HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Tegelek stoluň başynda söhbetdeşlik

Kitaphanalar

29.08.2026

Türkmenistanyň B.Amanow adyndaky Döwlet çagalar kitaphanasynda “Altyn asyr” teleýaýlymynyň “Söz mülkiniň bossany” gepleşiginiň ýazgy etmekliginde “Garaşsyz ýurt dünýä ykrar. Toýa barýar Arkadagly Gahryman Serdarly diýar” atly tegelek stoluň başynda söhbetdeşlik ýazgy edildi. Özbaşdak ösüşüň röwşen ýoly bilen abadançylygyň hem rowaçlygyň belentliklerine tarap ynamly öňe barýan eziz Watanymyz Garaşsyzlyk ýyllarynda asyrlara barabar ýoly geçdi. Garaşsyzlyk döretmäge kuwwat, gurmaga güýç, parahatçylygy we dost-doganlygy pugtalandyrmaga egsilmez ylham berdi “Nesil” gazetiniň bölüm redaktory şahyr, Leýli Gurbanowa hem-de kitaphana hünärmenleri şular dogrusynda täsirli gürrüňleri berdiler. Dünýä bileleşigi Garaşsyz, hemişelik Bitarap Türkmenistanyň halkara gatnaşyklar ulgamyndaky belent abraýyna uly sarpa goýup, öňe sürýän möhüm başlangyçlaryny işjeň goldamaklykda beýik işleri alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň hemişe rowaç bolmagyny tüýs ýürekden arzuw etdiler.

Garaşsyzlyk-halkyň ykbaly

Kitaphanalar

29.08.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi tarapyndan “Garaşsyz, baky Bitarap Türkmenistan-bedew batly at-myradyň mekany” ýylymyzda, şanly Garaşsyzlygymyzyň 35 ýyllyk toýy mynasybetli “Garaşsyzlyk-halkyň ykbaly” ady bilen edebiýat agşamy geçirildi. Edebiýat agşamynda çykyş edenler mukaddes Garaşsyzlygymyzyň şanly 35 ýylynyň içinde ähli ugurlardaky gazanylan ajaýyp üstünlikler, biziň ykdysadyýetimizde, milli medeniýetimiz we sungatymyzda ylym-bilimde , saglygy saklaýyşda, halkara gatnaşyklarynda gazanylan asyrlara barabar beýik ösüşler hakynda giňişleýin söhbet etdiler.Öz bilişimiz ýaly, bu gün biziň baý edebi mirasymyz, şöhratly taryhymyz halk- döredijiligimiz hakynda ýazylan edebiýatlar hem Garaşsyzlyk ýyllarynda täzeden- täze çap edilip halkymyza ýetirildi. Aşgabat şäheriniň, şeýle hem sebitde deňi–taýy bolmadyk Arkadag şäheriniň binagärlik keşbi hem bu gün dünýäniň nazarynda.Welaýatlarda gurulýan ägirt uly desgalar, binalar medeniýet we sungat ojaklary hem halkymyzyň hyzmatynda. Çykyş edenler bular hakynda nygtamak bilen, öz söhbetleriniň ahyrynda Garaşsyzlyk hakynda ýazan goşgularyny okadylar hem-de bize şu ajaýyp, bagtly durmuşy gurup beren türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

Kitap – dünýäniň açary

Kitaphanalar

29.08.2026

Türkmenistanyň Döwlet medeniýet merkeziniň Döwlet kitaphanasynda “Altyn Asyr” teleýaýlymy tarapyndan “Kitap – dünýäniň açary” ady bilen söhbetdeşlik geçirdi. Söhbetdeşlikde çykyş edenler Arkadagly Gahryman Serdarymyzyň: “Ýurdumyzda ýaşlar döwlet syýasatyny ýaşlaryň arasynda giňden wagyz-nesihat etmekde we ony üstünlikli durmuşa geçirmekde Milli Liderimiz Gahryman Arkadagymyzyň çuňňur pähim-paýhasa, baý many-mazmuna ýugrulan ajaýyp kitaplary, gymmatly gollanmadyr, ylym-bilim, edep-terbiýe, babatda görelde mekdebidir” diýen, parasatly jümlelerinden ugur alyp, kitaphon jemgyýeti döretmek şeýle-de ýaşlaryň kitaba bolan söýgüsini we gyzyklanmalaryny has-da artdyrmak esasy maksadymyz bolup durýar diýip çykyş edenler ýürek buýsançlaryny beýan etdiler. Söhbetdeşligiň ahyrynda çykyş edenler türkmen halkyny bagtyýar durmuşda ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny arzuw etdiler.

Sanawaçlar we matallar

Kitaphanalar

29.08.2026

Türkmenistanyň Döwlet medeniýet merkeziniň Döwlet kitaphanasynyň Sungat bölümi 25-nji çagalar bakja bagynda - “Sanawaçlar we matallar” atly söhbetdeşlik we göçme kitap sergisini gurady. Çagalar bakja bagynda guralan sergidäki sanawaçly we matally kitaplar, okalan ertekiler çagalarda uly täsir galdyrdy. Kitaphanaçylaryň sanap beren sanawaçlaryny çagalar uly höwes bilen diňlediler. Berkarar döwletiň täze eýýamynyň Galkynyşy döwründe, Gahryman Arkadagymyzyň, Hormatly Prezidentimiziň ýolbaşçylygynda nesilleriň uçar ganaty bolan kitabyň gadyry beýik tutulýar. Ýaş nesillerimiziň ylymly-bilimli bolmaklary, döwrebap dynç almaklary üçin şular ýaly ajaýyp zamanany peşgeş beren we ony parasatly dolandyrýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri rowaçlyklara beslensin.

Rowaýatlar ummany – açar syrly dünýäni

Kitaphanalar

29.08.2026

Türkmenistanyň Döwlet medeniýet merkeziniň Döwlet kitaphanasynyň Ylmy-usuly bölüminiň işgärleri Aşgabat şäherinde ýerleşýän 111-nji çagalar bakja-bagynda körpejeler bilen “Rowaýatlar ummany – açar syrly dünýäni” atly söhbetdeşlik geçirdi. Körpejeleriň arasynda çagalar üçin niýetlenen ertekiler, tapmaçalar, nakyllar, ýaňyltmaçlar aýdylyp, täsirli gürrüňler geçirildi. Birnäçe ertekili kitaplar, tapmaçalar bilen tanyşdyryldy we labyzly okuw, çeper okaýyş gurnaldy. Söhbetdeşlikde kitaphana işgärleri bilen çagalaryň arasynda labyzly okalan ertekilerden, tapmaçalardan sorag-jogap alşyldy. Bu bolsa çagalarda kitaba bolan söýgini has-da artdyrdy. Söhbetdeşligiň ahyrynda oňa gatnaşyjylar ösüp gelýän körpe nesliň okap, ylymly-bilimli bolup ýetişmekleri üçin giň mümkinçilikleri döredip berýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

Söhbetdeşlik geçirildi

Kitaphanalar

25.08.2026

Şu gün Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi tarapyndan “Garaşsyzlygyň we gurluşygyň beýik ýoly” atly söhbetdeşlik geçirildi. Berkarar döwletiň täze eýýamynyň Galkynyşy döwründe eziz Watanymyz Türkmenistan uly ösüşleriň ýoly bilen ynamly öňe barýar. Bu gün ýurdumyzyň ähli künjegindäki binagärlik gözellikleri kalplary guwanç-buýsanja besleýär. Gözel paýtagtymyz Aşgabat şäheri dünýäde deňi-taýy bolmadyk binagärlik sungaty we ak mermerli binalary bilen Ginnesiň rekordlar kitabynda orun aldy. Arkadag şäheri ýurdumyzyň ilkinji “Akylly” şäheri bolup, gurluşyk ulgamynda innowasion tehnologiýalaryň we ekologiýa taýdan arassalygyň aýdyň nusgasydyr. Ýurdumyzyň ähli welaýatlarynda täze döwrebap obalar, ýaşaýyş jaý toplumlary, mekdepler, çagalar baglary, hassahanalar hem-de senagat kärhanalary gurulýar. 2026-njy «Garaşsyz, baky Bitarap Türkmenistan – bedew batly at-myradyň mekany» ýylynda açylyp, ulanmaga berilýän ajaýyp binalaryň ýurdumyzyň görküne görk goşýandygy hakynda söhbetdeşlige gatnaşanlar täsirli gürrüňleri berdiler. Eziz Watanymyzy gülledip ösdürýän Gahryman Arkadagymyza, Arkadagly Gahryman Serdarymyza çäksiz alkyşlaryny aýtdylar.

Milli mirasymyza sarpa

Kitaphanalar

25.08.2026

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň saýasynda milli mirasymyz, medeni gymmatlyklarymyz, däp-dessurlarymyz ýokary derejede sarpalanýar. Milli mirasymyz jemgyýetiň ruhy baýlygynyň aýrylmaz bir bölegidir. Türkmen halkynyň gadymy medeni mirasy, ruhy gymmatlyklary asyrlaryň uzak heňňamlarynyň dowamynda barha baýlaşyp, kämilleşip gelýär. Häzirki wagtda halkymyzyň baý durmuş tejribesi esasynda toplanan milli-ruhy medeni mirasyny öwrenmek, toplamak, olaryň gadymy nusgalaryny ýüze çykarmak, hasaba almak we geljekki nesillere ýetirmek babatynda möhüm wezipeler durmuşa geçirilýär. Milli mirasymyzy öwrenmekde şeýle hem geljekki ýaş nesillerimize ýetirmekde, irginsiz alada edýän Gahryman Arkadagymyzyň, Arkadagly Gahryman Serdarymyzyň janlary sag bolsun, ömürleri uzak bolsun, il-ýurt bähbitli işleri hemişe rowaçlyklara beslensin!

ÖSÜŞLERIŇ ÝOLY BILEN: ÝAŞLYK, DÖREDIJILIK WE GARAŞSYZLYGYŇ MIZEMEZ RUHY

Kitaphanalar

25.08.2026

Türkmenistanyň Döwlet medeniýet merkeziniň Döwlet kitaphanasy we Magtymguly adyndaky Ýaşlar guramasynyň Aşgabat şäher Geňeşi hem-de “Aşgabat” teleýaýlymy bilen bilelikde guramagynda “Ösüşleriň ýoly bilen” atly söhbetdeşlikde “Aşgabat” teleýaýlymy tarapyndan ýazgy edilen bu duşuşykda paýtagtymyzyň ýaşlarynyň döredijilik başarnyklaryny, ylymda, sportda we jemgyýetçilik işlerinde gazanýan üstünliklerini giňden açyp görkezdi. Şu ýyl Bilimler we talyp ýaşlar gününiň mukaddes Garaşsyzlygymyzyň şanly 35 ýyllygy toýlanýan döwrüne gabat gelmegi çäräniň ähmiýetini has-da artdyrdy. Garaşsyzlyk – bu bize bagtly geljegi, bilim almaga, zähmet çekmäge we döretmäge berlen tükeniksiz mümkinçilikleri peşgeş beren mukaddeslikdir. Duşuşygyň dowamynda çykyş eden ýaşlar ylym-bilim ulgamynda döwletimiz tarapyndan döredilýän şertler üçin çuňňur buýsanç sözlerini beýan etdiler. Häzirki wagtda öňdebaryjy tehnologiýalary özleşdirýän, dünýä dillerini erkin başarnykly, ata Watanymyzyň abraýyny ýokary göterýän ýaşlaryň gatnaşmagyndaky bu söhbetdeşlik hakyky döredijilik we pikir alyşma meýdançasyna öwrüldi. “Garaşsyzlygyň 15 ýyllygy” seýilgähiniň ýaşyl baglarynyň arasynda ýaňlanan bu söhbetdeşlik ýaşlaryň diňe bir güýç-gaýratyny däl, eýsem olaryň ertirki güne bolan ynamyny hem açyp görkezdi. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç almagyny tüýs ýürekden arzuw etdiler.

“Ekitap” atly elektron kitaphanasy

Kitaphanalar

24.08.2026

Hormatly Prezidentimiziň kitaphana ulgamyny ösdürmekde döredip berýän giň mümkinçiliklerinden ýerlikli peýdalanylyp, Döwlet kitaphanasy tarapyndan “Ekitap” atly elektron kitaphanasy döredildi. “Ekitap” mobil goşundysy okyjylaryň şahsy kitaphanasy bolup, onda dürli görnüşli elektron we audio kitaplar okyjylaryň ygtyýarynda bolar. Okyjylar islendik wagtda, islendik ýerden mobil öýjükli telefonlarynyň, kompýuterleriniň kömegi bilen, tiz wagtyň dowamynda özlerine gerek maglumatlary, kitaplary peýdalanyp bilerler.

Maslahat geçirildi

Kitaphanalar

24.08.2026

Döwletmämmet Azady adyndaky Arkadag şäher kitaphanasy bilen Sahy Jepbarow adyndaky Arkadag şäher ýörite sungat mekdebiniň bilelikde guramagynda “Garaşsyzlyk ýyllarynda şöhratly taryhymyz – milli mirasymyz” atly maslahat geçirildi. Ýurdumyzyň mukaddes Garaşsyzlygy mähriban halkymyzyň, ata Watanymyzyň berkararlygydyr. Parahatçylyk söýüji, ynsanperwer ýörelgä esaslanýan, dostlugy dabaralandyrýan döwletimize guwanýarys. Halk abadan, Watan öz erkli, Garaşsyz bolanda ösüş-özgerişler yzly-yzyna dowamly bolýar. Her ýylyň 27-nji sentýabry Garaşsyzlyk güni uly toý-baýram edilip ýurdumyzda giňden bellenýär. Garaşsyzlyk bize bir bitewi halkdygymyza buýsanmaga, eziz Watanymyzyň jebisliginden ruhlanyp, abadan durmuşda ýaşamaga şert döretdi. Döwletimiz asyrlardan gözbaş alyp gaýdýan ruhy we maddy baýlyklarynyň eýesi boldy. Häzirki wagtda gymmatly baýlyklarymyz, milli mirasymyz halkymyzyň buýsanjy bolup dünýä ýaýylýar.

• ←
• 1
• ...
• 23
• 24
• 25
• ...
• 169
• →