HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BILIM–BAGTYŇ ÇYRAGY

Kitaphanalar

24.09.2025

Döwletmämmet Azady adyndaky Arkadag şäher kitaphanasynda Sahy Jepbarow adyndaky Arkadag şäher ýörite sungat mekdebiniň talyplarynyň gelmeginde «Bilim–bagtyň çyragy» atly gezelenç geçirildi. Berkarar döwletiň täze eýýamynyň Galkynyşy döwründe eziz Watanymyz ösüşli ýollarda ynamly öňe barýar. Garaşsyz, hemişelik Bitarap ýurdumyzda ýaş nesliň dünýä derejesine laýyk bilim almagy üçin ähli şertler döredilýär. Ajaýyp ýurdumyzda ýaşlaryň dürli tehnologiýalardan we öňdebaryjy tilsimatlardan baş alyp çykmagy üçin ylym-bilim ulgamyny ösdürmäge uly üns berilýär. Sanly tehnologiýalar geljegiň ylmy kuwwaty, ösen aň-bilim röwşen geljegiň binýady. Bu ugurda ýaşlarymyz üçin ähli mümkinçilikler döredilýär. Çäräniň ahyrynda bagtyýarlygymyz hem-de ýagty ertirlerimiz üçin ähli mümkinçilikleri döredip berýän türkmen Halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýtdylar.

WATANYM–BAGTYM, GARAŞSYZLYK–GANATYM

Kitaphanalar

23.09.2025

Aşgabat şäher Medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasy, Aşgabat Maliýe-ykdysady orta hünär okuw mekdebi bilen bilelikde gurnamagynda «Watanym–bagtym, Garaşsyzlyk–ganatym» ady bilen wagyz-nesihat çäresi geçirildi. Çärede Berkarar döwletiň täze eýýamynyň Galkynyşy döwründe, Halkara parahatçylyk we ynanyşmak ýylynyň her bir güni toý baýramlara beslenýändigi, şeýle baýramlarymyzyň iň naýbaşysy hem Mukaddes Garaşsyzlygymyzdygy barada çykyş etdiler. Garaşsyzlygymyzyň 34 ýyllyk baýramy mynasybetli ýurdumyzda ýaýbaňlandyrylan dabaralardyr, çäreler il agzybirligini, eşretli zamananyň rowaç ösüşlerini aýdyň beýan edýändigini, şeýle ajaýyp toýdur-baýramlar erkana, bagtyýar durmuşyň aýdyň geljegiň kepili bolup şugla saçýandygy barada gürrüň berdiler. Çäräniň ahyrynda türkmen halkyny eşretli zamana ýetiren türkmen halkynyň Milli Lideri Gahryman Arkadagymyza, Arkadagly Gahryman Serdarymyza çäksiz alkyş sözlerini aýtdylar.

GARAŞSYZLYK BILEN GALKYNAN WATAN

Kitaphanalar

23.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasy bilen Aşgabat şäheriniň 76-njy ýöriteleşdirilen orta mekdebiniň bilelikde gurnamagynda mukaddes Garaşsyzlygymyzyň 34 ýyllygy mynasybetli «Garaşsyzlyk bilen galkynan Watan» ady bilen wagyz-nesihat çäresi geçirildi. Çärede çykyş edenler şanly Garaşsyzlygymyzyň 34 ýyllyk baýramynyň ýokary ruhubelentlikde bellenilýändigini, hormatly Prezidentimiziň parasatly baştutanlygynda amala aşyrylýan taryhy özgertmeler halkymyzyň ýagty geljegine gönükdirilendigi barada çykyş etdiler. Şeýle hem Garaşsyzlyk baýramy özbaşdaklygyň, parahatçylygyň, asudalygyň we erkanalygyň baýramydygy hakynda belläp geçdiler. Çäräniň dowamynda mekdep okuwçylarynyň ýerine ýetiren Garaşsyz Watanymyzy wasp edýän birnäçe goşgulary çäräniň täsirini has-da artdyrdy. Çäräniň ahyrynda mähriban halkymyzy ösüşlere sary alyp barýan, nesilleriň bagtyýarlygy ugrunda beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler. 

GARAŞSYZLYK–HALKYMYZYŇ SENASY, MIZEMEZDIR BEÝIK TÜRKMEN BINASY

Kitaphanalar

23.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasy bilen «Türkmenhaly» döwlet birleşiginiň Türkmen halysynyň milli muzeýiniň bilelikde gurnamagynda mukaddes Garaşsyzlygymyzyň 34 ýyllygy mynasybetli «Garaşsyzlyk– halkymyzyň senasy, mizemezdir beýik türkmen binasy» ady bilen aýdym-sazly söhbetdeşlik geçirildi. Çärede çykyş edenler Garaşsyzlygymyz biziň milli buýsanjymyzdyr, berkarar döwletimiziň mizemezliginiň, il-günümiziň agzybirliginiň we abadançylygynyň binýadydyr diýip gürrüň berdiler. Şeýle-de mukaddes Garaşsyzlygymyzyň 34 ýyllyk toýuny uludan belleýän ýylymyzda şanly seneleriň, şatlykly wakalaryň şaýady bolýandygymyzyň, Garaşsyzlyk ýyllarynda berkarar döwletimiziň uly mümkinçiliklere eýe bolýan, ösýän ýurt hökmünde halkara giňişlikde özüniň mynasyp ornuny tapýandygyny belläp geçdiler. Çäräniň ahyrynda diýarymyzy beýik ösüşler bilen öňe alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar. 

KITAPLAR DÜNÝÄSI-BILIMLER DÜNÝÄSI

Kitaphanalar

23.09.2025

Döwletmämmet Azady adyndaky Arkadag şäher kitaphanasy hem-de Aba Annaýew adyndaky Halkara atçylyk akademiýasy bilen bilelikde guramagynda «Kitaplar dünýäsi-bilimler dünýäsi» atly kitap sergisi we talyplaryň arasynda gürrüňdeşlik geçirildi. Kitap sergimizde Gahryman Arkadagymyzyň, Arkadagly Gahryman Serdarymyzyň ajaýyp kitaplary şeýle hem Magtymguly Pyragynyň eserleri we birnäçe çeper eserler bilen kitap sergimizi gurnadyk. Sergide kitaplardan başga-da dürli ýyllarda neşir edilen «Medeniýet», «Miras», «Diýar», «Garagum», «Türkmen sporty» we beýleki žurnallarda türkmen hem rus dillerinde neşir edilen başga-da köp gyzykly maglumatlar görkezildi. Çäräniň ahyrynda ylym-bilim öwrenmekde, medeniýetimizi, milli mirasymyzy, edebiýatymyzy dünýä ýaýmak üçin giň mümkinçilikleri döredýän Gahryman Arkadagymyza, Arkadagly Gahryman Serdarymyza hoşallyk sözleri aýdyldy.

ÝOL HEREKETINIŇ HOWPSUZLYGY ÖMRÜMIZIŇ RAHATLYGY

Kitaphanalar

23.09.2025

Döwletmämmet Azady adyndaky Arkadag şäher kitaphanamyzda «Ýol hereketiniň howpsuzlygy ömrümiziň rahatlygy» ady bilen söhbetdeşlik geçirildi. Bu söhbetdeşlikde Ýol hereketiniň howpsuzlygy üçin çagalarymyza köçeden geçeninde nähili öziňi alyp barylýandygy hakynda aýdylyp geçildi. Şeýle-de kitaplaryň üsti bilen birnäçe suratlar dogrusynda söhbet edildi. Bize şeýle bagtly durmuşda ýaşamana ajaýyp şertler döredip berýän Türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, belent başlarynyň aman, bolmagyny, döwletli işleriniň elmydama rowaç almagyny, nurana ýollarymyzda hereketiň sazlaşykly bolmagyny arzuw edýäris. *

PARAHATLYK, ASUDALYK MUKAMY, GUTLY BOLSUN GARAŞSYZLYK BAÝRAMY

Kitaphanalar

22.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy bilen Aşgabat şäheriniň ýöriteleşdirilen 76-njy orta mekdebiniň bilelikde guramagynda mukaddes Garaşsyzlygymyzyň 34 ýyllygy mynasybetli «Parahatlyk, asudalyk mukamy, gutly bolsun Garaşsyzlyk baýramy» ady bilen wagyz-nesihat çäresi geçirildi. Çärede çykyş edenler halkymyzyň hasyl bolan arzuwy-mukaddes Garaşsyzlygymyzyň 34 ýyllyk taryhy senesi toý-dabaralara beslenip, zähmetsöýer halkymyzyň mizemez agzybirliginiň, waspy bolup has-da belentden ýaňlanýandygy, barada çykyş etdiler. Çäräniň dowamynda Aşgabat şäheriniň ýöriteleşdirilen 76-njy orta mekdebiniň okuwçylarynyň ýerine ýetirmeklerinde mukaddes Garaşsyzlygymyzy wasp edýän çykyşlara tomaşa edildi. Çäräniň ahyrynda eşretli zamanamyzy beýik ösüşlere besläp, halkymyzyň bagtyýar ýaşaýşy ugrunda ýadawsyz tagallalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

ÝOL HEREKETINIŇ HOWPSUZLYGY–ÖMRÜMIZIŇ RAHATLYGY

Kitaphanalar

22.09.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen Aşgabat şäher Baş bilim müdirliginiň 130-njy ýöriteleşdirilen orta mekdebiniň bilelikde guramagynda «Ýol hereketiniň howpsuzlygy–ömrümiziň rahatlygy» ady bilen wagyz-nesihat çäresi geçirildi. Çärede çykyş edenler her ýylda geçirilýän «Ýol hereketiniň howpsuzlygy–ömrümiziň rahatlygy» atly biraýlyk sürüjilere we pyýadalara ýol hereketiniň düzgünlerini has-da dogry we doly öwrenmekde uly ähmiýete eýe bolup durýandygy, bu çäreler ýurdumyzyň ähli ýerlerinde ýollaryň howpsuz bolmagynda, halkymyzyň asuda, parahat durmuşyny üpjün etmekde wajyp ähmiýete eýedigi barada nygtap geçdiler we bu wajyp çärelerde çatryklary kesip geçmegiň, şeýle-de sazlaýjylaryň we düzgünleşdirijileriň ýok ýerlerinde köçeden geçmegiň düzgünleri hakynda, okuwçylara howpsuzlyk we seresaplylyk düzgünleriniň doly we dogry berjaý edilmeginde belgileriň, suratlaryň, kompýuter ýazgylaryň ýaşlaryň köçe-ýol hereketiniň düzgünlerini gowy öwrenmeklerinde, doly we dürs berjaý etmeklerinde uly ähmiýetiniň bardygy barada gürrüň berdiler. Çäräniň ahyrynda hemişe raýatlarymyzyň rahatlygynyň üpjün edilmegine, ýol-ulag hadysalarynyň öňüniň alynmagyna gönükdirilýän netijeli işleriň gözbaşynda duran Gahryman Arkadagymyza, Arkadagly Gahryman Serdarymyza alkyş sözlerini atdylar.

GÜLLE WATAN, JAN WATAN, GARAŞSYZ TÜRKMENISTAN

Kitaphanalar

22.09.2025

Türkmenistanyň Bazar Amanow adyndaky döwlet çagalar kitaphanasy Aşgabat şäheriniň daşary ýurt dillerini çuňlaşdyryp öwredýän № 52-nji orta mekdepde «Gülle Watan, jan Watan, Garaşsyz Türkmenistan» atly şanly Garaşsyzlygymyzyň 34 ýyllyk baýramçylygyna bagyşlap söhbetdeşlik geçirildi. Söhbetdeşligiň dowamynda Watan mukaddesligi, Garaşsyzlygymyzyň ähmiýeti, ata-babalarymyzyň Garaşsyz Watan ugrunda geçen şöhratly ýoly barada täsirli gürrüňler edildi. Şeýle-de geçen 34 ýylyň dowamynda ýurdumyzy gülledip ösdürmek ugrunda bitirilen beýik işler, ýetilen belent sepgitler barada aýratyn nygtaldy. Höwesjeň çagalar ajaýyp zamanamyzy, bagtyýar çagalygy wasp edýän goşgudyr, aýdymlary uly buýsanç bilen aýtdylar. Şu çärede kitaphananyň hünärmenleri «Baky Garaşsyz Watan» atly kitaplardan sergi gurnady. Söhbetdeşligiň ahyrynda biziň ýaş nesillerimiziň sagdyn we berk bedenli bolup ýetişmekleri üçin atalyk aladasyny edýän türkmen halkynyň Milli Lideri Gahryman Alym Arkadagymyza, hormatly Prezidentimiz Arkadagly Gahryman Serdarymyza alkyş sözleri beýan edildi.

TÜRKMEN HALK ERTEKILER

Kitaphanalar

22.09.2025

Döwletmämmet Azady adyndaky Arkadag şäher kitaphanasynyň hem-de Şükür bagşy adyndaky Arkadag şäher çagalar sungat mekdebi bilen bilelikde ýaş nesillerde çeper edebiýatlara bolan höwesini artdyrmak maksady bilen «Türkmen halk ertekiler» atly türkmen halk ertekilerniň gahrymanlarynyň suratyny çekmek boýunça bäsleşik geçirildi. Gahryman Arkadagymyzyň, Arkadagly Gahryman Serdarymyzyň atalyk aladalary netijesinde bagtyýar ýurdumyzda ýaş nesilleriň bagtyýar ýaşamagy, doly derejede dynç we bilim almagy, döredijilik bilen meşgullanmagy, bilimli, giň dünýägaraýyşly, terbiýeli adamlar bolup ýetişmekleri üçin giň gerimli maksatnamalar üstünlikli durmuşa geçirilýär. Şu maksatlar bilen, körpeje çagalarymyz okuw sapaklaryndan daşary özleriniň ukyp başarnyklary bolan surat çekmek bilen gyzyklanýan okyjylarymyz Döwletmämmet Azady adyndaky Arkadag şäher kitaphanasyna gelip türkmen halk ertekiler bolan kitaplary okap hem-de şolaryň gahrymanlaryny surata geçirýärler. Şol maksat bilen hem kitaphana yzygiderli gatnaýan göreldeli okyjylarymyzyň arasynda özleriniň okan dürli ertekili kitaplarynyň gahrymanlaryny çekmek maksady bilen bäsleşik geçirildi. Bäsleşigiň dowamynda baýrakly orunlara mynasyp bolanlar ýaş okyjylarymyza kitaphananyň adyndan hormat hatlary we ýadygärlik sowgatlar gowşuryldy. Bäsleşigiň ahyrynda bagtyýar çagalaryň okamagy, öwrenmegi hem-de özleriniň ukyp başarnyklaryny açyp görkezmekde hem birnäçe mümkinçilikleri, şertleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli tutýan tutumly işleri üstünliklere beslensin!

• ←
• 1
• ...
• 37
• 38
• 39
• ...
• 143
• →