HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Toý – türkmen durmuşynyň aýrylmaz bölegi

Kitaphanalar

22.09.2026

Türkmenistanyň B.Amanow adyndaky Döwlet çagalar kitaphanasy ýakynda ilkinji zenanlar guramasynyň işjeň agzalarynyň gatnaşmaklarynda türkmen halkynyň asyrlar aşyp gelýän baý milli däp-dessurlarynyň arasynda aýratyn orun eýeleýän toý däpleri barada “Miras” teleýaýlymynyň “Dünýä nusgalyk miras” atly gepleşiginiň ýazgy etmekliginde “Toý – türkmen durmuşynyň aýrylmaz bölegi” atly söhbetdeşlik geçirdi. Toý – halkymyzyň şatlygyny, agzybirligini alamatlandyryp sahawatlylygyny, agzybirligini we geçmişe bolan hormatyny açyp görkezýär. Ençeme asyrlaryň dowamynda kemala gelen milli däp-dessurlary, adaty gylyk-häsiýetleri we medeni mirasy özünde jemleýän türkmen toýlarynyň toýlanyşy hakynda kitaphana hünärmenleri söhbetdeşligiň dowamynda giňişleýin gürrüň etdiler. Duşuşygyň dowamynda oňa gatnaşanlar dünýä medeniýetiniň ösüşinde ähmiýeti uly bolan türkmen halkyna mahsus milli däp-dessurlarymyzyň asylly ýörelgelerini içgin öwrenmek, olary rejeläp saklamak, geljekki nesillere ýetirmeklik ugrunda beýik işler durmuşa geçirýän Gahryman Arkadagymyzyň, Arkadagly Gahryman Serdarymyzyň beýik işleriniň rowaçlyklara beslenmegini arzuw etdiler.

Garaşsyzlyk – rowaç ýoly türkmeniň

Kitaphanalar

22.09.2026

Türkmenistanyň Döwlet medeniýet merkeziniň Döwlet kitaphanasynyň “Sungat” bölüminiň gurnamagynda “Garaşsyzlyk – rowaç ýoly türkmeniň” atly Garaşsyzlygyň şanly 35 ýyllygy mynasybetli döredijilik duşuşygy geçirildi. Geçirilen döredijilik duşuşygyna türkmen medeniýetiniň, sungatynyň gülläp ösmegi ugrunda öz saldamly goşandyny goşýan medeniýet we sungat işgärleri, mugallymlar we kitaphanaçylar gatnaşdylar. Döredijilik duşuşygyna gatnaşan myhmanlar öz çykyşlary bilen her bir kitaphanaçylarda, dabara gatnaşyjylarda gyzykly täsirlerini galdyrdylar. Häzirki wagtda Gahryman Arkadagymyzyň, Arkadagly Gahryman Serdarymyzyň tagallalary bilen gülleýän medeniýetimiz Garaşsyz, baky Bitarap Türkmenistan döwletimiziň parahatçylygy, abadançylygy, halkymyzyň bagtyýarlygy öz beýanyny tapýar. Ýurdumyzda uludan toýlanýan Garaşsyzlygymyzyň şanly 35 ýyllygy mynasybetli Gahryman Arkadagymyzy, Arkadagly Gahryman Serdarymyzy, ähli türkmen halkymyzy tüýs ýürekden gutladylar. Türkmen medeniýetine we sungatyna goýýan sarpalary üçin Türkmen halkynyň milli Lideri Gahryman Arkadagymyza, Arkadagly Gahryman Serdarymyza sagbolsunlaryny aýtdylar. Şular ýaly ajaýyp zamanany peşgeş beren we ony parasatly dolandyrýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň elmydama rowaçlyklara beslenmegini tüýs ýürekden arzuw etdiler.

Guşlar – ganatly dostlarymyz

Kitaphanalar

22.09.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Guşlar – ganatly dostlarymyz” ady bilen kitap sergisini gurnady. Ajaýyp tebigatymyzyň gözellikleriniň waspyny ýetirýän bu kitap sergisiniň başynda Gahryman Arkadagymyzyň hem-de hormatly Prezidentimiziň nusgalyk eserleri ýerleşdirildi. Mundan başga-da guşlar, olaryň dürli görnüşleri bilen bagly neşirler ýerleşdirildi. Kitap sergisi ýaş okyjylarda we tebigaty öwrenijilerde uly täsir galdyrdy. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

Gyz edebi – il edebi

Kitaphanalar

22.09.2026

Türkmenistanyň B.Amanow adyndaky Döwlet çagalar kitaphanasy ýakynda Arkadag şäher taryhy we ülkäni öwreniş muzeýinde “Arkadag” teleýaýlymynyň “Köňülleriň çyragy” gepleşiginiň ýazgy etmekliginde “Gyz edebi – il edebi” atly söhbetdeşlik duşuşygy geçirdi. Kitaphana hünärmeni Gahryman Arkadagymyzyň umumy okuw sapagyndaky çykyşynda “Häzirki ýaşlar sanly ulgamdan giňden peýdalanýarlar, emma her bir täzelik milli häsiýetimizden, türkmençilik däplerimizden üzňe bolmaly däldir.” diýip bellän ajaýyp sözlerinden ugur alyp her bir halky öz milli gymmatlyklary bilen özboluşlydygy barada giňişleýin gürrüňler etdi. Söhbetdeşligiň ahyrynda häzirki ajaýyp döwrümizde medeni mirasyny, milligini aýap saklamakda beýik işleri durmuşa geçirýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyşlaryny beýan etdiler.

Kitaphana syny

Kitaphanalar

22.09.2026

Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine we kitaphana täze gelip gowşan edebiýatlardan kitaphana syny geçirildi. Kitaphana synynda çykyş edenler Türkmen döwlet neşirýat gullugy tarapyndan neşir edilen “Bedew ruhly pähimler”, “ Eýýamlaryň bedewi” atly fotoöwüşginli kitaplar bilen tanyşdyrdylar. Bu kitaplarda ata-babalarymyzdan miras galan milli gymmatlygymyz bolan behişdi bedewleriň suratlary şeýle-de bedewlerimiz hakynda atalar sözidir nakyllaryň ýerleşdirilendigini beýan etdiler. Türkmen nakyllarynda bedewiň wepadarlyk, çeýelik, çydamlylyk babatdaky aýratynlyklary umumadamzat gymmatlyklary – dostluk, wepa, mertlik, sabyrlylyk deňeşdirilip beýan edilendigini nygtadylar. Täze neşirleriň ýene biri “Ahalteke atlarynyň reňk aýratynlygy” atly iňlis dilinde neşir edilen kitap bilen hem tanyşdyrdylar. Bu neşir ahalteke bedewleriniň reňk aýratynlyklaryny özboluşly görnüşde açyp görkezilip, onda mele, çal, gara, goňur, dor, gyr, ak-sarymtyl ýaly dürli reňkleriň aýratynlyklary barada düşünje berilýändigini beýan etdiler. Kitapçalaryň her biri bir ugra – bezeg esbaplaryna, halk paýhasyna, taryhy gymmatlyklara, ruhy dünýä we bedewiň tebigy aýratynlyklaryna gönükdirilen bolsa-da olaryň ählisi ahalteke bedewiniň türkmen halkynyň milli buýsanjydygyny, dünýä medeniýetine goşan bahasyna ýetip bolmajak goşandydygyny belläp geçdiler. Kitaphana synyna gatnaşyjylar ýurduň, halkyň abraý-mertebesini barha beýgeldýän, il-gününe eşretli durmuşy bagyş edýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

Seýilgähler paýtagtymyzyň bezegi

Kitaphanalar

22.09.2026

Türkmenistanyň B.Amanow adyndaky Döwlet çagalar kitaphanasy ýakynda “Garaşsyzlygyň XV ýyllygy” seýilgähinde “Aşgabat” teleýaýlymynyň “Ak şäherim Aşgabat” gepleşiginiň ýazgy etmekliginde “Seýilgähler paýtagtymyzyň bezegi” atly söhbetdeşlik geçirildi. Paýtagtymyza görk berip duran seýilgählerde müňlerçe saýaly baglar we owadan güller ekilip, paýtagtymyzyň ýaşyl zolagyny emele getirýär. Seýilgählerde pyýada we welosiped ýodalary bolup, ajaýyp seýilgähiň çägindäki suw çüwdürimleri rahat bassyrmalar we agşamky düşýän owadan yşyklar şäher ýaşaýjylaryna we myhmanlaryna ýakymly duýgulary bagyşlaýar söhbetdeşligiň dowamynda şular dogrusynda täsirli gürrüňler edildi. Duşuşygyň ahyrynda oňa gatnaşanlar ilatymyzyň ýaşaýyş-durmuş derejesini ýokarlandyrmak, paýtagtymyz Aşgabat şäheriniň binagärlik keşbini özgertmek, ekologiýa ýagdaýyny gowulandyrmak ugrunda beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyşlaryny beýan etdiler.

Diýarymda ýaňlansyn – Garaşsyzlyk aýdymy

Kitaphanalar

18.09.2026

Aşgabat şäher medeniýet müdirliginiň Merkezleşdirilen kitaphanalar ulgamy bilen “Türkmenhaly” döwlet birleşiginiň Türkmen halysynyň milli muzeýiniň, muzeýiň Ilkinji zenanlar guramasynyň, Aşgabat şäher medeniýet müdirliginiň Büzmeýin medeniýet merkeziniň bilelikde guramagynda, şanly Garaşsyzlygymyzyň 35 ýyllygy mynasybetli «Diýarymda ýaňlansyn – Garaşsyzlyk aýdymy» atly aýdym-sazly baýramçylyk çäresi geçirildi. Çärede çykyş edenler, türkmen halky üçin Garaşsyzlyk pederlerimiziň asyrlarboýy kalbynda beslän, iň mukaddes arzuwynyň hasyl bolmasydyr. Şeýle hem, Gorkut atanyň boýlarynda, Görogly begiň namasynda, Magtymguly Pyragynyň ylhamynda hem-de merdana pederlerimiziň guran kuwwatly döwletleriniň binýadynda ýaşan barlyk güýji bolup durýandygy barada giňişleýin gürrüň berdiler. Şeýle-de Garaşsyzlygyň halkymyza eşretli durmuşy we bagtyýar geljegi peşgeş berendigi barada nygtadylar. Çäräniň dowamynda Aşgabat şäher medeniýet müdirliginiň Büzmeýin medeniýet merkeziniň aýdym-saz toparynyň ýerine ýetirmeginde şanly Garaşsyzlygymyzy wasp edýän birnäçe aýdym-sazlar ýaňlandy. Çäräniň ahyrynda halkymyzyň abadan ýaşaýşy üçin ägirt uly işleri durmuşa geçirýän, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Söhbetdeşlik duşuşygy

Kitaphanalar

18.09.2026

Türkmenistanyň B.Amanow adyndaky Döwlet çagalar kitaphanasy tarapyndan ýakynda Arkadag şäher Taryhy we ülkäni öwreniş muzeýinde “Arkadag” teleýaýlymynyň “Köňülleriň çyragy” gepleşiginiň ýazgy etmekliginde, Türkmen döwlet medeniýet we sungat mekdebiniň mugallymynyň we bagtyýar talyplarynyň gatnaşmaklarynda “Gahryman Arkadagymyzyň nusgalyk mekdebi” atly söhbetdeşlik duşuşygy geçirildi. Gahryman Arkadagymyzyň Arkadag şäherinde geçiren umumy okuw sapagyna gatnaşan bagtyýar talyplar sapagyň barşynda, türkmen halkynyň şöhratly taryhy, ata-babalarymyzyň galdyran baý mirasy, milli däp-dessurlar we kämil ahlak gymmatlyklary barada täsirli gürrüňleri buýsanç bilen beýan etdiler. Duşuşygyň ahyrynda oňa gatnaşanlar, Garaşsyz, hemişelik Bitarap döwletimizi geljekde gülledip ösdürjek türkmen ýaşlaryna watançylyk nesihatlaryny berýän, Gahryman Arkadagymyza hem-de Arkadagly Gahryman Serdarymyza alkyşlaryny beýan etdiler.

Halk Maslahaty – asylly ýörelgeleriň rowaçlygy

Kitaphanalar

18.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda «Halk Maslahaty – asylly ýörelgeleriň rowaçlygy» atly gürrüňdeşlik geçirildi. Çärede çykyş edenler, Berkarar döwletiň täze eýýamynyň Galkynyşy döwrüniň “Garaşsyz, baky Bitarap Türkmenistan – bedew batly at-myradyň mekany” diýen şygar astynda geçýän 2026-njy ýylyň taryhy wakalara beslenýändigini, şol wakalaryň, gazanylýan uly zähmet üstünlikleriniň mukaddes Garaşsyzlygymyzyň 35 ýyllyk toýy giňden bellenilýän şanly ýylymyzy şöhratlandyrýandygyny bellediler. Mukaddes Garaşsyzlyk baýramynyň öňüsyrasynda geçirilýän Türkmenistanyň Halk Maslahatynyň mejlisinde hem il-ýurt bähbitli Kararlardyr çözgütler kabul edilýär-diýip, giňişleýin gürrüň berdiler.

Ýol hereketiniň düzgünlerini berjaý edeliň!

Kitaphanalar

18.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasynyň guramagynda, 145-nji orta mekdepde “Ýol hereketiniň düzgünlerini berjaý edeliň!” atly gürrüňdeşlik geçirildi. Gürrüňdeşlikde “Ýol hereketiniň howpsuzlygy -ömrümiziň rahatlygy” atly geçirilýän bir aýlyk çäre esasynda, ýol hereketiniň düzgünleri, pyýadalar üçin gurlan geçelgeler, ýoldan geçeniňde ýol yşygy we dürli ýol belgileri, olaryň aňladýan manylary barada düşündirdiler. Şeýle-de okuwçylar bilen ýol hereketiniň düzgünleri esasynda sorag-jogap alşyldy. Gürrüňdeşligiň ahyrynda asuda, parahat, abadan ýurdumyzda raýatlaryň rahatlygy we howpsuzlygy ugrunda uly işleri alyp barýan, türkmen halkynyň Milli Lideri Gahryman Arkadagymyza, hormatly Prezidentimize alkyş sözlerini aýtdylar.

• ←
• 1
• 2
• 3
• 4
• ...
• 156
• →