HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ZENAN ZEMIN ZYNATY

Kitaphanalar

11.03.2026

Türkmenistanyň B.Amanow adyndaky Döwlet çagalar kitaphanasy Aşgabat şäherindäki iňlis dilini öwrenmeklige ýöriteleşdirilen 76-njy orta mekdebiň okuwçylary bilen bilelikde Halkara zenanlar gününe bagyşlap «Zenan zemin zynaty» atly edebi-sazly ertirlik geçirdi. Watana söýgi öý-ojakdan gözbaş alýar. Zenanlar mukaddes ojagyň eýesi maşgalanyň sütüni hökmünde ýaş nesli terbiýelemekde möhüm orun eýeleýärler. Munuň şeýledigine olaryň perzentlerine aýdýan hüwdi setirlerini diňläniňde has-da aýdyň göz ýetirýärsiň. Setirlerde perzendiň edep-ekramly, hünärli bolmagy, edermen, batyr bolup ýetişmegi baradaky arzuw-umytlar çeper hem şeker ene dilimiziň üsti bilen täsirli beýan edilýär. Kitaphana hünärmeni öz gezeginde zenanlar güni bilen gutlap şahyr Nury Baýramowyň gelin-gyzlarymyzy wasp edýän goşgusyndan okap, türkmen halkynyň gelin-gyzlary nusgawy türkmen edep-terbiýesiniň asyl köklerine mahsus terbiýäni muňýyllyklaryň iginden geçirip, şu günlere ýetirmegi başaran mähribanlarydygy hakynda tasirli gürrüňleri berdi. Şeýle hem, dabaraly çäräniň dowamynda Maýa Kulyýewa adyndaky Türkmen milli konserwatoriýasynyň talyby Hezretaly Aşyrow zenanlarymyzy, ak gyňaçly enelerimizi, güler ýüzli gelin-gyzlarymyzy wasp edýän birnäçe aýdym-sazlar bilen çykyş edip göwnüni göterdi. Parahat, asuda ýurdumyzda uludan tutulýan baharyň, bagtyýarlygyň, mähribanlygyň, toýy bilen ýurdumyzyň ähli zenanlaryny tüýs ýürekden gutlaýarys. Olaryň ojaklary döwletli, sallançaklary batly, durmuşy bagtly bolsun! Çäräniň ahyrynda alkyş sözleri aýdyldy. Bize döwletli döwrany bagyşlan Gahryman Arkadagymyzyň, hormatly Prezidentimiziň janlary sag, belent baslary aman bolsun!

ZEMINIŇ GÖRKI SIZ, EZIZ ENELER

Kitaphanalar

10.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasynyň guramagynda «Zeminiň görki siz, eziz eneler» ady bilen gürrüňdeşlik geçirildi. Gürrüňdeşlikde çykyş edenler Gahryman Arkadagymyzyň pähim-paýhasyndan dörän «Enä tagzym mukaddeslige tagzym» atly eseri biziň her birimiz üçin ajaýyp kitapdygy, çünki bu kitapda mähriban enelerimiz hakynda pähimli söhbet açylyp, ene iň eziz, iň mähriban ynsandygy hakynda giňişleýin gürrüň berdiler. Şeýle-de, her ýylda Halkara zenanlar güni mynasybetli ýurdumyzyň zenanlaryna, sekiz we ondan köp çagaly enelere «Ene mähri» diýen hormatly atlaryň dakylmagy, döwlet sylaglary bilen sylaglanmagy mährem enelere, mährem zenanlara goýulýan sarpadan nyşan bolup durýandygy barada aýtdylar. Gürrüňdeşligiň ahyrynda zenan mertebesini belentde saklaýan, enelerimize çäksiz hormat goýýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

AMUL GALASY ŞANLY TARYHDAN NYŞAN

Kitaphanalar

10.03.2026

«Garaşsyz, baky Bitarap Türkmenistan – bedew batly at-myradyň mekany» ýylynda Lebap welaýat kitaphanasynda Türkmenistanyň Kärdeşler arkalaşyklarynyň Saýat, Farap etrap birleşmeleri bilen bilelikde gurnamaklarynda «Amul galasy şanly taryhdan nyşan» atly maslahat geçirildi. Bu çärä ýaşuly neslimiz, kümüş saçly enelerimiz, KA-nyň işjeň agzalary we kitaphana işgärleri gatnaşdylar. Çykyşlarda halkymyzyň şan-şöhratly taryhyny, milli mirasyny, Beýik ýüpek ýolunyň ugrunda ýerleşýän gadymy galalarymyzy, kerwensaraýlarymyzy, taryhy ýadygärliklerimizi düýpli öwrenmek we dünýä ýaýmak babatda uly işler alnyp barylýar. Beýik ýüpek ýolunyň esasy demirgazyk şahasy Amul galasynyň geçmişdäki ähmiýeti, ýerleşişi, häzirki wagtdaky dabaralanmasy barada gyzykly gürrüňler berildi. Şeýle-de kitaphana işgärleri tarapyndan «Milli mirasymyz – umumyadamzat hazynasy» ady bilen guralan giňişleýin kitap sergisi gatnaşyjylarda uly täsir galdyrdy. Gatnaşyjylar milli mirasymyzy öwrenmäge döredilip berilýän ähli şertleri üçin türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, belent başlarynyň aman bolmagyny arzuw etdiler.

ENELERIŇ KALBYNDAN DÖREÝÄNDIR BAHAR-ÝAZ, OLARYŇ HÜWDÜSINDEN YLHAM ALÝAR AÝDYM-SAZ

Kitaphanalar

06.03.2026

Türkmenistanyň Demokratik partiýasynyň Aşgabat şäher komiteti hem-de Türkmenistanyň B.Amanow adyndaky döwlet çagalar kitaphanasy ýaňy-ýakynda Halkara zenanlar güni mynasybetli «Eneleriň kalbyndan döreýändir bahar-ýaz, olaryň hüwdüsinden ylham alýar aýdym-saz» atly baýramçylyk dabarasyny geçirdi. Dabaranyň dowamynda ýaşajyk kitap söýüji okyjylarymyz kümüş saçly enelerimizi, mähriban gyz-gelinlerimizi wasp edýän goşgulary, aýdymlary uly höwes bilen aýdyp berdiler. Şeýle-de baýramçylyk mynasybetli gurnalan sergi hem okuwçylarda uly täsir galdyrdy. Türkmen halkynyň Milli Lideri Gahryman Arkadagymyzyň «Enä tagzym – mukaddeslige tagzym» atly kitabynda beýan eden mähriban käbesi Ogulabat ejäniň türkmen zenanlaryna nusgalyk ömri baradaky ýatlamalary bilesigeliji okuwçylarda aýratyn täsir galdyrdy. Dabaranyň ahyrynda Türkmenistanyň Demokratik partiýasynyň Aşgabat şäher komiteti tarapyndan kitaphananyň zenanlaryna ýadygärlik sowgatlar gowşuryldy. Dabaranyň ahyrynda türkmen zenanlarynyň mertebesini belende göterýän, olara çäksiz hormat-sarpa goýýan Gahryman Arkadagymyza, Arkadagly Gahryman Serdarymyza alkyş sözleri beýan edildi.

DÜNÝÄNIŇ BAR GÖRKI ENEDIR-ENE

Kitaphanalar

06.03.2026

Türkmenistanyň B.Amanow adyndaky döwlet çagalar kitaphanasy Ahal welaýatynyň Änew şäherindäki Ýöriteleşdirilen 20-nji çagalar bagynda «Dünýäniň bar görki enedir-ene» atly Halkara zenanlar gününe bagyşlap edebi-sazly ertirligi geçirdi. Eneler ýylgyrsa, dünýä ýylgyrýar. Bahara meňzeş kalby, ýüregi bilen dünýäniň ýüzüne ýylgyryş çaýan mähriban enelerimize, gözel gelin-gyzlarymyza buýsanjymyz, guwanjymyz egsilmezdir. Siz, dünýäsi gülden görkli, zybany bal-şerbetli, ýüreklerdäki ornuny hiç kim dolduryp bilmejek, iň mähriban ynsanlarysyňyz diýip baýramçylyk çäräniň başyny başlap kitaphananyň hünärmeni belläp geçdi. Şu çärämizde körpeje jigilerimizem öz gezeginde goşgular, aýdym-saz tans bilen çykyş etdiler. Kitaphananyň hünärmenleri baýramçylyga bagyşlap kitap sergisini hem gurnadylar.

ENE-ZEMINIŇ GÖRKI

Kitaphanalar

06.03.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işler bölümi «Ene-Zeminiň görki» ady bilen Halkara zenanlar gününe bagyşlanyp söhbetdeşlik geçirildi. Söhbetdeşlikde çykyş edenler, Gahryman Arkadagymyzyň, hormatly Prezidentimiz Arkadagly Gahryman Serdarymyzyň enelerimiz we käbelerimiz hakynda edýän Döwlet derejesindäki aladalary, Halkara 8-nji mart zenanlar gününe bagyşlanyp zenanlarymyz bilen bilelikde ýaşajyk gyzjagazlara pul sowgatlarynyň gowşurylýanlygy barada söhbet etdiler. Olar söhbetleriniň soňunda bize şeýle ajaýyp durmuşy bagyş eden Milli Liderimiz Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmaklaryny tüýs ýürekden arzuw etdiler.

DÖREDIJILIK DUŞUŞYGY

Kitaphanalar

06.03.2026

Türkmenistanyň Döwlet medeniýet merkeziniň Döwlet kitaphanasynda, Türkmenistanyň Döwlet medeniýet merkeziniň Ilkinji Zenanlar guramasy bilen bilelikde Halkara zenanlar güni mynasybetli «Bahar pasly deýin mährem eneler» atly döredijilik duşuşygy geçirildi. Döredijilik duşuşygynda çykyş edenler «Garaşsyz, baky Bitarap Türkmenistan – bedew batly at-myradyň mekany» ýylymyzda, baharyň ilkinji günlerinde biziň käbelerimiziň, gelin-gyzlarymyzyň Halkara 8-mart baýramynyň döwlet derejesinde giňden bellenilýändigini, türkmen zenanlarynyň her biri bu gün bagtyýar zamanamyzda, eşretli durmuşymyzda, hormatly Prezidentimiziň zenanlara goýýan çäksiz hormatyny duýup ýaşaýandyklaryny, biziň bahar-ýaza meňzeş enelerimize, käbelerimize, gelin-gyzlarymyza hormatly Prezidentimiz tarapyndan örän uly hormat goýulýandygy hakynda özleriniň ýürek buýsançlaryny beýan etdiler. Şeýle hem sekiz we ondan köp çaga terbiýeläp ýetişdiren enelere «Zenan kalby» ordeniniň, «Ene mähri» atly hormatly adyň dakylýandygy hakynda buýsançly gürrüň etdiler. Şeýle hem ähli zenanlara, okuwçy gyzlara, çagalar bagynda terbiýelenýän gyzjagazlara çenli hormatly Prezidentimiz tarapyndan pul sowgatlarynyň gowşurylýandygyny öz çykyşlarynda nygtadylar. Döredijilik duşuşygyna medeniýet we sungat, döredijilik we teatr işgärleri gatnaşyp, dabara gatnaşyjylara öz gutlaglaryny aýtdylar we aýdym-sazlary bilen hezil berdiler. Baýramçylyk dabarasynyň çäginde «Eneler-dünýäniň görki» atly giňişleýin kitap sergisi hem gurnaldy. Döredijilik duşuşygynda çykyş edenler bize şu ajaýyp durmuşy peşgeş beren türkmen halkymyzyň Milli Lideri, Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmaklaryny tüýs ýürekden arzuw etdiler.

BAHAR GÜLLERI DEÝ MÄHREM ENELER

Kitaphanalar

06.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynyň guramagynda Halkara zenanlar güni mynasybetli «Bahar gülleri deý mährem eneler» ady bilen 70-nji çagalar bagynda gürrüňdeşlik geçirildi. Gürrüňdeşlikde häzirki ajaýyp döwrümizde nesil terbiýesine, ýaşlaryň bilim öwrenmeklerine uly üns berýän Gahryman Arkadagymyzyň, Arkadagly Gahryman Serdarymyzyň tagallalary netijesinde bilim özgertmeleri üstünlikli durmuşa geçirilýändigi, çagalar - biziň gelejegimiz bolup, ýurdumyzda ýaş nesilleriň kemala gelmegi olaryň ylymly-bilimli ýaşlar bolup ýetişmekleri üçin uly aladalaryň edilýändigi barada gürrüň berdiler. Şeýle-de, Aşgabat şäherinde ýerleşýän 70-nji çagalar bagynda ýaş körpejeleriň arasynda «Bagtyýarlyk bahary» atly kitapda çagalaryň özleri hakynda, birnäçe gyzykly tapmaçalar we gyzykly dostluk-doganlyk baradaky goşgularyň ýerleşdirilendigi barada çykyş etdiler. Çäräniň dowamynda çagalar enelerimizi, gelin-gyzlarymyzy wasp edýän birnäçe goşgularyny ýerine ýetirdiler. Gürrüňdeşligiň ahyrynda bagtyýar çagalarymyzyň watansöýüjilik, ynsanperwerlik we dostluk ruhunda terbiýelenmegi babatda yzygiderli aladalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ZEMINIŇ ÝARAŞYGY MÄHREM ENELER

Kitaphanalar

06.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda Halkara zenanlar güni mynasybetli «Zeminiň ýaraşygy mährem eneler» ady bilen kitap sergisi gurnaldy we gürrüňdeşlik geçirildi. Gürrüňdeşlikde çykyş edenler zenan - zeminiň görki, ýaşaýşyň örki, dowamatyň gözbaşy, bagtyň badalgasy, ýaşaýyş bir bossan bolsa, onuň gyzyl lälesi zenan bolup, zenan öz näzikligi we päkligi bilen durmuşymyzy gözelleşdirýändigi barada gürrüň berdiler. Şeýle-de her bir maşgalanyň gül açyp, bagtyýar ýaşaýşynyň älemgoşar öwüşgünine beslenmeginde zenanlarymyzyň mynasyp paýynyň bardygy barada çykyş etdiler. Gürrüňdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BAHAR PASLY DEÝIN MÄHREM ENELER

Kitaphanalar

06.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda 142-nji çagalar bagynda Halkara zenanlar güni mynasybetli «Bahar pasly deýin mährem eneler» ady bilen goşgy bäsleşigi geçirildi. Çärede ata-babalarymyzyň her bir jemgyýetiň sagdyn ösüşini esaslandyrýan maşgala ojagynda mukaddeslige deňelýän, ene-mähremligine aýratyn hormat goýmak ýaly ajaýyp ýörelgelerden ugur alyp, Watanymyzyň bagtyýar geljegini kepillendirýän belent başly enelerimiziň gujur-gaýratyna uly hormat goýulýandygy barada çykyş etdiler. Şeýle-de türkmen halk ertekileriniň üsti bilen dogruçyllygyň, paýhasyň hem edermenligiň dabaralanmasy, halallyk, ynsaplylyk, ynsan güýjüne daýanmak ýaly asylly sypatlaryň beýan edilýändigini çagalara gürrüň berdiler. Çäräniň dowamynda körpeje çagajyklaryň arasynda goşgy bäsleşigi geçirilip, olar mährem enelerimizi, gelin-gyzlarymyzy wasp edýän birnäçe ajaýyp goşgulary ýerine ýetirdiler. Çäräniň ahyrynda ýaş nesillerimiziň ýagty geljegi üçin uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 43
• 44
• 45
• ...
• 124
• →