HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

2026-njy ÝYLYŇ 23-25-nji ÝANWARY ARALYGYNDA ÝURDUMYZYŇ TEATRLARYNDA GÖRKEZILJEK SAHNA OÝUNLARYNYŇ TERTIBI

Teatr we kino dünýäsi

22.01.2026

______________________________ TÜRKMENISTANYŇ BEÝIK SAPARMYRAT TÜRKMENBAŞY ADYNDAKY BAŞ AKADEMIKI DRAMA TEATRYNDA 24.01.2026ý. «Är we aýal» atly sahna oýny sagat 19:00 25.01.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 _______________________________ TÜRKMENISTANYŇ MAGTYMGULY ADYNDAKY MILLI SAZLY DRAMA TEATRYNDA 23.01.2026ý. «Aýdym-sazly gülki agşamy» atly teatrlaşdyrylan, aýdym-sazly tomaşa sagat 19:00 24.01.2026ý. «Öýlenmek» atly sahna oýny sagat 19:00 25.01.2026ý. «Durmuş diňe düýş däl» atly sahna oýny sagat 19:00 _______________________________ TÜRKMENISTANYŇ ALP ARSLAN ADYNDAKY MILLI DRAMA TEATRYNDA 23.01.2026ý. «Söýgi duralgasy» atly sahna oýny sagat 19:00 24.01.2026ý. «Mähriban dideler» atly sahna oýny sagat 19:00 25.01.2026ý. «Söweşe garşy söweş» atly sahna oýny sagat 16:00, 19:00 _______________________________ A.S.PUŞKIN ADYNDAKY DÖWLET RUS DRAMA TEATRYNDA 23.01.2026ý. «Hanuma» atly sahna oýny sagat 19:00 24.01.2026ý. «Maşa we aýy» atly sahna oýny sagat 12:00 24.01.2026ý. «Hanym» atly sahna oýny sagat 19:00 25.01.2026ý. «Zoluşka» atly sahna oýny sagat 11:00, 13:00 25.01.2026ý. «Myhmançylykda» atly sahna oýny sagat 19:00 _______________________________ TÜRKMENISTANYŇ MOLLANEPES ADYNDAKY TALYPLAR TEATRY 24.01.2026ý. «Arşyn mal alan» atly sahna oýny sagat 19:00 25.01.2026ý. «Sakawyň soňuna seret» atly sahna oýny sagat 19:00 _______________________________ ARKADAG ŞÄHERINIŇ AMAN GULMÄMMEDOW ADYNDAKY DÖWLET DRAMA TEATRY 24.01.2026ý. «Ýagyş ýagan gijesi» atly sahna oýny sagat 19:00 25.01.2026ý. «Älemgoşarly tomus» atly sahna oýny sagat 19:00 _______________________________ TÜRKMEN DÖWLET GURJAK TEATRY 24.01.2026ý. «Balykçy we balyjak» atly sahna oýny sagat 17:00 24.01.2026ý. «Ýartygulak» atly sahna oýny sagat 19:00 25.01.2026ý. «Şadyýan sazandarlar» atly sahna oýny sagat 12:00, 15:00 25.01.2026ý. «Jüýteniň toýy» atly sahna oýny sagat 19:00 _______________________________ BALKAN WELAÝATYNYŇ BEÝIK SAPARMYRAT TÜRKMENBAŞY ADYNDAKY DÖWLET DRAMA TEATRY 23.01.2026ý. «Kejir kürre» atly sahna oýny sagat 17:00 24.01.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 25.01.2026ý. «Daş myhman» atly sahna oýny sagat 19:00 _______________________________ DAŞOGUZ WELAÝATYNYŇ N.ANDALYP ADYNDAKY DÖWLET SAZLY DRAMA TEATRY 24.01.2026ý. «Saňa ýalan maňa çyn» atly sahna oýny sagat 19:00 25.01.2026ý. «Gülmek ömürden» atly teatrlaşdyrylan, aýdym-sazly tomaşa sagat 19:00 _______________________________ LEBAP WELAÝATYNYŇ SEÝITNAZAR SEÝDI ADYNDAKY DÖWLET SAZLY DRAMA TEATRY 24.01.2026ý. «Çyn aşyk» atly sahna oýny sagat 19:00 25.01.2026ý. «Goňşular» atly sahna oýny sagat 19:00 _______________________________ MARY WELAÝATYNYŇ KEMINE ADYNDAKY DÖWLET DRAMA TEATRY 24.01.2026ý. «Körpe gelin» atly sahna oýny sagat 19:00 25.01.2026ý. «Talyp söýgüsi» atly sahna oýny sagat 19:00 _______________________________

«SADALYGYŇ ÇATRYGYNDAKY BEÝIKLIK» ATLY ÝATLAMA AGŞAMY

Kitaphanalar

21.01.2026

Türkmenistanyň Döwlet medeniýet merkeziniň Döwlet kitaphanasynyň «Sungat» bölüminiň guramagynda Türkmenistanyň at gazanan artisti, sazly komediýa aktýory Akmyrat Arçikowyň doglan gününiň 65 ýyllygyna bagyşlanan «Sadalygyň çatrygyndaky beýiklik» atly ýatlama agşamy geçirildi. Ýurdumyzda ömrüni medeniýete we sungata bagyşlan şahslaryň biri-de özüniň ajaýyp keşpleri bilen adamlaryň ýüreklerinde orun alan, tomaşaçylaryň kalbynda güýçli duýgular döreden Türkmenistanyň at gazanan artisti Akmyrat Arçikowdyr. Aktýor, artist üçin teatr edil öz öýi ýalydyr. Ol teatrda ruhy taýdan ösýär, döredijilik ýolunyň basgançaklaryna galýar. Özüni açýar, barha öz käriniň ussadyna öwrülýär. Aktýorlyk işine öz kärine tüýs ýürekden çyn kalbyndan berlip işlemek bilen öz ýoluny tapýar. Kämilleşýär, ussat artiste öwrülýär. Bu günki ýatlama agşamynyň dowamynda hem Türkmenistanyň at gazanan artistleri Akmyrat Arçikow, Oguljan Bekiýewa, Sülgün Täşliýewa, Gülşat Meňliýewa, Türkmenistanyň halk artisti Döwlet Hanmämmedow şeýle-de Gülöwser Sopyýewa gatnaşyp, olaryň halypanyň döredijiligi bilen bagly gyzykly gürrüňleri we halypanyň ýerine ýetiren sahnalaryndan bölekler ýatlama agşamyna gatnaşyjylarda uly täsir galdyrdy. Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ata-babalarymyzdan miras galan halypa-şägirtlik ýoly täze keşbe eýe bolýar, döwrebap ýörelgeler bilen baýlaşdyrylýar. Halklaryň arasynda dostluk köprüsini çekýän türkmen medeniýetiniň binýadynyň berk bolup dünýä ýaýylmagy, gülläp ösmegi barada uly tagallalar edýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň elmydama rowaç almagyny tüýs ýürekden arzuw edýäris.

USSAT KOMPOZITOR ESERLERIŇ NESILLERE GÖRELDE

Täzelikler

21.01.2026

Ýakynda Maýa Kulyýewa adyndaky Türkmen milli konserwatoriýasynyň kitaphanasynyň guramagynda Türkmenistanyň halk artisti, SSSR-iň we Türkmenistanyň Magtymguly adyndaky Döwlet hem-de Ýaşlar baýraklarynyň eýesi, professor, kompozitor Çary Nurymowyň doglan güniniň 85 ýyllygy mynasybetli “Ussat kompozitor eserleriň nesillere görelde” ady bilen sergi we söhbetdeşlik geçirildi. Bu gurnalan sergi esasan hem talyp ýaşlaryň arasynda uly gyzyklanma döretdi. Türkmenistanyň Prezidenti Arkadagly Gahryman Serdarymyz: “Berkarar döwletiň täze eýýamynyň Galkynyşy döwri milli medeniýetimiziň, sungatymyzyň hem-de edebiýatymyzyň barha kämilleşýän döwrüdir” diýip örän jaýdar belläp geçýär. Milli Medeniýetimiziň aýrylmaz bölegi bolan saz sungatymyzy professional derejede ösdürmek ugrunda kompozitorlar tarapyndan ägirt uly işler amala aşyryldy. Çünki olar profisional sazlary, dürli žanrdaky eserleri döretdiler. Öz gezeginde bolsa bu ajaýyp eserler Türkmenistanyň gymmatly sazlary jemlenen altyn hazynasyny emele getirdi. Ussat kompozitor Çary Nurymowyň ölmez–ýitmez saz eserleri aýdym-saz ugrundan bilim alýan ýaş nesillerimize uly gollanma, görelde mekdebidir. Onuň eserleri diňe bir biziň ýurdumyzda däl, eýsem daşary ýurtlarda hem uly meşhurlyga eýedir. Ç.Nurymowyň sazy Gündogar we Günbatar, miras we häzirki zaman, milli we internasional däpleriň birleşmesidir. Kompozitoryň eserleri özüniň täzeçilligi we özboluşlylygy, täsirliligi, äheňleýin gurluşynyň döwrebaplygy bilen tapawutlanýar. Çäräniň dowamynda kitaphana hünärmenleri ussat kompozitoryň döredijilik ýoly, sungat äleminde bitiren işleri barada gürrüň berdiler. Şeýle hem kompozitor Ç.Nurymowyň döreden eserleri barada talyp-ýaşlaryň arasynda sorag-jogap arkaly söhbetdeşlik geçirildi. Onuň eserleriniň sanawy uly, oňa üç balet, üç simfoniýasy, ýedi sany konsert, köpsanly simfoniki, wokal-istrumental, hor, kamera-instrumental eserler, kinofilmler üçin sazlar, romanslar we aýdymlar degişlidir. Mirasynyň esasy ugry instrumental sazlarydyr. Watana bolan söýgi, mähriban ülkäniň owadanlygy, döwürdeşleriniň batyrgaýlygy, şöhratly zähmeti onuň döredijiliginiň temalarynyň we keşpleriniň gözbaşydyr. 1967-nji ýylda Magtymguly adyndaky opera we balet teatrynyň sahnasynda kompozitoryň W.Sopkiniň librettosyna “Epgegiň tepbedi” balei goýulýar. “Epgegiň tepbedi” milli kompozitor tarapyndan özbaşdak, kömeksiz ýazylan ilkinji türkmen baletidir. Onda adamyň suw, çöli gülletmek üçin tebigat bilen göreşi özboluşly beýan edilipdir. Ýaş kompozitoryň bu baleti ýurdumyzyň durmuşyndaky möhüm waka bolan Garagum derýasynyň gurluşygyna bagyşlanýar. Bu balet jemgyýetçilik tarapyndan gyzgyn garşylanyp, ýokary baha mynasyp bolýar. Ol eser üçin awtor Türkmenistanyň Ýaşlar baýragy we täze sazly spektakllaryň bütinsoýuz bäsleşiginde Hormatly diplom bilen sylaglanýar.(1968ý) 1977-nji ýylda, Türkmenistanyň Kompozitorlarynyň VI gurultaýynyň geçýän günlerinde Magtymguly adyndaky opera we balet teatrynyň sahnasynda Ç.Nurymowyň “Köýten nalasy” atly üçünji baletiniň görkezilişi bolýar. Ol. A.Gylyjowyň adybir powestini esasynda döredilipdir. Bu baleti üçin Ç.Nurymow sazly-sahna eserleriniň Bütinsoýuz bäsleşiginde üçünji baýraga we Türkmenistanyň Magtymguly adyndaky döwlet baýragyna (1979ý) mynasyp bolýar. Ç. Nurymow uly göwrümli eserleri döretmek bilen birlikde kamera-instrumental žanrynda-da önjeýli işleýär. Oňa “Trombon we orkestr üçin konsert” pýesasy, “Fleýta we fortepiano üçin pastoral”, “Üflenip çalynýan saz gurallary üçin kwintet”, şeýle-de fortepiano üçin eserleriniň köp sanlysy degişlidir. Kompozitoryň iň soňky eserleriniň biri bolan “Maru-Şahu-Jahan” (1989ý) atly üçünji simfoniýasynda gadymy taryhy wakalara ýüzlenýär. Ç.Nurymowyň döredijiliginde aýdymlara uly orun degişlidir. Olaryň ençemesi halk arasynda meşhurdyr. Kompozitoryň aýdymlary we romanslaryna: R.Seýidowyň goşgusyna “Meniň obam”, (1962ý), Mollanepesiň goşgusyna “Gitdim”(1962ý), Magtymgulynyň goşgusyna “Oýanmaz”, A.Atabaýewiň goşgularyna “Yşk jana zelalatdyr”, bariton we fortepiano üçin (1983ý),”Saňa garaşa-garaşa”(1986ý) we başgalary degişlidir. Çäräniň ahyrynda oňa gatnaşanlar saz sungatyna ömürleriniň bagyş eden ussat halypalary ýatlap geçmäge döredilýän ähli mümkinçilikleri üçin Gahryman Arkadagymyza we Arkadagly Gahryman Serdarymyza özleriniň çäksiz minnetdarlyklaryny aýtdylar. ______________________________ Nuryýewa Maral Maýa Kulyýewa adyndaky Türkmen Milli konserwatoriýasynyň kitaphana müdiri

ÝYLYMYZYŇ ŞYGARY-BEÝIK IŞLERIŇ ZYBANY

Muzeýler

21.01.2026

Bedew batly, belent ösüşleri bilen gelýän ýyllary özüne mynasyp atlandyrmak biziň ýurdymyzda asylly däbe öwrüldi.Bedew batly ösüşleriň şöhratly eýýamynda Berkarar döwletimiziň täze eýýamynyň Galkynyşy döwründe eziz watanymyzda gazanylýan üstünlikler, ýetilýän belent sepgitler bu gün dünýä ýüzüni haýrana goýýar.Bedew bady bilen başlanan ,,Garaşsyz, baky Bitarap Türkmenistan – bedew batly at-myradyň mekany”ýylyna şeýle şygaryň berilmegi bagtyýar halkymyz bilen birlikde biz medeniýet ulgamynda zähmet çekýän muzeý hünärmenlerini buýsandyryp bedew batly ösüşlere ruhlandyrdy.Şu günler ýylymyzyň şygaryna bagyşlanan dabaraly çäreler Diýarymyzyň ähli künjeklerinde edaradyr-kärhanalarynda bolşy ýaly, Lebap welaýatynyň medeniýet ojaklarynda hem uly ruhubelentlikde geçirilýär.Şu gün 2026-njy ýylyň ,,Garaşsyz, baky Bitarap Türkmenistan--bedew batly at-myradyň mekany”ýyly diýlip atlandyrylmagy mynasybetli,Lebap welaýatynyň Taryhy we ülkäni öwreniş muzeýiniň hem-de Türkmenistanyň Kärdeşler arkalaşyklarynyň Lebap welaýat birleşmesiniň bilelikde gurnamagynda ,,Behişdi bedew–Watanymyzyň täze belentliklerine tarap okgunly ösüşiň nyşany”atly dabaraly maslahat geçirildi.Maslahata Türkmenistanyň Mejlisiniň deputatlary, medeniýet ulgamynyň işgärleri, muzeý hünärmenleri bilim we saglygy goraýyş işgärleri,talyp ýaşlar uly ruhubelentlikde gatnaşdylar.Dabaraly maslahatda çykyş edenleriniň her biri bedew batly eşretli zamanany halkymyza bagyş eden, ýurdumyzda behişdi bedewlere aýratyn sarpa goýýan türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza buýsançly sag bolsunlaryny beýan etdiler. _______________________ Jennet Myradowa Lebap welaýatynyň Taryhy we ülkäni öwreniş muzeýiniň ekskursawody 

WATANÇY, ŞAHYR ŞALY KEKILOW

Kitaphanalar

21.01.2026

Türkmenistanyň Bazar Amanow adyndaky Döwlet çagalar kitaphanasy ýakynda Türkmen Döwlet medeniýet we sungat mekdebinde şahyr Şaly Kekilowyň doglan gününiň 120 ýyllygyna bagyşlap «Watançy, şahyr Şaly Kekilow» atly söhbetdeşlik geçirdi. Kitaphana hünärmeni Şaly Kekilowyň ömri we döredijilik ýoly barada hem-de ýazyjynyň döreden eserleriniň ýaş nesilleri terbiýelemeklikdäki ähmiýeti dogrusynda täsirli gürrüňleri berdi. Şaly Kekilowyň “Kareliýa jeňňelinde” poemasynyň tebigatyň üsti bilen adam duýgularyny açyp görkezmekde-de çeperçilik serişdelerini ýerlikli ulanmakda-da ynsanyň watançylyk duýgularyny täsirli şekillendirmekde-de şol döwrüň nusga bolar ýaly ajaýyp eserdigi hakynda hem giňişleýin gürrüňler edildi. Söhbetdeşligiň ahyrynda edebiýatymyzy ösdürmäge goşant goşant şahsyýetleriň eserlerini öwrenmeklige giň şertleri döredýän Gahryman Arkadagymyza we Arkadagly Gahryman Serdarymyza alkyşlary beýan etdiler.

BEDEW BATLY, AT-MYRATLY DIÝARYM

Kitaphanalar

21.01.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasy bilen Türkmenistanyň Daşary işler ministrliginiň Halkara gatnaşyklar institutynyň bilelikde guramagynda «Garaşsyz, baky Bitarap Türkmenistan–bedew batly at-myradyň mekany» ýyly mynasybetli «Bedew batly, at-myratly Diýarym» ady bilen söhbetdeşlik geçirildi. Söhbetdeşlikde mukaddes Garaşsyzlygymyzyň şanly 35 ýyllyk toýunyň toýlanjak ýylynda türkmen bedewleri bilen baglanyşdyrylmagynyň özeninde halkymyzyň ata-baba dowam edip gelýän ýörelgelerine ygrarlylygyň jemlenendigi hakynda täsirli söhbet etdiler. Şeýle-de Gahryman Arkadagymyzyň ýazan ahalteke bedewleri hakyndaky gymmatly kitaplary, türkmen bedewlerine döredilen atalar sözleriniň we nakyllarynyň many-mazmuny hakynda hem giňişleýin söhbet etdiler. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

GARAŞSYZLYK–HALKYMYZYŇ MILLI BUÝSANJY

Kitaphanalar

20.01.2026

Döwletmämmet Azady adyndaky Arkadag şäher kitaphanasy, Arkadag teleýaýlym şeýle–de Sahy Jepbarow adyndaky Arkadag şäher ýörite sungat mekdebiniň bilelikde gurnamagynda «Garaşsyzlyk–halkymyzyň milli buýsanjy» atly döredijilik duşuşygy geçirildi. Duşuşygyň başynda «Garaşsyz, baky Bitarap Türkmenistan–bedew batly at-myradyň mekany» ýylynyň depginli ösüşlere beslenmegi baradaky päk arzuwlar bilen başlady şeýle-hem her ýyla mynasyp at bermek döwletimizde ajaýyp däbe öwrülýändigi, onuň ajaýyplygynyň ilkinji sebäbi: her ýyl şol at bilen hakydamyza siňýär, taryhda şol at bilen galýar, şol at hemişe ruhlandyryp durýar, halkymyz ähli güýjüni, başarnygyny hem serişde mümkinçiligini ýylyň adynda jemlenen esasy maksada gönükdirilýänligi dogrusynda, Mukaddes Garaşsyzlygymyzyň şanly 35 ýyllyk toýunyň toýlanjak ýylynyň adynyň at bilen baglanyşdyrylmagynyň özeninde çuňňur many bardygy dogrusynda giňişleýin gürrüňler edildi. Duşuşygyň ahyrynda Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak, döwletli tutumlarynyň rowaçlyga beslenmegini arzuw etdiler.

BAGTYMYZYŇ NURY-GARAŞSYZ WATAN

Kitaphanalar

20.01.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işler bölümi «Bagtymyzyň nury-Garaşsyz Watan» ady bilen döredijilik duşuşygyny geçirdi. Dabarada çykyş edenler: “Garaşsyz,baky Bitarap Türkmenistan-bedew batly at-myradyň mekany”ýylymyzyň bedew bady bilen başlanandygyny,türkmen halkymyzyň bedewi mydama özleriniň iň ýakyn syrdaşy hasaplandyklaryny nygtamak bilen türkmen bedewi barada Gahryman Arkadagymyzyň ýazan gymmatly kitaplary şeýle hem türkmen bedewleri barada döredilen atalar sözleriniň we nakyllaryň many- mazmuny barada giňişleýin söhbet etdiler. Türkmen bedewi eziz Watanymyzyň ajaýyp ösüşleriniň,ajaýyp ýeňişleriniň aýdyň nyşanyna öwrüldi. Öz bilşimiz ýaly, şu ýyl biziň mukaddes Garaşsyzlygymyzyň şanly 35 ýyllygy uly toýlara beslener. Bedew batly Diýarymyzyň ykdysadyýeti bilen birlikde biziň milli medeniýetimiziň we sungatymyzyň esasy ugurlarynyň biri bolan ýurdumyzyň kitaphana ulgamynyň işi has hem döwrebap ösdüriler. Çykyş edenler bular barada hem öz söhbetlerinde aýdyp geçdiler. Dabaranyň çäginde Döwlet kitaphanasynyň gaznasyndan “Garaşsyzlyk ähli üstünliklerimiziň özeni “ady bilen giňişleýin kitap sergisi gurnaldy. Dabaraly maslahatyň ahyrynda çykyş edenler Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, umumyadamzat bähbitli beýik işleriniň mundan-buýana hem rowaç bolmagyny arzuw etdiler.

MILLI MIRASYMYZ MERTEBÄMIZ

Kitaphanalar

20.01.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy, Aşgabat şäher häkimliginiň “Bagt köşgi” toý-dabaralary merkezi hem-de Aşgabat şäher Bagtyýarlyk etrap häkimliginiň Zenanlar bölüminiň bilelikde guramagynda «Milli mirasymyz mertebämiz» ady bilen “Bagt köşgi” toý-dabaralary merkezinde söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary netijesinde, türkmen medeniýetimiz we sungatymyz gün-günden pajarlap, belent derejelere ýetýändigi, türkmen gelin–gyzlarynyň döreden nagyşlary dünýä medeniýetiniň baýlaşmagyna önjeýli goşant goşan kämil medeni gymmatlyklaryň hatarynda uly meşhurlyga eýe bolandygy barada gürrüň berdiler. Şeýle-de ata-babalarymyzyň ruhy-medeni gymmatlyklary dünýä derejesinde sarpalanyp, olary il içinde wagyz edip, geljek nesillere miras galdyrmak işleriniň yzygiderli ýaýbaňlandyrylýandygy barada söhbet etdiler. Söhbetdeşligiň ahyrynda milli mirasymyzy öwrenmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

WATAN MERTEBESI BEÝIKDIR, GORAGY MUKADDES BORÇDUR

Muzeýler

20.01.2026

Berkarar watanymyzda Gahryman Arkadagymyzyň, Arkadagly Gahryman Serdarymyzyň saýasynda Watan, toprak mukaddesligi ýaly gymmatlyklarymyza belent sarpa goýulýar. Çünki Watan goragy mukaddesdir. Bu günki gün Garaşsyz, Bitarap döwletimiziň goragy ygtybarly gollarda. Döwletimiziň hemişelik Bitaraplyk hukuk ýagdaýyna esaslanýan goranyş häsiýetli Harby doktrinamyza laýyklykda hereket edýän Milli goşunymyz asuda Watanymyzyň sarsmaz galasydyr. Her ýylyň 27-nji ýanwarynda ýurdumyzda Watan goragçylarynyň güni uly dabara bilen bellenilip geçilýär. Türkmenistanyň Döwlet medeniýet merkeziniň Döwlet muzeýinde hem Watan goragçylarynyň güni mynasybetli «Watan mertebesi beýikdir, goragy mukaddes borçdur» atly sergi guraldy. Sergi Türkmenistanyň Prezidenti Serdar Berdimuhamedowyň portreti, Döwlet nyşanlary, “Garaşsyz, baky Bitarap Türkmenistan – bedew batly at-myradyň mekany” atly ýylyň şygary, hormatly Prezidentimiziň Watan mukaddesligi barada aýdan pähimli sözleri bilen açylýar. Gahryman Arkadagymyzyň, Arkadagly Gahryman Serdarymyzyň pähim-paýhasa ýugrulan kitaplaryna giňden orun berildi. Sergide Ýu.D.Nowikowyň “Türkmen bedew atlary. Pellehananyň öň ýanynda” hem-de “Türkmen atlary” atly linograwýura usulynda çekilen grafika eserleri görkezilýär. Serginiň görnükli ýerinde Berdimuhamet Annaýewiň hem-de Mälikguly Berdimuhamedowyň keşbi çitilen haly panno ýerleşýär. Türkmen halkynyň taryhy Watanymyzyň şöhratly ogullarynyň görkezen edermenlikleri baradaky maglumatlara baýdyr. Olaryň hatarynda Berdimuhamet Annaýew hem bar. Ol ilkinjileriň hatarynda fronta gidip, agyr ýaralanyp uruşdan gaýdyp geldi, emma ýaş nesli okatmak, terbiýelemek ýaly asylly işi dowam edip, halkymyzyň hakydasynda ýagşy ýatlamalary galdyrdy. Gahryman Arkadagymyzyň kakasy Mälikguly Berdimuhamedow Türkmenistanyň Içeri işler ministrliginiň bölümleriniň şahsy düzümlerinde işledi. Hormatly dynç alyşa çykandan soň, köp ýyllaryň dowamynda ýaşlara bilim bermek işinde zähmet çekdi. Olaryň durmuş ýoly häzirki wagtda ýaş nesil üçin watançylygyň we borja wepalylygyň aýdyň nusgasydyr. Hazar dostluk, parahatçylyk deňzidir. Türkmenistan Hazarýaka döwletleri bilen özara dostlukly gatnaşyklary ösdürýär. Asuda Hazar kenarynyň keşbi çitilen haly panno sergini görmäge gelýänlerde uly täsir galdyrýar. Onda asuda deňizde ýüzüp barýan parahatçylygyň buşlukçysy “Arkadag” gämisi hem erkana uçup ýören guşlar şekillendirilipdir. Sergide ýurdumyzyň Milli goşunynyň esaslandyrylyşy baradaky maglumatlar, Türkmenistan watanymyzyň ösüş-özgerişlerini sungatyň üsti bilen beýan edýän gymmatly zergärçilik eserleri, altyn, kümüş bilen bezelen häzirki zaman sowuk ýaraglar görkezilýär. Bulardan başga-da Türkmenistanyň şöhratly taryhyny, syýasy we harby durmuşyny, halk hojalygynyň ähli pudaklarynda gazanan üstünliklerini aýdyň görkezýän gymmatlyklardyr fotosuratlar, sergini görmäge gelenler üçin aýratyn täsirlidir.

• ←
• 1
• ...
• 33
• 34
• 35
• ...
• 146
• →