeniýet ministrliginiň «Watan mukaddesligi» muzeýiniň Baş gazna saklaýjysy

BILDIRIŞ !

Muzeýler

15.07.2025

Türkmenistanyň Döwlet medeniýet merkeziniň Döwlet muzeýi 2025-nji ýylyň 16-njy iýulynda sagat 10:00-da «Gözellik suratkeşleriň nazarynda» atly gurnalan serginiň açylyş dabarasyna çagyrýar. Biziň salgymyz: Arçabil şaýolunyň 50-nji jaýy. Habarlaşmak üçin: 48-25-92

SANLY MEDENIÝET-YKDYSADY ÖSÜŞIŇ MÖHÜM ŞERTI

Muzeýler

12.07.2025

2025-nji ýylyň iýul aýynyň 5-ne hormatly Prezidentimiz Serdar Berdimuhamedowyň wideo aragatnaşyk arkaly geçiren Ministrler Kabinetiniň nobatdaky mejlisinde ýurdumyzyň medeniýet ulgamyny esasan-da muzeýlerde sanly ulgamy ornaşdyrmak baradaky beren tabşyryklary bu günki gün Berkarar döwletiň täze eýýamynyň Galkynyşy döwründe üstünlikli amala aşyrylýar. Muzeýlerde audiogid, QR kodlar, multimediýa enjamlar, muzeýleriň internet saýdlary, gologramma ýaly sanly ulgamyň enjamlary ornaşdyrylýar. Türkmenistanyň Medeniýet ministrliginiň “Watan mukaddesligi” muzeýinde Hormatly Prezidentimiziň başda durmagynda “Türkmenistanda 2019-2025-nji ýyllarda sanly ykdysadyýeti ösdürmegiň Konsepsiýasyny” durmuşa geçirmek boýunça beren tabşyryklaryny amala aşyrmaga degişli işler alnyp barylýar. Şeýle-de ýurdumyzda “Elektron hökümet hakynda” we “Türkmenistanda Internet torunyň ösüşini we Internet hyzmatlaryny etmegi hukuk taýdan düzgünleşdirmek hakynda” Türkmenistanyň kanunlaryndan ugur alyp ýurdumyzyň ähli muzeýlerinde internet hyzmatlaryndan peýdalanmaklyk üçin ähli şertler döredildi. Şu jähtden ugur alyp, Türkmenistanyň Medeniýet ministrliginiň “Watan mukaddesligi” muzeýiniň wirtual muzeý saýdyny kämilleşdirmek boýunça işler ýola goýuldy. Dünýäde ylmy-tehnikanyň ösmegi bilen häzirki zaman habarlar we aragatnaşyk tehnologiýasynda wirtuallaşdyrmak dünýäsi giň gerim alýar. Hormatly Prezidentimiz Serdar Berdimuhamedow türkmen halkynyň buýsançly taryhyny, milli mirasyny, medeniýetini we sungatyny wirtual görnüşe geçirmek arkaly wagyz etmeklige ägirt uly ähmiýet berýär. Wirtuallyk (Wirtual–gurşaw)-kompýuterde sintezlenen üç ölçegli ulgam bilen adamyň baglanyşygydyr. Wirtual gurşaw adamyny habarlar ulgamy bilen baglanyşdyrýar. Bu adamyň kompýuter bilen we onuň emele getirýän dünýäsi bilen gatnaşygyň modelirlemesidir. Häzirki döwürde internetiň wirtual dünýäsinde muzeýleriň uly mümkinçilikleri nazara alnyp, bütin dünýäde Internet muzeýleri döredilýär. Internet ulgamynda diňe bir maglumat alyşma bilen çäklenmän, muzeýara maslahatlary geçirmek, taslamalary işläp taýýarlamak, hyzmatdaşlyk birleşiklerini döretmek hem mümkindir. Bulardan başga-da muzeýler öz saýtyny mahabat hökmünde ulanmak hukugyna hem eýedir. Wirtual muzeýiň üsti bilen wirtual ekskursiýalary (gezelençleri) syýahaty hakyky muzeýde syýahat gurnandan hem gyzykly görnüşde gurnamak mümkinçiligi hem bar. Şeýle hem wirtual muzeýiň kömegi bilen wirtual sergileri, muzeý gymmatlyklaryny hem görkezip bolýar. Şeýle hem wirtual medeni ýadygärlikleriň döredilmegi we görkezilmegi, taryhy dikeltmeler, interaktiw eksponatlar, bir wagt ýitirilen desgalaryň we eksponatlaryň (gymmatlyklaryň) täzeden döredilmegi, medeni mirasyň we nesillere tabşyrylyşynyň düýbünden täze derejä geçmgine hem mümkinçilik berýär. Türkmenistanyň Medeniýet ministrliginiň “Watan mukaddesligi” muzeýiniň hemişelik sergi zallarynyň wirtual görnüşe geçirilmegi muzeýiň inetrnet torundaky adamlar bilen gatnaşygynyň has-da ýygjamlaşmagyna özüniň täsirini ýetirýär. Bu bolsa adamlarda sanly medeniýet diýen düşünjäniň has-da ösmegine itergi berýär. Ogulşat DÄDEBAÝEWA Türkmenistanyň Medeniýet ministrliginiň “Watan mukaddesligi” muzeýiniň uly ylmy işgäri

MUZEÝ IŞLERI KÄMILLIGIŇ ÝOLUNDA

Muzeýler

11.07.2025

Milli mirasymyza medeniýetimize, sungatymyza sarpaly Arkadagdan arkaly ýurdymyzda Gahryman Arkadagymyzyň, Arkadagly Gahryman Serdarymyzyň saýasynda ,,Halkara parahatçylyk we ynanyşmak” ýylymyzyň her bir güni şatlykly taryhy wakalara beslenýär. Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde muzeý işini kämilleşdirmäge aýratyn uly üns berilýär. Bu babatda muzeýimizde tutumly işler wagyz-nesihat duşuşyklary, baýramçylyk çäreleri yzygiderli geçirilýär. Hormatly Prezidentimiziň sanly ulgam arkaly geçiren Ministrler Kabinetiniň nobatdaky Mejlisinde halkymyzyň baý ruhy gymmatlyklaryny, medeni mirasymyzy gorap saklamakda, öwrenmekde ýurdumyzyň muzeýlerine aýratyn ornuň degişlidigini, şeýle-de muzeý işini has-da döwrebaplaşdyryp, kämilleşdirip halkymyzyň şöhratly taryhyny dünýä ýaýmaga hem-de muzeýlere sanly ulgamyň mümkinçiliklerini ornaşdyrmak dogrusynda birnäçe anyk wezipeleri kesgitledi. Halkymyzyň baý ruhy gymmatlyklarymyzy, medeni mirasymyzy gorap saklamakda, ylmy esasda öwrenmekde we dünýä ýaýmakda ýurdumyzyň muzeýlerine aýratyn orun degişlidigini belläp geçmegi, biz bagtyýar zamanamyzyň milli mirasyny wagyz edýän muzeý hünärmenleriniň buýsançly başymyzy göge ýetirdi.  Hut şu nukdaýnazardan, şu gün Lebap welaýatynyň Taryhy we ülkäni öwreniş muzeýinde welaýatymyzyň medeniýet sungat işgärleriniň hem-de muzeý hünärmenleriniň gatnaşmagynda «Muzeý işleri kämilligiň ýolunda» atly dabaraly hoşallyk maslahaty geçirildi, şeýle-de hoşallyk maslahatynyň dowamynda milli mirasymyzdan söz açýan, ata-babalarymyzyň dünýä medeniýetine goşan goşandynyň subutnamasy bolan taryhy tapyndylary, medeniýetimizi beýan edýän ajaýyp sergi ýaýbaňlandyryldy. Bu sergi özünde birnäçe tomaşaçylary jemläp ýatda galyjy ajaýyp pursatlar beslendi. Bize işlemäge, döretmäge, ýurdymyzyň bedew batly ösüşlerine özümiziň mynasyp goşantlarymyzy goşmaga, milli medeniýetimizi, milli gymmatlyklarymyzy, baý edebi mirasymyzy halkymyzyň arasynda wagyz etmäge döredip berýän ähli mümkinçilikleri üçin Gahryman Arkadagymyza, Arkadagly Gahryman Serdarymyza köp sagbolsun aýdýarys. Goý, Gahryman Arkadagymyzyň, Arkadagly Gahryman Serdarymyzyň janlary sag belent başlary aman bolsun. Goý, Gahryman Arkadagymyzyň, Arkadagly Gahryman Serdarymyzyň saýasynda türkmeniň medeniýeti, sungaty, milli mirasy has-da gülläp gül açsyn.

TARYH SAHYPASYNDA BAKY ÝAŞAR ADYŇYZ, ARKADAGLY SERDARYMYZ ÖÇMEZ ŞAN-ŞÖHRATYŇYZ

Muzeýler

10.07.2025

Hormatly Prezidentimiziň muzeý gaznalaryny baýlaşdyrmak we olary gorap saklamak hem-de ylmy taýdan öwrenmek baradaky tabşyryklaryndan ugur alyp Balkan welaýat Taryhy we ülkäni öwreniş muzeýi «Taryh sahypasynda baky ýaşar adyňyz, Arkadagly Gahryman Serdarymyz öçmez şan-şöhratyňyz» ady bilen halk arasyndan toplanan gymmatlyklary sergileriň üsti bilen halk köpçüligine ýetirdi. 

PARAHATÇYLYK WE YNANYŞMAK ÝYLYNDA ÇAGANYŇ HUKUGY

Muzeýler

09.07.2025

Türkmenistanyň Döwlet medeniýet merkeziniň Döwlet muzeýiniň “Şekillendiriş sungaty” we “Türkmenistanyň taryhy ylmy-barlag” bölümleriniň işgärleri tarapyndan Gökderedäki “Ýaşlyk” sagaldyş we dynç alyş merkezinde “Parahatçylyk we ynanyşmak ýylynda çaganyň hukugy” atly çäräniň çäginde göçme sergi gurnaldy. Ol merkezlerde çagalar üçin peýdaly duşuşyklar yzygiderli geçirilip durulýar. Bu sergide türkmen halkynyň gadymdan galan egin-eşikleri, haly önümleri, durmuş esbaplary we ýurdumyzda duş gelýän birnäçe haýwanlaryň, guşlaryň, süýrenijileriň dürli görnüşleriniň gäpleri görkezildi. Çagalar serginiň dowamynda gelin-gyzlaryň gadymy egin-eşikleri barada gyzykly maglumatlary diňlediler şeýle hem haýwanlaryň biologiki aýratynlygy, olaryň ýaýran ýerleri we iýmitlenişi baradaky täsin maglumatlar bilen tanyşdylar. Bu sergi çagalaryň türkmen halkynyň miras galdyran we nesilden nesle geçip gelýän medeni gymmatlyklary, gözel tebigatymyzyň haýwanat dünýäsi barada maglumat almaklaryna we öz bilimlerini artdyrmaklaryna, dünýägaraýyşlaryny giňeltmeklerine ýardam berer. 

TÜRKMENISTANYŇ DÖWLET MEDENIÝET MERKEZINIŇ DÖWLET MUZEÝINDE MUZEÝARA MASLAHAT GEÇIRILDI

Muzeýler

07.07.2025

Berkarar döwletiň täze eýýamynyň Galkynyşy döwründe ýurdumyzda hormatly Prezidentimiziň baştutanlygynda ähli pudaklarda bolşy ýaly muzeý işini sanly ulgama geçirmek, ýurdumyzyň muzeýleriniň işini döwrüň talabyna laýyklykda kämilleşdirmek boýunça birnäçe işler durmuşa geçirilýär. Maglumatlaryň we tehnologiýalaryň elýeterliligine daýanýan sanly ulgam, muzeý işinde hem özara gatnaşyklaryň täze ugurlarynyň açylmagyna giň mümkinçilikleri döredýär. Muzeýlerde sanly ulgamyň ornaşdyrylmagy innowasion tehnologiýalar arkaly medeni mirasymyzy, taryhymyzy, medeniýetimizi, türkmen halkynyň geçmişini öwrenmäge, gorap saklamaga hem-de olary dünýä ýaýmaga uly ýardam berýär. 2025-nji ýylyň 7-nji iýulynda Türkmenistanyň Döwlet medeniýet merkeziniň Döwlet muzeýinde Hormatly Prezidentimiziň 4-nji iýulda sanly ulgam arkaly geçiren Ministrler Kabinetiniň nobatdaky mejlisinde halkymyzyň baý ruhy gymmatlyklaryny, medeni mirasymyzy gorap saklamakda, öwrenmekde we dünýä ýaýmakda ýurdumyzyň muzeýlerine aýratyn ornuň degişlidigi barada aýdan sözlerinden ugur alyp muzeýara maslahat geçirildi. Maslahatyň çäklerinde Döwlet muzeýine täze kabul edilen gymmatlyklaryň sergisi guraldy. Onda Orta asyr ýadygärliklerine degişli täze kabul edilen arheologiýa tapyndylary, şeýle hem şu ýylyň dowamynda toplanan etnografiýa degişli gymmatlyklar görkezildi.  Maslahatda Türkmenistanyň Döwlet medeniýet merkeziniň Döwlet muzeýiniň direktory Meretgeldi Çaryýew, Türkmenistanyň Şekillendiriş sungaty muzeýiniň direktory Ismail Orazow, «Watan mukaddesligi» muzeýiniň direktory Maksat Kerimow, Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirliginiň Ýadygärlikleri öwrenmek we rejelemek bölüminiň başlygy Maksatmyrat Amanow, Türkmen döwlet medeniýet institutynyň Medeni gymmatlyklary rejeleýiş we muzeý işi kafedrasynyň müdiri, uly mugallym Maral Hojagulyýewa, Türkmenistanyň Döwlet medeniýet merkeziniň Döwlet muzeýiniň Mahabat we neşir işleri bölüminiň müdiri Bossan Ataýewa, Türkmenistanyň Medeniýet ministrliginiň Okuw mekdepleri, muzeýler we kitaphanalar bölüminiň esasy hünärmeni Durdymyrat Atdaýew, Türkmenistanyň Şekillendiriş sungaty muzeýiniň uly ylmy işgäri Güljeren Guljaýewa, Türkmenistanyň Döwlet medeniýet merkeziniň Döwlet muzeýiniň Tebigat we ülkäni öwreniş bölüminiň müdiriniň orunbasary Güljemal Annamyradowa, Türkmen döwlet medeniýet institutynyň Muzeologiýa, medeni we tebigy miras ýadygärliklerini taýýarlygy ugrunyň 3-nji ýyl talyby Bilbil Saparowa çykyş etdiler. Olar öz çykyşlarynda ýurdumyzyň muzeýleriniň işini döwrüň talabyna laýyklykda kämilleşdirmek boýunça durmuşa geçirilýän çäreler barada, esasan hem muzeýlerde sanly ulgamyň ornaşdyrylmagy we olaryň aýratynlygy barada giňişleýin durup geçdiler. Häzirki wagtda ýurdumyzyň iri muzeýlerine «Wirtual muzeý» sanly ulgamyny ornaşdyrmak arkaly gaýybana syýahat etmäge, muzeýlerde bar bolan gymmatlyklar bilen ýakyndan tanyşmaga mümkinçilik döredilýär. Muzeý gymmatlyklaryny toplamak, muzeý gaznasyny baýlaşdyrmak muzeý işiniň esasy ugurlarynyň biri bolup durýar. Bular barada hem çykyşlarda giňişleýin durlup geçildi. Şeýle hem çykyşlarda sanly ulgamyň bize döredýän giň şertleriniň hatarynda, gymmatlyklaryň her biri üçin aýratynlykda anyk maglumat almaga mümkinçilik döredýän QR kod ulgamyna geçmeklik işleriniň yzygiderli dowam etdirilýändigi barada hem giňişleýin durlup geçildi. Maslahata gatnaşyjylar milli medeniýetimizi we sungatymyzy dünýä wagyz etmäge ýurdumyzyň muzeýlerinde sanly ulgamyň ornaşdyrylmagyna giň mümkinçilikleri döredip berýän hormatly Prezidentimiziň janynyň sag, il-ýurt bähbitli işleriniň rowaç bolmagyny arzuw etdiler. Maslahat tamamlanandan soňra oňa gatnaşyjylar muzeý gymmatlyklaryndan guralan sergini aýlanyp gördüler. 

• ←
• 1
• ...
• 7
• 8
• 9
• ...
• 28
• →