HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BIZ ERTEKILERDE MYHMANÇYLYKDA

Kitaphanalar

25.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda «Biz ertekilerde myhmançylykda» ady bilen 74-nji çagalar bagynda çeper okaýyş geçirildi. Türkmen halk döredijiliginiň bir görnüşi bolan ertekileri geljekki nesillerimizi aň we zehin taýdan terbiýelemekde, ruhy we edebi mirasymyza söýgi döretmekde uly ähmiýete eýe bolup, türkmen halk ertekileriniň birnäçe görnüşlerinden çeper okaldy. Şeýle-de ýaş nesillerde kitap okamaga bolan höwesi artdyrmak, olarda päklik, ahlaklylyk, edermenlik duýgularyny oýarmakda birnäçe kitaplaryň ornunyň uludygyny, aýratynam türkmen halk ertekileriniň gahrymanlarynyň häsiýetleriniň çaga terbiýesine uly täsir edýändigi barada gürrüň berildi. Geçirilen çeper okaýyşyň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

KITAPHANALAR–HALKYŇ RUHY HAZYNASY

Kitaphanalar

25.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň guramagynda hormatly Prezidentimiziň kabul eden “Türkmenistanyň kitaphana ulgamyny ösdürmegiň 2025-2029-njy ýyllary üçin Döwlet maksatnamasy” esasynda «Kitaphanalar–halkyň ruhy hazynasy» ady bilen Aşgabat şäher häkimligini toplumy binasynda söhbetdeşlik geçirildi. Çykyş edenler kitaphana-medeniýetiň aýrylmaz bölegi bolup, adamzat medeniýetiniň gymmatlygydygy we halklaryň medeni ösüşine täsirini ýetirip, adamlaryň medeniýetli, sowatly şahsyýet hökmünde kemala gelmegine ýardam edýändigi barada söhbet etdiler. Şeýle-de asuda Watanymyzda zähmet çekýän kitaphana işgärleri hormatly Prezidentimiziň Karary bilen tassyklanan “Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet maksatnamasy” esasynda öňlerinde goýlan jogapkärli wezipelere aýdyň düşünip, bildirilen uly ynamdan ruhlanýandyklary barada hem çykyş etdiler. Söhbetdeşligiň ahyrynda parahat ýurdumyzda okamaga, işlemäge, döretmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

BERKARAR WATANYŇ BAGTYÝAR ZENANLARY

Kitaphanalar

25.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň ilkinji zenanlar guramasy bilen Bagtyýarlyk etrap häkimliginiň bilelikde guramagynda “Berkarar Watanyň bagtyýar zenanlary” ady bilen Aşgabat medeni dynç alyş merkezinde söhbetdeşlik geçirildi. Söhbetdeşlikde Berkarar döwletiň täze eýýamynyň Galkynyşy döwründe, zenan mertebesi belentden tutulyp, mährem enelerimiziň, gelin-gyzlarymyzyň mähribanlygy, güler ýüzlüligi ajaýyp bahara deňelip, türkmen zenanynyň abraý derejesi, ynsanperwerligi, maşgala ojagyna wepadarlygy barada belläp geçdiler. Şeýle-de ýazyň ilkinji güni şahyr, Gurbannazar Ezizowyň doglan güniniň ýatlanyp geçilýändigi, şahyryň çuňňur durmuş pelsepelerine ýugrulan şygyrlary indi ençeme ýyllar bäri Watansöýüjiligiň, ynsanperwerligiň, gözelligiň aýdymyna öwrülip, halkyň kalbynda baky orun alandygy barada giňişleýin gürrüň berdiler. Gurbannazar Ezizow “Ýazyň-güýzüň şahyry” diýip tanalýandygy, ýöne ol Watanyna, ene-topragyna, adamlara bolan söýgüsini gursagynda göterip gezeni üçin oňa söýgüniň şahyry hem diýilýändigi barada beýan etdiler. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

2026-NJY ÝYLYŇ 27-NJI FEWRALY – 1-NJI MARTY ARALYGYNDA ÝURDUMYZYŇ TEATRLARYNDA GÖRKEZILJEK SAHNA OÝUNLARYNYŇ TERTIBI

Teatr we kino dünýäsi

25.02.2026

TÜRKMENISTANYŇ BEÝIK SAPARMYRAT TÜRKMENBAŞY ADYNDAKY BAŞ AKADEMIKI DRAMA TEATRYNDA 28.02.2026ý. «Sen söýseň meni» atly sahna oýny sagat 19:00 01.03.2026ý. «Är we aýal» atly sahna oýny sagat 19:00 __________________________________________________________ TÜRKMENISTANYŇ MAGTYMGULY ADYNDAKY MILLI SAZLY DRAMA TEATRYNDA 27.02.2026ý. «Aýdym-sazly gülki agşamy» atly teatrlaşdyrylan, aýdym-sazly tomaşa sagat 19:00 28.02.2026ý. «Durmuş diňe düýş däl» atly sahna oýny sagat 19:00 01.03.2026ý. «Gurbannazar Ezizow» atly sahna oýny sagat 19:00 __________________________________________________________ TÜRKMENISTANYŇ ALP ARSLAN ADYNDAKY MILLI DRAMA TEATRYNDA 27.02.2026ý. «Oýun bir maza iki» atly sahna oýny sagat 19:00 28.02.2026ý. «Oýun bir maza iki» atly sahna oýny sagat 19:00 01.03.2026ý. «Mähriban dideler» atly sahna oýny sagat 19:00 __________________________________________________________ A.S.PUŞKIN ADYNDAKY DÖWLET RUS DRAMA TEATRYNDA 27.02.2026ý. «Изобретательная влюбленная» atly sahna oýny sagat 19:00 28.02.2026ý. «Кривой ворон» atly sahna oýny sagat 12:00 28.02.2026ý. «Женщины 41-го – Шесть невест» atly sahna oýny sagat 19:00 01.03.2026ý. «Бовенджик» atly sahna oýny sagat 11:00, 13:00 01.03.2026ý. «Для вас милые женщины!» atly teatrlaşdyrylan, aýdym-sazly tomaşa sagat 19:00 __________________________________________________________ TÜRKMENISTANYŇ MOLLANEPES ADYNDAKY TALYPLAR TEATRY 27.02.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 28.02.2026ý. «Amanat giýew» atly sahna oýny sagat 19:00 01.03.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 __________________________________________________________ ARKADAG ŞÄHERINIŇ AMAN GULMÄMMEDOW ADYNDAKY DÖWLET DRAMA TEATRY 28.02.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 01.03.2026ý. «Älemgoşarly tomus» atly sahna oýny sagat 19:00 __________________________________________________________ TÜRKMEN DÖWLET GURJAK TEATRY 28.02.2026ý. «Baky rowaýatlar» atly sahna oýny sagat 17:00 28.02.2026ý. «Çagaly öý bazar» atly sahna oýny sagat 19:00 01.03.2026ý. «Towşanjygyň öýi» atly sahna oýny sagat 12:00, 15:00 01.03.2026ý. «Aşyklar» atly sahna oýny sagat 19:00 __________________________________________________________ BALKAN WELAÝATYNYŇ BEÝIK SAPARMYRAT TÜRKMENBAŞY ADYNDAKY DÖWLET DRAMA TEATRY 27.02.2026ý. «Jadygöýiň agyrly dişi» atly sahna oýny sagat 17:00 28.02.2026ý. «Kör garga» atly sahna oýny sagat 19:00 01.03.2026ý. «Gülki sowgady» atly teatrlaşdyrylan, aýdym-sazly tomaşa sagat 19:00 __________________________________________________________ DAŞOGUZ WELAÝATYNYŇ N.ANDALYP ADYNDAKY DÖWLET SAZLY DRAMA TEATRY 01.03.2026ý. «Tilki dostlugy» atly sahna oýny sagat 12:00 __________________________________________________________ LEBAP WELAÝATYNYŇ SEÝITNAZAR SEÝDI ADYNDAKY DÖWLET SAZLY DRAMA TEATRY 28.02.2026ý. «Watan jandan ileri» atly sahna oýny sagat 19:00 01.03.2026ý. «Aýdym-sazly gülki agşamy» atly teatrlaşdyrylan, aýdym-sazly tomaşa sagat 19:00 __________________________________________________________ MARY WELAÝATYNYŇ KEMINE ADYNDAKY DÖWLET DRAMA TEATRY 28.02.2026ý. «Dowamat» atly sahna oýny sagat 19:00 01.03.2026ý. «Bildiriş» atly sahna oýny sagat 19:00

EZIZ WATAN BEDEW BATLY ÖSÜŞLERE BESLENÝÄR

Kitaphanalar

24.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda 2026-njy ýyl «Garaşsyz, baky Bitarap Türkmenistan–bedew batly at-myradyň mekany» ýyly mynasybetli “Eziz Watan bedew batly ösüşlere beslenýär” ady bilen “Altyn asyr seýilgähinde” söhbetdeşlik geçirildi. Söhbetdeşlikde çykyş edenler “Garaşsyz, baky Bitarap Türkmenistan–bedew batly at-myradyň mekany” ýyly uly ruhybelentlige, şatlyk-şowhuna, üstünliklere beslenýändigi, ýurdumyzda alnyp barylýan giň göwrümli netijeli işler halkymyzyň bagtyýarlygyna, ýurduň gülläp ösmegine gönükdirilendigi barada gürrüň berdiler. Şeýle-de ajaýyp döwrümiziň adyna mynasyp bagtyýarlyk döwri bolup, bu günki gün agzybir jemgyýetimiziň bagtyýarlygynyň, abadan döwletimiziň berkararlygynyň mizemezliginiň beýanyna öwrülendigi barada söhbet etdiler. Söhbetdeşligiň ahyrynda halkymyzyň abadan, asuda durmuşda ýaşamagy ugrunda beýik işleri durmuşa ornaşdyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MILLI MIRAS-BEDEW BATLY ÖSÜŞLERIŇ BINÝADY

Kitaphanalar

24.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Halkara ynsanperwer ylymlary we ösüş Uniwersitetiniň bilelikde guramagynda «Milli miras-bedew batly ösüşleriň binýady» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda döwletimiz bedew batly gadamlar bilen ynamly öňe barýandygy, belent üstünliklere beslenýän ýurdymyz dünýäniň gülläp ösýän döwletleriniň hatarynda goşulandygy hakynda buýsanç bilen bellediler. Şeýle-de bagtyýar ýurdumyzyň mady we medeni ruhy baýlyklaryna, milli mirasymyza belent sarpa goýlup, geljekki ýaş nesillere ýetirmekde beýik işleriň durmuşa geçirilýändigi hakynda aýtdylar. Gurnalan göçme kitap sergisinde Gahryman Arkadagymyzyň, Arkadagly Gahryman Serdarymyzyň ajaýyp eserleri hem-de milli mirasymyza degişli birnäçe kitaplaryň ýerleşdirilmegi çärä gatnaşanlarda uly täsir galdyrdy. Çäräniň ahyrynda milli medeniýetimizi, milli mirasymyzy dikeltmekde, öwrenmekde, ýaş nesillere ýetirmekde ähli mümkinçilikleri döredip berýän Gahryman Arkadagymyza, Arkadagly Gahryman Serdarymyz alkyş sözlerini aýtdylar.

KITAPHANALAR RUHY TERBIÝÄŇ GÖZBAŞY

Kitaphanalar

24.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Magtymguly adyndaky merkezi kitaphanasynda hormatly Prezidentimiziň kabul eden “Türkmenistanyň kitaphana ulgamyny ösdürmegiň 2025 2029 njy ýyllary üçin döwlet maksatnamasy” esasynda «Kitaphanalar ruhy terbiýäň gözbaşy» ady bilen söhbetdeşlik geçirildi. Söhbetdeşlikde ýurdumyzda hormatly Prezidentimiziň baştutanlygynda durmuşa geçirilýän beýik işleriň netijesinde ata Watanymyzyň hemmetaraplaýyn ösüşlerini, kitaphana işiniň we sanly ulgamy işjeň wagyz etmek, sanly ulgamyň işini kämilleşdirmekde uly tagallalaryň edilýändigi barada giňişleýin gürrüň berdiler. Şeýle-de kitaphanalar diňe bir kitaplary okyjylara ýetirmek bilen çäklenmän, eýsem kämil maglumatlaryň dürli görnüşlerini özünde jemläp, elektron kitaplary we maglumat gorlary ýaş nesiller üçin bilim almagyň möhüm çeşmesi bolup durýandygy barada çykyş etdiler. Söhbetdeşligiň ahyrynda türkmen halkyny eşretli döwrana ýetiren Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ERTEKILER DÜNÝÄSINE SYÝAHAT

Kitaphanalar

24.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasynyň guramagynda 61-nji çagalar bagynda «Ertekiler dünýäsine syýahat» ady bilen gürrüňdeşlik geçirildi. Gürrüňdeşlikde ata Watanymyzyň ýaş nesilleriniň bagtyýar durmuşda ýaşamaklary, döwrebap bilim-terbiýe almaklary, göwnejaý dynç almaklary, Watansöýüji, zähmetsöýer bolup ýetişmekleri üçin ähli şertleriň döredilendigi barada gürrüň berdiler. Şeýle hem “Türkmen halk ertekili” kitabyndan bolsa birnäçe ertekiler okaldy we şol ertekileriň gahrymanlary we olaryň häsiýetleri barada sorag-jogaplar alşyldy. Bu geçirilen gürrüňdeşlik çagalarda uly täsir galdyrdy we çagalar özleriniň okan ertekileri barada gürrüň berdiler. Ýurdumyzda bagtyýar nesillerimiziň şadyýan gülki sesleriniň hemişe ýaňlanyp durmagy üçin bimöçber aladalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

NURANADYR «GALKYNYŞYŇ» ÝOLLARY

Muzeýler

24.02.2026

Bedew bady bilen öňe barýan türkmen halkymyzyň her bir güni toý baýramlara, şanly senelere beslenen. Muňa hut şu ýylymyzyň “Garaşsyz, baky Bitarap Türkmenistan – bedew batly at – myradyň mekany” ýyly diýilmegi hem uly şaýatlyk edýär. Türkmen halkynyň milli gymmatlyklarynyň naýbaşysy bolan ahalteke bedewlerine uly hormat we sarpa goýulmagy bilen, halkymyzyň şöhratly taryhynyň has-da müňýyllyklaryň jümmüşinden alyp gaýdýandygy görmek bolýar. Şany dünýä dolan “Galkynyş” milli at üstündäki oýunlar toparynyň üstünlikleri diýseň guwandyryjydyr. Ýaňy ýakynda Monte-Karlo şäherinde geçirilen 48-nji halkara sirk sungaty festiwalynda “Galkynyş” milli at üstündäki oýunlar toparyna sirk sungatyna uly goşandy üçin Bütindünýä sirk federasiýasy hem-de Ýewropa Sirk assosiasiýasy tarapyndan halkara şahadatnamalaryň gowşurylmagy ahalteke bedewlerimiziň dünýädäki at-abraýynyň barha belende göterilýändiginiň aýdyň subutnamasydyr. Şeýle hem ýurdumyzda bedew batly beýik ösüşleriň, taryhy özgertmeleriň ähmiýetini wagyz etmek maksady bilen Lebap welaýatynda “Galkynyş” milli at üstündäki oýunlar toparynyň iş saparyna gelmegi hem-de Lebap welaýat taryhy we ülkäni öwreniş muzeýinden badalga almagy muzeý işgärleriniň buýsanjyny artdyrdy. Bu topar muzeyde myhmançylykda bolup, gadymy mirasy gymmatlyklarymyzy we gurnalan ajaýyp sergimizi uly gyzyklanma bilen synladylar. Halkymyzyň milli mirasyny, milli sungatyny içgin öwrenip we ony halka wagyz etmekde giň ýol açan Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, alyp barýan il ýurt bähbitli işleri rowana ýollarda rowaç alsyn. _____________________________ Maral Hojakulyýewa Lebap welaýat taryhy we ülkäni öwreniş muzeýiniň uly ylmy işgäri  

DAŞARY ÝURTLY HYZMATDAŞLAR BILEN NETIJELI DUŞUŞYKLAR

Täzelikler

24.02.2026

23-nji fewralda Türkmenistanyň Maliýe we ykdysadyýet ministrliginde Aşgabada iş sapary bilen gelen Ýewropanyň maýa goýum bankynyň Aziýa, Merkezi Aziýa we Ýuwaş umman sebiti boýunça departamentiniň başlygy Edwardas Bumsteinasyň ýolbaşçylygyndaky wekiliýet bilen duşuşyk geçirildi. Duşuşykda Türkmenistanda amala aşyrylýan ykdysady ösüş strategiýasynda halkara hyzmatdaşlygy giňeltmäge, hususan-da, abraýly maliýe guramalary, bank-karz düzümleri bilen gatnaşyklary işjeňleşdirmäge möhüm ähmiýet berilýändigi bellenildi. Şunuň bilen baglylykda, geçen ýylyň aprelinde hormatly Prezidentimiz Serdar Berdimuhamedowyň Özbegistan Respublikasyna amala aşyran iş saparynyň dowamynda Samarkant şäherinde geçirilen «Merkezi Aziýa-Ýewropa Bileleşigi» birinji sammitiniň çäklerinde Ýewropanyň täzeleniş we ösüş bankynyň ýolbaşçysy bilen bolan duşuşygyna üns çekildi. Taraplar şu barada aýdyp, özara bähbitli hyzmatdaşlygy ilerletmäge gyzyklanma bildirýändiklerini beýan etdiler. Myhmanlaryň ýurdumyza iki günlük saparynyň maksady Türkmenistan bilen Ýewropanyň maýa goýum bankynyň arasynda Çarçuwaly ylalaşygyň taslamasy boýunça jemleýji gepleşikleri geçirmekden ybaratdyr. Wekiliýet agzalarynyň Türkmenistanyň Maliýe we ykdysadyýet ministrliginde bolan duşuşygynda geçen ýylyň dowamynda hem-de şu ýyl ministrlik tarapyndan degişli ylalaşygyň taslamasyna birnäçe gezek garalandygy hem-de taslama boýunça garaýyşlaryň beýan edilendigi nygtaldy we şu saparyň çäklerinde bu ylalaşygyň gutarnykly görnüşiniň ylalaşylmagyna umyt bildirildi. Bellenilişi ýaly, Türkmenistan üçin Ýewropanyň maýa goýum banky bilen hyzmatdaşlyk birnäçe ileri tutulýan ugurdan ybarat. Şolaryň biri ulag ulgamynda, mysal üçin, Hazarüsti ulag geçelgesini maliýeleşdirmek boýunça hyzmatdaşlyk etmek bilen baglydyr. Hazarüsti ulag geçelgesiniň döredilmegi Merkezi Aziýa we Ýewropa döwletleriniň ulag boýunça arabaglanyşygyny has-da gowulandyrmaga mümkinçilik berer. Bulardan başga-da, häzirki wagtda SPECA maksatnamasynyň çäklerinde bu geçelgäni sanlylaşdyrmak babatda “Ýol kartasyny” durmuşa geçirmek boýunça işleriň amala aşyrylýandygy aýdyldy. Ýewropanyň maýa goýum banky bilen hyzmatdaşlyk etmegiň ýene bir ugry sanly ulgamy öz içine alýar. Şunuň bilen baglylykda, Türkmenistanyň döwlet syýasatynyň strategik ugry hökmünde sanly özgertmelere aýratyn ähmiýet berýändigi nygtaldy. Energetika, suw hojalygy ulgamyndaky taslamalar hem möhüm maýa goýum taslamalarydyr. Şoňa görä-de, duşuşykda energetika ulgamyndaky hyzmatdaşlygy ösdürmegiň meselelerine üns çekilip, Türkmenistanda bu ulgamy diwersifikasiýalaşdyrmak bilen bir hatarda, arassa, daşky gurşawa zyýansyz “ýaşyl” energetika boýunça maksatnamalaýyn işleriň alnyp barylýandygy barada aýdyldy. Ýewropa banklarynyň ýurdumyzda amala aşyrylýan durnukly energetika taslamalaryna we täze başlangyçlara gatnaşmagy üçin uly mümkinçilikleri bar. ______________________________ «Türkmenistan» gazeti

• ←
• 1
• ...
• 15
• 16
• 17
• ...
• 144
• →