HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

«KIDS EXPO2025: ÄHLI ZAT ÇAGALAR ÜÇIN» ADY BILEN GEÇIRILEN HALKARA SERGI-ÝARMARKASYNYŇ IKINJI GÜNI

Kitaphanalar

23.08.2025

Ýaňy-ýakynda paýtagtymyzda ikinji gezek geçirilen «Kids Expo 2025: ähli zat çagalar üçin» atly halkara sergi-ýarmarkasynyň çäklerinde Türkmenistanyň Bazar Amanow adyndaky döwlet çagalar kitaphanasynyň gurnan göçme kitap sergisi kitap söýüji okyjylarymyzyň hem-de paýtagtymyzyň dürli ýerlerinden sergini görmäge gelen ildeşlerimiziň ünsüni özüne çekdi «Kids Expo 2025: ähli zat çagalar üçin» atly halkara sergi-ýarmarkasy geçirildi. Sergide dürli ýaş toparlaryndaky çagalar üçin harytlar we hyzmatlar görkezildi. Ol harytlar we hyzmatlar çagalara bilim bermek, okatmak, oýunjaklar, ösüş esbaplary, çagalar edebiýaty, okatmaga niýetlenen neşirler, şeýle hem sagdyn iýmitlenmek, sport we beden taýdan ösüş, döredijilik, çeperçilik işleri, çagalar modasy, internet howpsuzlygy tehnologiýalary, çagalar syýahatçylygy we saparlary hem-de beýleki ugurlara bölünýär. Geçirilen sergi-ýarmarkasyna Türkmenistanyň Bazar Amanow adyndaky döwlet çagalar kitaphanasy hem göçme kitap sergisi bilen gatnaşdy. Sergide dürli dillerde neşir edilen çagalar edebiýatyna degişli kitaplaryň we kitapçalaryň ençemesi ýerleşdirildi. Esasan-da daşary ýurt dillerine terjime edilen türkmen halk ertekileriniň dürli görnüşleri, ertekileri sahnalaşdyrmak üçin niýetlenen gurjaklar, çagalar üçin niýetlenen döwürleýin neşirler ýaşajyk, bilesigeliji okyjylarymyzda ýakymly täsir galdyrdy. Geçirilen şüweleňe paýtagtymyzyň ýaşaýjylary bilen bir hatarda hemişelik okyjylarymyz hem gatnaşdy. Sergi-ýarmarkasyna gatnaşanlar ýaş nesillere kitaby söýdürmek we olaryň kitap bilen ýakyndan dostlaşmagyny gazanmak şeýle-de çagalaryň bagtyýar geljegini gurnamak babatda döredip berýän giň mümkinçilikleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini beýan etdiler.

TÜRKMENIŇ DÖWLETLILIK ÝÖRELGESI

Kitaphanalar

22.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda Gahryman Arkadagymyzyň «Türkmeniň döwletlilik ýörelgesi» atly ajaýyp kitabyndan gürrüňdeşlik geçirildi. Gürrüňdeşlikde çykyş edenler Gahryman Arkadagymyzyň “Türkmeniň döwletlilik ýörelgesi” atly kitabynda halkymyzyň döreden rowaýatlarynyň, şöhratly ata-babalarymyzyň wesýeti hökmünde köpasyrlyk durmuş paýhaslaryny özünde jemleýändigi barada gürrüň berdiler. Şeýle-de bu kitapda milli mirasyň gymmatlyklaryny dünýä jemgyýetçiligine ýaýmak ýaly belent maksatlardan ugur alyp, merdana halkymyzyň asyrlaryň jümmüşine uzap gidýän şöhratly ýoly, dünýä ösüşine goşan ägirt uly goşandy, görnükli şahsyýetlerimiziň amala aşyran beýik işleri taryhy maglumatlar arkaly täsirli beýan edilýändigi barada aýtdylar. Gürrüňdeşligiň ahyrynda ýurdumyzyň geljegini ösüşli menzillere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar. 

GARAŞSYZLYK BAGTYMYZYŇ GANATY

Kitaphanalar

22.08.2025

Türkmenistanyň Döwlet medeniýet merkeziniň Döwlet kitaphanasynyň Hyzmat ediş bölüminiň kitaphanaçylary «Aşgabat» teleýaýlymy bilen bilelikde Şanly Garaşsyzlygymyzyň 34 ýyllygy mynasybetli «Garaşsyzlyk bagtymyzyň ganaty» atly tegelek stolyň başynda söhbetdeşlik guraldy. Bu söhbetdeşlikde çykyş edenler Garaşsyzlyk döwründe medeniýetimiziň, sungatymyzyň uly ösüşlere eýe bolandygy barada aýdyp geçdiler. Hormatly Arkadagymyzyň Arkadagly hormatly prezidentimiziň dürli dillerde ýazylan eserleri barada täsirli gürrüňler etdiler. Kitabyň adamzada edýän täsiri, dünýägaraýşyňy giňeldýänligi barada belläp geçdiler. Kitaphana pudagynyň ösüşi, okyjylara hyzmat etmek, okyjylary hasaba almak, talyplary we ýaşlary kitaphana çekmek hem-de kitaphanada alnyp barylýan işler barada täsirli söhbet edildi. Kitaphana ulgamynyň ösdürilmegi, kämilleşdirilmegi üçin ähli şertleri döredip berýän Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak, alyp barýan beýik işleriniň elmydama rowaçlyklara beslenmegini arzuw etdiler.

«KIDS EXPO 2025: ÄHLI ZAT ÇAGALAR ÜÇIN» ADY BILEN GEÇIRILEN HALKARA SERGI-ÝARMARKASYNYŇ AÇYLYŞ DABARASY

Kitaphanalar

22.08.2025

«Kids Expo 2025: ähli zat çagalar üçin» atly halkara sergi-ýarmarkasy geçirildi. Sergide dürli ýaş toparlaryndaky çagalar üçin harytlar we hyzmatlar görkezildi. Ol harytlar we hyzmatlar çagalara bilim bermek, okatmak, oýunjaklar, ösüş esbaplary, çagalar edebiýaty, okatmaga niýetlenen neşirler, şeýle hem sagdyn iýmitlenmek, sport we beden taýdan ösüş, döredijilik, çeperçilik işleri, çagalar modasy, internet howpsuzlygy tehnologiýalary, çagalar syýahatçylygy we saparlary hem-de beýleki ugurlara bölünýär. Geçirilen sergi-ýarmarkasyna Türkmenistanyň Bazar Amanow adyndaky döwlet çagalar kitaphanasy hem göçme kitap sergisi bilen gatnaşdy. Sergide dürli dillerde neşir edilen çagalar edebiýatyna degişli kitaplaryň we kitapçalaryň ençemesi ýerleşdirildi. Esasan-da daşary ýurt dillerine terjime edilen türkmen halk ertekileriniň dürli görnüşleri, ertekileri sahnalaşdyrmak üçin niýetlenen gurjaklar, çagalar üçin niýetlenen döwürleýin neşirler ýaşajyk, bilesigeliji okyjylarymyzda ýakymly täsir galdyrdy. Sergi üç günläp dowam etýär. Geçirilen şüweleňe paýtagtymyzyň ýaşaýjylary bilen bir hatarda hemişelik okyjylarymyz hem gatnaşdy. Sergi-ýarmarkasyna gatnaşanlar ýaş nesillere kitaby söýdürmek we olaryň kitap bilen ýakyndan dostlaşmagyny gazanmak şeýle-de çagalaryň bagtyýar geljegini gurnamak babatda döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

TÜRKMEN HALK ERTEKILERI–NESIL TERBIÝESINDE

Kitaphanalar

20.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasynyň gurnamagynda Aşgabat şäherindäki 23-nji çagalar bagynda «Türkmen halk ertekileri–nesil terbiýesinde» atly gürrüňdeşlik geçirildi. Gürrüňdeşlikde türkmen halk döredijiliginiň bir görnüşi bolan türkmen halk ertekileri nesil terbiýesinde ornunyň örän uludygy barada belläp, ertekilerde halallyk, ynsaplylyk, ynsan güýjüne, paýhasyna daýanmak, hoşgylawlylyk, sadalyk, dogruçyllyk, namysjaňlyk, edep-ekramlylyk ýaly asylly sypatlaryň ýüzlerçesi eriş-argaç bolup geçýändigi barada giňişleýin gürrüň berdiler. Türkmen halk ertekilerindäki dürli häsiýetli gahrymanlaryň türkmene mahsus asylly sypatlary, ýaş nesilleriň aňlarynyň, düşünjeleriniň sagdyn ösmeginde terbiýeçilik ähmiýetiniň örän uludygyny aýtdylar. Gürrüňdeşligiň dowamynda körpeje nesilleriň arasynda birnäçe türkmen halk ertekilerinden okalyp berildi we ertekilerdäki haýsy gahrymanlaryň keşplerinde bolmak isleýändikleri barada pikir alşyldy. Gürrüňdeşligiň ahyrynda milli mirasymyzyň aýrylmaz bir bölegi bolan türkmen halk döredijiliginiň dürli görnüşlerini ýaş nesillere ýetirmekde ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza çäksiz alkyş sözleri aýdyldy.

GADYMY NUSAÝ

Kitaphanalar

20.08.2025

Döwletmämmet Azady adyndaky Arkadag şäher kitaphanasynyň şeýle hem Arkadag teleýaýlymyň gurnamagynda, Arkadag şäheriniň taryhy-medeni seýilgähinde «Gadymy Nusaý» atly söhbetdeşlik geçirildi. Söhbetdeşlikde Gahryman Arkadagymyzyň Arkadagly Gahryman Serdarymyzyň medeniýet ulgamynda, taryhy ýadygärliklerimizi dikeltmek ugrunda alyp barýan uly işleri barada şeýle hem Nusaý galasynyň Türkmenistanyň iň möhüm taryhy ýadygärlikdigi, 2007-nji ýylda Nisa ÝUNESKO-nyň Bütindünýä mirasynyň sanawyna girizilendigi barada we Nusaý galasy barada birnäçe rowaýatlar hakynda gyzykly söhbetli gürrüňler edildi. Çäräniň ahyrynda medeniýetimizi, milli mirasymyzy, edebiýatymyzy dünýä ýaýmakda giň mümkinçilikleri döredip berýän Gahryman Arkadagymyza, Arkadagly Gahryman Serdarymyza hoşallyk sözleri aýdyldy.

PARAHATÇYLYK–ÖSÜŞLERIŇ WE HYZMATDAŞLYKLARYŇ ESASY ÝÖRELGESI

Kitaphanalar

18.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasynyň gurnamagynda «Parahatçylyk–ösüşleriň we hyzmatdaşlyklaryň esasy ýörelgesi» ady bilen gürrüňdeşlik geçirildi. Gürrüňdeşlikde çykyş edenler Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň şeýle hem hormatly Prezidentimiz Arkadagly Gahryman Serdarymyzyň bimöçber tagallalarynyň netijesinde dünýä döwletleri bilen dost–doganlyk gatnaşyklarymyzy pugtalandyrmak, halkara hyzmatdaşlygyny netijeli ösdürmek ugrunda uly işleriň alnyp barylýandygy barada bellediler. Şeýle-de häzirki döwürde Türkmenistanyň hemişelik Bitaraplyk ýörelgelerinden gelip çykýan aýdyň wezipeler dünýäde ählumumy parahatçylygyň pugtalanmagynda, durnukly ösüşiň we abadançylygyň üpjün edilmeginde möhüm ähmiýete eýe bolup durýandygy barada gürrüň berdiler. Gürrüňdeşligiň ahyrynda dünýäde hemişe parahatçylygyň dabaralanmagy ugrunda taýsyz tagallalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.

ÝAŞLAR FORUMY–ÝAŞLARYŇ BÄHBIDINE HYZMATDAŞLYK

Kitaphanalar

18.08.2025

Türkmenistanyň Bazar Amanow adyndaky Döwlet çagalar kitaphanasy ýakynda jemgyýetçilik guramalarynyň milli merkezine «Altyn asyr» teleýaýlymynyň ýazgy etmeginde «Ýaşlar forumy–ýaşlaryň bähbidine hyzmatdaşlyk» atly söhbetdeşlik geçirdi. Mälim bolşy ýaly, ýaşlar häzirki zaman dünýäsinde, hususan-da BMG tarapyndan kabul edilen Durnukly ösüş maksatlaryny gazanmakda aýratyn orny eýeleýärler. Milletler bileleşigi ýaşlaryň döredijilikli çemeleşmesiniň, taglymlarynyň we güýç-kuwwatynyň ýaşaýan jemgyýetleriniň mundan beýläk-de ösmegi üçin möhüm ähmiýete eýedigini öňe sürýär. Şu jähtden, BMG-niň, Deňze çykalgasy bolmadyk ösüp barýan döwletler boýunça üçünji maslahatynyň çäklerinde Ýaşlar forumunyň hem-de ýaşlar syýasaty bilen ugurdaş geçirilen çäreleriň ähmiýeti dogrusynda söhbetdeşligiň dowamynda buýsançly gürrüňler edildi. Söhbetdeşligiň ahyrynda ýaşlary watanymyzyň daýanjyna deňäp, dürli ugurlarda zähmet çekmeklige giň şert mümkinçilikleri döredýän Gahryman Arkadagymyza, hormatly Prezidentimiz Arkadagly Gahryman Serdarymyza sag bolsunlary beýan edildi.

KITAP–DÜNÝÄNIŇ AÇARY

Kitaphanalar

15.08.2025

Türkmenistanyň Döwlet medeniýet merkeziniň Döwlet kitaphanasynda «Altyn asyr»:Türkmenistan teleýaýlymy bilen bilelikde «Kitap–dünýäniň açary» atly söhbetdeşlik geçirildi. Söhbetdeşlikde çykyş edenler:Arkadagly Gahryman Serdarymyzyň: «Ýurdumyzda ýaşlar döwlet syýasatyny ýaşlaryň arasynda giňden wagyz-nesihat etmekde we ony üstünlikli durmuşa geçirmekde Milli Liderimiz Gahryman Arkadagymyzyň çuňňur pähim-paýhasa, baý many-mazmuna ýugrulan ajaýyp kitaplary, gymmatly gollanmadyr, ylym-bilim, edep-terbiýe, babatda görelde mekdebidir» diýen, parasatly jümlelerinden ugur alyp, kitaphon jemgyýeti döretmek şeýle-de ýaşlaryň kitaba bolan söýgüsini we gyzyklanmalaryny has-da artdyrmak esasy maksadymyz bolup durýar diýip çykyş edenler ýürek buýsançlaryny beýan etdiler. Söhbetdeşligiň ahyrynda çykyş edenler türkmen halkyny bagtyýar durmuşda ýaşadýan Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny arzuw etdiler.

MAGTYMGULY PYRAGYNYŇ ŞYGYRLARY ÄHLI NESILLER ÜÇIN BEÝIK TAGLYMATDYR

Kitaphanalar

15.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasynyň guramagynda «Magtymguly Pyragynyň şygyrlary ähli nesiller üçin beýik taglymatdyr» ady bilen kitap sergisi gurnaldy we gürrüňdeşlik geçirildi. Gürrüňdeşlikde akyldar şahyrymyz Magtymguly Pyragynyň ahlak, edep-terbiýe, ynsanperwerlik, adamkärçilik hakyndaky şygyrlary türkmen halkynyň edebi mirasynyň genji-hazynasy bolan döredijiligi bu günki günde dünýä alymlarynyň ünsüni özüne çekýändigi barada gürrüň berdiler. Şeýle-de akyldar şahyryň öwüt-ündewe ýugrulan goşgulary ýaş nesilleri terbiýelemekde terbiýeçilik ähmiýetiniň örän ulydygy barada belläp geçdiler. Çäräniň ahyrynda ähli adamzat gymmatlygynyň genji-hazynasyna öwrülen, şahyrana döredijiligini miras galdyran, Magtymguly Pyragynyň şeýle derejede söýlüp-sarpalanmagy ugrunda giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 43
• 44
• 45
• ...
• 143
• →