HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Ertekileriň terbiýeçilik ähmiýeti

Kitaphanalar

29.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitphanasynda “Türkmen halk ertekileriniň terbiýeçilik ähmiýeti” hakynda “Miras” teleýaýlymy bilen bilelikde ýazgy edildi. Çykyş edenler ýurdumyzyň geljegi bolan ýaş nesillerimziň terbiýeli, aň-düşünjeli, ylym-bilimli, sagdyn bedenli bolup ýetişmekleri üçin ähli mümkinçilikleriň döredilýändigi barada giňişleýin gürrüň berdiler. Şeýle hem, körpe nesillerde Watana, ene topraga, zähmete bolan söýgüniň ösmeginde, batyrlyk, dogruçyllyk ýaly asylly häsiýetleriň kämilleşmeginde türkmen halk ertekileriniň terbiýeçilik ähmiýetiniň ýokarydygy, ertekilerde beýan edilýän wakalaryň çagalar üçin örän gyzykly we özüne çekiji bolup, ertekileri okan ýa-da diňlän ynsanlarda uly täsir galdyrýandygy hakynda giňişleýin durup geçdiler.

Gymmaty egsilmejek hazyna

Kitaphanalar

28.10.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň okalga zalynda “Gymmaty egsilmejek hazyna”atly kitap sergisi gurnaldy. Sergide bölümiň gaznasynda bar bolan irki neşirler sergilendi. Hazynaň kitaplary diňe bir türkmen we rus dilinde bolman, eýsem, Gündogar arap, pars, türki dillerinde we Gündogar iňlis, nemes, gadymy latyn, fransuz, italýan dillerindäki neşirler hem saklanýar. Seýrek neşirler bölümiň hazynasyndaky neşirler ХVI asyra degişli, örän seýrek gabat gelýän neşirler bolup, olary geljekki nesillere ýetirmek maksady bilen, yzygiderli kitap sergileri gurnalýar. Şeýle hem, bölümiň hazynasynda taryhy ylmy we medeni gymmatly neşirleriň görnüşleri toplanandyr. Seýrek neşirler bölümine täze gelen kitaplar hem gaznamyzy has-da baýlaşdyrýar. Türkmen halky öz taryhy ösüşiniň dowamynda ruhy gymmatlyklaryna hemişe uly gadyr goýup, oňa aýratyn ähmiýet berip gelipdir. Sergä gatnaşyjylar asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren, türkmen halkynyň Milli Lideri Gahryman Arkadagymyzyň, hormatly Prezidentimiziň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini arzuw etdiler.

“Kitaphananyň usuly işleri” atly okuw sapagy

Kitaphanalar

28.10.2026

Türkmenistanyň Döwlet medeniýet merkeziniň Döwlet kitaphanasynda “Kitaphana – rowaçlyklara badalga” atly kitaphana gurnagynyň “Kitaphananyň usuly işleri” atly okuw sapagy geçirildi. Gurnaga Türkmen döwlet medeniýet institutynyň talyplary gatnaşdylar. Ylmy-usuly bölüm usuly we usuly-bibliografiýa gollanmalary taýýarlaýar we neşir edýär hem-de welaýat we jemagat kitaphanalaryna iberýär. Bu usuly gollanmalar kitaphana işine degişli, ýazyjy-şahyrlaryň we tanymal şahsyýetleriň ömrüne we döredijiligine bagyşlanan, ýylyň şygary bilen bagly gollanmalardan we şu günki günüň wajyp meseleleri bolan ekologiýa, suw, daşky gurşawy goramak ýaly temalara bagyşlanan, medeni mirasymyza degişli gollanmalardan ybaratdygy hem-de bu usuly gollanmalaryň taýýarlanyşy, edebiýatlary ýygnamak we ýazylyş usuly barada giňişleýin gürrüň edilip, gurnagyň ahyrynda talyplar bilen kitaphana işi barada gyzykly sorag-jogap bäsleşik geçirildi. Şeýle gyzykly duşuşyklar talyp ýaşlaryň zähmete bolan höwesleriniň artmagyna ýardam edýär.

Söhbetdeşlik geçirildi

Kitaphanalar

28.10.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan bölüme täze gelen we awtoryň öz gollary bilen sowgat berlen kitaplary, okyjylar köpçüligine tanyşdyrmak maksady bilen söhbetdeşlik geçirildi hem-de bölümiň okalga zalynda kitap sergisi gurnaldy. Seýrek neşirler bölümine täze gelen ajaýyp kitaplar gaznany has-da baýlaşdyrdy. Söhbetdeşlikde täze gelen kitaplaryň her biri bilen aýratyn tanyşdyrylyp okyjylar köpçüligine ýetirildi. Türkmen halky taryhy ösüşiniň dowamynda ruhy gymmatlyklaryna hemişe uly gadyr goýup, aýratyn ähmiýet berip gelipdir. Söhbetdeşligiň ahyrynda oňa gatnaşyjylar, medeni we ruhy mirasyň halkyň köňül ganatyna öwrülmegine giň mümkinçilik döredip beren, Gahryman Arkadagymyzyň, hormatly Prezidentimiziň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini arzuw etdiler.

Kitaphana syny

Kitaphanalar

28.10.2026

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölümi tarapyndan Gahryman Arkadagymyzyň iňlis dilinde neşir edilen “Türkmenistanyň dermanlyk ösümlikleri” atly kitabynyň XVIII tomuna kitaphana syny geçirildi. Gahryman Arkadagymyzyň “Türkmenistanyň dermanlyk ösümlikeri” atly köp tomly ylmy-ensiklopedik kitaplar toplumy, türkmen topragynyň şypaly baýlyklaryny, halk lukmançylygynyň gadymy ýörelgelerini we häzirki zaman fitoterapiýasyny özünde jemleýän örän gymmatly çeşmedir. Bu kitabyň täze XVIII tomy “Dermanlyk ösümlikleriň häsiýetnamasy” hem-de “Maglumatnama” atly iki sany esasy bölümden ybarat bolup, türkmen topragynda, dag-düzlerinde bitýän gymmatly we şypaly dermanlyk otlaryň, ösümlikleriň kökleriniň, miweleriniň, şeýle hem seýrek duş gelýän endemik ösümlikleriň bejeriş aýratynlyklary giňişleýin beýan edilýär. Bu ensiklopediýa diňe bir lukmanlar we dermanşynaslar üçin däl, eýsem ösümlik dünýäsi bilen gyzyklanýan giň okyjylar köpçüligi üçin hem bahasyna ýetip bolmajak gymmatlykdyr. Ylmy-ensiklopedik iş hökmünde bu kitap dünýäniň köp dillerine terjime edilip, halkara ylmy jemgyýetçiliginde uly gyzyklanma döredýär.

Ilçi Döwlet kitaphanasy bilen tanyşdy

Kitaphanalar

27.10.2026

Türkmenistanyň Döwlet medeniýet merkeziniň Döwlet kitaphanasyna myhmançylyga gelen, Özbegistan Respublikasynyň Türkmenistandaky Adatdan daşary we Doly ygtyýarly Ilçisi Rawşanbek Alimow duz-çörek bilen garşylandy. Ilçi Gahryman Arkadagymyzyň, Arkadagly Gahryman Serdarymyzyň özbek diline terjime edilen eserleriniň sergisi bilen tanyşdy. Soňra “Daşary ýurt dillerindäki edebiýatlary” bölüminde ýerleşdirilen, Gahryman Arkadagymyzyň, Arkadagly Gahryman Serdarymyzyň daşary ýurt dillerinde terjime edilen eserleri bilen, “Seýrek neşirler” bölüminde ýerleşdirilen seýrek duş gelýän gadymy kitaplar, ilkinji döredilen neşir önümleri bilen tanyşdy. Kitaphana bilen tanyşlygynyň dowamynda Ilçi Döwlet kitaphanasynyň ýolbaşçysy bilen Özbegistan Respublikasynda gurulýan täze şaheriň 2027-nji ýylda açyljak täze kitaphanasynda Döwlet kitaphanasy bilen özbek dilindäki kitaplary alyşmak boýunça söhbet etdiler. Söhbetdeşligiň dowamynda Ilçi Gahryman Arkadagymyzyň “Hakyda göwheri” atly kitabynyň, ýakynda özbek dilinde tanyşdyrylyş dabarasynyň geçirilendigini habar berdi we ýakyn günlerde kitaphana sowgat berjekdigini mälim etdi. Şeýle hem, Özbegistan Respublikasynyň Türkmenistandaky Adatdan daşary we Doly ygtyýarly Ilçisi Rawşanbek Alimow, Türkmenistanyň Döwlet medeniýet merkeziniň Döwlet kitaphanasyna Göroglynyň poemasynyň özbek diline terjime edilen kitabyny sowgat berdi.

Asylly ýörelgeleriň şuglasy

Kitaphanalar

27.10.2026

Ynsanperwerlige, hoşniýetli goňşuçylyga, parahat söýüjilige, myhmansöýüjilige ýugrulan asylly ýörelgeler häzirki döwürde döwrebap ösdürilýär we dünýä ýaýylýar. Munuň özi merdana halkymyzyň, ynsanperwer aň-düşünjesiniň miwesidir. Giň gerimli ösüşler bolsa hormatly Prezidentimiziň eziz Diýarymyz üçin edýän taýsyz tagallalary netijesinde hasyl bolýar. Eziz Watanymyzyň beýik ösüşler barada ýaş nesle yzygiderli maglumatlaryň berilmegi olarda watansöýüjiligi, milli buýsanjy ösdürýär. Garaşsyzlygymyzyň hemişelik Bitaraplygymyzyň, parahatsöýüjilik ýörelgelerimiziň gadyr-gymmatyny we ýurdumyzyň asylly başlangyçlaryna uly ähmiýet berilýär. Ýurdumyz dünýäniň döwletleri bilen dostluk, birek-birege hormat, ynam etmek, özara ýardam bermek esasynda gatnaşygyny yzygiderli ösdürilýändigi barada gürrüň edildi. Söhbetdeşligiň soňunda işlemäge, döredijilikli zähmet çekmäge uly mümkinçilikleri döredip berýän, döwletli işleriň sakasynda duran türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, başlarynyň dik bolmagyny, il-ýurt bähbitli işleriniň rowaçlyklara beslenmegini tüýs ýürekden arzuw etdiler.

Çaga - terbiýesi mukaddesdir

Kitaphanalar

27.10.2026

Türkmenistanyň Döwlet medeniýet merkeziniň Döwlet kitaphanasynyň Bibliografiýa bölüminiň işgärleri Aşgabat şäherinde ýerleşýän 100-njy çagalar bakja-bagynda körpe nesil bilen “Çaga-terbiýesi mukaddesdir” atly söhbetdeşlik geçirdi. Körpejeleriň arasynda çagalar üçin niýetlenen ertekiler, çeper eserler, tapmaçalar, nakyllar aýdylyp, täsirli söhbet edildi we mundan başga-da ene-mamalarymyzdan galan milli mirasymyz bolan alajadyr, el-işlerimiziň gymmatlygy barada gürrüň etdiler. Birnäçe ertekili kitaplar bilen tanyşdyryldy we labyzly okuw, çeper okaýyş gurnaldy. Söhbetdeşlikde kitaphana işgärleri tarapyndan çagalary gyzyklandyrýan türkmen halk ertekilerinden birnäçesini okap, ondaky gahrymanlaryň edermenligi hakynda gürrüň berdiler. Bu bolsa çagalarda kitaba bolan söýgini has-da artdyrdy. Söhbetdeşligiň ahyrynda oňa gatnaşyjylar ösüp gelýän körpe nesliň okap, ylymly-bilimli bolup ýetişmekleri üçin giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

Medeniýetli dynç alyş

Kitaphanalar

27.10.2026

Bu gün Lebap welaýat kitaphanamyza okuwçylar dynç alýan wagtynda täze çap edilen kitaplar bilen tanyşmak üçin gezelençde boldular. Ýurdumyzda ýaşlaryň medeniýetli dynç almagy olaryň ruhy taýdan baýlaşmagyna, giň dünýägaraýyşa eýe bolmagyna we sagdyn durmuş ýörelgelerine eýermegine gönükdirilen möhüm ugurlaryň biridir. Häzirki wagtda ýaş nesil üçin dynç alyş wagtyny diňe bir wagt geçirmek däl, eýsem, özbaşdak ösüş, täze bilimleri we başarnyklary özleşdirmegiň hem bir ýolydyr. Türkmenistanda ýaşlaryň medeniýetli we peýdaly dynç almagy üçin birnäçe ajaýyp mümkinçilikler hem-de ugurlar bar. Medeniýetli dynç alyş diňe bir göwün açmak däl, eýsem şahsyýeti ösdürmek, gözýetimi giňeltmek we wagty netijeli geçirmek bilen baglanyşyklydyr. Kitap okamak we bilim almak: Kitap – akyl hazynasy. Ýaşlaryň wagtyny kitaphanalarda, okyjylar zallarynda geçirmegi, çeper we ylmy edebiýatlary öwrenmegi olaryň dünýägaraýşyny giňeldýär, hem-de sowatlylygyny artdyrýar. Medeniýetli dynç alyş ýaşlaryň boş wagtyny peýdaly zatlar bilen dolduryp, olary zyýanly endiklerden daşda durmagyny goraýar. Döredijilik ukyplaryny ýüze çykarmaga, täze dostlary tapmaga we jemgyýetde öz ornuny tapmaga ýardam berýär. Medeniýetli dynç almagy endik edinen ýaşlar geljekde öz hünärine ussat, giň pikirli we sagdyn ruhly raýatlar bolup ýetişýärler.

TÄZE GELEN KITAPLARA KITAPHANA SYNY

Kitaphanalar

27.10.2026

Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine we kitaphana täze gelip gowşan edebiýatlardan kitaphana syny geçirildi. Kitaphana synynda çykyş edenler ”Ylym” neşirýaty tarapyndan 2026-njy ýylda çap edilen A.Agajanowyň “Materiallary işläp bermegiň häzirki zaman usullary”, J.Annyýewiň “Konstruksion materiallar we tehnologik enjamlar”, W.Çopanowyň “Gazturbina desgalarynyň synagdan geçirilişi” atly kitaplary bilen tanyşdyrdylar. Bu kitaplar tehniki ýokary okuw mekdepleriniň talyplary, şeýle hem maşyngurluşyk kärhanalarynyň inžener-tehniki işgärleri üçin niýetlenendigini mälim etdiler. Kitaphana synyna gatnaşanlar Berkarar döwletiň täze eýýamynyň Galkynyşy döwründe belent ösüşleri amala aşyrýan Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

• ←
• 1
• 2
• 3
• 4
• ...
• 169
• →