HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Türkmenistanyň Halk Maslahaty: aýdyň maksatlar, anyk wezipeler-röwşen geljegiň hatyrasyna

Kitaphanalar

18.08.2026

2026-njy ýylyň 18-nji awgustynda Mary welaýat häkimliginiň, welaýatyň jemgyýetçilik guramalarynyň, Mary welaýat medeniýet müdirliginiň hem-de welaýat kitaphanasynyň bilelikde gurnamagynda, Mary welaýat kitaphanasynda “Türkmenistanyň Halk Maslahaty: aýdyň maksatlar, anyk wezipeler-röwşen geljegiň hatyrasyna” atly maslahat geçirildi. Maslahatyň dowamynda çykyş edenler, mukaddes Garaşsyzlygymyzyň şanly 35 ýyllygynyň baýram edilýän günlerinde toý ruhunda geçirilýän, halkymyzyň agzybirligini, jebisligini dabaralandyrýan Türkmenistanyň Halk Maslahatynyň nobatdaky mejlisine şu günlerden görülýän taýýarlyk işleriniň ýokary depginler bilen alnyp barylýandygyny, Türkmenistanyň Halk Maslahaty - halk demokratiýasynyň dabaralanmasy bolup, onda ýurdumyzyň ýakyn we uzak geljegini nazarlaýan dürli meseleleriň oňyn işleriniň ara alnyp maslahatlaşylýandygyny, ýurdumyzda durmuşa geçirilýän ähli işleriň halkyň bähbidine gönükdirilýändigini buýsançly bellediler. Şeýle hem, Türkmenistanyň Halk Maslahatynyň nobatdaky mejlisiniň işine şowlulyklary arzuw etdiler.

Medeni miras – halkyň ruhy baýlygy

Kitaphanalar

18.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy bilen «Türkmenhaly» döwlet birleşiginiň Türkmen halysynyň milli muzeýiniň bilelikde guramagynda «Medeni miras – halkyň ruhy baýlygy» atly aýdym-sazly medeni çäre geçirildi. Bu çärede çykyş edenler, medeni miras her bir halkyň geçmişinden geljege uzalyp gidýän gymmatly hazynasy bolup, halkyň taryhyny, däp-dessurlaryny, sungatyny, edebiýatyny we milli aýratynlyklaryny özünde jemleýändigi barada gürrüň berdiler. Şeýle hem, ene-mamalarymyzdan gelýän inçe, nepis sungatymyz döwrebap hem-de gadymy nusgalarda dowam etdirilýär. Häzirki wagtda keşdeçilik sungatynyň ussat gelin-gyzlarymyzyň çeper gözlegleri bilen has-da baýlaşdyrylýandygy, owadan nagyşlar bilen bejerilen milli lybaslaryň, kürteleriň, çyrpylaryň, gyňaçlaryň, tahýalaryň halkyň arasynda giňden ýaýrandygy hakynda giňişleýin söhbet etdiler. Çäräniň dowamynda sungat ussatlarynyň ýerine ýetirmeginde birnäçe aýdym-sazlar ýaňlandy.

“Bilim - belentlige badalga” atly kitap sergisi

Kitaphanalar

18.08.2026

Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de hormatly Prezidentimiziň parasatly baştutanlygynda taryhy-medeni mirasymyzy öwrenmäge we dünýä ýaýmaga giň mümkinçilikler döredildi. Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan bölümiň okalga zalynda “Bilim - belentlige badalga” atly kitap sergisi gurnaldy. Bu sergi oňa gatnaşanlarda uly täsir galdyrdy. “Belent maksatlara ýetmekde ýurdumyzyň ýaş nesillerine aýratyn bil baglaýarys”diýip, ýaşlara uly ynam bildirýan hormatly Prezidentimiziň durmuşa geçirýän her bir tutumly işlerinde ýaşlar baradaky aladanyň döwlet syýasatynyň ileri tutulýan ugruna öwrülendigine aýdyň göz ýetirýäris. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilikler döredip beren, türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, alyp barýan döwletli işleri rowaçlyklara beslensin.

Söhbetdeşlik geçirildi

Kitaphanalar

18.08.2026

Türkmenistanyň Döwlet medeniýet merkeziniň Döwlet kitaphanasynyň Ylmy-usuly bölüminiň guramagynda “Türkmenistanyň halk ýazyjysy, şahyr, dramaturg, Türkmenistanyň at gazanan žurnalisti Orazguly Annaýewiň doglan gününiň 80 ýyllygyna” atly söhbetdeşlik geçirildi. Söhbetdeşlige Türkmenistanyň Döwlet medeniýet merkeziniň Döwlet kitaphanasynyň işgärleri gatnaşdylar. Söhbetdeşlikde Orazguly Annaýewiň ömri we döredijiligi, ýazan eserleri, şeýle-de “Girdap” hakyndaky goşgulary barada täsirli söhbetler edildi. Söhbetdeşligiň dowamynda şahyryň eserleri barada sowal-jogap alşyldy. Söhbetdeşligiň ahyrynda kitaphanaçylar kitaphana işini ösdürmekde hem-de aýawly saklap, kitaplary ýaş nesillere ýetirmekde uly aladalar edýän, türkmen halkynyň Milli Lideri Gahryman Arkadagymyzyň, hormatly Prezidentimiziň janlarynyň sag bolmagyny, alyp barýan döwletli işleriniň hemişe rowaçlyklara beslenmegini tüýs ýürekden arzuw etdiler.

Parahatlyk nury ýagýar kalplara

Kitaphanalar

17.08.2026

“Garaşsyz, baky Bitarap Türkmenistan-bedew batly, at-myradyň mekany” ýylynda şanly Garaşsyzlygymyzyň 35 ýyllyk toýy hem-de Gahryman Arkadagymyzyň ýolbaşçylyk etmeginde üstünlikli geçiriljek Türkmenistanyň Halk Maslahaty mynasybetli Döwlet kitaphanamyzda yzygiderli söhbetdeşlikler, dabaralar, ýazgylar gurnalýar. ”Altyn asyr: Türkmenistan” teleýaýlymy bilen bilelikde ýazgy edilen gürrüňdeşlikde çykyş edenler hem Garaşsyzlyk döwründe ýurdumyzda gazanylan üstünlikler, milli we medeni mirasymyz, türkmen halkynyň şöhratly taryhy we ýurdumyzyň ösüşleri dogrusynda çykyş etdiler. Söhbetdeşligiň soňunda Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

Milli mirasymyz arşa göterilýär

Kitaphanalar

17.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen Aşgabat şäher häkimliginiň “Bagt köşgi” toý-dabaralary merkeziniň bilelikde guramagynda «Milli mirasymyz arşa göterilýär» ady bilen söhbetdeşlik geçirildi. Söhbetdeşlikde Berkarar döwletiň täze eýýamynyň Galkynyşy döwründe däp-dessurlarymyza, edim-gylymlarymyza, milli gymmatlyklarymyza sarpa goýmak, dünýä ýaýmak, geljekki nesillerimize ýetirmek ugrunda birnäçe işleriň durmuşa geçirilýändigi hakynda giňişleýin gürrüň berdiler. Şeýle-de türkmen halkynyň medeni gymmatlyklary, şol sanda keşdeçilik, halyçylyk, keçeçilik ýaly birnäçe sungatymyzyň dünýäniň medeni-ruhy hazynasynda mynasyp orun alandygyny aýratyn bellediler. Söhbetdeşligiň ahyrynda milli mirasymyzy aýawly saklap, geljekki nesillere ýetirmäge giň mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Garaşsyzlyk – berkararlyk binýady

Kitaphanalar

17.08.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirleri we Bibliografiýa bölümleri Türkmenistanyň ylymlar akademiýasynyň Merkezi ylmy kitaphanasynda şanly Garaşsyzlygymyzyň 35 ýyllygy mynasybetli “Garaşsyzlyk – berkararlyk binýady” atly göçme kitap sergisi gurnaldy. Döwlet kitaphanasynyň we Türkmenistanyň Ylymlar akademiýasynyň Merkezi ylmy kitaphanasynyň hünärmenleriniň gatnaşmagynda kitaphanalaryň baý gaznasyndan Şanly Garaşsyzlygymyzyň 35 ýyllygy mynasybetli “Garaşsyzlyk–berkararlyk binýady” göçme kitap sergisi gurnaldy. Kitap sergide Gahryman Arkadagymyzyň, Arkadagy Gahryman Serdarymyzyň jöwher paýhasyndan syzylyp çykan ajaýyp kitaplary öz mynasyp ornyny tapdy. Kitap sergisinde mukaddes Garaşsyzlygymyzy wasp edýän başga-da birnäçe ýazyjy şahyrlaryň kitaplary ýerleşdirildi. Şeýle-de edebi mirasy öwrenmek işini düýpli ýola goýmak bilen, halkymyza asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

Garaşsyzlyk bilen galkynan, Türkmen bedewi

Kitaphanalar

17.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda «Garaşsyzlyk bilen galkynan, Türkmen bedewi» ady bilen Bagtyýarlyk Medeniýet köşginde wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe behişdi bedewlerimiziň şan-şöhratynyň has-da artýandygy, “Garaşsyz, baky Bitarap Türkmenistan – bedew batly at-myradyň mekany” ýylymyzyň şygarynyň adyndan belli bolşy ýaly, Garaşsyz, Bitarap Türkmenistan döwletimiziň bedew bady bilen okgunly ösüşleri barada gürrüň berdiler. Şeýle-de ahalteke bedewleri bilen baglanyşykly atçylyk sungatynyň milli ýörelgelerini we däp-dessurlaryny gaýtadan dikeltmek, täze many-mazmun bilen baýlaşdyrmak we ösdürmek, ýaşlary atçylyk sporty bilen meşgullanmaga işjeň çekmek boýunça uly işleriň durmuşa geçirilýändigi hakynda belläp geçdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Halypa-şägirtlik ýoly – kämilligiň mekdebi

Kitaphanalar

17.08.2026

Türkmenistanyň B.Amanow adyndaky Döwlet çagalar kitaphanasynyň hünärmenleri ýakynda ýazyjy, çagalar üçin birnäçe ertekileriň awtory Goçy Annasähedow bilen “Halypa-şägirtlik ýoly – kämilligiň mekdebi” atly gadymdan gelýän halypa-şägirtlik gatnaşyklarynyň edebi barada söhbetdeşlik geçirdi. Nesil terbiýesinde halypa-şägirt gatnaşyklarynyň uly ähmiýeti bar. Ussatlara, halypalara jemgyýetde uly sarpa goýulýar. Olar jemgyýetiň iň uly baýlygy bolan nesilleri terbiýeläp ýetişdirmekde uly işleri bitirýärler. Islendik adam belent mertebeli halypadan tälim alsa onuň ýagşy gylyk-häsiýetlerini öz şahsyýetine ornaşdyrmaklyga çalyşýar. Alan bilim-başarnygyňy, toplan tejribäňi beýlekilere sahylyk bilen öwretmek bolsa asyllylykdan nyşandyr. Halypa sözüniň başyny kitap okamagyň ynsanda halallyk, dogruçyllyk, adalatlylyk, watansöýüjilik ýaly oňat gylyk-häsiýetleri terbiýeleýändigini aýdýar. Halypa Goçy Annasähedow döredijiliginde uly ýaşly okyjylar üçin hem birnäçe eserleri ýazypdyr. Ýöne döredijiliginiň köprägi çagalar üçin niýetlenen ertekilerdir. Bu ertekileriň köpüsi haýwanlaryň durmuşyndan, tebigat bilen bagly bolsa-da ertekide dostluk-doganlyk, gatnaşyklary, ýagşylyk, bir-birege kömek etmek ýaly häsiýetleri özünde jemleýär. Halypa esasan ertekileri köplenç haýwanlaryň durmuşyndan, tebigat bilen baglanyşdyryp ýazypdyr. Ol ýagşy, erbet gylyk häsiýetli gahrymanlaryň başdan geçirýän wakalary esasynda çagalara durmuşda dostluk-doganlyk gatnaşykly bolmagy, köpçülik ýerlerinde, mekdebe baranlarynda hem bir-birege kömek etmegini, hiç wagt ýalan sözlemezligi dogruçyl bolmagy ündeýär. Şeýle hem ýazyjy mekdeplerde, ýokary okuw mekdeplerinde çärelerde bolýandygyny gürrüň berdi. Täze taryhy döwrümizde nesil terbiýesine aýratyn ähmiýet berlip, Milli Liderimiziň hem-de döwlet baştutanymyzyň tagallalary bilen halypa-şägirtlik gatnaşyklarynyň barha ösdürilýändigini uly buýsanç bilen nygtalyp söhbetdeşligiň ahyrynda şeýle beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri aýdyldy.

Bedew bilen beýgelýän döwür

Kitaphanalar

17.08.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Türkmen atlary” döwlet birleşiginde “Bedew bilen beýgelýän döwür” ady bilen Gahryman Arkadagymyzyň bedew hakdaky eserlerinden göçme kitap sergisini gurnady. Bu göçme kitap sergisinde Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň nusgalyk eserleri ýerleşdirildi. Mundan başga-da bedewler baradaky neşir edilen edebiýatlar hem ýerleşdirildi. Göçme kitap sergisini görmäge gelenler üçin bedewlerimiziň taryhyny öwrenmäge giň mümkinçilikler döredildi. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç almagyny tüýs ýürekden arzuw etdiler.

• ←
• 1
• ...
• 26
• 27
• 28
• ...
• 169
• →