HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

WEPALYLYGYŇ NUSGASY

Muzeýler

24.10.2025

Türkmen alabaýynyň meşhur tohumyna bagyşlanyp geçirilýän çäreleriň many-mazmunynyň örän köpdürlüdigi hem-de geriminiň giňdigi bilen bagly Aşgabatda hem-de ýurdumyzyň sebitlerinde itşynaslygyň möhüm meselelerine bagyşlanan ylmy-amaly maslahatlar, sergiler we alabaýlaryň keşbini şekillendiriş, amaly-haşam sungatynda çeper beýan etmek boýunça döredijilik bäsleşikleri, aýdym-sazly çykyşlar, itleriň bu tohumynyň dünýäde şöhratynyň ýokarlanmagyna, ýurdumyzda itşynaslygyň ösdürilmegine we has-da kämilleşdirilmegine ýardam edýän beýleki medeni çäreler her ýylyň oktýabr aýynyň soňky ýekşenbesinde dabaraly ýagdaýda bellenilip geçilýär. Türkmen alabaýynyň baýramy mynasybetli Türkmenistanyň Döwlet medeniýet merkeziniň Döwlet muzeýinde hem 2025-nji ýylyň oktýabr aýynyň 23-ne «Wepalylygyň nusgasy» atly baýramçylyk sergisi gurnaldy. Sergide Gahryman Arkadagymyza, hormatly Prezidentimize sowgat berlen Berkarar döwletimiziň täze eýýamynyň Galkynyşy döwrüni, Türkmenistanyň Garaşsyzlygyny, Bitaraplygyny, Döwlet baýdagymyzy, türkmen alabaýlaryny wasp edýän zergärçilik eserleri synlamak bolýar. Şeýle-de hormatly Prezidentimize sowgat berlen şekilli halylara sergide aýratyn orun berilýär. Halylarda häzirki wagtda haly gölleri bilen bilelikde türkmen alabaýynyň keşbiniň sazlaşykly dokalmagy, bu olaryň türkmen durmuşynda uly orun eýeleýändigini alamatlandyrýar.

ATA WATANYŇ ROWAÇLYGY RUHUBELENTLIGIŇ ÇEŞMESIDIR

Kitaphanalar

24.10.2025

Lebap welaýat kitaphanasynda Türkmenistanyň Agrar partiýasynyň Lebap welaýat komiteti bilen bu medeni ojagyň bilelikde gurnamaklarynda halkara Bitaraplygymyzyň 30 ýyllyk toýy mynasybetli «Ata Watanyň rowaçlygy ruhubelentligiň çeşmesidir» atly maslahat geçirildi. Bitaraplyk ynsanperwerligiň we parahatçylygyň belent ýörelgelerini dabaralandyrýan, berkarar döwletimiziň at-abraýyny, şan-şöhratyny beýgeldýän, bagtyýar halkymyzyň buýsanç-mertebesini belende göterýän gymmatlygymyzdyr. Hemişelik Bitaraplyk derejesine ygrarly, halkara hukuk kadalaryny we borçnamalaryny gyşarnyksyz berjaý edýän ýurt hökmünde güneşli Diýarymyzyň dünýä bileleşiginiň arasyndaky abraý-mertebesi barha belende galýandygy barada çykyşlar edildi. Gatnaşyjylar parahat, asuda, bagtyýar zamanada ýaşaýandygymyz üçin hormatly Prezidentimize ak ýüreklerinden alkyşlar aýdyldy. Türkmen halkynyň Milli Lideri Gahryman Arkadagymyza we Arkadagly Gahryman Serdarymyza janlarynyň sag, ömürleriniň uzak, belent başlarynyň aman bolmagyny, il-günümiziň bagtyýarlygynyň, ata Watanymyzyň mundan beýläk-de gülläp ösmeginiň hatyrasyna alyp barýan beýik işleriniň hemişe rowaçlyklara beslenmegini arzuw etdiler.

GAHRYMAN ARKADAGYMYZYŇ «TÜRKMENISTANYŇ DERMANLYK ÖSÜMLIKLERI» ATLY YLMY-ENSIKLOPEDIK KITABYNYŇ XVII JILDI ESASYNDA

Kitaphanalar

24.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynyň guramagynda Gahryman Arkadagymyzyň «Türkmenistanyň dermanlyk ösümlikleri» atly ylmy-ensiklopedik kitabynyň XVII jildi esasynda gürrüňdeşlik geçirildi. Gürrüňdeşlikde Gahryman Arkadagymyzyň «Türkmenistanyň dermanlyk ösümlikleri» atly köp jiltli ensiklopedik kitaby bütin türkmen halky üçin, aýratynam saglygy goraýyş ulgamynyň ösüşine ebedi hyzmat etjek genji-hazyna öwrülendigi barada buýsanç bilen gürrüň berdiler. Şeýle-de alym Arkadagymyzyň dermanlyk ösümlikleri barada häzirki zaman lukmançylygynyň dünýä tejribesinde gazananlarynyň üstüni ýetirýändigi, ýurdumyzda bitýän dermanlyk ösümlikleriniň ylmy esasda öwrenilişi, olaryň melhemlik häsiýetleri bu kitapda giňden beýan edilýändigi hakynda beýan etdiler. Gürrüňdeşligiň ahyrynda ýurdumyzy sagdynlygyň mekanyna öwürýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GAHRYMAN ARKADAGYMYZYŇ ESERLERI–ÝAŞLARA PAÝHAS MEKDEBI

Kitaphanalar

24.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň bilelikde guramagynda «Gahryman Arkadagymyzyň eserleri–ýaşlara paýhas mekdebi» ady bilen söhbetdeşlik geçirildi. Söhbetdeşlikde çykyş edenler alym Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitaby, dünýäniň lukmançylyk ylymlarynynyň ösüşine we türkmen tebigatymyzda bitýän 107 sany dermanlyk ösümlikler barada maglumat berilýändigi hakynda giňişleýin gürrüň berdiler. Şeýle-de kitap diňe bir türkmen tebigatynda bitýän ösümlikler dünýäsiniň ynsanlara şypa beriji dermanlyk häsiýetini ylmy taýdan esaslandyrman, eýsem, onda ösümlikleriň kesel bejerijilik we keselleriň öňüni alyjylyk häsiýetleri hem açylyp görkezilendigi barada söhbet etdiler. Söhbetdeşligiň ahyrynda şeýle ajaýyp kitaplary türkmen halkyna peşgeş berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

SAZ FESTIWALY DOWAM EDÝÄR

Täzelikler

24.10.2025

Berkarar döwletiň täze eýýamynyň Galkynyşy döwründe halypa-şägirtlik ýoluna uly üns berilýär. “Halkara parahatçylyk we ynanyşmak ýylynda” ýurdumyzyň her bir güni toýdur-baýramlara beslenýär. Şu günki günlerde Maýa Kulyýewa adyndaky Türkmen milli konserwatoriýasynda geçirilýän “Konserwatoriýanyň zehinli ýaşlary” atly saz festiwaly dowam edýär. Bu festiwala konserwatoriýamyzyň ýaş mugallymlary we zehinli talyplary gatnaşyp, öz ukyp başarnyklaryny açyp görkezýärler. Ýakynda saz festiwalynyň çäklerinde Maýa Kulyýewa adyndaky Türkmen milli konserwatoriýasynyň “Bagşyçylyk sungaty” kafedrasynyň ýaş mugallymlary Meýlis Goçmyradowyň we Ogulbagt Maşadowanyň ýekelikdäki konserti geçirildi. Konsertda Ogulbagt Maşadowanyň “Yzlama”, “Aýnam derdinden”, “Ýaranlar”, “Salamymny” ýaly türkmen halk aýdymlaryny hem-de “Daglar”, “Jerenler” ýaly ene topragymyzyň gözelligine bagyşlanan aýdymlary ussatlarça ýerine ýetirmegi tomaşaçylarda ýatdan çykmajak täsir galdyrdy. Soňra “Gözliniň”, “Ýow bagşy”, “Saltyklar”, “Ýandy bagrym” ýaly türkmen halk aýdymlary halypa bagşy Meýlis Goçmyradowyň ýerine ýetirmeginde ýaňlandy. Halypanyň Garaşsyz Watanymyzyň ösüşlerini, halkymyzyň bagtyýarlygyny, ýurdumyzyň abadançylygyny belentden wasp edip “Türkmenistanym” atly aýdymy ýerine ýetirmegi konserta gelen myhmanlar tarapyndan gyzgyn garşy alyndy. Konsertiň ahyrynda oňa gatnaşyjylar şeýle dabaraly konsertleriň, saz festiwallaryň yzygiderli geçirilip durmagy üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza jan-saglygyny, mundan beýläk-de il-ýurt bähbitli, umumadamzat ähmiýetli alyp barýan işleriniñ hemişe rowaçlyklara beslenmegini arzuw etdiler. _______________ Baýramgeldi GARAÝEW Maýa Kulyýewa adyndaky Türkmen milli konserwatoriýasynyň 4-nji ýyl talyby

ABDULHAMYT ÇOLPON

Edebiýat älemi

24.10.2025

«GÜÝZ ÝAGŞY» Döküldi damjalar... Ýapragyň ýüzi Damja ogşadyp ezildi, Çukurjyga doldy... Damjany köpeldip Ýüzünde oýnatdy. Çukurjyk Jinnek ýaly kölçe, Damjalar – Gök asmanyň sözleri Baran ýerin gamçylar... «GÖZEL» Garaňky gijede göge göz dikip, Iň ýagty ýyldyzdan seni soraryn. Ol ýyldyz uýalyp, başyny bukup, Dillener: men ony düýşde görerin. Düýşümde görerin – şeýle bir gözel, Bizden-de gözeldir, Aýdan-da gözel! ________________________ Gözümi aýlaryn Aý dogan ýere, Başlaryn Aýdan-da seni sormaga. Ol hem aýdar: bir gyrmyzy ýaňaga Uçradym düýşümde, gömülen aga. Aga gömülen-de şeýle bir gözel, Menden-de gözeldir, Günden-de gözel! ________________________ Saba daň şemaly saçlaryn ýaýyp, Ýanymdan ötende sorap görerin. Aýdadyr: bir görüp, ýolumdan ozup, Dag-u-daşlar içre gözläp ýörerin! Bir gördüm men ony – şeýle bir gözel, Aýdan-da gözeldir, Günden-de gözel! ________________________ Ol gidip, Gün çykar nuruny saçyp, Ondan-da soraryn seniň gaşyňda. Ol-da öz odundan gizlenip, gaçyp Aýdadyr: bir gördüm, düýşde däl, aňda. Men aňda göremde şeýle bir gözel, Aýdan-da gözeldir, menden-de gözel! ________________________ Men biçäre, nädip ony söýüp men, Oň üçin ýanyp men, ýanyp-köýüp men, Başymy zor yşka berip goýup men, Men söýüp...men söýüp...kimi söýüp men? ________________________ Meň söýen magşugym şeýle bir gözel, Aýdan-da gözeldir, Günden-de gözel! ________________________ «BENEWŞE» Benewşe, bu senmi, benewşe–senmi, Ýol ugrunda nyrh kesilip satylan. Benewşe, bu menmi, benewşe menmi, Seniň söýgiň hem gaýgyňa gyýylan? Benewşe, nämüçin, parlap açylman, Şatlanmankaň pudagyňdan üzüldiň? Benewşe, nämüçin ysyň saçylman, Gunça wagtyň ýolunmaga dözüldiň? Benewşe, Aýt maňa, Kimlerkä olar, Iňňäni bagryňa dürtüp sançsalar? Benewşe, Bir sözle, O neneň gollar, Uzalyp gül-gunçalarňy ýolsalar? ________________________ Benewşe, şeýle bir ajap görküň bar, Uz ýylgyryp, açylyşyň gysga seň? Benewşe, şeýle bir hoşboý ysyň bar, Köňlüme nur berer ýeke ysgasam? ________________________ Benewşe, aglama, indi gel bäri, Gaýgylaryň gaýgylarma goşulsyn. Seniň üçin kükregim bor erk ýeri, Ol seni bu ýerden göge uçursyn. Benewşe, dertdeşim, neçüýn gelmez sen, Gussaň köpdür, meň derdimi bilmez sen, Neçüýn maňa bir ýylgyryp bakmaz sen? ________________________ ABDULHAMYT ÇOLPON (Terjime eden: A.Rejepow)

BIRLEŞEN MILLETLER GURAMASY: PARAHATÇYLYGYŇ WE ÖSÜŞIŇ BÄHBIDINE HALKARA TAGALLALARA 80 ÝYL

Täzelikler

24.10.2025

23-nji oktýabrda Türkmenistanyň Daşary işler ministrliginiň Halkara gatnaşyklary institutynda Birleşen Milletler Guramasynyň esaslandyrylmagynyň 80 ýyllygy mynasybetli maslahat geçirildi. Oňa Türkmenistanyň Daşary işler, Maliýe we ykdysadyýet, Saglygy goraýyş we derman senagaty, Bilim ministrlikleriniň hem-de BMG-niň ýöriteleşdirilen edaralarynyň ýurdumyzdaky wekilhanalarynyň ýolbaşçylary, ýokary okuw mekdepleriniň professor-mugallymlary we talyp ýaşlar gatnaşdylar. Maslahata gatnaşyjylar institutyň eýwanynda milli mirasymyza, ýurdumyz bilen BMG-niň hyzmatdaşlygynyň ugurlaryna bagyşlanan sergi gymmatlyklary bilen tanyşdylar. Bu ýerde aýdym-sazly çykyşlara hem giň orun berildi. Ýygnananlar hormatly Prezidentimiz Serdar Berdimuhamedowyň Birleşen Milletler Guramasynyň 80 ýyllygyna bagyşlanan maslahata gatnaşyjylara iberen Gutlagyny uly üns bilen diňlediler. Onda nygtalyşy ýaly, Berkarar döwletiň täze eýýamynyň Galkynyşy döwründe hoşniýetli goňşuçylyga, birek-birege hormat goýmaga, deňhukuklylyga, dünýäniň ähli döwletleri bilen özara bähbitli hyzmatdaşlyga esaslanýan Bitaraplyk syýasatymyz yzygiderli dowam etdirilýär. Ýurdumyzyň başlangyjy esasynda BMG-niň Baş Assambleýasy tarapyndan parahatçylyk, howpsuzlyk we durnukly ösüş boýunça möhüm Kararnamalaryň uly toplumynyň kabul edilmegi dünýäde hyzmatdaşlygy ösdürmäge ýardam berýär, Bitarap Watanymyzyň at-abraýyny has-da artdyrýar. Mälim bolşy ýaly, 1945-nji ýylyň 24-nji oktýabrynda dünýäniň ähli garaşsyz ýurtlaryny birleşdirýän abraýly halkara düzüm bolan Birleşen Milletler Guramasynyň Tertipnamasy güýje girdi. Şol döwürden bäri bu sene BMG-niň döredilen güni hökmünde bellenilýär. Birleşen Milletler Guramasy dünýäde parahatçylygy, howpsuzlygy üpjün etmek, döwletara hyzmatdaşlygy ösdürmek we pugtalandyrmak maksady bilen döredilen halkara guramadyr. Guramanyň Tertipnamasynda bellenilen maksatlar, esasan, adamzada howp salýan wehimleriň öňüni almakdan we oňa garşy göreşde halkara bileleşigiň tagallalaryny birleşdirmekden, ýüze çykýan dawa-jenjelleri parahatçylykly ýol bilen çözmekden, halklaryň arasynda dostlukly, hoşniýetli we deňhukukly gatnaşyklary has-da berkitmekden ybaratdyr. Häzirki wagtda BMG-niň düzümine 193 döwlet girýär. Türkmenistan döwlet özygtyýarlylygyna eýe bolan wagtyndan bäri bu gurama we onuň ýöriteleşdirilen edaralary bilen hyzmatdaşlygy özüniň daşary syýasatynyň möhüm ugry hökmünde kesgitledi. Garaşsyz, baky Bitarap Türkmenistan 1992-nji ýylyň 2-nji martyndan bäri bu abraýly guramanyň işjeň agzasydyr. Häzirki wagtda BMG-niň esasy edaralaryna Baş Assambleýa, Howpsuzlyk Geňeşi, Ykdysady we durmuş meseleleri boýunça Geňeş, Halkara Kazyýet, Sekretariat degişlidir. Şeýle-de guramanyň ýöriteleşdirilen edaralaryna Bütindünýä Saglygy Goraýyş Guramasy (BSGG), BMG-niň Bilim, ylym we medeniýet meseleleri boýunça guramasy (ÝUNESKO), BMG-niň Çagalar gaznasy (ÝUNISEF), Halkara pul gaznasy we başgalar girýär. ____________________ «Türkmenistan» gazeti

TÜRKMENISTANYŇ MINISTRLER KABINETINIŇ MEJLISI

Täzelikler

24.10.2025

23-nji oktýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Ilki bilen, Mejlisiň Başlygy D.Gulmanowa çykyş edip, milli kanunçylygy häzirki döwrüň talaplaryna laýyklykda kämilleşdirmek boýunça wezipeleri ýerine ýetirmek maksady bilen alnyp barylýan işler barada maglumat berdi. Bellenilişi ýaly, häzirki wagtda Mejlisde döredilen iş toparlary tarapyndan ýurdumyzy durmuş-ykdysady taýdan ösdürmegiň maksatnamalaryndan we halkara hukugyň umumy ykrar edilen kadalaryndan ugur alyp, adwokatura we adwokatlyk işi, ýerine ýetiriji häkimiýetiň ýerli edaralary, ýerine ýetiriş önümçiligi we kazyýet ýerine ýetirijileriniň hukuk ýagdaýy, hukuk namalary, notariat we notarial işi, şeýle hem aw awlamak we aw baýlyklaryny goramak, howply önümçilik desgalarynyň senagat howpsuzlygy bilen baglanyşykly häzirki wagtda hereket edýän Türkmenistanyň Kanunlaryna döwrebap üýtgetmeleri hem-de goşmaçalary girizmek boýunça işler alnyp barylýar. Şunuň bilen birlikde, BMG-niň Çagalar gaznasynyň durmuş ulgamy boýunça maslahatçysy bilen duşuşyk geçirildi. Onuň barşynda bu ugurdaky kanunçylygyň meseleleri boýunça pikir alşyldy. Şeýle hem Milletler Bileleşiginiň Adam hukuklary boýunça Ýokary komissarynyň müdirliginiň Merkezi Aziýa boýunça sebit wekilhanasynyň guramagynda geçirilen duşuşyga gatnaşyldy. Mejlisiň wekilleri sirkulýar ykdysadyýeti ösdürmekde hyzmatdaşlygy giňeltmek boýunça Gazagystan Respublikasynyň Almaty şäherinde geçirilen sebitleýin parlamentara dialoga, şeýle hem Ýewropada Howpsuzlyk we Hyzmatdaşlyk Guramasynyň Demokratik institutlar we adam hukuklary boýunça edarasynyň Polşa Respublikasynyň paýtagty Warşawa şäherinde geçirilen her ýylky maslahatyna gatnaşmak üçin iş saparynda boldular. Döwlet Baştutanymyz Serdar Berdimuhamedow ýurdumyzyň kanunçylygyny kämilleşdirmek boýunça alnyp barylýan işleri dowam etmegiň möhümdigini belledi. Soňra Ministrler Kabinetiniň Başlygynyň orunbasary H.Geldimyradow Daşoguz welaýatynyň Boldumsaz etrabynda Pensiýa gaznasynyň bölüminiň täze edara binasyny gurmak boýunça alnyp barylýan işler barada hasabat berdi. Şunuň bilen baglylykda, döwlet Baştutanymyzyň garamagyna degişli teklip hödürlenildi. Hormatly Prezidentimiz Serdar Berdimuhamedow hasabaty diňläp, ýurdumyzyň ähli sebitlerini durmuş-ykdysady taýdan ösdürmek, ilata edilýän döwlet hyzmatlarynyň hilini ýokarlandyrmak boýunça zerur işleriň alnyp barylýandygyny belledi. Döwlet Baştutanymyz Daşoguz welaýatynyň Boldumsaz etrabynda Pensiýa gaznasynyň täze edara binasyny gurmak baradaky teklibi makullap, wise-premýere degişli işleri geçirmegi tabşyrdy. _______________ «Türkmenistan» gazeti

UGANDA RESPUBLIKASY BILEN TÜRKMENISTANYŇ ARASYNDA SYÝAHATÇYLYK PUDAGYNDA HYZMATDAŞLYK ETMEK MASLAHATLAŞYLDY

Syýahatçylyk

23.10.2025

2025-nji ýylyň 23-nji oktýabrynda Türkmenistanyň Medeniýet ministrliginde Uganda Respublikasynyň Eýran Yslam Respublikasyndaky Ilçihanasynyň geňeşçisi we ikinji sekretary bilen iş duşuşygy geçirildi. Duşuşygyň dowamynda taraplar iki ýurduň arasyndaky medeni we syýahatçylyk ugurlarda hyzmatdaşlygy ýola goýmagyň mümkinçiliklerini maslahatlaşdylar. Uganda Respublikasynyň syýahatçylyk ministrliginiň wekilleri bilen Türkmenistanyň Medeniýet ministrliginiň wekilleriniň arasynda medeni we syýahatçylyk gatnaşyklaryny ýola goýmak boýunça göni wideo aragatnaşyk arakly iş duşuşygyny geçirmeklik, hem-de iki ýurduň syýahatçylyk kärhanalarynyň gatnaşmaklarynda tanyşdyryş syýahatçylygyny gurnamaklyk boýunça teklipler hödürlenildi.

TÜRKMEN MILLI OÝUNLARY

Kitaphanalar

23.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasy bilen Türkmen döwlet Neşirýat gullygynyň bilelikde guramagynda «Türkmen milli oýunlary» ady bilen söhbetdeşlik geçirildi. Söhbetdeşlikde çykyş edenler asyrlaryň dowamynda halk arasynda kämilleşip gelýän milli oýunlarymyz nesilden-nesile geçip, bagtyýarlyk döwrümizde gelip ýetendigi barada gürrüň berdiler. Şeýle-de türkmen milli oýunlary çagalarda çalasynlygy, ünslüligi, pikirlenmegi we sabyrlylygy terbiýeleýändigi bu bolsa, ýaş nesillerde tutanýerliligi, maksada okgunlylygy we erjelligi döredýändigi barada söhbet etdiler. Çäräniň ahyrynda türkmen halkyny eşretli döwrana ýetiren Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 32
• 33
• 34
• ...
• 231
• →