HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GÖZEL DERE GÖKDERE

Täzelikler

10.07.2025

Her bir adam çagalyk ýyllaryny ýürеkdеn küýsеýär, ýatlaýar, şatlygyna, hеzilliginе ýеnе-dе dоlanasy gеlýär. Ol ýyllar mähir-muhabbеtе, ýürеkdеşligе baý bolup, ata-enäniň söýgi-mährinе has köp çоýunýarys. Söýgi, mähriň gоýnunda günlеriň hatar gurap dеňimizdеn gеçýäni hеm duýulmaýar. Şоl ýyljak mähir diňе kalby ýylatman, tutuş älеmi ýyladýar. Оnsоň şеýlе ajaýyp ýyllar barada ýazyjylaryň esеr, şahyrlaryň şygyr dörеtmеgi tеbigy ýagdaý. Zеhinli şahyrymyz Gurbannazar Ezizоwyň çagalyk ýyllary bilеn bagly şygry biygtyýar hakydaňa dоlýar. Hamala çagalyk gеçmеjеk ýaly Çagalygyň kеnarynda kän durdum. Bu dünýе durşuna sоwaldy maňa, Şо sоwallaň jоgabyna näm bеrdim. ****** Ol şеýlе kеnardy,— Bеýik kеnardy. Alkymynda sоrag Adasy bardy, Aňyrsynda bоlsa, başga bir bеýik, Başga bir giň kеnar uzap gidýärdi. Bu sеtirlеr islendik adamy çagalyk ýyllary bilеn ýüzbе-ýüz edýär. Çagalygyň kеnarynda durdugyňça kalbyňy päk duýgular, gоwulyklar gaplap alýar. Çagalykdan gözbaş alýan islеndik zat bеrkligi bilеn tapawutlanýar. Dоgduk Watana söýgi hеm çagalykda dörеýär. Çaga mahalymyz Watanyň dag-düzlеrinе, sähralaryna sеýil-sеýrana höwеs-hyjuwly çykýarys. Şоnda enе tоpraga söýgi tutuş süňňümize siňýär. Berkarar döwletiň täze eýýamynyň Galkynyşy döwründe, Halkara parahatçylyk we ynanyşmak ýylynda Watanymyzyň gеljеgi bоlan ýaş nеsil aýratyn üns-alada bilеn gurşalýar. Olaryň bagtly durmuşda ýaşamagy, watansöýüji, ilhalar, kämil adamlar bоlmagy üçin dörеdilýän mümkinçiliklеr, şertler hеr bir ata-enäni guwandyrýar. Sagdyn nеsli kеmala gеtirmеkdе, оlaryň bеdеn saglygy dоgrusynda alada etmеk zеrur bоlup durýar. Hut şu nukdaýnazardan çеn tutulyp, çagalaryň оňat dynç alyp, bedenlerini berkidip, wagtlaryny hоş gеçirmеklеri üçin edilýän işlеr buýsançlydyr. Gökdеrе jülgеsindе çagalaryň оňat dynç almagy, saglyklaryny bеrkitmеk maksady bilеn gurlan sagaldyş wе dynç alyş mеrkеzlеriniň gapysy hеmişе açyk. Tomus paslynda sagaldyş wе dynç alyş merkezlerine çagalary dabaraly ugratmak, indi ýurdumyzda asylly däbe öwrüldi. Medeniýet, sungat, döredijilik işgärleriniň çykyşlary dynç alýan çagalarda uly täsir galdyryp, olaryň medeniýetimize, sungatymyza bolan söýgülerini, döredijilige bolan yhlaslaryny has-da artdyrýar. Ol ýеrdäki hеzilliklеr tоmsuň iň şadyýan, iň gözel günlеri bоlup ýatlarynda galýar. Çagalaryň arasynda dürli bäslеşiklеriň, ýaryşlaryň guralmagy, оlaryň bilim dеrеjеlеrini, döredijilik ukyp-başarnyklaryny ýüzе çykarýar. Golaýda Türkmenistanyň Medeniýet ministrliginiň guramagynda Gökderedäki «Bagtyýar nesiller» çagalar sagaldyş we dynç alyş merkezinde dynç alýan çagalar bilen ýurdumyzyň ýazyjy--şahyrlarynyň, aýdymçylarynyň hem-de artistleriniň döredijilik duşuşygy geçirildi.  Döredijilik duşuşygyna Döwletmämmet Azady adyndaky Türkmen milli dünýä dilleri institutynyň uly mugallymy, şahyr Osmanberdi Gurbangeldiýew, Magtymguly adyndaky milli sazly drama teatrynyň aýdymçy artisti Ýazbibi Sapargeldiýewa, Türkmenistanyň Medeniýet ministrliginiň Döredijilik işgärleri bölüminiň baş hünärmeni, ýazyjy Ogulgurban Gaşlakowa, Türkmenistanyň Döwlet medeniýet merkeziniň Mukamlar köşgüniň aýdymçysy Üýşenmyrat Annanurow dagy gatnaşdylar. Ýurdumyzyň hemişelik Bitaraplygynyň şanly 30 ýyllygynyň eziz Watanymyzda hem-de halkara derejesinde giňden bellenilýän ýylynda geçirilen döredijilik duşuşygynda çykyş eden ýazyjy-şahyrlar, aýdymçydyr artistler häzirki döwürde, türkmen halkynyň Milli Lideri Gahryman Arkadagymyzyň hem-de hormatly Prezidentimiziň çagalar barada edýän uly aladalarynyň, döredilýän giň mümkinçilikleriň, şertleriň netijesinde, ýurdumyzyň bagtyýar çagalygyň mekanyna öwrülendigini guwanç bilen bellediler. Döredijilik duşuşygynyň dowamynda ýazyjy-şahyrlaryň, aýdymçy hem artistleriň çykyşlaryny, “Akpamyk” halk ertekisinden ýerine ýetirilen bölegi, okalan goşgulary, Üýşenmyrat Annanurowyň, Ýazbibi Sapargeldiýewanyň aýdyp beren aýdymlaryny çagalar uly höwes bilen diňlediler. Şeýle hem çagalaryň öz düzen goşgularyny, ajaýyp aýdymlary aýdyp bermekleri, olaryň döredijilige bolan höwesleriniň uludygynyň aýdyň subutnamasydyr. Döredijilik duşuşygyna gatnaşyjylar ýurdumyzda çagalaryň bagtly durmuşy, bagtyýar geljegi barada uly işleri amala aşyrýan, Gahryman Arkadagymyza hem-de Arkadagly Gahryman Serdarymyza tüýs ýürekden alkyşlar aýdyp, berk jan saglyk, uzak ömür, alyp barýan il-ýurt bähbitli döwletli işlerinde uly üstünlikleri arzuw etdiler. Ogulgurban GAŞLAKOWA, Türkmenistanyň Medeniýet ministrliginiň Döredijilik işgärleri bölüminiň baş hünärmeni.

TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY GAHRYMAN ARKADAGYMYZ HALKARA ÇÄRELERIŇ GEÇIRILJEK DESGALARYNYŇ TAÝÝARLYK DEREJESI BILEN TANYŞDY

Täzelikler

10.07.2025

9-njy iýulda Balkan welaýatynda iş saparynda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ir säher bilen BMG-niň Deňze çykalgasy bolmadyk ösüp barýan döwletler boýunça üçünji halkara maslahatynyň çäklerinde dürli derejedäki duşuşyklaryň geçiriljek ýeri bolan Kongresler merkezine geldi. Hazaryň kenaryndaky ajaýyp künjekde ýerleşýän bu merkez özüniň binagärlik çözgüdi netijesinde Awazanyň tebigy aýratynlyklary bilen sazlaşykly utgaşýar. Bary-ýogy birnäçe ýylyň içinde ýurdumyzyň jana şypaly bu künjegi tanalmaz derejede düýpli özgerdi. Häzir bu ýerde köp sanly kaşaň myhmanhanalar, kottej şäherjikleri, seýilgähler, dynç alyş we şypahana düzümleri halkyň hyzmatynda. Gözel tebigatyň ekologik derejesi, Awaza derýasy bu ýerde ýakymly howa gurşawynyň emele gelmegini şertlendirýär. Säher bilen Günüň dogýan çaglarynda Hazaryň kenarynyň howasy, aýratyn-da, «Awaza» milli syýahatçylyk zolagynyň gurşawy ynsan üçin has-da ýakymly. Munuň özi, ýurdumyzyň ähli künjeklerinde bolşy ýaly, deňziň kenarynda-da ýokary ekologik ýagdaýy saklamak ugrunda edilýän tagallalaryň aýdyň netijesidir. Ilatyň saglygyny berkitmek, adamlaryň ýokary derejeli dynç alşyny ýola goýmak we jemgyýetimizde sagdyn durmuş ýörelgelerini berkitmek döwlet syýasatynyň ileri tutýan ugurlarynyň biri bolup durýar. ...Balkan welaýatynda iş saparynda bolýan Gahryman Arkadagymyz keşbi düýpli özgeren we bagy-bossanlyga bürenen Awazanyň çäklerini synlady. Bu ýerde her ýylda köpçülikleýin bag nahallarynyň ekilmegi netijesinde, deňziň kenaryndaky tokaý zolaklarynyň çäginde saýaly baglara beslenen seýilgähleriň sany artdy. Adamlaryň gezelenç etmekleri, amatly dynç almaklary üçin ähli mümkinçilikleri özünde jemleýän dynç alyş zolagynyň şertleri häzirki zamanyň ösen talaplaryna hem-de ýokary halkara görkezijilere doly kybap gelýär. Munuň özi ýurdumyzda ekologik abadançylygy üpjün etmek, milli tokaý maksatnamasyny durmuşa geçirmek, gözel tebigatymyzy, onuň ösümlik we haýwanat dünýäsini gorap saklamak, biodürlüligi baýlaşdyrmak ugrunda giň möçberli işleriň durmuşa geçirilýändiginiň aýdyň nyşanydyr.

TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY GAHRYMAN ARKADAGYMYZYŇ BALKAN WELAÝATYNA IŞ SAPARY

Täzelikler

09.07.2025

8-nji iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow awgust aýynda “Awaza” milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň guramaçylyk-taýýarlyk işlerini seljermek maksadynda, Balkan welaýatyna iş sapary bilen ugrady. Gahryman Arkadagymyz Hazaryň kenarynda meýilleşdirilen bu uly halkara çäräniň taýýarlyk derejesi we bu babatda amala aşyrylýan taslamalar bilen tanyşdy. ...Ir bilen Milli Liderimiz paýtagtymyzyň Halkara howa menzilinden Balkan welaýatyna tarap ugrady. Hazaryň ekologik taýdan arassa türkmen kenarynda dünýä derejeli dynç alyş we şypahana toplumy emele geldi. Gönüden-göni Gahryman Arkadagymyzyň yzygiderli tagallasyndan binýat bolan bu syýahatçylyk zolagynda dynç alşa we şypahana ulgamyna degişli döwrebap düzümleriň toplumy halkymyza ýokary derejeli hyzmatlary hödürleýär. Türkmenistanyň Halk Maslahatynyň Başlygy Hazaryň ajaýyp kenarynda ýerleşýän “Awaza” köpugurly sport toplumyna geldi. Bu ýerde BMG-niň howandarlygynda geçiriljek halkara foruma görülýän taýýarlyk işleri tamamlaýjy tapgyrda alnyp barylýar. Gahryman Arkadagymyz toplumyň binalarynda we onuň çäginde ähli zerur mümkinçilikleriň döredilmelidigini, merkezi girelgäniň öňünde häzirki zaman tehnologiýalarynyň esasynda döredilen enjamlaryň ornaşdyrylmalydygyny, olarda bolsa halkara maslahata degişli nyşanlaryň göze gelüwli görnüşde ýerleşdirilmelidigini belledi. Olarda Türkmenistan bilen BMG-niň arasynda ýola goýlan netijeli gatnaşyklar öz beýanyny tapmalydyr. Halkara parahatçylyk we ynanyşmak ýylynyň möhüm wakalarynyň üstüni ýetirjek halkara forumda garaljak meseleleriň we kabul ediljek çözgütleriň oňa gatnaşýan döwletleriň arasynda gatnaşyklaryň ösdürilmegine kuwwatly itergi berjekdigine ynam bildirip, Milli Liderimiz maslahata gatnaşyjylaryň toplumyň çägindäki seýilgähde gezelenç edip bilmekleri, oňaýly dynç almaklary üçin ähli zerur şertleriň göz öňünde tutulmalydygyny nygtady. Şunda myhmanlaryň metbugat maglumatlary bilen tanyşmaklary, özara söhbet etmekleri babatda hem degişli mümkinçilikler göz öňünde tutulmalydyr. Şol bir wagtyň özünde bu ýerde hyzmatlar ulgamynyň işiniň ýola goýulmagyna zerur üns berilmelidir diýip, hormatly Arkadagymyz belledi we bu babatda öz maslahatlaryny berdi. Bu künjegiň dünýä derejeli halkara çäreleriň geçirilýän merkezine öwrülmegi Awazanyň derejesini has-da belende göterýär. Bu ýerde BMG-niň howandarlygynda Deňze çykalgasy bolmadyk ösüp barýan döwletler boýunça maslahaty geçirmek baradaky çözgüdiň kabul edilmegi Türkmenistanyň, şeýle-de “Awaza” milli syýahatçylyk zolagynyň dünýä derejesindäki abraýynyň belende galýandygynyň aýdyň nyşanydyr. Türkmen halkynyň Milli Lideri myhmanlaryň ulaglar bilen üpjünçiligine möhüm üns berilmelidigini aýdyp, häzirki zaman ýolagçy awtobuslarynda halkara çärä degişli ýazgylaryň ýerleşdirilmeginiň ähmiýetli boljakdygyna ünsi çekdi.

TÜRKMENISTANYŇ PREZIDENTI SANLY ULGAM ARKALY IŞ MASLAHATYNY GEÇIRDI

Täzelikler

08.07.2025

7-nji iýulda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda hem-de welaýatlarynda alnyp barylýan işler bilen baglanyşykly meselelere garaldy. Ilki bilen, Ahal welaýatynyň häkimi T.Nurmyradow welaýatda dowam edýän möwsümleýin oba hojalyk işleri barada hasabat berdi. Bellenilişi ýaly, häzirki wagtda geljek ýylyň hasyly üçin bugdaý ekişine taýýarlyk görmegiň çäklerinde galla oragyndan boşan meýdanlary sürmek, ekişde ulanyljak oba hojalyk tehnikalaryny we gurallaryny hem-de bugdaý tohumlaryny möwsüme taýýarlamak işleri alnyp barylýar. Welaýatyň gowaça ekilen meýdanlarynda hatarara bejergi, mineral dökünler bilen iýmitlendirmek hem-de ösüş suwuny tutmak işleri dowam edýär. Bu işlerde oba hojalyk tehnikalary netijeli peýdalanylýar. Welaýatyň ekerançylyk meýdanlarynda ýetişdirilen ýeralmanyň we gök-bakja ekinleriniň hasylyny ýygnap almak işleri bilen birlikde, bu ekinleriň güýzki ekişine taýýarlyk görülýär. Şeýle hem häkim «Türkmenistanyň Prezidentiniň ýurdumyzy 2022-2028-nji ýyllarda durmuş-ykdysady taýdan ösdürmegiň Maksatnamasyna” hem-de «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, şu ýyl welaýatda açylyp ulanylmaga berilmegi meýilleşdirilýän medeni-durmuş we önümçilik maksatly desgalardaky gurluşyk işleriniň barşy barada hasabat berdi. Hormatly Prezidentimiz Serdar Berdimuhamedow hasabaty diňläp, welaýatda dowam edýän möwsümleýin işleriň, hususan-da, gowaça ideg etmek, şeýle hem oba hojalyk ekinleriniň geljek ýylyň hasylynyň düýbüni tutmak işleriniň agrotehnikanyň kadalaryna laýyklykda ýerine ýetirilmeginiň möhüm ähmiýetini belledi we bu babatda häkime anyk görkezmeleri berdi. Şunuň bilen birlikde, döwlet Baştutanymyz häkime şu ýyl welaýatda açylyp ulanylmaga berilmegi meýilleşdirilýän binalardaky we desgalardaky gurluşyk işleriniň ýokary hilli we öz wagtynda ýerine ýetirilmegini yzygiderli gözegçilikde saklamagy tabşyrdy.

HALKYŇ SAGLYGY-ÝURDUŇ BAŞ BAÝLYGY

Täzelikler

07.07.2025

5-nji iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow paýtagtymyza we Arkadag şäherine iş saparyny amala aşyrdy. Saparyň çäginde Ministrler Kabinetiniň Başlygynyň gurluşyk toplumyna we Aşgabat şäherine gözegçilik edýän orunbasary B.Annamämmedow hormatly Prezidentimiziň tabşyryklaryna laýyklykda ýurdumyzda alnyp barylýan gurluşyk işleri barada hasabat berdi we Gahryman Arkadagymyzdan bu ugurda öz maslahatlaryny bermegini haýyş etdi. Häzirki döwürde Milli Liderimiziň başyny başlan giň möçberli özgertmeleriniň Arkadagly Gahryman Serdarymyzyň baştutanlygynda ýokary derejede durmuşa geçirilmegi netijesinde, ykdysadyýetimiziň ähli pudaklaryna degişli desgalaryň, şol sanda lukmançylyk edaralarynyň gurluşygyna we ozal bar bolanlarynyň durkunyň düýpli täzelenilmegine möhüm ähmiýet berilýär. Ir säher bilen Gahryman Arkadagymyz paýtagtymyzyň günorta-gündogar künjegine geldi. Bu ýerde Ministrler Kabinetiniň Başlygynyň orunbasary B.Annamämmedow hormatly Prezidentimiziň tabşyryklaryna laýyklykda paýtagtymyzda gurulýan lukmançylyk edaralarynyň gurluşyklary we gurulmagy meýilleşdirilýän saglyk merkezleriniň taýýarlanylan taslamalary barada hasabat berdi. Şeýle hem wise-premýer lukman Arkadagymyzdan ýurdumyzyň saglyk merkezleriniň işini kämilleşdirmek, Myrat Garryýew adyndaky Türkmenistanyň Döwlet lukmançylyk uniwersitetiniň hassahanalar toplumynyň taslamalary, okuw-ylmy merkezlerde tejribeli lukmanlary taýýarlamak, bu ugry ösdürmek babatda işlenip taýýarlanylan meýilnamalar barada degerli maslahatlaryny bermegini haýyş etdi. Türkmenistanyň at gazanan arhitektory Gurbanguly Berdimuhamedow görkezilýän taslamalar we lukmançylyk edaralarynyň ýerleşjek ýeriniň çyzgylary bilen tanşyp, olara birnäçe belliklerini aýtdy. Bellenilişi ýaly, ýurdumyzda sagdyn durmuş ýörelgeleriniň ösdürilmegine, ynsan saglygynyň berkidilmegine, çagalaryň sazlaşykly ösüşine döwlet derejesinde uly ähmiýet berilýär. Bular yzygiderli gözegçilikde saklanmaly wezipeleriň hatarynda kesgitlenendir. Aýratyn-da, lukmançylyk uniwersitetiniň hassahanalar toplumynyň, Indira Gandi adyndaky lukmançylyk orta okuw mekdebiniň we bu ugurdan bilim alýan talyplaryň tejribe toplamagynda möhüm ähmiýeti bolan okuw-usulyýet merkezleriniň taslamalarynyň taýýarlanylmagyna hem-de gurluşyk işlerine örän jogapkärçilikli, toplumlaýyn esasda çemeleşilmelidir. Şunda binalaryň seýsmiki ýagdaýyna zerur üns berilmelidir.

GÖKDEREDÄKI DÖREDIJILIK DUŞUŞYGY

Täzelikler

04.07.2025

2025-nji ýylyň 3-nji iýulynda Türkmenistanyň Medeniýet ministrliginiň guramagynda Gökderedäki «Nesil» çagalar dynç alyş we sagaldyş merkezinde dynç alýan çagalar bilen ýazyjy-şahyrlaryň döredijilik duşuşygy geçirildi. Döredijilik duşuşygyna Türkmenistanyň at gazanan medeniýet işgäri Oguljemal Çaryýewa, Türkmenistanyň Medeniýet ministrliginiň Döredijilik işgärleri bölüminiň baş hünärmeni, ýazyjy Ogulgurban Gaşlakowa, Aşgabat şäheriniň ýaşaýjysy, şahyr Ezizgeldi Helleňow, «Watan» gazetiniň bölüm redaktory, şahyr Ogultäç Oraztaganowa, Türkmen döwlet medeniýet institutynyň talyby, ýaş şahyr Süleýman Haýdarow dagy gatnaşdylar. Ýurdumyzyň hemişelik Bitaraplygynyň şanly 30 ýyllygynyň eziz Watanymyzda hem-de halkara derejesinde giňden bellenilýän Halkara parahatçylyk we ynanyşmak ýylynda geçirilen döredijilik duşuşygynda çykyş eden ýazyjy-şahyrlar Berkarar döwletiň täze eýýamynyň Galkynyşy döwründe, türkmen halkynyň Milli Lideri Gahryman Arkadagymyzyň hem-de hormatly Prezidentimiziň çagalar barada edýän uly aladalarynyň, döredilýän giň mümkinçilikleriň, şertleriň örän buýsançlydygyny bellediler.  Döredijilik duşuşygynyň dowamynda ýazyjy-şahyrlaryň çykyşlaryny, okap beren goşgularyny çagalar uly höwes bilen diňlediler. Şeýle hem çagalar öz düzen goşgularyny aýdyp berip, döredijilik ukyp-başarnyklaryny açyp görkezdiler. Dünýäde bagtyýar çagalygyň ýurdy hökmünde tanalýan eziz Watanymyz Türkmenistan dörediji ýaşlaryň hem ýurdudyr. Bu çärä gatnaşyjylar ýurdumyzda çagalaryň bagtyýar durmuşy, ajaýyp geljegi barada uly işleri amala aşyrýan, Gahryman Arkadagymyza hem-de Arkadagly Gahryman Serdarymyza tüýs ýürekden alkyşlar aýtdylar.

PARAHATÇYLYK WE YNANYŞMAK DOST-DOGANLYGYŇ BINÝADYDYR

Täzelikler

26.06.2025

Garaşsyz, hemişelik Bitarap ýurdumyzyň Ahal welaýatynda geçirilýän Medeniýet hepdeligi baý many-mazmuna eýe bolýar. Medeniýet hepdeliginiň çäklerinde guralýan dürli çäreler halkymyzyň ruhy döredijilik güýjüni aýdyň açyp görkezýär. Ahal welaýatynyň Gökdepe etrabynyň Yzgant şäherçesindäki Mälikguly Berdimuhamedow adyndaky medeniýet köşgünde, ýurdumyzyň žurnalistleriniň gatnaşmagynda «Parahatçylyk we ynanyşmak dost-doganlygyň binýadydyr» atly maslahat geçirildi. Maslahatyň dowamynda hemişelik Bitarap döwletimiziň dünýäde öňe sürýän parahatçylyk söýüjilik ýörelgeleriniň döwrüň aýnasy bolan köpçülikleýin habar beriş serişdelerinde beýan edilmeginiň ähmiýeti barada giňişleýin durlup geçildi. Hormatly Prezidentimiziň parasatly ýolbaşçylygynda ýurdumyz dünýä döwletleri bilen parahatçylyk söýüjilikli, dost-doganlyk gatnaşyklaryny ynamly ösdürýär. Parahatçylyk, hoşniýetlilik ýurdumyzyň alyp barýan syýasatynda möhüm orny eýeleýär. Hormatly Prezidentimiziň paýhasly başlangyjy esasynda, diňe bir ýurdumyzda däl, bütin dünýäde parahatçylygyň, howpsuz durmuşyň höküm sürmegi ugrunda netijeli işler amala aşyrylýar. Parahatçylygyň, dost-doganlygyň mekany hökmünde ýurdumyz dünýäde ykrar edilýär. Ýurdumyzda parahatçylyk we ynsanperwerlik ýörelgeleri has-da baýlaşdyrylýar. Parahatçylyk ynsanyýetiň baş küýsegi, tapylgysyz baýlygy. Asudalygyň, parahatçylygyň binýadyny berkitmäge goşant goşmak her bir adam üçin mukaddes işdir.  Häzirki döwürde dünýä döwletleri bilen ysnyşykly gatnaşyklaryň pugtalandyrylmagy, hemişelik Bitarap Türkmenistanyň dost-doganlyk gatnaşyklaryny berkidýän döwlet hökmünde halkara giňişligindäki at-abraýyny belende göterýär. Döwletleriň ynanyşmak arkaly gatnaşyklaryny pugtalandyrmaklary, Ýer ýüzünde parahatçylygyň has-da berkäp, dabaralanmagyna oňyn täsirini ýetirýär. Dünýäde ynamly gatnaşyklaryň dabaralanmagy parahatçylygyň kepiline öwrülýär. Parahatçylyk adamzady gülläp ösüşlere, öňe gidişliklere atarýar. Halkymyz söz sungatyna, söz ussatlaryna hemişe uly sarpa goýupdyr. Ata-babalarymyzdan gelýän bu ýörelgeler Berkarar döwletiň täze eýýamynyň Galkynyşy döwründe hem mynasyp dowam etdirilýär. Täze ösüşlere tarap ynamly öňe barýan ýurdumyzda žurnalistikanyň kämilleşdirilmegi üçin hem giň mümkinçilikler döredilýär. Gahryman Arkadagymyzyň beýik başlangyçlaryny üstünlikli durmuşa geçirýän hormatly Prezidentimiziň parasatly baştutanlygynda türkmen žurnalistikasyny döwrebap derejede ösdürmek, köpçülikleýin habar beriş serişdeleriniň işini kämilleşdirmek babatda netijeli işler alnyp barylýar. Maslahatyň dowamynda Halkara parahatçylyk we ynanyşmak ýylynda ýurdumyzda, dünýä jemgyýetçiliginde parahatçylyk, ynanyşmak ýörelgelerini dabaralandyrmak ugrunda alnyp barylýan tutumly işleriň gazet-žurnallarda şöhlelendirilişi barada hem çykyşlar edildi. «Parahatçylyk we ynanyşmak dost-doganlygyň binýadydyr» atly maslahata gatnaşan žurnalistleriň belleýşi ýaly, dost-doganlyk, parahatçylyk söýüjilikli ýörelgelerimizi giňden wagyz etmek, baý medeni mirasymyzy nesillere ýetirmek, ýurdumyzyň dünýädäki belent abraý-mertebesini makalalarda hem-de döredilýän eserlerde giňden açyp görkezmek žurnalistleriň esasy wezipeleridir. Halklaryň arasyndaky gatnaşyklaryň ynamly bolmagy, parahatçylygyň binýadynyň berk bolup, has-da pajarlap ösmegine oňyn täsirini ýetirýär. Goý, bütin dünýäde parahatçylyk we ynanyşmak hemişe gülläp össün.

BILDIRIŞ

Täzelikler

26.06.2025

Hormatly Watandaşlar, Türkmenistanyň Döwlet sirki iýun aýynyň 29-na sagat 18:00-da Sizi sirk tomaşasyny görmäge çagyrýar. Çykyşlarymyzyň dowamynda dürli sirk oýunlary, artistleriň täzeden-täze şowhunly çykyşlary, dünýäniň dürli haýwanlarynyň çykyşlary, esasan hem «Galkynyş» milli at üstündäki oýunlar toparynyň we «Türkmen jigitleri» toparynyň çykyşlary hem-de «Gündogar ýyldyzlary» milli sirk oýunlar toparynyň ýaş zehinleriniň çykyşlary görkeziler. Hormatly Ildeşler Türkmenistanyň Döwlet sirkinde ähliňizi hoş gördük!!! sirk.gov.tm resmi sahypasynda petekleri «onlaýn» görnüşinde hem alyp bilersiňiz. Habarlaşmak üçin: 36-10-95; 36-10-34; 39-80-44; 39-80-45;

MEDENIÝET HEPDELIGIŇ ÇÄGINDE GEÇIRILEN «ŞASENEM-GARYP» OPERASY

Täzelikler

26.06.2025

Berkarar döwletiň täze eýýamynyň Galkynyşy döwründe her bir günümiz parahatçylyga, agzybirlige, abadançylyga we aýdym-sazly dabaralara beslenýär. Ýurdymyzda her ýyl däbe öwrülip geçirilýän Medeniýet hepdeligi mähriban diýarymyzda giňden bellenilýär. Medeniýet-sungat işgärleriniň hem-de Magtymguly Pyragynyň şygryýet güni has joşgunly dabaraly geçirilýär we hepdeligiň çäginde geçirilýän çäreleriň gerimi ýyl-ýyldan artýar, many-mazmun taýdan baýlaşýar. 2025-nji ýyl «Halkara parahatçylyk we ynanyşmak» ýylynda bu hepdelik Ahal welaýatynyň çäginde geçirilýär. 2013-nji ýyldan bäri ýurdymyzyň dürli künjeklerinde bellenilýän bu dabaraly çäreler milli medeniýetimiziň gymmatyny aýdyň açyp görkezýär. Hepdeligiň çäginde dürli medeni çäreler, konsertler, forumlar, döredijilik ýygnaklary, täze filmleriň görkezilişi we birnäçe maslahatlar türkmen medeniýetiniň baýlygyny açyp görkezýär. Şeýle ajaýyp dabaralaryň biri-de 2025-nji ýylyñ 24-nji iýunynda Magtymguly adyndaky milli sazly drama teatrynda geçirildi «Şasenem-Garyp» operasynyň görkezilmegidir. Bu sahnalaşdyrylan opera sungat ussatlary, medeniýet ulgamynda zähmet çekýän ildeşlerimiz we myhmanlar tomaşa etdiler. Ösüşiň batly gadamy bilen barýan ýurdymyzda Gahryman Arkadagymyzyñ başlangyjy bilen we hormatly Prezidentimiz Arkadagly Gahryman Serdarymyzyñ tagallasy bilen milli teatr sungaty, şol sanda opera sungaty ösüşiň täze derejesine ýetdi.  Ussat türkmen kompozitory D. Öwezowyň we A. Şapoşnikowyň «Şasenem-Garyp» operasynyň birnäçe ýyllardan soñ sahnalaşdyrylmagy teatryň durmuşynda uly waka öwrüldi. Operanyň libretosyny adybir dessanyň esasynda G. Burunow ýazýar. Operanyň täzeden sahnalaşdyrylmagy bu türkmen opera sungatynyň ösüşiniň aýdyň subutnamasydyr. Opera saz eseriniň nepisligi, onuň baýlygy, milli öwüşgini hem-de duýgularyň ynandyryjylygy bilen tapawutlanýar. Sahna eseri bu ugruň muşdaklaryna bolşy ýaly, islendik tomaşaçy üçin ýakyn we düşnükli boldy. Özüniň kärine yhlasly çemeleşen Türkmenistanyň sungatda at gazanan işgäri A. Batyrow operanyň täzeden sahnalaşdyrylmagyna özüniň yhlasyny siňdirip, halk köpçüligine ýetirmegi başardy. Päk söýgi, adalatlylyk hakynda söz açýan, halk aýdym-sazlaryň esasynda döredilen operada teatryň artistleri hem-de Maýa Kulyýewa adyndaky Türkmen milli konserwatoriýasynyň talyplary, hor topary hyjuwly çykyş etdiler. Baş gahrymanlaryň keşbinde Türkmenistanyň at gazanan artistleri A. Seýitgulyýewa, B. Amanowa, Türkmenistanyň halk artistleri A. Garýagdyýew, A. Berdiýew, A. Amanow, şeýle-de D. Sarykow, B. Çerkezow, L. Orazduryýewa, A. Gylyjowa, P. Bakyýew, T. Saryýewa, B. Gaýypow, K. Esenow, A. Kakaýew, B. Nurmuhammedowa dagylar sahnada özleriniň ussatlyklary bilen çykyş etdiler. Gyzgyn söýgä beslenip tomaşa edilen operany Türkmenistanyň Döwlet simfoniki orkestri ýerine ýetiren sazlary diňleýjileri bada-bat özüne çekýär we olary sahna oýnunyň dünýäsine aralaşdyrýar. Eseriň sazly dramaturgiýasynda sahnanyň häzirki zaman mümkinçilikleri doly ulanyldy. Onuň dowamynda hor aýdymlary we horeografiýa pursatlary ýaýbaňlandyryldy. Köpugurly sahnanyň mümkinçilikleri onda janlandyrylýan wakanyň has-da ynandyryjy bolmagyny şertlendirdi. Bu görkezilen opera Türkmenistanyň at gazanan artisti R. Gylyjow dirižýorlyk etdi. Dirižýor öz ussatlygyny opera siňdirip, inçe duýgular bilen diňleýjilere ýetirmekligi başardy. Köpçülikleýin dabara sahnasy oýnuň jemleýji tapgyryna öwrüldi. Artistleriň belent ruh bilen ýerine ýetiren aýdymlary milli medeniýetimiziň ösmegine we onuň giňden wagyz edilmegine goşýan goşandy hem-de yzygiderli aladasy üçin hormatly Prezidentimize çuňňur hoşallygyň nyşanyna öwrüldi. Dabaranyň ahrynda görkezilen opera üçin myhmanlar sag bolsun aýtdylar, şeýle-de opera ussatlaryna gül çemenleri bilen sylagladylar. Dabara gatnaşyjylar türkmen opera sungatynyň täze derejelere ýetmegi, baýlaşmagy üçin ähli mümkinçilikleri döredip beren Arkadagly Gahryman Serdarymyza çäksiz alkyşlaryny beýan etdiler.

DÖREDIJILIK BÄSLEŞIGINIŇ JEMLERI JEMLENILDI

Täzelikler

25.06.2025

2025-nji ýylyň 23-nji iýunynda Türkmenistanyň Çeperçilik sergiler müdirligi we şekillendiriş sungatynyň sergi merkezinde, Türkmenistanyň Medeniýet ministrliginiň, Türkmenistanyň Kärdeşler arkalaşyklarynyň Milli merkeziniň hem-de «Edebiýat we sungat» gazetiniň redaksiýasynyň bilelikde yglan eden «Medeniýet we sungat – kalbyň çyragy, dünýä akyldary dana Pyragy» atly döredijilik bäsleşiginiň jemlerini jemlemek dabarasy geçirildi. Türkmen halkynyň Milli Lideri Gahryman Arkadagymyzyň «Hakyda göwheri», Arkadagly Gahryman Serdarymyzyň «Magtymguly – dünýäniň akyldary» atly çuňňur pähim-paýhasly kitaplarynda öňe sürülýän gymmatly pikirleri giňden wagyz etmek, milli medeniýetimizi, sungatymyzy, edebiýatymyzy has-da ösdürmek, Magtymguly Pyragynyň baý edebi mirasyny, döredijiligini çeper wasp etmek maksady bilen guralan bu döredijilik bäsleşigiň ähli ugurlaryna medeniýet, sungat, döredijilik işgärleri, özleriniň şygyr, kyssa eserleri hem-de makalalary bilen işjeň gatnaşdylar. Döredijilik bäsleşigine hödürlenen eserlerde Gahryman Arkadagymyzyň «Hakyda göwheri», Arkadagly Gahryman Serdarymyzyň «Magtymguly – dünýäniň akyldary» atly paýhasa ýugrulan kitaplaryndaky gymmatly pikir-garaýyşlar, milli medeniýetimizi, sungatymyzy, edebiýatymyzy has-da ösdürip-kämilleşdirmäge gönükdirilen toplumlaýyn işler, akyldar şahyrymyz Magtymguly Pyragynyň baý edebi mirasy, döredijiligi giňden wasp edildi. Magtymguly Pyragynyň edebi mirasynyň dünýä ýaýylmagynda, türkmen halkynyň Milli Lideri, Gahryman Arkadagymyz, Hormatly Prezidentimiz uly goldaw-hemaýatlary edýär. Golýazmalar toplumy BMG-niň Bilim, ylym we medeniýet meseleleri boýunça guramasynyň (ÝUNESKO) «Dünýäniň hakydasy» maksatnamasynyň halkara sanawyna girizilen Magtymguly Pyragynyň döredijiliginde parahatçylyk, agzybirlik, dost-doganlyk, ynsanperwerlik ýörelgeleri uly orun eýeleýär. Doglan gününiň 300 ýyllygy 2024-nji ýylda ýurdumyzda hem-de halkara derejesinde giňden bellenilip geçilen dana şahyryň goşgulary durmuşa dogry düşünmegi, ömri manysyz geçirmezligi, adamkärçiligi, halallygy, rehimdarlygy, ynsaplylygy, kanagatly bolmagy nesihat edýär. Şahyryň döredijiliginiň esasy sütünlerini many, duýgy-düşünje, päklik, ylym, adalat, ynsap düzýär. Magtymguly Pyragynyň döredijiligi ähli döwürler üçin ýagşy ýol görkeziji şamçyrag bolup, pähim-paýhasa ýugrulan setirleri, türkmen edebiýatynyň ägirdi hökmünde tanatdy hem-de edebi diliň beýik ussady bolmagyna getirdi. Medeniýetiň, sungatyň, edebiýatyň ösmegi, halkyň ruhy dünýäsiniň ösüşine oňyn täsirini ýetirýär. Türkmen medeniýeti, edebiýaty bu gün türkmen dünýäsiniň inçeligini özüne siňdiren eserleri, milli däp-dessurlary, amaly-haşam işleri, şirin owazly aýdymdyr mukamlary bilen tanalýar. Medeniýetimize, edebiýatymyza uly sarpa goýýan, Gahryman Arkadagymyzyň hem-de hormatly Prezidentimiziň taýsyz tagallalary netijesinde, bu ugurda zähmet çekýän hünärmenleriň zehin-başarnyklaryny doly açyp görkezmekleri üçin, ähli mümkinçilikler, şertler döredilýär. Medeniýetimiz, sungatymyz bu gün dünýä ýaýylýar. Ýurdumyzda halkara sungat festiwallarynyň, Medeniýet günleriniň, Medeniýet hepdeliginiň yzygiderli geçirilmegi, şonuň ýaly-da dünýä döwletlerinde geçirilýän halkara festiwallara, Türkmenistanyň Medeniýet günlerine sungat ussatlarymyzyň gatnaşyp, medeniýetimizi halkara jemgyýetçiligine äşgär etmekleri buýsançlydyr. Ynsan göwnüniň ganaty bolan aýdym-sazlar adamlaryň ruhunyň belent, kämil bolmagyna oňyn ýardam edýär. Şahyrlarymyzyň döwrümizi wasp edýän şygyrlaryna, aýdymçy-sazandalaryň täze aýdym-sazlary döredip halkymyza ýetirmekleri, ýurdumyzyň beýik ösüşleriniň sungatymyza siňýändigini ýüze çykarýar. «Medeniýet we sungat – kalbyň çyragy, dünýä akyldary dana Pyragy» atly döredijilik bäsleşiginiň ýeňijilerine, Türkmenistanyň Medeniýet ministrliginiň, Türkmenistanyň Kärdeşler arkalaşyklarynyň Milli merkeziniň hem-de «Edebiýat we sungat» gazetiniň redaksiýasynyň bilelikdäki Hormat hatlary we Türkmenistanyň Kärdeşler arkalaşyklarynyň Milli merkeziniň sowgatlary dabaraly gowşuryldy. Dabara gatnaşyjylar türkmen medeniýetini, sungatyny, edebiýatyny gülledip ösdürip, dünýä ýaýmakda uly işleri amala aşyrýan, Gahryman Arkadagymyza, Arkadagly Gahryman Serdarymyza tüýs ýürekden sag bolsunlaryny aýdyp, janlarynyň sag, ömürleriniň uzak, il-ýurt bähbitli döwletli işleriniň hemişe üstünliklere beslenmegini arzuw etdiler.

• ←
• 1
• ...
• 30
• 31
• 32
• →