HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

2025-NJI ÝYLYŇ 7-9-NJY NOÝABRY ARALYGYNDA ÝURDUMYZYŇ TEATRLARYNDA GÖRKEZILJEK SAHNA OÝUNLARYNYŇ TERTIBI

Teatr we kino dünýäsi

30.10.2025

TÜRKMENISTANYŇ BEÝIK SAPARMYRAT TÜRKMENBAŞY ADYNDAKY BAŞ AKADEMIKI DRAMA TEATRYNDA 08.11.2025ý. «Wah siz aýallar...» sagat 19:00 09.11.2025ý. «Gelin gelýä...» sagat 19:00 _________________ TÜRKMENISTANYŇ MAGTYMGULY ADYNDAKY MILLI SAZLY DRAMA TEATRYNDA 08.11.2025ý. «Super gaýyn ene» sagat 19:00 09.11.2025ý. «Päk söýgüniň güýji» sagat 19:00 _________________ TÜRKMENISTANYŇ ALP ARSLAN ADYNDAKY MILLI DRAMA TEATRYNDA 07.11.2025ý. «Sakarja geçi» sagat 11:00 07.11.2025ý. «Söýgi duralgasy» sagat 19:00 08.11.2025ý. «Gumly gelin» sagat 19:00 09.11.2025ý. «Hüwdi» sagat 19:00 _________________ A.S.PUŞKIN ADYNDAKY DÖWLET RUS DRAMA TEATRYNDA 07.11.2025ý. «Когда сияет душа молодая» sagat 19:00 08.11.2025ý. «Три поросенка и серый волк» sagat 12:00 08.11.2025ý. «Индийская любовь» sagat 19:00 09.11.2025ý. «Али-Баба» sagat 11:00 09.11.2025ý. «Али-Баба» sagat 13:00 09.11.2025ý. «Изобретательная влюбленная» sagat 19:00 _________________ TÜRKMENISTANYŇ MOLLANEPES ADYNDAKY TALYPLAR TEATRY 08.11.2025ý. «Saňa ýalan maňa çyn» sagat 19:00 09.11.2025ý. «Gülki agşamy» sagat 19:00 _________________ ARKADAG ŞÄHERINIŇ AMAN GULMÄMMEDOW ADYNDAKY DÖWLET DRAMA TEATRY 08.11.2025ý. «Ýagyş ýagan gijesi» sagat 19:00 09.11.2025ý. «Saňa ýalan maňa çyn» sagat 19:00 _________________ TÜRKMEN DÖWLET GURJAK TEATRY 08.11.2025ý. «Çagalyk säheri» sagat 17:00 08.11.2025ý. «Çagaly öý bazar» sagat 19:00 09.11.2025ý. «Bir towşanjyk bar ekeni...» sagat 12:00 09.11.2025ý. «Bir towşanjyk bar ekeni...» sagat 17:00 09.11.2025ý. «Çagaly öý bazar» sagat 19:00 _________________ BALKAN WELAÝATYNYŇ BEÝIK SAPARMYRAT TÜRKMENBAŞY ADYNDAKY DÖWLET DRAMA TEATRY 07.11.2025ý. «Kejir kürre» sagat 17:00 08.11.2025ý. «Baýram han Türkmen» sagat 19:00 09.11.2025ý. «Baýram han Türkmen» sagat 19:00 _________________ DAŞOGUZ WELAÝATYNYŇ N.ANDALYP ADYNDAKY DÖWLET SAZLY DRAMA TEATRY 08.11.2025ý. «Älemgoşarly tomus» sagat 19:00 09.11.2025ý. «Gülki agşamy» sagat 19:00 _________________ LEBAP WELAÝATYNYŇ SEÝITNAZAR SEÝDI ADYNDAKY DÖWLET SAZLY DRAMA TEATRY 08.11.2025ý. «Demir aýal» sagat 19:00 09.11.2025ý. «Ilkinji söýgim» sagat 19:00

ŞAHYR TALYPLAR BILEN DÖREDIJILIK DUŞUŞYGY

Täzelikler

30.10.2025

Ýakynda Maýa Kulyýewa adyndaky Türkmen milli konserwatoriýasynda bilim alýan şahyr talyp deň-duşlarymyz bilen döredijilik duşuşygy geçirildi. Döredijilik duşuşygyna “Aýdym sungaty” hünäriniň 3-nji ýyl talyby Mähri Tekäýewa, “Kompozisiýa” hünäriniň 2-nji ýyl tayby Aýläle Gulmyradowa, “Saz mugallymçylygy” hünäriniň 4-nji ýyl talyby Ýusup Ýazgylyjow we şol hünäriň 2-nji ýyl talyby Ýusup Meredow dagylar gatnaşdylar. Duşuşygy “Sazşynaslyk” hünäriniň 3-nji ýyl talyby Uljaýewa Miýesser alyp bardy. Ilki bilen “Saz mugallymçylygy” hünäriniň 2-nji ýyl talyby Ýusup Meredowyň golýazma esasynda çap edilen “Nagmazar” atly goşgular ýygyndysynyň tanyşdyrylyşy bilen başlandy. Ýusup Meredow bu goşgular ýygyndysyny özüne türkolog, filolog, lingwist, hemem şahyr Taýmaz Seýidowyň sowgat berendigini aýdyp geçdi. Soňra özüne ýakyn goşgularynyň birini okap berdi. “Halkara parahatçylyk we ynanyşmak” ýyly hem-de Türkmenistanyň hemişelik Bitaraplygynyň 30 ýyllygyna bagyşlanyp Türkmenistanyň Döwlet energetika instituty tarapyndan çap edilen “Parahatçylyk-köňül kelamy” atly kitabynda Maýa Kulyýewa adyndaky Türkmen milli konserwatoriýasynyň talyplary Mähri Tekäýewanyň, Aýläle Gulmyradowanyň, Ýusup Ýazgylyjowyň hem-de Ýusup Meredowyň goşgularynyň neşir edilmegi bizi buýsandyrdy. Duşuşygyň dowamynda talyp deň-duşlarymyz özleriniň döredijilik ýoly barada gürrüň berdiler. Diňleýjileriň arasyndan hem “Saz mugallymçylygy” hünäriniň 1-nji ýyl talyby Altyn Taganowa hem-de şol hünäriň 4-nji ýyl talyby Döwletmyrat Gurbangeldiýew öz döreden şygyrlaryndan we belli türkmen şahyrlarymyzyň goşgularyndan okap berdiler. Duşuşygyň jeminde talyp deň-duşlarymyz ýürek buýsançlaryny goşgy bentleri bilen beýan etdiler. Biz hem öz gezegimizde olara döredijilik äleminde we okuwlarynda uly üstünlikleri arzuw etdik. Şeýle döredijilik duşuşyklarynyň, ajaýyp konsertleriň, saz festiwallaryň, bäsleşikleriň yzygiderli geçirilip durmagy talyp ýaşlarda sungatyň dürli ugurlary bilen tanyşmagynda, zehinlerini kämilleşdirmekde uly itergi bolup durýar. ________________ Altyn ÝANGYÝEWA, Maýa Kulyýewa adyndaky Türkmen milli konserwatoriýasynyň “Sazşynaslyk” hünäriniň 4-nji ýyl talyby

«ALTYN GÜÝZÜŇ WASPY» ATLY ŞAHYRLARYŇ ESERLERINE SESLI OKAÝYŞ

Kitaphanalar

30.10.2025

Türkmenistanyň Bazar Amanow adyndaky döwlet çagalar kitaphanasy ýaňy–ýakynda Aşgabat şäherindäki 28–nji ýöriteleşdirilen orta mekdebinde «Altyn güýzüň waspy» atly altyn güýzüň waspçy şahyrlarynyň eserlerinden sesli okaýyş geçirildi. Hünärmenimiz mekdebiň kitaphanaçysy bilen çagalara, şahyrlarymyzyň biziň daş–töweregimizi gurşap alan dürli agaçlaryň gözelligini, tebigatyň ajaýyplyklaryny öz setirlerinde wasp edýändigini belläp geçdiler. Söhbetdeşligiň dowamynda hünärmenimiz, ýylyň–ýylyna tirkeşip gelýän dört paslyň her biriniň öz aýratynlygyny, täsinligini, ajaýyp gözelligine eýe bolýandygyny, ýylyň dört paslynyň münewweri hasap edilýän güýz paslynda tebigatyň ajaýyplyklaryna görk goşýan dürli agaçlaryň altynsow reňki, olaryň tänip ýere düşişidigini belläp geçdi. Okuwçylar hem öz gezeginde güýzüň waspyny edýän klasik şahyrlaryň goşgularyndan labyzly okap berdiler. Soňra bolsa hünärmenimiz bilen çagalar öz aralarynda gyzykly sorag jogap alyşdylar. Söhbetdeşligiň ahyrynda ýaş neslimiz üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

GÜÝZÜŇ WE ÝAZYŇ ŞAHYRY

Kitaphanalar

30.10.2025

Türkmenistanyň Bazar Amanow adyndaky döwlet çagalar kitaphanasy ýaňy-ýakynda “Güýzüň we ýazyň şahyry” ady bilen Türkmenistanyň halk ýazyjysy, Magtymguly adyndaky Döwlet baýragynyň eýesi Gurbannazar Ezizowyň doglan gününiň 85 ýyllygy mynasybetli Türkmenistanyň Bazar Amanow adyndaky döwlet çagalar kitaphanasynda aýdym-sazly döredijilik duşuşygy geçirildi. Duşuşykda milli edebiýatymyzda öçmejek yz galdyran şahyr G.Ezizowyň gyzy, «Türkmenistanyň gurluşygy we binagärligi» žurnalynyň baş redaktory Ýazgül Ezizowa kakasy barada ýakymly ýatlamalaryny gürrüň berdi. Halypa kitaphanaçy O.Gulmuhammedowa öz çykyşynda ussat şahyryň ömri we döredijiligi, onuň körpe nesillere niýetlenen goşgularynyň ähmiýeti hakynda aýtdy. Maýa Kulyýewa adyndaky Türkmen milli konserwatoriýasynyň bagtyýar talyplary ýurdumyzyň tanymal kompozitorlarynyň G.Ezizowyň sözlerine döreden «Uzak ýaýlada enäniň hüwdüsi», «Dostlaryma», «Maňa seniň gözleriňden gitme ýok...» ýaly aýdymlary ýerine ýetirdiler. Duşuşyga gatnaşanlar bu ýerde guralan şahyryň dürli ýyllarda neşir edilen goşgular ýygyndylary, onuň zähmet we döredijilik ýoly barada gürrüň berýän döwürleýin neşirler, fotosuratlar giňden ýaýbaňlandyrylan sergini synladylar. Aýdymdyr sazlara, täsirli gürrüňlere baý bolan döredijilik duşuşygyna gatnaşanlar Gahryman Arkadagymyza, Arkadagly Gahryman Serdarymyza milli edebiýatymyzy ösdürmekde uly hyzmatlary bitiren ýazyjy-şahyrlarymyzyň döredijiligini ýaşlaryň arasynda giňden wagyz etmäge döredýän mümkinçilikleri üçin tüýs ýürekden alkyş aýtdylar.

BILDIRIŞ!

Kitaphanalar

30.10.2025

Türkmenistanyň Bazar Amanow adyndaky Döwlet çagalar kitaphanasy, Türkmenistanyň Telewideniýe, radiogepleşikler, we kinematografiýa baradaky döwlet komitetiniň «Mahabat» müdirligi bilen bilelikde mekdep okuwçylarynyň arasynda Türkmenistanyň hemişelik Bitaraplygynyň şanly 30 ýyllyk baýramy mynasybetli «Çagalar parahatçylygyň wagyzçylary» atly döredijilik bäsleşigini geçirmegi meýilleşdirýär. Bäsleşigiň esasy maksady ýaşajyk zehinleri ýüze çykarmak we olaryň ukyp-başarnyklaryny açyp görkezmekden ybaratdyr. Geçiriljek bäsleşige gatnaşmak isleýän dalaşgärleriň arzasy, onuň ýanyna goşulýan resminamalary, bäsleşik üçin hödürlenilýän işleri 2025-nji ýylyň 15-nji noýabrna çenli hasaba alnar. Gyzyklanma bildirýän ýaşlary bäsleşige gatnaşmaga çagyrýarys.

2025-nji ýylyň 1-2-nji noýabry aralygynda ýurdumyzyň teatrlarynda görkeziljek sahna oýunlarynyň tertibi

Teatr we kino dünýäsi

29.10.2025

TÜRKMENISTANYŇ BEÝIK SAPARMYRAT TÜRKMENBAŞY ADYNDAKY BAŞ AKADEMIKI DRAMA TEATRYNDA 01.11.2025ý. «Giýewleriň bäsleşigi» sagat 19:00 02.11.2025ý. «Hindi rowaýaty» sagat 19:00 ___________________ TÜRKMENISTANYŇ MAGTYMGULY ADYNDAKY MILLI SAZLY DRAMA TEATRYNDA 01.11.2025ý. «Ynsap» sagat 19:00 02.11.2025ý. «Bir ojakda iki dünýe» sagat 19:00 ___________________ TÜRKMENISTANYŇ ALP ARSLAN ADYNDAKY MILLI DRAMA TEATRYNDA 01.11.2025ý. «Yşk mekany Hindistan» sagat 19:00 02.11.2025ý. «Söweşe garşy söweş» sagat 19:00 ___________________ A.S.PUŞKIN ADYNDAKY DÖWLET RUS DRAMA TEATRYNDA 01.11.2025ý. «В гостях у сказки» sagat 12:00 01.11.2025ý. «Восемь любящих женщин» sagat 19:00 02.11.2025ý. «Похищение Чебурашки» sagat 11:00 02.11.2025ý. «Похищение Чебурашки» sagat 13:00 02.11.2025ý. «Ханума» sagat 19:00 ___________________ TÜRKMENISTANYŇ MOLLANEPES ADYNDAKY TALYPLAR TEATRY 01.11.2025ý. «Amanat giýew» sagat 19:00 02.11.2025ý. «Gülki agşamy» sagat 19:00 ___________________ ARKADAG ŞÄHERINIŇ AMAN GULMÄMMEDOW ADYNDAKY DÖWLET DRAMA TEATRY 01.11.2025ý. «Gumly gelin» sagat 19:00 02.11.2025ý. «Şowhunly tomaşa» sagat 19:00 ___________________ TÜRKMEN DÖWLET GURJAK TEATRY 01.11.2025ý. «Altyn jüýje» sagat 17:00 01.11.2025ý. «Aşyklar» sagat 19:00 02.11.2025ý. «Çagalyk älemgoşary» sagat 12:00 02.11.2025ý. «Çagalyk älemgoşary» sagat 17:00 02.11.2025ý. «Jüýteniň toýy» sagat 19:00 ___________________ BALKAN WELAÝATYNYŇ BEÝIK SAPARMYRAT TÜRKMENBAŞY ADYNDAKY DÖWLET DRAMA TEATRY 01.11.2025ý. «Gülki sowgady» sagat 19:00 02.11.2025ý. «Gumly gelin» sagat 19:00 ___________________ DAŞOGUZ WELAÝATYNYŇ N.ANDALYP ADYNDAKY DÖWLET SAZLY DRAMA TEATRY 01.11.2025ý. «Durna umydy» sagat 18:00 02.11.2025ý. «Gülki agşamy» sagat 18:00 ___________________ LEBAP WELAÝATYNYŇ SEÝITNAZAR SEÝDI ADYNDAKY DÖWLET SAZLY DRAMA TEATRY 01.11.2025ý. «Syrak» sagat 19:00 02.11.2025ý. «Gaýyn ene» sagat 19:00 ___________________ MARY WELAÝATYNYŇ KEMINE ADYNDAKY DÖWLET DRAMA TEATRY 01.11.2025ý. «Garry oýnasa gaý turar» sagat 19:00 02.11.2025ý. «Bildiriş» sagat 19:00

TÜRKMENISTANYŇ GAHRYMANY, TÜRKMENISTANYŇ HALK ÝAZYJYSY, MAGTYMGULY ADYNDAKY HALKARA BAÝRAGYNYŇ EÝESI GÖZEL ŞAGULYÝEWANYŇ KITAPLARY ESASYNDA

Kitaphanalar

29.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda 95-nji orta mekdebinde «Türkmenistanyň Gahrymany, Türkmenistanyň halk ýazyjysy, Magtymguly adyndaky Halkara baýragynyň eýesi Gözel Şagulyýewanyň» kitaplary esasynda gürrüňdeşlik geçirildi. Gürrüňdeşlikde çykyş edenler Türkmenistanyň Gahrymany, Türkmenistanyň halk ýazyjysy, Magtymguly adyndaky Halkara baýragynyň eýesi Gözel Şagulyýewanyň milli medeniýetimiziň gülläp ösmeginde, halkymyzyň köňül joşgunyny beýan etmekde, edebiýat meýdanynda uly hyzmatynyň bardygy, sungatyň şeýda bilbiline öwrülip diňe bir şelpeli şygyrlary däl, eýsem birnäçe kyssa eserleriniň hem täsirlidigi barada giňişleýin gürrüň berdiler. Gürrüňdeşligiň dowamynda şahyryň «Gezdim şygryň dünýäsinde» atly kitabyndan birnäçe goşgular çeper okaldy. Gürrüňdeşligiň ahyrynda ýazyjy şahyrymyzyň goşgularyny ýaş nesillere wagyz etmäge giň mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

«KITAPHANA-ROWAÇLYKLARA BADALGA» ATLY GURNAGYŇ SUNGAT BÖLÜMINDE «BEKU NOTALARY ÝÜKLEMEGIŇ AÝRATYNLYKLARY» ATLY SAPAGY

Kitaphanalar

29.10.2025

Türkmenistanyň Döwlet medeniýet merkeziniň Döwlet kitaphanasynda «Kitaphana–rowaçlyklara badalga» atly kitaphana gurnagynyň «BEKU notalary ýüklemegiň aýratynlyklary» atly sapagy geçirildi. Gurnaga Türkmen Döwlet Medeniýet institutynyň «Kitaphanaçylyk» fakultetiniň talyplary gatnaşdylar. Gurnaga gatnaşýan talyplara umumy sapaklarynda öwrenenlerini amallaşdyrmak maksady bilen Sungat bölüminiň işgärleri tarapyndan bölümiň aýratynlyklaryny göz öňünde tutup, BEKU nota neşirleriniň ýüklenişiniň aýratynlyklary düşündirildi, sergileriň guralyşy, bölümde ýazylýan gollanmalaryň aýratynlyklary, olardaky edebiýatlara bibliografik ýazgylaryň ýazylyşy iş tejribesinde görkezildi, bölümde bar bolan türkmen kompozitorlarynyň sazlary tehniki enjamlarda diňledildi. Şondan soň talyplar bölümiň gaznasyndaky türkmen sungatyny, taryhy-medeni gymmatlyklarymyzy beýan edýän eserlerden sergi gurnamaklyk boýunça bäsleşdiler. Türkmen taryhy, medeniýeti we olardaky täzelikleri bilen gyzyklanýan ýaş alymlara kömek bermek maksady bilen döredilen «Medeni ösüşiň yzlaryny yzlap» (ýaş alymlar üçin kömekçi kartoteka) atly kartoteka bilen talyplar içgin gyzyklandylar. Gurnaga gatnaşýan gelejekde kitaphanaçy bolmaklygy arzuw eden talyplar bu gezekki sapakda bölümiň işgärleriniň her bir görkezen işini dykgat bilen diňlediler. Bäsleşen pursatlary umumy sapaklarynda öwrenenlerini iş ýüzünde amal etmekligiň endiklerini görkezdiler. Gurnaga gatnaşan talyplar we Döwlet kitaphanasynyň işgärleri okamaga, öwrenmäge we işlemäge giň mümkinçilikleri döredip berýän Türkmen halkynyň Milli Lideri, Gahryman Arkadagymyza, Arkadagly Gahryman Serdarymyza alkyşlary aýtdylar. Goý türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, tutýan tutumly işleri rowaçlyklara beslensin.

TÜRKMEN ÝAZYJY-ŞAHYRLARYNYŇ ESERLERI

Kitaphanalar

29.10.2025

Türkmenistanyň Döwlet medeniýet merkeziniň Döwlet kitaphanasynda «Türkmen ýazyjy-şahyrlarynyň eserleri» ady bilen sergi guraldy. Berkarar döwletiň täze eýýamynyň Galkynyşy döwründe türkmen edebiýaty hem belent sepgitleri nazarlap öňe barýar. Ýazyjy-şahyrlarymyz dürli temada, ajaýyp şygyrlary, kyssa we drama eserlerini döredip, edebiýatymyzyň ösüşlerine özleriniň mynasyp goşantlaryny goşýarlar. Hormatly Prezidentimiziň medeniýet, sungat işgärleri baradaky edýän aladalaryndan ugur alyp, Türkmenistanyň Döwlet medeniýet merkeziniň Döwlet kitaphanasynda «Türkmen ýazyjy-şahyrlarynyň eserleri» ady bilen kitap sergisi guraldy. Bu kitap sergisinde görnükli türkmen halypa ýazyjy- şahyrlarynyň şeýle hem Halk ýazyjylarynyň dürli ýyllarda ýazan eserleri goýuldy. Kitap sergisini görmäge gelen okyjylar bu kitap sergisinden özleriniň gerekli soraglaryna jogap tapdylar.Şeýle hem olar ýazyjy-şahyrlaryň täze ýazan kitaplary bilen tanyş boldular. Asuda asmanyň astynda şeýle bagtyýar döwürde ýaşaýandygymyza Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýdýarys.

GAHRYMAN ARKADAGYMYZYŇ «PAÝHAS ÇEŞMESI» ATLY GYMMATLY KITABY HAKYNDA SÖHBETDEŞLIK

Kitaphanalar

29.10.2025

Türkmenistanyň Döwlet medeniýet merkeziniň Döwlet kitaphanasynda «Miras» teleýaýlymy bilen bilelikde Gahryman Arkadagymyzyň tagallasy bilen çap edilen «Paýhas çeşmesi» atly gymmatly kitaby hakynda söhbetdeşlik geçirildi. Söhbetdeşlikde çykyş eden kitaphana işgäri her bir sözi pähim-paýhas ummany,atalar sözi bolan türkmen nakyllarymyzyň her biriniň many-mazmuny barada söhbet etdi. Biziň edebi mirasymyzyň ajaýyp nusgalarynyň biri bolan halk döredijiligimiz olaryň dürli görnüşleri ýagny,matallar, nakyllar,toý aýdymlary, rowaýatlar, ertekiler,halk dessanlary we beýlekiler hakynda hem giňişleýin söhbet etmek bilen,olar halk döredijiliginiň durmuşda,ýaşlary terbiýelemekde örän uly ähmiýetiniň bardygyny giňişleýin nygtadylar. Söhbetdeşligiň ahyrynda öz ynsanperwer syýasaty bilen atlary dünýä dolan Milli Liderimiz, Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny,alyp barýan beýik işleriniň rowaçlyklara beslenmegini arzuw etdi.

• ←
• 1
• ...
• 155
• 156
• 157
• ...
• 230
• →