Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
«Garaşsyz, baky Bitarap Türkmenistan — bedew batly at-myradyň mekany» diýlip atlandyrylan 2026-njy ýylda ýurdumyz halkara çärelerine, toý-baýramlara, şatlykly wakalara beslenýär. Agzybir halkymyzyň köňül arzuwynyň dabaralanmasyna öwrülen şunuň ýaly çuň mazmunly şygar bilen atlandyrylan bu ýylda, eziz Watanymyz mukaddes Garaşsyzlygynyň 35 ýyllyk şanly baýramyny bedew batly uly ösüşler bilen toý-baýrama beslär. Şanly Garaşsyzlygymyz ýurdumyzyň sarsmaz binýady, halkymyzyň eşretli durmuşynyň gözbaşydyr. Ýurdumyzda hem-de dünýä döwletlerinde geçirilýän medeni çäreler dost-doganlyk gatnaşyklarymyzyň has-da berkeýändigini, medeniýet diplomatiýasynyň dabaralanýandygyny aýdyňlygy bilen açyp görkezer.

HABARLAR

No image
Çagalaryň söýgüli ertekileri

Kitaphanalar

18.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasynyň guramagynda 23-nji çagalar bagynda «Çagalaryň söýgüli ertekileri» atly kitap sergisi gurnaldy we gürrüňdeşlik geçirildi. Gürrüňdeşlikde Gahryman Arkadagymyzyň, Arkadagly Gahryman Serdarymyzyň ýolbaşçylygynda erkana ýaýnaýan bagtyýar çagalaryň mähir, söýgi, üns – alada bilen gurşalýandygy, geljegimiziň aýdyň, röwşen bolmagy üçin ýaş nesiller hakyndaky aladanyň şu günüň esasy wezipesi bolup durýandygy hakynda giňişleýin gürrüň berdiler. Çäräniň dowamynda türkmen halk ertekilerinden çagalar bilen sorag-jogaplar alyşdylar, halk döredijiliginiň iň meşhur ýörgünli görnüşi bolan ertekilerden bölekleri okap berdiler. Ata-babalarymyzyň paýhasy siňen, asyrlaryň dowamynda kämilleşip, nesilleriň edep mekdebine öwrülen ertekileriň ýaşlary milli ruhy gymmatlyklar esasynda terbiýelemekde uly ähmiýete eýedigi barada belläp geçdiler. Çäräniň ahyrynda bagtyýar nesillerimiziň geljegi ugrunda uly aladalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
Söhbetdeşlik geçirildi

Kitaphanalar

17.09.2026

Türkmenistanyň Döwlet medeniýet merkeziniň Döwlet kitaphanasynda “Miras”teleýaýlymy bilen bilelikde Gahryman Arkadagymyzyň tagallasy bilen çap edilen “Paýhas çeşmesi “atly gymmatly kitabyndaky atalar sözünden söhbetdeşlik geçirildi. Söhbetdeşlikde çykyş eden kitaphana işgäri, her bir sözi pähim-paýhas ummany, atalar sözi bolan türkmen nakyllarymyzyň her biriniň many-mazmuny barada söhbet etdi. Biziň edebi mirasymyzyň ajaýyp nusgalarynyň biri bolan halk döredijiligimiz olaryň dürli görnüşleri ýagny, matallar, nakyllar, toý aýdymlary, rowaýatlar, ertekiler, halk dessanlary we beýlekiler hakynda hem giňişleýin söhbet etmek bilen, olar halk döredijiliginiň durmuşda, ýaşlary terbiýelemekde örän uly ähmiýetiniň bardygyny giňişleýin nygtadylar. Söhbetdeşligiň ahyrynda oňa gatnaşyjylar Milli Liderimiz, Gahryman Arkadagymyzyň, hormatly Prezidentimiziň janlarynyň sag bolmagyny, alyp barýan beýik işleriniň rowaçlyklara beslenmegini arzuw etdiler.

 No image
Garaşsyzlygymyza bagyşlanan söhbetdeşlik

Kitaphanalar

17.09.2026

Türkmenistanyň Döwlet medeniýet merkeziniň Döwlet kitaphanasynyň Kitaphanaara abonementi bölüminiň gurnamagynda, Garaşsyzlygymyzyň şanly 35 ýyllygy mynasybetli “Täze açyşlary äleme buşlar, Garaşsyz Bitarap berkarar Watan!” atly söhbetdeşlik geçirildi. Garaşsyz, baky Bitarap Türkmenistan döwletimiz döwletlilik ýoly bilen öňe barýar. Garaşsyzlyk ýyllary içinde ýurdumyz syýasy, ykdysady we medeni ugurlarda uly üstünliklere eýe boldy. Milli mirasymyzy, taryhy gymmatlyklarymyzy dikeltmek, olary geljekki nesillerimize ýetirmek üçin giň mümkinçilikler açyldy. Ine, şular hakynda söhbetdeşlikde nygtadylar. Söhbetdeşlikde oňa gatnaşyjylar giň mümkinçilikleri döredip berýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň hemişe rowaçlyklara beslenmegini arzuw etdiler.

 No image
Dutarym - owazym

Kitaphanalar

17.09.2026

Türkmenistanyň Bazar Amanow adyndaky Döwlet çagalar kitaphanasy ýakynda Arkadag şäheriniň Taryhy we ülkäni öwreniş muzeýinde “Arkadag” teleýaýlymynyň “Köňülleriň çyragy” gepleşiginiň ýazgy etmekliginde “Dutarym- owazym” atly söhbetdeşlik geçirildi. Garaşsyz Diýarymyzda milli sumgatymyza, şol sanda dutar ýasamak hem-de bagşyçylyk sungatyna uly sarpa goýulýar. Dutar - türkmeniň geçmişini, şu gününi we parlak geljegini birleşdirýän ruhy hazyna. Ine şular hakynda söhbetdeşligiň dowamynda täsirli gürrüňler edildi. Duşuşygyň ahyrynda oňa gatnaşyjylar milli sungatymyzy sarpalaýan Gahryman Arkadagymyza hem-de Arkadagly Gahryman Serdarymyza alkyşlaryny beýan etdiler.

 No image
Mukaddes Garaşsyzlygymyza bagyşlandy

Kitaphanalar

17.09.2026

Döwletmämmet Azady adyndaky Arkadag şäher kitaphanasy bilen Sahy Jepbarow adyndaky Arkadag şäher ýörite sazçylyk orta hünär okuw mekdebiniň bilelikde gurnamagynda, mukaddes Garaşsyzlygymyzyň şanly 35 ýyllyk baýramy mynasybetli dabaraly gepleşik guraldy. Gepleşigiň dowamynda çykyş edenler, mukaddes Garaşsyzlygymyzyň Berkarar döwletiň täze eýýamynyň Galkynyşy döwründe ýurdumyzy has-da gülledip ösdürmek we öňde goýlan belent wezipeleri üstünlikli durmuşa geçirmek ugrunda yhlas bilen zähmet çekýän halkymyzyň ruhuny belentliklere göterýändigini bellediler. Gepleşigiň ahyrynda Garaşsyzlygymyzyň binýadyny has-da berkidýän, türkmen halkynyň Milli Lideri Gahryman Arkadagymyzyň, hormatly Prezidentimiziň janlarynyň sag, ömürleriniň uzak bolmagyny, il-ýurt bähbitli döwletli işleriniň rowaçlyklara beslenmegini arzuw etdiler.

 No image
Aýdym-sazly çäre

Kitaphanalar

16.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasy bilen 132-nji mekdebiniň bilelikde guramagynda mukaddes Garaşsyzlygymyzyň şanly 35 ýyllygy mynasybetli «Garaşsyzlyk baky bagtym, Watanym Türkmenistan» atly aýdym-sazly wagyz-nesihat çäresi geçirildi. Çärede çykyş edenler, mähriban halkymyzyň Garaşsyzlyk baýramyna bagtyýarlygyň, berkararlygyň beýik baýramy hökmünde aýratyn sarpa goýýandygyny, Garaşsyzlygyň ýurdumyzy taryhy özgerişlere besläp, parahatçylyk söýüji agzybir halkymyzy ajaýyp döwre, bagtyýar durmuşa ýetirendigi barada bellediler. Şeýle hem, mukaddes Garaşsyzlygymyzyň şanly 35 ýyllyk baýramynyň bellenilýän ýylynda türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň taýsyz tagallalary netijesinde parahatçylygyň, ruhubelentligiň ýurdy hökmünde Watanymyzyň dünýä ýaň salýan beýik şan-şöhratynyň, halkara abraýynyň artýandygyna şaýatlyk edýän wakalaryň halkymyzy beýik üstünliklere ruhlandyrýandygy barada gürrüň berdiler. Çäräniň dowamynda döredijilik işgärleriniň täsirli çykyşlary, okap beren goşgulary, mekdep okuwçylarynyň aýdym-sazly baýramçylyk çykyşlary, çärä özboluşly öwüşgin çaýdy. Çäräniň ahyrynda oňa gatnaşyjylar Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, il-ýurt bähbitli beýik işleriniň rowaçlyklara beslenmegini arzuw etdiler.

 No image
Duşuşyk geçirildi

Kitaphanalar

16.09.2026

Türkmenistanyň Döwlet medeniýet merkeziniň Döwlet kitaphanasynda, bu kitaphananyň Oba hojalyk edebiýatlary bölüminiň hem-de Ilkinji Zenanlar guramasynyň bilelikde guramagynda, “Ýyldyrymdan ýyndamdyr ahalteke atlary” atly duşuşyk geçirildi. Duşuşykda çykyş edenler, Niderlandlar Patyşalygynyň Kronenberg şäherinde geçirilen ahalteke atlarynyň arasynda atly sport we gözellik bäsleşiginiň dünýä çempionatynda gazanylan üstünlikler, ahalteke bedewlerimiziň şan-şöhratyny dünýä ýaýan taryhy waka boldy. Gahryman Arkadagymyzyň hem-de Arkadagly Gahryman Serdarymyzyň ahalteke bedewlerini gorap saklamak, olary köpeltmek, seýislemek we atçylyk sportuny ösdürmekde edýän taýsyz tagallalary barada giňişleýin gürrüňleri berdiler. Şeýle hem, bedew batly ösüşler bilen öňe barýan ýurdumyzyň dünýädäki abraýyny has-da belende götermekde uly işleri alyp barýan, Gahryman Arkadagymyzyň hem-de hormatly Prezidentimiziň janlarynyň sag, ömürleriniň uzak bolmagyny, il-ýurt bähbitli döwletli işleriniň rowaçlyklara beslenmegini arzuw etdiler.

 No image
Garaşsyzlygyň waspy ýaş nakgaşlaryň eserinde

Kitaphanalar

16.09.2026

Döwletmämmet Azady adyndaky Arkadag şäher kitaphanasynyň, Sahy Jepbarow adyndaky Arkadag şäher ýörite sungat mekdebiniň hem-de Arkadag teleýaýlymynyň bilelikde taýýarlamagynda “Garaşsyzlygyň waspy ýaş nakgaşlaryň eserinde” atly söhbetdeşlik geçirildi. Häzirki wagtda Gahryman Arkadagymyzyň, Arkadagly Gahryman Serdarymyzyň taýsyz tagallalary bilen ýurdumyz bedew bady bilen öňe barýar. Garaşsyz, hemişelik Bitarap Türkmenistan döwletimiz parahatçylygyň we ynanyşmagyň Watany hökmünde Ýer ýüzünde meşhurlyga eýe boldy. Gahryman Arkadagymyzyň, Arkadagly Gahryman Serdarymyzyň saýasynda, dünýä ýüzünde durmuş-ykdysady taýdan barha ösýän, ägirt uly mümkinçilikleri bolan, kuwwatly häzirki zaman döwleti hökmünde giňden tanalýar – diýip, söhbetdeşlikde çykyş edenler giňişleýin bellediler. Söhbetdeşligiň ahyrynda oňa gatnaşyjylar halkymyzyň bagtyýar ýaşaýşy ugrunda uly işleri amala aşyrýan, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
Şanly Garaşsyzlygyň şanyna

Kitaphanalar

16.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasynyň hem-de Aşgabat şäherindäki Syýahatçylyk orta hünär okuw mekdebiniň bilelikde guramagynda, «Arkadag Serdarly bagtyýar Diýar, Şanly Garaşsyzlyk toýun toýlaýar» atly wagyz-nesihat çäresi geçirildi. Çärede çykyş edenler Garaşsyzlygyň milli buýsanjymyz, ata-babalarymyzyň arzuwlan ýoly we beýik geljegimiziň berk binýady bolup durýandygy barada gürrüň berdiler. Şeýle-de mukaddes Garaşsyzlygymyzyň şanly 35 ýyllygy diňe bir taryhy sene bolman, eýsem, bütin halkymyzyň agzybirligini, Watana bolan söýgüsini we gülleýiş ýolundaky uly zähmetini görkezýän beýik baýramdygy barada belläp geçdiler. Çäräniň ahyrynda oňa gatnaşyjylar Gahryman Arkadagymyza hem-de Arkadagly Gahryman Serdarymyza alkyş sözlerini aýtdylar.

 No image
Mukaddes Garaşsyzlygymyza bagyşlandy

Kitaphanalar

16.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy bilen Aşgabat şäheriniň ýöriteleşdirilen 76-njy orta mekdebiniň bilelikde guramagynda, şanly Garaşsyzlygymyzyň 35 ýyllygy mynasybetli «Garaşsyzlyk – sen ykbalyň peşgeşi, joşa geler köňül ylham çeşmesi» atly wagyz-nesihat çäresi geçirildi. Çärede halkymyzyň hasyl bolan arzuwy, mukaddes Garaşsyzlygymyzyň 35 ýyllyk taryhy senesi toý-dabaralara beslenip, zähmetsöýer halkymyzyň mizemez agzybirliginiň waspy bolup has-da belentden ýaňlanýandygy hakynda çykyş etdiler. Şeýle-de halkymyzyň Garaşsyzlyga, hemişelik Bitaraplyga aýratyn sarpa goýýandygyny nygtadylar. Çäräniň ahyrynda oňa gatnaşyjylar halkymyzyň bagtyýar ýaşaýşy ugrunda uly işleri amala aşyrýan, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.