HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

«Kompozitorlary taýýarlamagyň wajyp meseleleri» atly okuw-usuly maslahaty

Täzelikler

13.05.2026

Maýa Kulyýewa adyndaky Türkmen milli konserwatoriýasynda Kompozisiýa we gurallama kafedrasynyň hepdeliginiň çäginde “Kompozitorlary taýýarlamagyň wajyp meseleleri” atly okuw-usuly maslahat geçirilip, birnäçe halypa mugallymlar, şeýle hem Lebap welaýat çagalar sungat mekdebiniň we S.Jepbarow adyndaky ýörite sungat mekdebiniň mugallymlary gatnaşdylar. Bu okuw-usuly maslahaty Kompozisiýa we gurallama kafedrasynyň müdiri, kompozitor K.Garowow “Kompozitorlary ýetişdirmekde sazçylyk we ýörite sungat mekdepleriniň orny” atly temada eden çykyşy bilen başlandy. K.Garowow özüniň çykyşynda kompozitorlary ýetişdirmekde sazçylyk we ýörite sungat mekdepleriniň örän uly ornunyň bardygyny, esasy başlangyjyny çagalar sazçylyk mekdeplerinden gaýdýandygyny belledi. Soňra Türkmenistanyň halk artisti, halypa kompozitor, uly mugallym D.Hydyrowyň çykyş eden temasy “Ýaş mugallymlara hünär dersini okatmak üçin maslahatlar” bolup, talyplara saz düzmekligiň ýoly, usuly barada birnäçe peýdaly maslahatlaryny berdi. Türkmenistanyň sungatda at gazanan işgäri, sungaty öwreniş ylymlarynyň kandidaty S.Tüýliýew “Gurallama we partitura okamak dersleriniň kompozitor talyplar üçin ähmiýeti” atly temada çykyş etmek bilen, kompozitor bolmak üçin gurallama we partitura okamak derslerinden baş çykarmagyň örän wajypdygyny aýtdy. Türkmenistanyň kompozitorlar birleşiginiň agzasy, zehinli türkmen kompozitory M.Annamyradow “Kompozisiýa hünäri boýunça okuw dersini okatmak boýunça teklipler” hakynda giňişleýin durup geçdi we kompozisiýa hünärini okatmaklyk boýunça birnäçe tekliplerini aýtdy. Lebap welaýat çagalar sungat mekdebiniň mugallymy, “Türkmeniň Altyn asyry” bäsleşiginiň ýeňijisi J.Reýimowa “Çagalar sazçylyk mekdeplerinde çagalary saz döretmeklige höweslendirmek” temada çykyş etdi. Sazçylyk mekdebinde birnäçe çagalaryň saz düzmeklige höwesiniň bardygyny, şolaryň arasynda bäsleşikleri gurnamagy, şol geçirilen bäsleşiklere bolsa ussat, halypa kompozitorlaryň adyny dakmaklyk maksadalaýyk boljakdygyny belledi. S.Jepbarow adyndaky ýörite sungat mekdebiniň mugallymy A.Annaýew bolsa “Ýaş kompozitorlaryň eserlerini halk köpçüligine ýetirmegiň usullary” atly temada çykyş etdi. Ýaş kompozitorlaryň döreden eserleriniň halk köpçüligine ýetirilmeginde sanly platformalarynyň örän uly ähmiýetiniň bardygyny belledi. Ara alnyp maslahatlaşylan çykyşlar ýaş kompozitorlary taýýarlamagyň wajyp meseleleri bolup, biz talyplara şeýle hem ýaş mugallymlara usuly sapak boldy. Bu diňe bir okuw-usuly maslahat bolman, eýsem, ýaş nesilleriň ussat halypalaryň döredijiliginden ylham almagynda hem möhüm ähmiýete eýe boldy. Okuw-usuly maslahatyň ahyrynda çykyş eden kompozitorlar ýaş nesillere halypa kompozitorlaryň, belli şahsyýetleriň döredijiligini içgin öwrenmekde berilýän ähli mümkinçilikleri üçin hormatly Prezidentimize çäksiz hoşallyklaryny beýan etdiler. Ogulbeg ÝEGENOWA, Maýa Kulyýewa adyndaky Türkmen milli konserwatoriýasynyň “Sazşynaslyk” hünäriniň III ýyl talyby

Arzuwlaryň ak ganaty – gözel şäher Aşgabat

Kitaphanalar

13.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasynyň guramagynda “Aşgabat” seýilgähinde «Arzuwlaryň ak ganaty – gözel şäher Aşgabat» ady bilen söhbetdeşlik geçirildi. Söhbetdeşlikde çykyş edenler türkmen halkynyň Milli Lideri Gahryman Arkadagymyzyň, hormatly Prezidentimiziň taýsyz tagallalary netijesinde ak şäherimiz Aşgabat häzirki döwürde tanalmaz derejede ösýändigi, gözel paýtagtymyz Aşgabat bagtyýarlygyň, rowaçlygyň, parahatçylygyň, dost-doganlygyň mekanyna öwrülendigi, güller açýan ak şäherimizde biri-birinden kaşaň, owadan desgalaryň gurulmagy paýtagtymyza gelýän myhmanlary haýran galdyrýandygy barada giňişleýin gürrüň berdiler. Çäräniň ahyrynda ýurdumyzy ösüşlerden-ösüşlere alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli işleriniň elmydama rowaçlyklara beslenmegini arzuw etdiler.

Kämil hukuk binýady

Muzeýler

13.05.2026

Adamy jemgyýetiň we döwletiň iň ýokary gymmatlygy hökmünde ykrar edýän Konstitusiýamyz, Garaşsyzlygymyzyň we Bitaraplygymyzyň, agzybirligimiziň hem­de jebisligimiziň ebediliginiň nyşanyna öwrülen Döwlet baýdagymyz biziň geçmişimiziň, häzirki döwrümiziň, geljegimiziň beýikdigini, şöhratlydygyny alamatlandyrýan milli mukaddesliklerimizdir. Esasy Kanunymyzyň we Döwlet baýdagymyzyň şanyna tutulýan toýlar halkymyzyň gadymyýetden biziň günlerimize çenli gelip ýeten asylly däpleriniň, milli ýörelgeleriniň dowamatydyr. Toýlary goşa-goşadan tutulýan türkmen halkynyň ýokary döredijilik ruhy, milli döwletlilik ýörelgeleri bu baýramçylykda mynasyp beýanyny tapýar. Konstitusiýa biziň milli döwletliligimiziň, jemgyýetçilik gatnaşyklarymyzyň beýany bolsa, baýdak halkymyzyň tutuş dünýäde ykrar edilmeginiň aýdyň güwäsidir. Baýdak milli buýsançdyr. Baýdak dowamatdyr. Türkmenistanyň Döwlet medeniýet merkeziniň Döwlet muzeýinde “Kämil hukuk binýady” atly sergi geçirildi. Sergini Türkmenistanyň Döwlet medeniýet merkeziniň Döwlet muzeýiniň Mahabat we neşir işleri bölüminiň müdiri Bossan Ataýewa açdy. Sergide Türkmenistanyň Mejlisiniň deputaty, Türkmenistanyň Mejlisiniň Ýerli wekilçilikli häkimiýet we öz­özüňi dolandyryş edaralary bilen işlemek baradaky komitetiniň agzasy Çemen Rejepowa, Türkmenistanyň Prezidentiniň ýanyndaky Döwlet gullugy akademiýasynyň Jemgyýeti öwreniş ylymlary kafedrasynyň uly mugallymy, ilkinji zenanlar guramasynyň başlygy Gülşirin Hanowa, Türkmenistanyň Ylymlar akademiýasynyň Taryh we arheologiýa institutynyň Gadymy we orta asyrlar taryhy bölüminiň uly ylmy işgäri Sähra Ýusupowa, Türkmenistanyň Döwlet medeniýet merkeziniň Döwlet kitaphanasynyň kitap saklamak bölüminiň bölümçe müdiri Gülaýym Saparmedowa çykyş etdiler. Türkmenistanyň Döwlet medeniýet merkeziniň Döwlet muzeýinde gurnalan sergide çykyş edenler Esasy Kanunymyzyň we Döwlet baýdagymyzyň şanyna tutulýan toýlar halkymyzyň gadymyýetden biziň günlerimize çenli gelip ýeten asylly däpleriniň, milli ýörelgeleriniň dowamatydyny, Berkarar döwletiň täze eýýamynyň Galkynyşy döwründe ata Watanymyzyň ýaşyl tugunyň halkymyzyň agzybirligini we jebisligini, onuň parahatçylyk, ynsanperwerlik, döredijilik ýörelgelerine ygrarlydygyny alamatlandyrýandygyny nygtadylar. Şeýle-de Konstitusiýamyzyň döwlet gurluşynyň milli usulyny, türkmen halkynyň däp­dessurlaryny we umumadamzat gymmatlyklaryny özünde jemleýändigi bellenildi.

Konstitusiýa we Döwlet baýdagy – Watanymyzyň mukaddes nyşanlary

Kitaphanalar

13.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy, Bagtyýarlyk Medeniýet köşgi hem-de 7-nji çagalar sungat mekdebiniň bilelikde gurnamagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Konstitusiýa we Döwlet baýdagy – Watanymyzyň mukaddes nyşanlary” ady bilen Bagtyýarlyk Medeniýet köşgünde aýdym-sazly medeni çäre geçirildi. Çärede çykyş edenler Türkmenistanyň Konstitusiýasynyň we Türkmenistanyň Döwlet baýdagynyň gününiň her ýylyň 18-nji maýynda uly baýram edilip bir günde bellenilmegi ýurduň jemgyýetçilik durmuşyna özboluşly öwüşgin çaýýandygy, bu iki mukaddeslik halky parahat durmuşda, bagtyýar ýaşaýşa, döredijilikli zähmete ruhlandyrýan buýsanç çeşmesidigi, esasy Kanunymyz Türkmenistan döwletiniň emele gelmeginiň hukuk esasyny düzýän bolsa, Döwlet baýdagymyz türkmen halkynyň agzybirligini, Garaşsyzlygyny we döwlet Bitaraplygyny alamatlandyrýandygy barada gürrüň berdiler. Çäräniň dowamynda baýramçylyga bagyşlanyp kitap sergisi gurnaldy we 7-nji çagalar sungat mekdebiniň çagalarynyň ýerine ýetirmeginde birnäçe aýdym-sazlar ýaňlandy. Çäräniň ahyrynda ýurdumyzy gülledip ösdürmekde uly işler alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Türkmenistanyň Prezidenti Serdar Berdimuhamedowyň alyp barýan içeri we daşary syýasatyny onuň eserlerini wagyz etmek

Kitaphanalar

13.05.2026

Türkmenistanyň kitaphana ulgamyny ösdürmekligiň 2025-2029-njy ýyllar üçin Döwlet maksatnamasyndan ugur alyp, Türkmenistanyň Döwlet medeniýet merkeziniň Döwlet kitaphanasynyň Ylmy-usuly bölüminiň “Türkmenistanyň Prezidenti Serdar Berdimuhamedowyň alyp barýan içeri we daşary syýasatyny onuň eserlerini wagyz etmek” ady bilen söhbetdeşlik geçirildi. Söhbetdeşlige Türkmen döwlet medeniýet institutynyň talyplary gatnaşdylar. Okuw sapagynyň bu sanynda Ylmy-usuly bölüminiň ýolbaşçylygynda özleriniň alyp barýan işleri barada giňişleýin gürrüň berdiler we sorag-jogap alyşdylar. Ylmy-usuly bölüm usuly we usuly-bibliografiýa gollanmalary taýýarlaýar we neşir edýär, welaýat we jemagat kitaphanalaryna iberýär. Bu usuly gollanmalar kitaphana işine degişli gollanmalardan, ýazyjy-şahyrlaryň we tanymal şahsyýetleriň ömrüne we döredijiligine bagyşlanan gollanmalardan, ýylyň ady bilen bagly gollanmalardan we şu günki günüň wajyp meseleleri bolan ekologiýa, suw, daşky gurşawy goramak ýaly temalara bagyşlanan gollanmalardan, medeni mirasymyza degişli gollanmalardan ybaratlygy barada gürrüň berildi. Söhbetdeşlikde bu usuly gollanmalaryň nähili taýýarlanyşy, gollanma baradaky edebiýatlary nähili ýygnamaklygy we nähili tertipde ýazylyşy barada giňişleýin beýan edildi. Şeýle gyzykly gürrüňdeşlikler talyp ýaşlarda zähmete bolan höwesleriniň artmagyna ýardam etdi. Soňra bolsa söhbetdeşlige gatnaşyjylar kitaphana işini ösdürmekde olary aýawly saklamakda we kitaplary ýaş nesle ýetirmekde birnäçe aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

Bibliografiýa bölüminiň alyp barýan işleri we bibliografiýa görkezijilerine syn

Kitaphanalar

13.05.2026

Türkmenistanyň Döwlet medeniýet merkeziniň Döwlet kitaphanasynda “Bibliografiýa bölüminiň alyp barýan işleri we bibliografiýa görkezijilerine syn” atly hünär okuw sapagy geçirildi. Hünär okuw sapagyna Türkmen Döwlet Medeniýet institutynyň “Kitaphanaçylyk” fakultetiniň talyp ýaşlary gatnaşdylar. Bibliografiýa bölümi özüniň alyp barýan işleri barada giňişleýin gürrüň berdiler we taýýarlanan bibliografiýa görkezijilerine syn berdiler. Bölüm ýurdumyzyň syýasy, ruhy ösüşini we milli gymmatlyklarymyzy açyp görkezýän ylmy kömekçi bibliografiýa görkezijilerini, şeýle-de öz döredijiligi bilen edebiýatda, taryhda yz goýan şahsyýetler barada şahsy we hödürleýji bibliografiýa görkezijilerini taýýarlaýar. Bibliografiýa görkezijilerini nähili taýynlamak we olary okyjylara, ýaş nesillere ýetirmek maksady bilen birnäçe işler alnyp barylýandygy barada gürrüň berdiler. Şeýle gyzykly duşuşyklar talyp ýaşlarda zähmete bolan höwesleriniň artmagyna ýardam etdi. Soňra bolsa hünär okuw sapagyna gatnaşyjylar kitaphana işini ösdürmekde olary aýawly saklamakda we kitaplary ýaş nesle ýetirmekde birnäçe aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

Daýhan zähmetine sarpa

Kitaphanalar

13.05.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Daýhan zähmetine sarpa” ady bilen kitap sergisini gurnady. Bu kitap sergisinde Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň nusgalyk eserleri ýerleşdirildi. Mundan başga-da daýhançylyk bilen bagly edebiýatlar hem ýerleşdirildi. Kitap sergisini görmäge gelen okyjylar üçin bu ajaýyp edebiýatlary görmäge, öwrenmäge giň mümkinçilikler döredildi. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç almagyny tüýs ýürekden arzuw etdiler.

Konstitusiýa hem Baýdak - milli döwletliligiň binýady

Kitaphanalar

13.05.2026

Lebap welaýat kitaphanasynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli welaýat Kärdeşler arkalaşyklarynyň bilelikde gurnamaklarynda “Konstitusiýa hem Baýdak - milli döwletliligiň binýady” atly maslahat geçirildi. Maslahata Türkmenistanyň mejlisiniň deputatlary, saglyk, bilim, kitaphana işgärleri, kärdeşler arkalaşyklarynyň agzalary, welaýat maliýe-ykdysady orta hünär okuw mekdebiniň talyp ýaşlary gatnaşdylar. Türkmenistanyň Konstitusiýasy we Döwlet baýdagymyz döwletimiziň abadançylygynyň, il-günümiziň bagtyýarlygynyň kepili bolup durýar. Özygtyýarly, baky berkarar Watanymyzda başlarymyzyň täjine deňeýän bu mukaddesliklerimiziň gününiň goşa şanly sene hökmünde uludan bellenilmegi halkymyzyň abadan, asuda durmuşa bolan söýgüsini, şanly ösüşlere, düýpli özgerişliklere bolan ynamyny alamatlandyrýar. Bu gün Türkmenistanyň Döwlet baýdagyб biziň hemmämiz üçin türkmen halkynyň Watanymyzyň garaşsyzlygy bilen bagly köpasyrlyk arzuwynyň amala aşmagynyň nyşany bolup durýar. Hut şonuň üçinem biziň her birimiz Esasy Kanunymyzyň we Döwlet Baýdagymyzyň gününe mähriban halkymyzda belent watansöýüjilik duýgusyny terbiýeleýän, raýatlarymyzy jebisleşdirýän hem-de döredijilik güýjüne ruhlandyrýan milli baýram hökmünde aýratyn sarpa goýýarys diýip uly buýsanç bilen çykyşlarda bellenildi. Asuda ýurdumyzda abadan ýaşamak üçin giň mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

2026-njy ýylyň 15-18-nji maýy aralygynda ýurdumyzyň teatrlarynda görkeziljek sahna oýunlary

Teatr we kino dünýäsi

12.05.2026

#### **Türkmenistanyň Beýik Saparmyrat Türkmenbaşy adyndaky baş akademiki drama teatrynda** ##### * 16.05.2026ý. «Çynymy aýtsam» atly sahna oýny 19:00 ##### * 17.05.2026ý. «Giýewleriň bäsleşigi» atly sahna oýny 19:00 #### **Türkmenistanyň Magtymguly adyndaky milli sazly drama teatrynda** ##### * 16.05.2026ý. «Demir aýal» atly sahna oýny 19:00 ##### * 17.05.2026ý. «Super gaýyn ene» atly sahna oýny 19:00 ##### * 18.05.2026ý. «Baýdagyň belentdir dünýäň öňünde» atly baýramçylyk konserti 19:00 #### **Türkmenistanyň Alp Arslan adyndaky milli drama teatrynda** ##### * 15.05.2026ý. «Gurbagajyk» atly sahna oýny 11:00 ##### * 16.05.2026ý. «Sabyr Ataýewa» atly sahna oýny 19:00 ##### * 17.05.2026ý. «Yşk mekany Hindistan» atly sahna oýny 19:00 #### **A.S.Puşkin adyndaky döwlet rus drama teatrynda** ##### * 15.05.2026ý. «Sekiz söýgüli zenan» atly sahna oýny 19:00 ##### * 16.05.2026ý. «Düwmejik» atly sahna oýny 12:00 ##### * 16.05.2026ý. «Çehowyň wodowilleri» atly sahna oýny 19:00 ##### * 17.05.2026ý. «Çeburaşkanyň ogurlanmagy» atly sahna oýny 11:00 ##### * 17.05.2026ý. «Çeburaşkanyň ogurlanmagy» atly sahna oýny 13:00 ##### * 17.05.2026ý. «Maşgala syry» atly sahna oýny 19:00 #### **Türkmenistanyň Mollanepes adyndaky talyplar teatry** ##### * 16.05.2026ý. «Sakawyň soňuna seret» atly sahna oýny 19:00 ##### * 17.05.2026ý. «Arşyn mal alan» atly sahna oýny 19:00 ##### * 18.05.2026ý. «Saňa ýalan maňa çyn» atly sahna oýny 19:00 #### **Arkadag şäheriniň Aman Gulmämmedow adyndaky döwlet drama teatry** ##### * 16.05.2026ý. «Ýagyş ýagan gijesi» atly sahna oýny 19:00 ##### * 17.05.2026ý. «Syrly sandyk» atly sahna oýny 19:00 #### **Türkmen döwlet gurjak teatry** ##### * 16.05.2026ý. «Baky rowaýatlar» atly sahna oýny 17:00 ##### * 16.05.2026ý. «Jüýteniň toýy» atly sahna oýny 19:00 ##### * 17.05.2026ý. «Bir towşanjyk bar ekeni...» atly sahna oýny 12:00 ##### * 17.05.2026ý. «Bir towşanjyk bar ekeni...» atly sahna oýny 17:00 ##### * 17.05.2026ý. «Aladdin» atly sahna oýny 19:00 #### **Balkan welaýatynyň Beýik Saparmyrat Türkmenbaşy adyndaky döwlet drama teatry** ##### * 16.05.2026ý. «Yşkymyň ykrary sen» atly sahna oýny 19:00 ##### * 17.05.2026ý. «Bir güniň aladasy» atly sahna oýny 19:00 #### **Daşoguz welaýatynyň N.Andalyp adyndaky döwlet sazly drama teatry** ##### * 16.05.2026ý. «Durna umydy» atly sahna oýny 19:00 ##### * 17.05.2026ý. «Çynymy aýtsam» atly sahna oýny 19:00 #### **Lebap welaýatynyň Seýitnazar Seýdi adyndaky döwlet sazly drama teatry** ##### * 16.05.2026ý. «Täze gelin» atly sahna oýny 19:00 ##### * 17.05.2026ý. «Gaýyn ene» atly sahna oýny 19:00 #### **Mary welaýatynyň Kemine adyndaky döwlet drama teatry** ##### * 16.05.2026ý. «Söýgüniň ýolunda» atly sahna oýny 19:00 ##### * 17.05.2026ý. «Dowamat» atly sahna oýny 19:00

Baýdagymyz – başymyzyň täjidir, Konstitusiýa – kalbymyzyň güýjüdir

Kitaphanalar

12.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Arzuw şäherçe kitaphana şahamçasy bilen 132-nji orta mekdebiniň bilelikde guramagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Baýdagymyz – başymyzyň täjidir, Konstitusiýa – kalbymyzyň güýjüdir» ady bilen wagyz-nesihat çäresi geçirildi. Çärede çykyş edenler Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli esasy Kanunymyz we ýaşyl Baýdagymyz halkymyzyň agzybirligini dabaralandyrýandygyny, Konstitusiýadan gözbaş almak bilen, ýurdumyzyň özygtyýarlygynyň aňlatmasy bolan Döwlet baýdagynyň, Döwlet tugrasynyň, Döwlet senasynyň, döwlet nyşanlary hökmünde esasy kanunymyza berkidilmeginiň uly syýasy-hukuk manysynyň bardygy hakynda giňişleýin gürrüň berdiler. Çäräniň ahyrynda ýurdumyzyň parahatlygy, asudalygy halkymyzyň bagtyýarlygy ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 54
• 55
• 56
• ...
• 230
• →