HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Gahryman Arkadagymyzyň “Türkmen alabaýy” atly kitaby esasynda söhbetdeşlik geçirildi

Kitaphanalar

21.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň guramagynda, Gahryman Arkadagymyzyň “Türkmen alabaýy” atly kitaby esasynda gürrüňdeşlik geçirildi. Gürrüňdeşlikde Gahryman Arkadagymyzyň “Türkmen alabaýy” atly ajaýyp eserinde, türkmen alabaýynyň taryhy, gelip çykyşy hem-de häzirki wagtda durmuşdaky orny baradaky söhbetleriň, hekaýalaryň üsti bilen giňişleýin beýan edilýändigi nygtaldy. Şeýle hem, öýüň, süriniň sak goragçysy, çopanlaryň ýakyn kömekçisi, wepaly ýoldaşy alabaýlar hakynda täsirli gürrüňler berdiler. Çäräniň ahyrynda türkmen alabaýlarynyň şöhratyny dünýä ýaýmakda uly işleri amala aşyrýan, Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Buýsanja beslenen söhbetdeşlik

Kitaphanalar

21.10.2026

Türkmenistanyň Bazar Amanow adyndaky Döwlet çagalar kitaphanasynyň guramagynda ýakynda “Aşgabat” teleýaýlymynyň “Bagtyýar çagalyk” gepleşiginiň ýazgy etmeginde “Halkara hyzmatdaşlykda dost-doganlyk gatnaşyklary pugtalanýar” atly söhbetdeşlik geçirildi. Söhbetdeşligiň dowamynda “Awaza” milli syýahatçylyk zolagynda üstünlikli geçirilen halkara çäreler we duşuşyklar, durnukly ösüşiň, parahatçylygyň we ynanyşmagyň hem-de dost-doganlyk gatnaşyklarynyň pugtalandyrylýandygyna aýdyň subutnamadyr. Merkezi Aziýa ýurtlarynyň we Azerbaýjan Respublikasynyň Döwlet Baştutanlarynyň konsultatiw duşuşygy hem-de Hazar ekologiýa sammiti sebitde durnuklylygy we howpsuzlygy üpjün etmekde döwletara gatnaşyklaryň hil taýdan täze derejelere çykýandygynyň aýdyň beýany bolup durýandygy barada buýsançly gürrüňler edildi.

Türkmen alabaýlary – milletimiziň buýsanjy we köpasyrlyk mirasy

Kitaphanalar

21.10.2026

Döwletmämmet Azady adyndaky Arkadag şäher kitaphanasynyň gurnamagynda “Türkmen alabaýlary – milletimiziň buýsanjy we köpasyrlyk mirasy” atly söhbetdeşlik geçirildi. Çäräniň dowamynda Türkmen alabaýynyň müňýyllyklardan gözbaş alýan taryhy – medeni mirasynyň, milli gymmatlyklarynyň we ruhy dünýäsiniň beýanydygy barada şeýle-de Türkmen alabaýy, ahalteke bedewleri we gözel halylarymyz bilen bir hatarda, halkymyzyň dünýä medeniýetine goşan iň uly baýlyklarynyň biridigi, müňýyllyklaryň dowamynda çopanyň iň ýakyn ýardamçysy, öý-ojagyň we mukaddes serhetleriň ygtybarly goragçysy bolandygy, ýurdumyzda her ýylyň oktýabr aýynyň ahyrynda Türkmen alabaýynyň baýramy döwlet derejesinde giňden bellenilýändigi hakynda giňişleýin söhbet edildi. Çäräniň ahyrynda bolsa bize türkmeniň ata – baba halallyk ýörelgesini dowam etdirmek, medeni mirasymyzy, däp-dessurlarymyzy dikeltmekde ähli şertleri döredip berýän Gahryman Arkadagymyza, Arkadagly Gahryman Serdarymyza hoşallyk sözleri aýdyldy.

Türkmeniň wepaly Alabaýy

Kitaphanalar

21.10.2026

Döwlet kitaphanasynyň Daşary ýurt dillerindäki edebiýatlar bölüminde “Türkmeniň wepaly Alabaýy” ady bilen türkmen halkynyň milli we ruhy gymmatlygy hasaplanýan Alabaýlarymyza bagyşlanan kitap sergisi gurnaldy. Sergide Gahryman Arkadagymyzyň daşary ýurt dillerinde neşir edilen Alabaýlarymyz baradaky kitaplary ýerleşdirildi. Mälim bolşy ýaly, köpsanly rowaýatlarda we kyssalarda wepalylygy hakynda gürrüň berilýän Alabaýlarymyz taryhy gözbaşyny asyrlaryň jümmüşinden alyp gaýdýar. Ady rowaýata öwrülen türkmeniň Alabaýlary häzir hem türkmen halkynyň aýratyn buýsanjy we ylham joşguny, onuň milli baýlygy bolmagyna galýar. Sergimizdäki goýulan kitaplar okyjylarymyzda uly gyzyklanma döretdi. Häzirki wagtda türkmen Alabaýlarymyz at-abraýyny has-da belende galdyrmakda döredip berýän giň mümkinçilikleri üçin Türkmen halkynyň Milli Lideri Gahryman Arkadagymyzyň hem-de peder ýoluny asylly dowam etdirýän Arkadagly Gahryman Serdarymyzyň belent başlarynyň aman, janlarynyň sag bolmagyny, il-ýurt bähbitli umumyadamzat ähmiýetli işleriniň elmydama rowaçlyklara beslenmegini arzuw edýäris.

Dünýä dolsyn çagalaryň gülkisi

Kitaphanalar

21.10.2026

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölüminiň gurnamagynda 48-nji çagalar bagynda “Dünýä dolsyn çagalaryň gülkisi” atly söhbetdeşlik geçirildi. Çagalar bagynda körpelere dünýä dillerindäki “ Türkmen halk ertekileriniň” birnäçe görnüşleri bilen tanyşdyrylyp çagalaryň ýaş aýratynlyklaryna garamazdan özleriniň gyzyklanýan sowallary hakynda sorag-jogap alşyldy. Şeýle hem kitaplaryň dünýä dillerinde neşir edilen nusgalary has-da gyzyklanma döredip, ählisiniň ünsüni çekmegi başardy. Berkarar döwletiň täze eýýamynyň Galkynyşy döwründe ýaş nesillerimiziň dünýä tejribesine gabat gelýän mümkinçilikler bilen üpjün edilmegi çagalaryň dünýägaraýyşynyň ösmegine daş-töwerege bolan söýgüsini has-da ýokarlandyrýar. Bagtyýar çagalarmyzyň Watana wepaly ýaşlar bolup ýetişmekleri üçin uly aladalar edýän Türkmen halkynyň Milli Lideri Gahryman Arkadagymyzyň şeýle hem hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak il-ýurt bähbitli umumyadamzat ähmiýetli alyp barýan işleri hemişe rowaçlyklara beslensin.

Medeni mirasym – mertebe

Kitaphanalar

21.10.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň okalga zalynda “Medeni mirasym – mertebe” atly kitap sergi gurnaldy. Seýrek neşirler bölümiň hazynasynda ХVI asyra we ondan soňky döwürlere degişli örän seýrek gabat gelýän neşirler bolup, olary geljekki nesillere ýetirmek maksady bilen, yzygiderli kitap sergileri gurnalýar. Şeýle-de, bölümiň hazynasynda taryhy ylmy we medeni gymmatly bolan neşirleriň görnüşleri toplanandyr. Seýrek neşirler bölümine täze gelen kitaplar hem gaznamyzy has-da baýlaşdyrýar. Bu edebiýatlaryň ählisi türkmen kitabynyň taryhyny medeni mirasymyzy taryhy ýadygärlikleri öwrenmek üçin ylmy taýdan örän gymmatly çeşmelerdir. Hazynamyzyň kitaplary diňe bir türkmen we rus dilinde bolman, eýsem-de Gündogar arap, pars, türki dillerinde we Gündogar iňlis, nemes, gadymy latyn, fransuz, italýan dillerindäki neşirler hem saklanýar. Şeýle-de irki döwürleýin neşirler hem saklanyp okyjy köpçüligine ýetirilýär. Türkmen halky öz taryhy ösüşiniň bütin dowamynda ruhy gymmatlyklaryna hemişe uly gadyr goýup, ona aýratyn ähmiýet berip gelipdir. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

Buýsanjymyz – bedewimiz

Kitaphanalar

21.10.2026

Lebap welaýat çagalar kitaphanasy “Buýsanjymyz – bedewimiz ” ady bilen hepdelik kitap sergisini gurady. Gözellikde, ýyndamlykda, deňi-taýy bolmadyk bedewlerimiziň şan-şöhraty günsaýyn belende galýar. Türkmenler bedewi iň eziz görýän ynamdar dost we wepaly kömekçi hökmünde garapdyrlar. Şonuň üçin atlaryny aýratyn alada bilen gurşap, olary dürli şaý-esbaplar bilen bezäpdirler. Behişdi bedewler hakynda ýazyjydyr şahyrlar özboluşly eserler döredip, onda behişdi bedewlerimiz we seýisçilik mirasy hakynda gyzykly maglumatlar beýan edilýär.

Garaşsyz, baky Bitarap Türkmenistan – bedew bady bilen rowaçlanýar

Kitaphanalar

21.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Türkmenistanyň medeniýet, sport, syýahatçylyk we jemgyýetçilik guramalarynyň kärdeşler arkalaşygynyň Geňeşi bilen bilelikde guramagynda “Garaşsyz, baky Bitarap Türkmenistan – bedew bady bilen rowaçlanýar” ady bilen Türkmenistanyň jemgyýetçilik guramalarynyň merkezi binasynda wagyz-nesihat çäresi geçirildi. Çärede “Garaşsyz, baky Bitarap Türkmenistan – bedew batly at-myradyň mekany” ýylynda ýurdumyzyň ösüşleri, özgerişleri adamzat bähbitli işlerde üstünlik gazanýan döwletimiziň ýaşyl baýdagynyň dünýäniň çar künjünde parlamasy, bu giň gerimli işleriň alnyp barylmagynyň subutnamasy bolup durýandygy hakynda çykyş etdiler. Şeýle-de häzirki wagtda Watanymyzda durmuşa geçirilýän özgertmeler, gazanylýan ösüşler uly üstünliklere eltýändigi, hem-de atçylyk sportyny ösdürmek, olaryň dünýädäki şöhratyny has-da belende götermek bilen baglanyşykly işleriň durmuşa geçirilýändigi barada belläp geçdiler. Çäräniň ahyrynda türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

Kitap sergisi gurnaldy

Kitaphanalar

21.10.2026

Döwlet kitaphanasynda “Dünýä döwletleri (Germaniýa)” atly tema boýunça daşary ýurt dillerindäki kitaplaryň sergisi gurnaldy. Berkarar döwletiň täze eýýamynyň Galkynyşy döwründe Döwlet Baştutanymyzyň başlangyjy bilen Bitarap Watanmyzyň daşary syýasat strategiýasynyň yzygiderli amala aşyrylmagy bilen baglylykda, dostlukly hem-de deňhukukly hyzmatdaşlygyň ösdürilmegine uly ähmiýet berilýär. Döwlet kitaphanasynda hem Germaniýa döwletiniň medeniýeti, edebiýaty, taryhy baradaky kitaplar ýerleşdirilen sergi gurnaldy. Sergide ýerleşdirilen kitaplar dostlukly halkyň däp-dessurlaryny, taryhyny we medeniýetini okyjylar köpçüligine tanyşdyrmaga uly täsir galdyrdy. Häzirki wagtda daşary ýurt dillerini we edebiýatyny öwrenmäge aýratyn ähmiýet berilýär. Sergä gatnaşanlar şeýle ajaýyp mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza sagbolsun aýtdylar.

Söhbetdeşlik geçirildi

Kitaphanalar

21.10.2026

Döwletmämmet Azady adyndaky Arkadag şäher kitaphanasynyň, “Arkadag” teleýaýlymynyň bilelikde guramagynda “Nesil terbiýesi” atly söhbetdeşlik geçirildi. Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ösüp gelýän ýaş nesillerimiz üçin uly işler amala aşyrylýar. Her bir halkyň geljegi onuň ýaş nesillerine baglydyr. Nesil ata-babalaryň ýoluny dowam etdiriji, ýurduň döredijilik güýji we döwletimiziň daýanjydyr. Şonuň üçin ýaşlary dogry terbiýelemek jemgyýetiň öňünde duran iň möhüm wezipe bolup durýar. Terbiýe diňe maşgalada däl, eýsem, jemgyýetde, mekdeplerde, jemgyýetçilik guramalarynda hem dowam edýär. Çaganyň ilkinji mekdebi onuň öýidir. Ene-atanyň sözleri, hereketleri, ýaşaýyş ýörelgesi çaganyň kalbynda yz galdyrýar. Nesil terbiýesinde milli mirasymyza, ahlaklylyk ýörelgelerine, zähmetsöýerlige, ynsanperwerlige aýratyn orun berilýär. Söhbetdeşligiň ahyrynda şeýle ajaýyp zamanada ösüp gelýän ýaş nesilleriň okamagy, öwrenmegi üçin ähli şertleri döredip berýän Gahryman Arkadagymyzyň, Arkadagly Gahryman Serdarymyzyň janlary sag bolsun, ömürleri uzak bolsun, döwletli işleriniň hemişe rowaçlyklara beslenmegini arzuw etdiler.

• ←
• 1
• 2
• 3
• 4
• ...
• 256
• →