HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Zehinli çagalar bäsleşigi

Kitaphanalar

12.06.2026

Türkmenistanyň B.Amanow adyndaky döwlet çagalar kitaphanasy “Ýaşlyk” teleýaýlymy hem-de Aşgabat şäher Baş bilim müdirligi bilen bilelikde tomusky dynç alyş möwsüminde Gökderedäki “Beýik Serdaryň ruhubelent nesilleri” çagalar sagaldyş we dynç alyş merkezinde dynç alýan çagalar bilen “Zehinli çagalar” ady bilen bäş tapgyrdan ybarat bolan bäsleşik geçirdi. Bäsleşigiň dowamynda türkmen dili, edebiýat, matematika dersleri şeýle-de türkmen halk ertekileri, suratlar esasynda düzülen dürli şertler boýunça toparlar özara ýaryşdylar. Çekeleşikli geçen bäsleşikde ýeňiji bolan çagalara Türkmenistanyň Magtymguly adyndaky Ýaşlar guramasynyň Berkararlyk etrap geňeşligi tarapyndan taýýarlanan sowgatlar gowşuryldy. Gurnalan göçme kitap sergisi hem çagalarda uly täsir galdyrdy. Bäsleşigiň ahyrynda nesil hakynda uly aladalar edýän, olaryň beden hem-de ruhy taýdan sagdyn bolmagy, dynç alyş möwsümini gyzykly hem-de şadyýan geçirmegi üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

Medeniýet–ynsan köňlüniň nury

Kitaphanalar

12.06.2026

Berkarar döwletiň täze eýýamynyň Galkynyşy döwründe hormatly Prezidentimiziň ýolbaşçylygynda türkmen medeniýeti, türkmen sungaty gülleýär, dünýä ýüzüne ýaň salýar. Şanly Garaşsyzlygymyzyň 35 ýyllyk toýunyň toýlanýan ýylynda ýurdumyzyň ähli ýerlerinde, şol sanda bilim ojagy bolan kitaphanalarda hem Medeniýet we sungat işgärleriniň hem-de Magtymguly Pyragynyň şygryýet güni mynasybetli söhbetdeşlikler, döredijilik duşuşyklary yzygiderli geçirilýär.Türkmenistanyň Döwlet medeniýet merkeziniň Döwlet kitaphanasynda “Altyn asyr” teleýaýlymynyň ýazgy etmeginde “Medeniýet–ynsan köňlüniň nury” ady bilen tegelek stoluň başynda söhbetdeşlik gurnaldy. Söhbetdeşlikde çykyş edenler ýurdumyzda geçirilýän şanly seneler, medeniýet hepdeliginiň ähmiýeti we akyldar şahyrymyz Magtymguly Pyragynyň döredijiligi hakynda söhbet etdiler. Söhbetdeşligiň ahyrynda oňa gatnaşyjylar bu günki günde beýik akyldaryň arzuwlan bagtyýar zamanasyny türkmen halkyna peşgeş beren Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Koreý dilindäki edebiýatlar

Kitaphanalar

12.06.2026

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölüminde “Koreý dilindäki edebiýatlar” atly kitap sergisi gurnaldy. Berkarar döwletiň täze eýýamynyň Galkynyşy döwründe Döwlet Baştutanymyzyň başlangyjy bilen Bitarap Watanmyzyň daşary syýasat strategiýasynyň yzygiderli amala aşyrylmagy bilen baglylykda, dostlukly Koreý döwleti bilen özara bähbitli hem-de deňhukukly hyzmatdaşlygyň ösdürilmegine uly ähmiýet berilýär. Döwlet kitaphanasynda hem Koreý döwletiniň medeniýeti, edebiýaty, taryhy baradaky kitaplar ýerleşdirilen sergi gurnaldy. Sergide ýerleşdirilen kitaplar dostlukly halkyň däp-dessurlaryny, taryhyny we medeniýetini okyjylar köpçüligine tanyşdyrmaga uly orun eýeleýär. Häzirki wagtda daşary ýurt dillerini we edebiýatyny öwrenmäge aýratyn ähmiýet berilýär. Şeýle ajaýyp mümkinçilikleri döredip berýän Türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsun aýdýarys!

Kitap seniň iň gadyrdan dostuňdyr

Kitaphanalar

12.06.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň işgärleri Aşgabat şäherinde ýerleşýän 109-njy çagalar bakja-bagynda “Kitap seniň iň gadyrdan dostuňdyr” atly körpeje çagalaryň arasynda çeper okaýyş we göçme kitap sergisi geçirildi. Çeper okaýyşda çagalar üçin niýetlenen ertekilerden labyzly okap berdiler. Bakja – bagyndaky çagalar okap berlen ertekileri ünsi diňläp özlerinde täsir galdyran gahrymanlary gyzyklanma bilen sorag jogap alyşdylar. Söhbetdeşlikde çagalary gyzyklandyrýan türkmen halk ertekilerinde giňişleýin gürrüň berildi. Bu bolsa çagalarda uly täsir galdyrdy. Şeýle-de söhbetdeşligiň çäginde kitap sergisi hem gurnaldy. Kitaphana işgärleri tarapyndan türkmen halk ertekilerinden birnäçesini okap berdiler we ertekilerdäki gahrymanlaryň edermenligi hakynda gürrüň berdiler bu bolsa çagalarda kitaba bolan söýgini has-da artdyrdy. Şeýle-de edebi mirasy öwrenmek işini düýpli ýola goýmak bilen, halkymyza asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip berýän türkmen halkynyň milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

Ylym-ýurduň kuwwaty

Kitaphanalar

12.06.2026

Türkmenistanyň Döwlet medeniýet merkeziniň Döwlet kitaphanasynda ýurdumyzda giňden bellenilýän Ylymlar güni mynasybetli “Ylym-ýurduň kuwwaty” atly söhbetdeşlik geçirildi. Türkmenistanda ylmyň ösdürilmegine döwlet tarapyndan aýratyn ähmiýet berilýär. Ýurdumyzyň ýaş alymlarynyň, talyplaryň ylmy-barlaglar bilen meşgullanmaklary, halkara derejesindäki ylmy bäsleşiklere gatnaşmaklary we täze tehnologiýalary durmuşa ornaşdyrmaklary döwletimiziň ykdysady we medeni taýdan ösmegine ägirt uly goşantdyr diýip, talyp ýaşlar belläp geçdiler. ”Türkmenistan” teleýaýlymynyň ýazgy etmeginde gurnalan bu söhbetdeşlikde ýaşlaryň bilimlerini artdyrmaklarynda, ylym-bilimden paýly, giň dünýägaraýyşly bolup ýetişmeklerinde kitaphanalaryň ornunyň ulydygyny hünärmenler belläp geçdiler. Ylym-bilimi ösdürmäge giň mümkinçilikleri döredýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, beýik işleri üstünliklere beslensin.

Kitaphana syny

Kitaphanalar

11.06.2026

Kitaphana synynda çykyş edenler Azerbaýjan Respublikasynyň Türkmenistandaky Medeniýet günlerinde geçirilen türkmen halkynyň nusgawy şahyry we akyldary Magtymguly Pyragynyň we azerbaýjan şahyry we akyldary Molla Panah Wagifiň döredijiligine bagyşlanan ylmy maslahatynda Döwlet kitaphanasyna sowgat berlen kitaplar bilen tanyşdyrdylar. Azerbaýjan edebiýatynyň görnükli wekili Molla Panah Wagifiň azerbaýjan dilinde neşir edilen goşgulary, gazallary, muhammesleri girizilen “Əsərləri“ atly kitaby bilen tanyşdyrdylar. Şeýle hem, azerbaýjan dilinde neşir edilen “Görkəmli türkmən şairi Məhtimqulu Fəraginin yaradiciligi Azərbaycan ədəbiyyatşünasliginda” makalalar ýygyndysy, M.Alyýewiň “Məhtimqulu Fəragi şeirinin poetikasi” atly kitaplar bilen hem tanyşdyrdylar. Kitaphana synyna gatnaşyjylar ýurdumyzyň medeniýetini ösdürmek, halkymyzyň sungatyny dostlukly ýurtlarda tanyşdyrmak üçin uly tagallalary edýän, Gahryman Arkadagymyzyň, hormatly Prezidentimiziň janlarynyň sag, ömürleriniň uzak bolmagyny, döwletli işleriniň hemişe rowaç bolmagyny arzuw etdiler.

Çagalaryň oýun bäsleşigi

Kitaphanalar

11.06.2026

Türkmenistanyň Bazar Amanow adyndaky Döwlet çagalar kitaphanasy ýakynda tomusky dynç alyş möwsüminiň dowam edýän günlerinde, “Demirýolçy” çagalar sagaldyş dynç alyş merkezinde “Matallar, tapmaçalar, ýaňyltmaçlar” aýtmakda çagalaryň arasynda oýun bäsleşigini geçirdi. Ýaş nesiller özleriniň okan ertekileriniň gahrymanlaryny ussatlyk bilen suratlandyrdylar. Bäsleşikde guwandyryjy netijeleri gazanan çagalar wagtlaryny gyzykly, şadyýan geçirip, sapaly günleri başdan geçirýändiklerini buýsanç bilen gürrüň berdiler. Kitap okamaklygyň peýdasy we boş wagtlaryňda gyzykly kitaplary okamaklygyň çagalaryň aňyna ýetirýän täsirleri barada kitaphana hünärmeni täsirli gürrüňleri berdi. Şeýle hem, gurnalan kitap sergisi çagalarda ýakymly täsirleri galdyrdy. Bäsleşigiň ahyrynda oňa gatnaşanlar ýaş nesilleriň sagdyn ösmegi, şadyýan dynç almagy üçin ähli mümkinçilikleri döredip berýän, Gahryman Arkadagymyza, Arkadagly Gahryman Serdarymyza çäksiz alkyşlaryny beýan etdiler.

Ak sandygym açyldy, içinden nur saçyldy

Kitaphanalar

11.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasy bilen “Altyn damja” çagalar sagaldyş we dynç alyş merkeziniň bilelikde gurnamagynda «Ak sandygym açyldy, içinden nur saçyldy» ady bilen medeni çäre geçirildi. Çärede çykyş edenler bagtyýar ýurdymyzda ösüp gelýän ýaş nesillerimiziň sagdyn hem-de medeniýetli dynç almaklary ugrunda birnäçe aladalaryň edilýändigini, olaryň abadan, parahat, asuda durmuşda ýaşamaklary, her bir çaganyň döwletiň hemme taraplaýyn goldawyndan we goragyndan peýdalanmagy, döwrümiziň talabyna görä bilim terbiýe almaklary üçin uly işleriň amala aşyrylýandygy barada gürrüň berdiler. Şeýle-de halk döredijiliginiň iň meşhur ýörgünli görnüşi bolan türkmen halk ertekileri ata-babalarymyzyň paýhasy siňen, asyrlaryň dowamynda kämilleşip, nesilleriň edep mekdebine öwrülen, ýaşlary terbiýelemekde uly ähmiýete eýe bolup durýandygy barada giňişleýin beýan etdiler we birnäçe ertekilerden çagalar bilen sorag-jogaplar alyşdylar. Çäräniň ahyrynda Watanymyzda körpeje nesillerimiziň şadyýan gülküsiniň ýaňlanyp durmagy ugrunda uly işleri amala aşyrýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Kitap dostlugyň açary

Kitaphanalar

11.06.2026

Lebap welaýat çagalar kitaphanasy Türkmenabat şäheriniň “Bagtyýarlyk” çagalar sagaldyş we dynç alyş merkezinde çagalar üçin “Kitap dostlugyň açary” atly söhbetdeşlik agşamyny gurnadylar. Bagtyýar çagalaryň dynç alyş döwründe her bir gününi şadyýan geçirmekleri üçin ýurdumyzda ähli amatlyklar döredilip, hyýaly başdan geçirmelere baý bolan kitaplary okamaklyk, kitaply dünýä syýahat etmeklik bilen wagtlaryny has-da täsirli geçirmäge ýardam edýär. Gahryman Arkadagymyzyň, Arkadagly Gahryman Serdarymyzyň jöwher paýhasyndan joşup çykan eserleri uly joşgun bilen okalyp, edilen gürrüňler, çeper okaýyşlar, şeýle-de türkmen halk ertekileriň gahrymanlarynyň üsti bilen görkezilen gurjak sahnalary çagalarda uly şatlykly täsir galdyrdy. Çäräniň dowamynda dynç alyş merkeziniň körpeleri özleriniň şeýle ajaýyp durmuşda ýaşaýandyklaryna buýsanyp, Gahryman Arkadagymyza, Arkadagly Gahryman Serdarymyza özleriniň hoşallyk sözlerini goşgularyň üsti bilen beýan etdiler.

Garaşsyzlyk bagtymyzyň şuglasy – bedew batly öňe barýar Diýarym

Kitaphanalar

11.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy bilen “Altyn damja” çagalar sagaldyş we dynç alyş merkeziniň bilelikde gurnamagynda «Garaşsyz, baky Bitarap Türkmenistan – bedew batly at-myradyň mekany» ýyly mynasybetli «Garaşsyzlyk bagtymyzyň şuglasy – bedew batly öňe barýar Diýarym» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe, “Garasyz, baky Bitarap Türkmenistan – bedew batly at-myradyň mekany” ýyly ata Watanymyzyň bedew batly ösüşlerini, döwlet syýasatynyň üstünliklerini, halkymyzyň agzybirligini, parahatçylyk söýüjiligini we geljege bolan ynamyny alamatlandyrýandygy barada giňişleýin gürrüň berdiler. Şeýle-de hormatly Prezidentimiziň alyp barýan beýik işleri halkymyzy çäksiz buýsandyrýandygy, ýurdumyzyň okgunly ösüşleri her bir raýatymyzy döredijilikli zähmet çekmäge ruhlandyryp, ösüp gelýän ýaş nesillerimiziň ylymly-bilimli bolup ýetişmeklerinde atalyk aladalaryň edilýändigi barada belläp geçdiler. Çäräniň ahyrynda türkmen medeniýetine, sungatyna, edebiýatyna, ýaşlaryň döredijiligine uly üns berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 24
• 25
• 26
• ...
• 140
• →