HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Gyz buýsanjy – gültahýa

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda «Gyz buýsanjy-gültahýa» ady bilen gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe milli gymmatlyklarymyzy öwrenmekde we wagyz etmek asylly ýörelgä öwrülendigi hem-de milli gymmatlyklarymyzyň içinde iň gözel hem nepis sungaty bolan türkmen el keşdeden edilen el tahýalary gadymdan gelýän milli mirasymyz bolup durýandygy barada giňişleýin gürrüň berdiler. Şeýle-de el keşde tahýalarymyz asyrlardan-asyrlar aşyp, biziň şu günlerimize ene-mamalarymyzdan miras galan el-işleri nesilden-nesle geçirmek, gorap saklamak, dünýä ýaýmak her bir türkmen zenanlarynyň mukaddes borjy bolup durýandygy barada belläp geçdiler. Gürrüňdeşligiň ahyrynda milli gymmatlyklarymyzy, nepis el-işlerimizi sungat derejesine ýetirmekde uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Ertekiler dünýäsine syýahat

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasynyň guramagynda paýtagtymyzda ýerleşýän 97-nji çagalar-bakja bagynda «Ertekiler dünýäsine syýahat» ady bilen sesli okaýyş geçirildi. Çykyş edenler türkmen halk döredijiliginiň iň gadymy görnüşleriniň biri bolan ertekileriň çaga terbiýesinde çuňňur täsir etmäge ukybynyň bardygy hakynda giňişleýin gürrüň berdiler. Şeýle-de körpeje nesilleriň arasynda ertekileriň birnäçe görnüşlerinden sesli okap berdiler we ertekilerdäki gahrymanlaryň keşpleri barada özara sorag-jogap alyşdylar. Çäräniň ahyrynda arzuwlarynyň hasyl bolýan ýurdunda, geljegimiz bolan çagalar barada edýän aladalary üçin, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Garaşsyzlyk – köňülleriň buýsanjy

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkmenistanyň inžener-tehniki we ulag kommunikasiýalary institutynyň bilelikde guramagynda şanly Garaşsyzlygymyzyň 35 ýyllyk baýramy mynasybetli «Garaşsyzlyk –köňülleriň buýsanjy» ady bilen wagyz-nesihat çäresi geçirildi. Çärede çykyş edenler Garaşsyzlyk – bu berkarar Diýarymyzyň özygtyýarlygyny we bitewiligini şöhratlandyrýan mukaddeslikdigi, Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda eziz Watanymyzyň geljeginiň hatyrasyna beýik işleriň durmuşa geçirilýändigi hakynda giňişleýin gürrüň berdiler. Şeýle hem şanly Garaşsyzlygymyzyň peşgeş beren bagtyna çäksiz buýsanç duýgusy bilen ýaşaýan mähriban halkymyz, bu mukaddes baýramy şatlyk-şowhun, uly dabara bilen giňden belleýändikleri barada beýan etdiler. Çäräniň ahyrynda ata Watanymyzy ösüşlere alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň hemişe rowaçlyklara beslenmegini arzuw etdiler.

Berkden tutup Garaşsyzlyk binýadyn, Watan öňe barýar, gowşatmaz badyn

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasy, Baş bilim müdirliginiň 40-njy orta mekdebi bilen bilelikde gurnamagynda “Berkden tutup Garaşsyzlyk binýadyn, Watan öňe barýar gowşatmaz badyn” ady bilen wagyz-nesihat çäresi geçirildi. Çärede mukaddes Garaşsyzlygymyzyň 35 ýyllyk baýramy halkymyzyň ykbalynda möhüm ähmiýeti bolup, uludan toýlanyp, türkmeniň at-owazasyny äleme ýaýyp, milletiň mertebesini parahatçylyk söýüji, ynsanperwer halk hökmünde jümle-jahana ykrar eden baýramlaryň biridigi hakynda çykyş etdiler. Şeýle hem Garaşsyzlyk ata-babalarymyzyň özbaşdak döwletli bolmak baradaky arzuwlarynyň amala aşmagyna, köp asyrlyk milli we ruhy gymmatlyklarymyzy, däplerimizi dikeltmäge mümkinçilik berendigi barada belläp geçdiler. Çäräniň ahyrynda Garaşsyz, hemişelik Bitarap Türkmenistan döwletimizi gülledip ösdürmekde taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Garaşsyzlyk buýsanjym, milli mirasym

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen “Türkmenhaly” döwlet birleşiginiň Türkmen halysynyň milli muzeýiniň bilelikde guramagynda «Garaşsyzlyk buýsanjym, milli mirasym» ady bilen söhbetdeşlik geçirildi. Çykyş edenler Garaşsyzlyk ýyllarynda milli medeni we ruhy mirasymyz täzeden dikeldilip, döwlet syýasatymyzyň ileri tutulýan ugurlarynyň birine öwrülendigi hakynda söhbet etdiler. ÝUNESKO-nyň maddy däl medeni mirasynyň sanawyna girizilen gymmatlyklarymyz, türkmen halkymyzyň guwanjyna we buýsanjyna öwrülendigi barada buýsançly beýan etdiler. Söhbetdeşligiň ahyrynda gadymy milli mirasymyzy ählitaraplaýyn öwrenmäge hem-de dünýä ýaýmaga giň mümkinçilikleri döredip berýän Türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

Mukaddes Garaşsyzlyk – halkymyzyň milli buýsanjy

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy bilen Bagtyýarlyk medeniýet köşgi hem-de 7-nji çagalar sungat mekdebiniň bilelikde guramagynda şanly Garaşsyzlygymyzyň 35 ýyllygy mynasybetli Bagtyýarlyk medeniýet köşgünde «Mukaddes Garaşsyzlyk-halkymyzyň milli buýsanjy» ady bilen kitap sergisi gurnaldy we aýdym-sazly medeni çäre geçirildi. Geçirilen çärede halkymyzyň bagtyýar, erkana durmuşynyň özeninde duran, Berkarar döwletimiziň sarsmaz sütüni bolan Garaşsyzlygymyzyň 35 ýyllyk toýunyň baýram edilýän günlerinde ýurdumyzyň ähli künjekleri şatlyk-şowhuna, toý-baýramlara beslenýändigi hakynda çykyş etdiler. Şeýle-de 7-nji çagalar sungat mekdebiniň okuwçylarynyň ýerine ýetirmeklerinde birnäçe aýdym-sazlar ýaňlandy we Gahryman Arkadagymyzyň, Arkadagly Gahryman Serdarymyzyň ajaýyp eserleri esasynda gurnalan kitap sergisi çäräniň täsirini artdyrdy. Çäräniň ahyrynda oňa gatnaşyjylar ýurdumyzy beýik ösüşleriň ýoly bilen öňe alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, döwletli işleriniň elmydama rowaçlyklara beslenmegini arzuw etdiler.

Garaşsyzlyk köňülleriň buýsanjy

Kitaphanalar

22.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Arzuw şäherçe kitaphana şahamçasy we Baş bilim müdirliginiň 84-nji orta mekdebiniň bilelikde guramagynda «Garaşsyzlyk köňülleriň buýsanjy» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe toý-baýramlara beslenýän Watanymyzda, şanly Garaşsyzlygymyzyň 35 ýyllyk toýy uly dabaralar bilen bellenilýändigi, bu baýrama türkmen halkymyz öz zähmet üstünlikleri bilen barýandyklary hakynda beýan etdiler. Garaşsyzlygymyzyň halkymyza eçilen bagty, geçen taryhy döwürleriň içinde eziz Watanymyzyň ýeten beýik sepgitleri, gazanan üstünlikleri dogrusynda giňişleýin gürrüň berdiler. Çäräniň dowamynda mekdep okuwçylarynyň çykyşlaryna orun berildi. Olar Watanymyzy, beýik ösüşlerimizi, mukaddes Garaşsyzlygymyzy wasp edýän birnäçe goşgulary ýerine ýetirdiler. Çäräniň ahyrynda oňa gatnaşanlar Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Kitaphana-hazynalar ummany

Kitaphanalar

22.09.2026

Lebap welaýat kitaphanasynyň “Usuly” bölüminiň gurnamagynda etrap kitaphana müdirleriniň we hünärmenleriniň gatnaşmaklarynda “Kitaphana-hazynalar ummany” ady bilen okuw maslahaty geçirildi. Maslahatda kitaphanaçylaryň işini kämilleşdirmek, olaryň alyp barýan işlerinde çagalaryň we mekdep okuwçylarynyň okamaga bolan höwesini, elektron tehnologiýanyň mümkinçilikleri bilen utgaşdyrmak, ýaşlarda kitaba bolan söýgini ösdürmek we olary ylmy-döredijilik, tejribeçilik işlerine höweslendirmek boýunça, kitaphanalarda sanly ulgamy ornaşdyrmak, kitaphana gelip gowuşýan täze kitaplaryň bellige alynyşy, barada çykyşlar edilip, kitaphanaçylar öz arasynda sorag-jogap alyşdylar.

Söhbetdeşlik geçirildi

Kitaphanalar

22.09.2026

Türkmenistanyň B.Amanow adyndaky Döwlet çagalar kitaphanasy ýakynda Türkmenistanyň Döwlet medeniýet merkeziniň döwlet kitaphanasynda “Ýaşlyk” teleýaýlymynyň “Ýaşlyk säheri” gepleşiginiň ýazgy etmekliginde “Garaşsyzlyk we kitaphanalar” atly söhbetdeşlik geçirdi. Garaşsyzlyk ýyllary içinde ýurdumyzda kitaphana ulgamy düýpli kämilleşdirildi we täze ösüş basgançagyna çykdy. Bu günki günde mermer binalary bilen gözüňi dokundurýan köp sanly döwrebap kitaphanalar halkymyzyň ruhy hazynasyna öwrüldi. Sanlylaşdyrmak we elektron kitaphanalar hem garaşsyzlyk ýyllarynda uly derejä ýetdi. Kitap gaznalary elektron görnüşe geçirildi, okyjylar üçin sanly kataloglary we internet üsti bilen maglumat almagy ýola goýýan döwrebap tehnologiýalar ornaşdyryldy. Ine şular dogrusynda söhbetdeşligiň dowamynda giňişleýin gürrüňler edildi. Söhbetdeşligiň ahyrynda oňa gatnaşanlar kitap we kitaphana işinde döwür bilen sazlaşykly beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyşlary beýan etdiler.

Bagtyýar ýaşaýşyň hem-de beýik geljegiň binýady

Kitaphanalar

22.09.2026

Türkmenistanyň Döwlet medeniýet merkeziniň Döwlet kitaphanasy we Ýagşygeldi Kakaýew adyndaky halkara Nebit we gaz uniwersiteti bilen bilelikde Şanly Garaşsyzlygymyzyň 35 ýyllygy mynasybetli “Bagtyýar ýaşaýşyň hem-de beýik geljegiň binýady” ady bilen baýramçylyk dabarasy geçirildi. Berkarar döwletiň täze eýýamynyň Galkynyşy döwründe, 2026-njy ýyl “Garaşsyz, baky Bitarap Türkmenistan - bedew batly at-myradyň mekany” diýip atlandyrlan ýylymyzda Türkmenistanyň Döwlet medeniýet merkeziniň Döwlet kitaphanasy we Ýagşygeldi Kakaýew adyndaky halkara Nebit we gaz uniwersiteti bilen bilelikde Şanly Garaşsyzlygyň 35 ýyllygyna bagyşlanyp “Bagtyýar ýaşaýşyň hem-de beýik geljegiň binýady”-ady bilen baýramçylyk dabarasy geçirildi. Baýramçylyk dabarasynyň çäginde Döwlet kitaphanasynyň baý gaznasyndan “Garaşsyzlyk-Berkararlyk täjimiz” ady bilen kitap sergisi hem gurnaldy. Baýramçylyk dabarasyna gatnaşanlarda uly täsir galdyrdy. Ýurdumyzda bellenip geçilýän Şanly Garaşsyzlygyň 35 ýylynda ýetilen sepgitleri we gazanan üstünlikleri barada giňişleýin gürrüň berdiler. Dabaramyza talyp ýaşlar hem gatnaşdylar. Olar hem öz çykyşlarynda Garaşsyzlygymyzyň Şanly 35–ýyllygynda ýurdymyzyň gazanan üstünlikleri barda öz çykyşlarynda belläp geçdiler. Baýramçylyk dabarasynda gurnalan sergide Garaşsyzlyk ýyllarynda ýetilen sepgitler we ýurdymyzyň ösüşlerini wasp edýän kitaplar ýerleşdirildi. Şeýle-de Şanly Garaşsyzlygyň 35-ýyllygyna bagyşlanyp gurnalan sergi gatnaşyjylarda uly täsir galdyrdy. Türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

• ←
• 1
• 2
• 3
• ...
• 156
• →