HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Şu ertekiler size tanyşmy?

Kitaphanalar

24.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollamurt adyndaky kitaphana şahamçasynyň guramagynda, 40-njy çagalar bagynda «Şu ertekiler size tanyşmy?» atly sesli okaýyş geçirildi. Sesli okaýyşda halk döredijiliginiň bir görnüşi bolan türkmen halk ertekileriniň nesil terbiýesinde ornunyň örän uludygy, ertekilerde halallyk, ynsaplylyk, ynsan güýjüne, paýhasyna daýanmak, hoşgylawlylyk, sadalyk, dogruçyllyk, edep-ekramlylyk ýaly asylly gylyk-häsiýetler barada giňişleýin gürrüň berdiler. Şeýle hem, halk ertekilerindäki gahrymanlaryň ýaş nesilleriň aňlarynyň, düşünjeleriniň sagdyn ösmeginde täsiriniň örän uludygyny nygtadylar we türkmen halk ertekileriniň birnäçe görnüşlerinden çeper okap berdiler. Körpeler bilen ertekilerdäki haýsy gahrymanlaryň keşplerinde bolmak isleýändikleri barada pikir alyşdylar.

Çaga terbiýesine bagyşlanan söhbetdeşlik

Kitaphanalar

24.08.2026

Döwletmämmet Azady adyndaky Arkadag şäher kitaphanasynyň, “Arkadag” teleýaýlymy bilen bilelikde gurnamagynda geçirilen “Bal süýji baldan bala” atly söhbetdeşlikde, çaga terbiýesiniň durmuşyň hem-de jemgyýetiň möhüm bölegi bolup durýandygy, ýaş nesli durmuşa ugrukdyrmakda, sözleýiş, özüňi alyp barmak medeniýetini ösdürmekde akyl başarnygyna aýratyn ähmiýet berilýändigi nygtaldy. Çaganyň ösüşinde aýdym-saz, sungat, sport möhüm orun eýeleýär. Halk döredijiliginiň çaga durmuşynda tutýan orny uly bolup, çaga oýunlary bilen baglanyşykly görnüşleriniň biri ertekiler we sanawaçlardyr. Ertekiler çaganyň diňe bir sözleýşini baýlaşdyrman, eýsem, kämil düşünjäni hem kemala getirýär. Esasan hem, ertekilerdäki gahrymanlar, olaryň ýagşylyklary körpelerde gowy häsiýetleriň döremegine täsir edip, döredijilikli pikirlenmegiň, akyl ýetirmegiň hem-de zähmetiň miwesini emele getirýär- diýip bellediler. Söhbetdeşligiň ahyrynda oňa gatnaşyjylar, ýaş nesilleriň okamaklary, öwrenmekleri üçin giň mümkinçilikleri döredip berýän, Gahryman Arkadagymyza, Arkadagly Gahryman Serdarymyza çäksiz alkyşlaryny aýtdylar.

Garaşsyzlyk – buýsanjymyz bagtymyz

Kitaphanalar

22.08.2026

Türkmenistanyň Döwlet medeniýet merkeziniň Döwlet kitaphanasynyň Hyzmat ediş bölümi “Aşgabat” teleýaýlymy bilen bilelikde “Garaşsyzlyk – buýsanjymyz bagtymyz” atly söhbetdeşlik geçirdi. “Garaşsyz, baky Bitarap Türkmenistan – bedew batly at- myradyň mekany” ýyly uly üstünliklere beslenýär. Şu ýyl Mukaddes Garaşsyzlygymyzyň 35 ýyllyk şanly baýramyny uly ruhubelentlik bilen garşylaýarys. Garaşsyzlyk – milli buýsanjymyz, bagtymyz ata- babalarymyzyň asyrlar boýy arzuwlan berkararlyk binýadydyr. Gahryman Arkadagymyzyň “Garaşsyzlyk–bagtymyz” atly kitabynda hem Garaşsyzlygyň halkymyzyň ykbalyndaky orny, milli agzybirligimiziň we jebisligimiziň ähmiýeti çuňňur many–mazmun bilen açylyp görkezilýär. Mukaddes Garaşsyzlygymyzyň 35 ýyllygy – halkymyzyň agzybirliginiň, milli jebisliginiň, parahatçylygynyň hem-de ata Watana bolan beýik söýgüsiniň dabaralanmasydyr”.Ine şular dogrusynda söhbetdeşlige gatnaşanlar buýsanç bilen gürrüň etdiler. Söhbetdeşligiň ahyrynda Gahryman Arkadagymyza we Arkadagly Gahryman Serdarymyza janlarynyň sag, ömürleriniň uzak bolmagyny il- ýurt bähbitli alyp barýan beýik işleriniň rowaç almagyny tüýs ýürekden arzuw etdiler.

Halk maslahaty-döwletlilik ýörelgesi

Kitaphanalar

22.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasynyň guramagynda «Halk maslahaty-döwletlilik ýörelgesi» ady bilen wagyz-nesihat çäresi geçirildi. Çärede çykyş edenler mukaddes Garaşsyzlygymyzyň şanly 35 ýyllygynyň baýram edilýän günlerinde, halkymyzyň agzybirligini, jebisligini dabaralandyrýan Türkmenistanyň Halk Maslahatynyň nobatdaky mejlisine görülýän taýýarlyk işleri barada giňişleýin gürrüň berdiler. Şeýle-de Türkmenistanyň Halk Maslahaty - halk demokratiýasynyň dabaralanmasy bolup, onda ýurdumyzyň ýakyn we uzak geljegini nazarlaýan dürli meseleleriň oňyn işleriniň ara alnyp maslahatlaşylýandygyny, ýurdumyzda durmuşa geçirilýän ähli işleriň halkyň bähbidine gönükdirilýändigini buýsançly bellediler. Çäräniň ahyrynda ata Watanmyzyň halkara abraýyny has-da belende göterýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Türkmen halk matallary

Kitaphanalar

22.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasynyň guramagynda 2-nji çagalar bagynda «Türkmen halk matallary» kitaby esasynda gürrüňdeşlik geçirildi. Çärede ýaş nesillerde päklik, ahlaklylyk, edermenlik duýgularyny oýarmakda birnäçe kitaplaryň ornunyň uludygyny, aýratynam türkmen halk döredijiliginiň gadymy we baý görnüşi bolan matallar körpeleriň akyl-paýhasyny we pikirlenmek ukybyny ösdürýändigi, çaganyň bilesigeljiligini we daş-töwerege bolan garaýşyny giňeldýändigi barada aýtdylar. Şeýle-de körpeleriň söýgüli ertekileri, tapmaçalary we matallary esasynda özara sowal-jogap alyşdylar. Çäräniň ahyrynda bagtyýar nesillerimiziň geljegi ugrunda atalyk aladalary edýän Gahryman Arkadagymyza, Arkadagly Gahryman Serdarmyza alkyş sözlerini aýtdylar.

Türkmen halk ertekileri

Kitaphanalar

22.08.2026

Türkmenistanyň Döwlet medeniýet merkeziniň Döwlet kitaphanasynyň Kitaphanaara abonementi bölümi Aşgabat şäheriniň 107-nji çagalar bagynda "Türkmen halk ertekileri" atly çeper okaýyş we göçme kitap sergisini gurnady. Çagalar bagynda geçirilen çeper okaýyş we göçme sergi ýaş nesilleriň her birinde kitaba bolan söýgüni döretdi. Çagalaryň edepli-ekramly bolmagy üçin kitap okamaklygyň uly ähmiýeti bardyr. Şeýle ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

Täsirli söhbetdeşlik

Kitaphanalar

21.08.2026

Türkmenistanyň Döwlet medeniýet merkeziniň Döwlet kitaphanasynda “Altyn asyr: Türkmenistan” teleýaýlymy kitaphana işgärleriniň gatnaşmagynda, ýurdumyzda giňden bellenilýän şanly Garaşsyzlygymyzyň 35 ýyllyk baýramy mynasybetli söhbetdeşlik guradylar. Hünärmenler çykyşlarynda Garaşsyzlyk ýyllarynda geçilen ýola nazar aýlap, gazanylan üstünlikleri, ýetilen belent sepgitleri, şeýle hem, her bir ulgamyň bu baýrama zähmet üstünlikleri, sowgatlary bilen barýandygy, Döwlet kitaphanasy tarapyndan ýerine ýetirilýän işler, gurnaljak göçme sergiler, söhbetdeşlikler hakynda täsirli çykyşlar etdiler. Kitaphana hünärmenleri çykyşlarynyň ahyrynda, Gahryman Arkadagymyzy hem-de Arkadagly Gahryman Serdarymyzy, bagtyýar halkymyzy şanly Garaşsyzlygymyzyň 35 ýyllyk baýramy bilen tüýs ýürekden gutladylar.

“Kids EXPO: ähli zat çagalar üçin” atly halkara sergi-ýarmarkasyna Türkmenistanyň Bazar Amanow adyndaky Döwlet çagalar kitaphanasy göçme kitap sergisi bilen gatnaşdy

Kitaphanalar

21.08.2026

“Kids EXPO: ähli zat çagalar üçin” atly halkara sergi-ýarmarkasynda dürli ýaş toparlaryndaky çagalar üçin harytlar we hyzmatlar görkezildi. Ol harytlar we hyzmatlar çagalara bilim bermek, okatmak, oýunjaklar, ösüş esbaplary, çagalar edebiýaty, okatmaga niýetlenen neşirler, şeýle hem, sagdyn iýmitlenmek, sport we beden taýdan ösüş, döredijilik, çeperçilik işleri, çagalar modasy, internet howpsuzlygy tehnologiýalary, çagalar syýahatçylygy we saparlary hem-de beýleki ugurlara bölünýär. Geçirilýän sergi-ýarmarkasyna Türkmenistanyň Bazar Amanow adyndaky Döwlet çagalar kitaphanasy hem göçme kitap sergisi bilen gatnaşdy. Sergide dürli dillerde neşir edilen çagalar edebiýatyna degişli kitaplaryň we kitapçalaryň ençemesi ýerleşdirildi. Esasan-da daşary ýurt dillerine terjime edilen türkmen halk ertekileriniň dürli görnüşleri, ertekileri sahnalaşdyrmak üçin niýetlenen gurjaklar, çagalar üçin niýetlenen döwürleýin neşirler ýaşajyk, bilesigeliji okyjylarda ýakymly täsirleri galdyrdy. Geçirilýän şüweleňe paýtagtymyzyň ýaşaýjylary bilen bir hatarda hemişelik okyjylar hem gatnaşdylar. Sergi-ýarmarkasyna gatnaşanlar ýaş nesilleriň kitap bilen ýakyndan dostlaşmagyny gazanmak, şeýle hem, çagalaryň bagtyýar durmuşda ýaşamagy ugrunda döredip berýän giň mümkinçilikleri üçin, Gahryman Arkadagymyza hem-de Arkadagly Gahryman Serdarymyza çäksiz alkyşlaryny aýtdylar.

Halk maslahaty - döwletliligiň nusgasy

Kitaphanalar

21.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Döwletmämmet Azady adyndaky Arkadag şäher kitaphanasynyň bilelikde guramagynda «Halk maslahaty - döwletliligiň nusgasy» ady bilen söhbetdeşlik geçirildi. Söhbetdeşlikde çykyş edenler eziz Watanymyzyň her bir güni ajaýyp wakalara beslenýändigi, “Garaşsyz, baky Bitarap Türkmenistan – bedew batly at-myradyň mekany” ýylynda, mukaddes Garaşsyzlygymyzyň şanly 35 ýyllyk toýunyň toýlanýan ýylynda geçiriljek Türkmenistanyň Halk Maslahaty türkmen halkynyň beýik geçmişini, bagtyýar şu gününiň we röwşen geljeginiň bütewilik mekdebi höküminde berkarar döwletimiziň, häzirki zaman türkmen jemgyýetiniň gülläp ösüşlerine gönükdirilen nusgalyk ýörelgelere daýanýandygy hakynda gürrüň edildi. Söhbetdeşligiň ahyrynda dünýäde parahatçylyk taglymatyny dabaralandyrýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Gyzykly geçen bäsleşik

Kitaphanalar

21.08.2026

Türkmenistanyň Bazar Amanow adyndaky Döwlet çagalar kitaphanasy ýakynda “Kids EXPO: ähli zat çagalar üçin” atly halkara sergi-ýarmarkasyna gatnaşdy. Kitaphana degişli pawilionda çagalar üçin niýetlenilen gyzykly ertekili kitaplar çärä gatnaşyjylarda aýratyn täsir galdyrdy. Şeýle hem, körpe kitap söýüjileriň arasynda kitaphana hünärmenleri tarapyndan bäsleşik geçirildi. «In köp kitap okaýan çaga», «Minutda köp söz okamak», «Erteki gahrymanlaryny tanamak» ugurlary boýunça geçirilen bäsleşikde ýokary netijeleri görkezen çagalara Türkmenistanyň Bazar Amanow adyndaky Döwlet çagalar kitaphanasy tarapyndan kitap we Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň Kärdeşler arkalaşygynyň Geňeşi tarapyndan mekdep torbalary sowgat berildi. Çagalarda kitap okamaga höwes döretmek, kitap bilen dostlaşmak we kitabyň adamzat durmuşynda tutýan möhüm orny barada giňişleýin düşünje bermek maksady bilen geçirilen bäsleşik gyzykly hem täsirli boldy.

• ←
• 1
• ...
• 24
• 25
• 26
• ...
• 169
• →