HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

2026-njy ýylyň 27-29-njy marty aralygynda ýurdumyzyň teatrlarynda görkeziljek sahna oýunlary

Teatr we kino dünýäsi

26.03.2026

#### Türkmenistanyň Beýik Saparmyrat Türkmenbaşy adyndaky baş akademiki drama teatrynda * 28.03.2026ý. «Giýewleriň bäsleşigi» atly sahna oýny 19:00 * 29.03.2026ý. «Hoşlaşasym gelenok» atly sahna oýny 19:00 #### Türkmenistanyň Magtymguly adyndaky milli sazly drama teatrynda * 28.03.2026ý. «Bir ojakda iki dünýä» atly sahna oýny 19:00 * 29.03.2026ý. «Toýmyza gel, toýmyza» atly sahna oýny 19:00 #### Türkmenistanyň Alp Arslan adyndaky milli drama teatrynda * 27.03.2026ý. «Ketekde kim bar» atly sahna oýny 11:00 * 27.03.2026ý. «Garaşanym» atly sahna oýny 19:00 * 28.03.2026ý. «Näzli dildarym» atly sahna oýny 19:00 * 29.03.2026ý. «Söýgi duralgasy» atly sahna oýny 19:00 #### A.S.Puşkin adyndaky döwlet rus drama teatrynda * 27.03.2026ý. «Три поросенка и серый волк» atly sahna oýny 11:00 * 27.03.2026ý. «Три поросенка и серый волк» atly sahna oýny 13:00 * 27.03.2026ý. «Муж для Памелы» atly sahna oýny 19:00 * 28.03.2026ý. «Дюймовочка» atly sahna oýny 12:00 * 28.03.2026ý. «Дюймовочка» atly sahna oýny 14:00 * 28.03.2026ý. «Шикарный мужчина» atly sahna oýny 19:00 * 29.03.2026ý. «Кто живёт под крыльцом?» atly sahna oýny 11:00 * 29.03.2026ý. «Кто живёт под крыльцом?» atly sahna oýny 13:00 * 29.03.2026ý. «Волки и овцы» atly sahna oýny 19:00 #### Türkmenistanyň Mollanepes adyndaky talyplar teatry * 28.03.2026ý. «Arşyn mal alan» atly sahna oýny 19:00 * 29.03.2026ý. «Sakawyň soňuna seret» atly sahna oýny 19:00 #### Arkadag şäheriniň Aman Gulmämmedow adyndaky döwlet drama teatry * 28.03.2026ý. «Gumly gelin» atly sahna oýny 19:00 * 29.03.2026ý. «Ýagyş ýagan gijesi» atly sahna oýny 19:00 #### Türkmen döwlet gurjak teatry * 28.03.2026ý. «Towşanjygyň öýi» atly sahna oýny 17:00 * 28.03.2026ý. «Wah bu söýgi-dä» atly sahna oýny 19:00 * 29.03.2026ý. «Altyn jüýje» atly sahna oýny 12:00 * 29.03.2026ý. «Altyn jüýje» atly sahna oýny 17:00 * 29.03.2026ý. «Aladdin» atly sahna oýny 19:00 #### Balkan welaýatynyň Beýik Saparmyrat Türkmenbaşy adyndaky döwlet drama teatry * 27.03.2026ý. «Hyýalymdaky şazadam» atly sahna oýny sagat 17:00 * 28.03.2026ý. «Bir güniň aladasy» atly sahna oýny sagat 19:00 * 29.03.2026ý. «Daş myhman» atly sahna oýny sagat 19:00 #### Daşoguz welaýatynyň N.Andalyp adyndaky döwlet sazly drama teatry * 28.03.2026ý. «Galkynan göwünler» atly sahna oýny sagat 19:00 * 29.03.2026ý. «Çynymy aýtsam» atly sahna oýny sagat 19:00 #### Lebap welaýatynyň Seýitnazar Seýdi adyndaky döwlet sazly drama teatry * 28.03.2026ý. «Söýmedige süýkenme» atly sahna oýny sagat 19:00 * 29.03.2026ý. «Ilkinji söýgim» atly sahna oýny sagat 19:00 #### Mary welaýatynyň Kemine adyndaky döwlet drama teatry * 28.03.2026ý. «Mülk» atly sahna oýny sagat 19:00 * 29.03.2026ý. «Müneçjim» atly sahna oýny sagat 19:00

«Dünýäde ýaňlanýar ajap dessanym, toý tutýar Garaşsyz Türkmenistanym!» atly festiwalyň açylyş dabarasy

Medeni miras

26.03.2026

Şahandaz, dilewar, märekesöýer halkymyz tarapyndan asyrlaryň dowamynda halk döredijilik eserleriniň umman ýaly hazynasy döredilipdir. Şol hazynanyň gymmatly bölegini epiki mirasymyz eýeleýär. Eposdyr dessanlar epiki mirasymyzyň ajaýyp nusgalarydyr. Olar agramlylygy, çeperligi, jadylaýjy täsiri bilen tapawutlanýar. Dessanlar heňňamlar içre halkymyza ruhy lezzet berip geldi. Dessançy bagşylaryň ýerine ýetirmeginde tutumly toýlarda, dabaralarda aýdylyp gelen dessanlaryň we şadessanlaryň halkyň ruhuny götermekde, olarda geljege bolan umytly garaýyşlary döretmekde ähmiýetli orny eýeläp gelendigi ählimize mälimdir. Çünki aýdym-saz ynsanyň ruhuny täzeleýän hem-de halkyň taryhyny şöhlelendirýän sungatdyr. Olarda halkyň geçmişi, şatlygy, göwün gussasy, durmuşynyň aýry-aýry pursatlary öz beýanyny tapýar. Mälim bolşy ýaly «Görogly dessançylyk sungaty» 2015-nji ýylda Türkmenistan tarapyndan hödürlenen ilkinji milli hödürnama hökmünde, ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizildi hem-de umumadamzat gymmatlygy hökmünde ykrar edildi. Dessançylyk – türkmen milli aýdym we saz sungatynyň aýratyn bir ugry. Halkyň gyzgyn söýgüsine mynasyp bolan bu sungat bagşydan sesiniň, ýatkeşliginiň we ýerine ýetirijilik ussatlygynyň ýokary derejesini talap edýän we köpasyrlyk taryha eýe bolan sungatdyr. Berkarar döwletiň täze eýýamynyň Galkynyşy döwründe, Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda halkyň ömürlik hemrasyna öwrülen bu ajaýyp sungatymyzy dünýä ýaýmakda, özboluşly ussatlygy bilen tanalýan dessançy bagşylarymyzyň döredijiligini we olaryň esasyny goýan halypa-şägirtlik mekdebini döwrebap ýollar bilen ösdürmekde ähli mümkinçilikler we şertler döredilýär. Şol maksatdan ugur alnyp, Daşoguz welaýatynda Türkmenistanyň Medeniýet ministrliginiň, ÝUNESKO-nyň işleri barada Türkmenistanyň Milli toparynyň sekretariatynyň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Daşoguz welaýat häkimliginiň bilelikde guramagynda geçirilýän, ýurdumyzyň dessançy bagşylarynyň gatnaşmaklarynda «Dünýäde ýaňlanýar ajap dessanym, toý tutýar Garaşsyz Türkmenistanym!» atly festiwal öz işine başlady. 26-njy martda ir säher bilen demir ýol menzilinde festiwala gatnaşyjylar duz-çörekli garşylandy. Daşoguzyň Nurmuhammet Andalyp adyndaky döwlet sazly drama teatrynyň öňündäki meýdançada medeniýet, sungat ussatlarynyň çykyşlary ýaýbaňlandyryldy hem-de milli gymmatlyklarymyzyň sergisi guraldy. Bu teatrda «Dünýäde ýaňlanýar ajap dessanym, toý tutýar Garaşsyz Türkmenistanym!» atly festiwalyň açylyş dabarasy boldy. Festiwalyň açylyş dabarasyna Arkadag we Aşgabat şäherlerinden, ýurdumyzyň ähli welaýatlaryndan dessançy bagşylar we ussat sazandalar, şeýle hem alymlar, medeniýet we sungat işgärleri gatnaşdylar. Açylyş dabarasynyň çäklerinde, Daşoguzyň Nurmuhammet Andalyp adyndaky döwlet sazly drama teatrynyň foýesinde türkmen milli aýdym-saz senetçiligine hem-de milli gymmatlyklarymyza bagyşlanan sergi guraldy. Dessançylyk sungaty, bu sungatyň özboluşly aýratynlygy, ýerine ýetirijilik däpleri, halypa-şägirtlik gatnaşyklary barada gyzykly çykyşlar edildi. Açylyş dabarasynda Arkadag we Aşgabat şäherlerinden, ähli welaýatlarymyzdan gatnaşýan dessançy bagşylarymyzyň ýerine ýetirmeginde «Görogly» eposyndan şahalar hem-de beýleki türkmen dessanlary belentden ýaňlandy. Günüň ikinji ýarymynda Şabat etrabynyň Dilewar geňeşliginiň Altyn ýol oba medeniýet öýünde «Dessançy bagşylar joşa gelende» atly ylmy-amaly maslahat geçirildi. Maslahata sungaty öwreniji alymlar, mugallymlar we ussat bagşy-sazandalar gatnaşdylar. Maslahatda dessançylyk sungatynyň umumadamzat ähmiýeti, ösüş taryhy, dessançylyk ýolunyň ussat halypalary, bu gadymy sungatyň ýerine ýetiriliş aýratynlyklary hakynda täsirli çykyşlar, dessançy bagşylaryň ussatlyk bilen ýerine ýetiren dessanlary bilen utgaşdy. Şeýle hem, Daşoguzyň Nurmuhammet Andalyp adyndaky döwlet sazly drama teatry tarapyndan sahnalaşdyrylan «Goly sazly, tili sözli Görogly» atly sahna oýny festiwala gatnaşyjylarda ýatdan çykmajak täsir galdyrdy. Festiwalyň açylyş dabarasyna gatnaşyjylar türkmen halkynyň gadymy döwürlerden gözbaş alyp gaýdan medeniýetiniň we sungatynyň düýpli öwrenilmegi hem-de kämilleşdirilmegi ugrunda uly tagallalar edýän, Gahryman Arkadagymyza, Arkadagly Gahryman Serdarymyza çäksiz alkyşlaryny beýan etdiler. Ogultäç HOJANAZAROWA, Türkmenistanyň Medeniýet ministrliginiň Maddy däl medeni miras müdirliginiň başlygynyň orunbasary

ÜLKÄME TOÝ BOLUP GELEN, ÝAZLARYM

Kitaphanalar

26.03.2026

Lebap welaýat kitaphanasynyň Ülkäni öwreniş we düşündiriş sorag-jogap bölüminiň kitaphanaçylarynyň gurnamaklarynda Türkmenabat şäheriniň 23-nji çagalar bagynda “Ülkäme toý bolup gelen, ýazlarym!» ady bilen çagalar ertirligini geçirdiler. Çäräniň dowamynda «Garaşsyz, baky Bitarap Türkmenistan – bedew batly at-myradyň mekany» ýylymyza bagyşlap, Watanymyzy, tebigatymyzy bahar paslyny wasp edilýän goşgular okalyp, bahar paslynda taýýarlanylýan gadymy türkmen milli tagamy bolan semene baradaky rowaýaty okap berildi. Çagalaryň arasynda sorag-jogap alşyldy. Bu ajaýyp pursatlar cagalarda örän täsir galdyrdy. Ýaş körpeler Gahryman Arkadagymyza, Arkadagly Gahryman Serdarymyza goşgularyň üsti bilen ýürek töründen çykan alkyş sözlerini aýtdylar.

KITAPHANANYŇ USULY IŞLERI

Kitaphanalar

26.03.2026

Türkmenistanyň Döwlet medeniýet merkeziniň Döwlet kitaphanasynyň Ylmy-usuly bölümi kitaphana ulgamyny ösdürmekligiň 2025-2029-njy ýyllar üçin Döwlet maksatnamasyndan ugur alyp, talyp ýaşlaryň arasynda “Kitaphananyň usuly işleri” atly okuw sapagyny gurnady we söhbetdeşlik geçirdiler. Söhbetdeşlige Türkmen döwlet medeniýet institutynyň hem-de Türkmen döwlet medeniýet we sungat mekdebiniň talyplary gatnaşdylar. Ylmy-usuly bölüminiň kitaphanaçylary özleriniň alyp barýan işleri barada, usuly we usuly-bibliografiýa gollanmalary, ýazyjy-şahyrlaryň we tanymal şahsyýetleriň ömrüne we döredijiligine bagyşlanan gollanmalary taýýarlaýandygy hakynda giňişleýin gürrüň berdiler we talyp ýaşlar bilen sorag-jogap alyşdylar. Şeýle gyzykly gürrüňdeşlikler talyp ýaşlarda zähmete bolan höwesleriniň artmagyna ýardam etdi. Soňra bolsa söhbetdeşlige gatnaşyjylar kitaphana işini ösdürmekde, kitaplary ýaş nesle ýetirmekde bimöçber aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

ÇAGA TERBIÝESINDE HALK DÖREDIJILIGINIŇ ÄHMIÝETI

Kitaphanalar

26.03.2026

Türkmenistanyň Döwlet medeniýet merkeziniň Döwlet kitaphanasynyň Ylmy-usuly bölüminiň işgärleri Aşgabat şäheriniň 29-njy “Güneş” çagalar bakja-bagynda körpejeler bilen “Çaga terbiýesinde halk döredijiliginiň ähmiýeti” atly söhbetdeşlik geçirdi. Körpejeleriň arasynda çagalar üçin niýetlenen ertekiler, tapmaçalar, nakyllar, ýaňyltmaçlar aýdylyp, täsirli gürrüňler geçirildi. Birnäçe ertekili kitaplar, tapmaçalar bilen tanyşdyryldy we çeper okaýyş gurnaldy. Söhbetdeşlikde kitaphana işgärleri bilen çagalaryň arasynda labyzly okalan ertekilerden, tapmaçalardan sorag-jogap alşyldy. Bu bolsa çagalarda kitaba bolan söýgini has-da artdyrdy. Söhbetdeşligiň ahyrynda oňa gatnaşyjylar ösüp gelýän körpe nesliň okap, ylymly-bilimli bolup ýetişmekleri üçin giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

KITAPHANA SYNY

Kitaphanalar

26.03.2026

Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine we kitaphana täze gelip gowşan edebiýatlardan kitaphana syny geçirildi. Kitaphana synynda çykyş edenler Moskwada rus dilinde çap edilen “Актеры отечественного кино” atly 4 jiltlik ensiklopedik kitaplary bilen tanyş etdiler. Bu ensiklopediýa 1908-nji ýyldan häzirki wagta çenli döwürde düşürilen Russiýanyň kinosynyň aktýorlary baradaky maglumatlary öz içine alýan ilkinji şeýle görnüşdäki düýpli işdigini beýan etdiler. Kitapda ýüzlerçe aktýor we olaryň garyndaşlary bilen söhbetdeşlik geçirilip, ozal anyklaýyş edebiýatlarynda çap edilmedik köp sanly eksklýuziw aktýor biografiýalary toplanyp, ähli anyk maglumatlar aktýoryň jikme-jik filmografiýasy we suraty bilen bilelikde elipbiý tertibinde ýerleşdirilendigini mälim etdiler. Kitaba russiýaly aktýorlar bilen bir hatarda, öňki soýuz respublikalarynyň ählisiniň aktýorlary hem girizilendigini beýan etdiler. Kitapda tanymal türkmen kinoaktýorlarynyň A.Garlyýewiň, S.Myradowanyň. S.Durdyýewiň, H.Müllükowyň we ş.m. biografiýalarynyň bardygy buýsanç bilen belläp geçdiler. Kitaphana synynyň ahyrynda çykyş edenler Watan, il-halk üçin uly tagallalary edýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adamzadyň eşretli ertirlerini döwletli tutumlarynyň elmydama rowaç bolmagyny arzuw etdiler.

TALYPLARY DÖWLET KITAPHANASYNDA GEZELENJI

Kitaphanalar

26.03.2026

Türkmenistanyň Döwlet medeniýet merkeziniň Döwlet kitaphanasynda Türkmen döwlet medeniýet we sungat mekdebiniň talyplary Döwlet kitaphanasynda gezelençde boldylar. Talyp ýaşlar kitaphananyň bölümleri we iş aýratynlyklary bilen tanyş boldylar. Ýaş nesillerimiziň kitaba bolan söýgüsini ösdürip, olara kitaphanamyzyň alyp barýan döwrebap işleri bilen tanyşdyrmakda kitaphana işgärleri giňişleýin maglumatlar berdiler. Talyp ýaşlar gezelenjiň ahyrynda ösüp gelýän ýaş nesillerimiziň okamagy-öwrenmegi, bagtyýar durmuşy hakynda uly işleri durmuşa geçirýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza hoşallyk sözlerini aýtdylar.

MILLI MIRAS-BEDEW BATLY ÖSÜŞLERIŇ BINÝADY

Kitaphanalar

26.03.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi «Garaşsyz, baky Bitarap Türkmenistan-bedew batly at-myradyň mekany» ýyly mynasybetli Türkmen Döwlet ykdysadyýet we dolandyryş institutynda «Milli miras- bedew batly ösüşleriň binýady» atly hepdelik göçme kitap sergisini gurnady hem-de «Altyn asyr» teleýaýlymy bilen bilelikde «Ýaş nesiller-Watanymyzyň daýanjy» ady bilen talyp ýaşlaryň arasynda söhbetdeşlik ýazgy etdiler. Gurnalan kitap sergisinde Gahryman Arkadagymyzyň, Arkadagly Gahryman Serdarymyzyň jöwher paýhasyndan çykan dürli dillerde neşir edilen ajaýyp eserleri, ýazyjy-şahyrlaryň neşir önümleri ýerleşdirildi. Sergidäki kitaplar talyp ýaşlaryň arasynda uly gyzyklanma döretdi. Çünki bu gymmatly kitaplarda, baý taryhymyza, milli mirasymyza degişli gymmatly maglumatlar ýerleşdirilendir. Ýurdumyzda ýaşlaryň dünýä ülňülerine laýyk gelýän ýokary okuw jaýlarynda okap, bilimlerini artdyrmaklary üçin giň ýollary açyp berýän Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, alyp barýan beýik işleri mundan buýana hem rowaçlyklara beslensin.

TÜRKMENISTANYŇ PREZIDENTI SERDAR BERDIMUHAMEDOWYŇ ADYNA MÄHIRLI GUTLAGLAR

Täzelikler

26.03.2026

Hormatly Prezidentimiz Serdar Berdimuhamedowyň adyna Milli bahar baýramy — Halkara Nowruz güni mynasybetli köp sanly gutlag hatlary gelip gowuşýar. Gutlag hatlarynda döwlet we jemgyýetçilik işgärleri ata-babalarymyzyň müňýyllyklaryň dowamynda kemala getiren asylly däplerini özünde jemleýän bu bahar baýramynyň ýazyň gelendigini, tebigatyň janlanýandygyny, halklaryň parahatçylyga, döredijilige ymtylyşyny alamatlandyrýandygyny nygtaýarlar. Hatlary iberenler hormatly Prezidentimizi Nowruz baýramy bilen tüýs ýürekden gutlap, berk jan saglyk, uzak ömür, halkymyzyň bagtyýarlygynyň bähbidine alyp barýan işinde egsilmez güýç-kuwwat arzuw edýärler. «Türkmenistan» gazeti

GÖR NÄHILI HEZILLIK BAHAR GELSE ILIME, SURATYNY ÇEKEÝIN, GALAM ALYP ELIME

Kitaphanalar

24.03.2026

Türkmenistanyň B.Amanow adyndaky döwlet çagalar kitaphanasy Aşgabat şäher medeniýet müdirliginiň 2-nji çagalar sungat mekdebiniň okuwçylarynyň gatnaşmagynda «Arkaç» söwda dynç alyş merkezinde, “Aşgabat” teleýaýlymynyň «Bagtyýar çagalyk» gepleşiginiň ýazgy etmeginde «Gör nähili hezillik bahar gelse ilime, suratyny çekeýin, galam alyp elime» atly çäre geçirdi. Ýaş nesiller bahar paslynyň ajaýyplyklaryny, tebigatymyzyň gözelliklerini öz çeken suratlarynda ussatlyk bilen beýan etdiler. Kitaphana hünärmenleri Milli Bahar baýramy – Halkara Nowruz güni barada «Nowruznama» atly kitapdan okap beren maglumatlaryny uly gyzyklanma bilen diňlediler. Nowruz türkmen halk döredijiliginiň dürdäneleri bolan atalar sözlerinde-de, nakyllarynda-da, yrymlarynda-da, türkmeniň däp-dessurlarynda-da öz beýanyny tapýar. Nowruz bilen baglanyşykly döredilen aýtgylaryň, rowaýatlaryň ähmiýeti dogrusynda hem gürrüňler berdi. Çäräniň ahyrynda oňa gatnaşanlar eziz diýarymyzy baky baharyň mekanyna öwürip, ýaş nesilleriň bilimli, giň dünýägaraýyşly ynsanlar bolup ýetişmeklerinde beýik işleri durmuşa geçirýän Gahryman Arkadagymyza hem-de Arkadagly Gahryman Serdarymyza alkyşlary beýan etdiler.

• ←
• 1
• ...
• 58
• 59
• 60
• ...
• 203
• →